________________
પ્રા. ઉપદેશમાલાનો ગૂર્જરાનુવાદ
અર્પણ કર્યાં.
ધનશેઠ બેડી ખોલવવા માટે લુહારને બોલાવવા માટે ગયા. ચંદના આ બાકળા દેખીને પોતાના પિતાના ઘરને યાદ કરી રડવાલાગી. ‘મને લાગલાગટ ત્રણ ઉપવાસ થયા છે, અત્યારે તેવા કોઈ અતિથિ નથી કે જેમને પ્રતિલાભીને પછી હું પારણું કરું, આવી દુઃસ્થિતિમાં પણ જો કોઇ સાધુ ભગવંત મળી જાય, તો તેમને પ્રતિલાભીને પારણું કરું.’ એ ભાવના ભાવતી હતી. તેવા સમયે ચંદનાના પુણ્યથી પ્રેરિત થયા હોય તેમ, સૂર્ય તીવ્ર તેજથી જેમ શોભતો હોયતેવા, અગ્નિમાં તપાવેલ સુવર્ણ કાંતિવાળા, જંગમ કલ્પવૃક્ષ સરખા અભિગ્રહવાળા મહાવીર ભગવંત પધાર્યા. શું બીજો મેરુ પર્વત અહિં ઉત્પન્ન થયો અથવા તો દીક્ષા ગ્રહણ કરેલ કામદેવ છે ? અથવા વૃદ્ધિમાન ધર્મદેહ છે ? તે ભગવંતને દેખીને ચિંતવવા લાગી કે, ‘અહોહો ! અત્યારે અતિથિનો મને યોગ થયો. અહોહો ! મારો પુણ્યોદય કેટલો પ્રબળ છે ? અતિથિવિષયક મારા મનોરથ પૂર્ણ થયા. પ્રભુને ઘરે આવેલા દેખીને ઝકડાએલી છતાં ઉભી થઈ, ઊંબરાની બહાર એક પગ મૂકીને આંસુપ્રવાહ ચાલી રહેલો હતો અને કહેવા લાગી કે, ‘હે ભગવંત ! આ અડદના બાકળા ગ્રહણ કરીને પ પારણું કરો.’ એ સાંભળીને ‘પોતાનો અભિગ્રહ, દ્રવ્ય, ક્ષેત્ર, કાળ અને ભાવ સ્વરૂપે પૂર્ણ થયો છે.’ એમ સ્મરણ કરીને પોતાના હાથ લંબાવી અંજલિ એકઠી કરી, એટલે સૂપડાના ખૂણામાં રહેલા બાકળા વહોરાવ્યા. તીર્થંકર પરમાત્માના પારણા-મહોત્સવમાં પોતાના પરિવાર સહિત ઇન્દ્ર મહારાજા આવ્યા. બહાર દેવદુંદુભિ વાગવા લાગી ભગંવતનો અભિગ્રહ લાંબા સમયે પૂર્ણ થવાથી સર્વે લોકો આનંદ પામ્યા. સુગંધી પુષ્પસમૂહની વૃષ્ટિ થઇ. તે સમયે રત્ન-સુવર્ણના કંકણ, મણિના હાર, વસુધારાની વૃષ્ટિ થવા લાગી. દરેક ઘરે તોરણો, ધ્વજા, ચડઉતર કળશોની શ્રેણીઓ કરવામાં આવી હતી. વસ્ત્રો ઉછાળતા હતા. કેટલાક કાપાલિકો ‘અહોહો ! સુંદર દાન આપ્યું.' એવી ઉદ્ઘોષણા કરતા હતા. હર્ષથી સુરસમુદાય નૃત્ય કરતા હતા. સીધા ચંચળ મોરપિછનો કલાપ હોય, તેમ ચંદનાના મસ્તક ઉપર કેશકલાપ ઉત્પન્ન થયો.
૪૧
પગમાં સાંકળ ઝકડી હતી, તે અદૃશ્ય થઇને સુંદર મણિમય નુપૂર દેખાવા લાગ્યા, વસંત ઋતુમાં નવીન નવીન ઉત્તમ રંગવાળાં પુષ્પો સમાન પંચ વર્ણવાળાં સુંદર રેશમી વસ્ત્રો પહેરેલા દેખાયાં. (૭૫) વળી દરેક અંગો ઉપર મરકત, માણિક્ય, ચમકતાં મોતી, પદ્મરાગ વિક્રમના જડેલા અલંકારો અને આભૂષણોથી અલંકૃત થએલી, દૂર થયેલા દૂષણવાળી ચંદના વસ્ત્રાભૂષણથી સુશોભિત દેખાવા લાગી.
હવે શતાનિક રાજાને ખબર પડી, એટલે હાથીની ખાંધ પર આરૂઢ થઈને મૃગાવતી દેવી સાથે ત્યાં આવી પહોંચ્યો. રાજસભામાં બેસનાર લોકો પણ ત્યાં આવ્યા. બીજા પણ
