________________
પ્રા. ઉપદેશમાલાનો ગૂર્જરાનુવાદ
૨૫૭ નામનો, ૯. અભિચંદ્ર, હવે નંદિષેણનો જીવ જે દેવ થયો હતો, તે તેમનો વસુદેવ નામનો નિઃસીમ સૌભાગ્યાતિશય યુક્ત દસમો વસુદેવ પુત્ર થયો. તે દશારોને કુંતી અને માદ્રી નામની બે બહેનો હતી. તેમાં વસુદેવ સમગ્ર નિર્મલ કળા-કલાપ શીખેલા હતા અને શુભસ્વભાવવાળા અને સુખ ભોગવનારા હતા.
જેવી રીતે કંસ રાજા સાથે જીવયશાને પરણાવીને તેની સાથે મૈત્રી કરીને, જેવી રીતે રોષ પામીને વસુદેવ એકલા સોરિયપુરથી નીકળી ગયા, જેવી રીતે પૃથ્વીમંડળમાં ભ્રમણ કરીને અનેક ચતુર કન્યાઓ સાથે લગ્ન કર્યા. કોઈ શેઠ કન્યા, કોઇ સામંતની, કોઈ રાજાની કે કોઈ વિદ્યાધર રાજાઓની કન્યાઓ એમ સો વર્ષ સુધી અનેક કન્યાઓ સાથે લગ્ન કર્યા.
વળી રોહિણી અને સમગ્ર પરણેલી કન્યાઓને વિમાનમાં લઇને સોરિયપુરમાં જેવી રીતે વસુદેવ આવી પહોંચ્યા, જેવી રીતે કંસરાજા મથુરામાં પોતાની પાસે લઇ ગયો અને દેવકીની પુત્રી અને પોતાની બહેન દેવકીને તેની સાથે પરણાવી. જેવી રીતે રોહિણીને બળરામ પુત્ર થયા. તથા દેવકીને ગોવિંદ પુત્ર થયા. જેવી રીતે સમુદ્રવિજય રાજાની ભાર્યા શિવાને અરિષ્ટનેમિ સ્વામી ભગવંત પુત્ર થયા, જેવી રીતે ઘરે ૫૬ દિશાકુમારીઓએ તેમનો જન્મોત્સવ કર્યો અને ૩૨ ઈન્દ્રોએ તેમને મેરુપર્વત ઉપર લઇ જઈને જન્મકલ્યાણક મહોત્સવ કર્યો.
જેવી રીતે કંસના ભયથી એકલા સૌરી રાજાએ રાત્રે ગોવિંદને લઈ જઈને ગોકુળમાં મૂક્યો. (૧૦૦) ગોકુળની અંદર નંદ અને યશોદાએ પાલન-પોષણ કરી તેને મોટો કર્યો, જેવી રીતે કેસને કેશોથી પકડી મંચ ઉપરથી નીચે પાડ્યો, જેવી રીતે જીવયશાના વચનથી ઉત્પન્ન થયો છે કોપ જેને એવા જરાસંધ રાજાએ યાદવોને જિતવા માટે કાલપુત્ર અને કાલદૂતને મોકલ્યા, જેવી રીતે યાદવો એકદમ નાસી ગયા અને સૌરાષ્ટ્ર દેશમાં પહોંચ્યા, જેવી રીતે કપટથી દેવતાએ કાલને અગ્નિમાં પ્રવેશ કરાવ્યો, જેવી રીતે ઈન્દ્રની આજ્ઞાથી કુબેર દેવતાએ રેવત પર્વત પાસે સુવર્ણ રત્નમય એવી દ્વારિકા નામની નગરી નિર્માણ કરી, જેવી રીતે ભગવાન્ અરિષ્ટનેમિ ધર્મચક્રીપદે સ્થાપન થયા અને ઘણા યાદવકુળને નિવૃત્તિ નગરી-મોક્ષમાં પહોંચાડ્યા.
આ સર્વ બીજા વૃત્તાન્તો વિસ્તારથી પૂર્વાચાર્યોએ શ્રી નેમિ ચરિત્રમાં (વસુદેવહિંડીમાં પણ) કહેલું છે, તેમાંથી જાણી લેવું. ત્યાં દશ દશાë પાંચ બલાદિક તેમ જ પ્રદ્યુમ્ન પ્રમુખ સાડા ત્રણ કોડી મહાવીર, સાઠ હજાર સાંબ વગેરે દુર્દાન્ત કુમારો, બત્રીસ હજાર રુક્મિણી પ્રમુખ અંતઃપુરની સ્ત્રીઓ આ દરેકનું આધિપત્ય હંમેશા કેશવ (કૃષ્ણ) કરતા હતા. આ
