________________
પ્રા. ઉપદેશમાલાનો ગૂર્જરાનુવાદ
૩૯૭ માતાએ પણ તે વાત સ્વીકારી તેને હાથણી પર પોતે આરૂઢ કરાવી, અભયને ખોળામાં બેસાડી જાતે જ મુખ્ય માર્ગેથી પ્રવેશ કરાવ્યો. અંતઃપુરના શ્રેષ્ઠ મહેલમાં દાખલ કરી અને સુંદર પ્રાસાદ આપ્યો. અભયકુમાર રાજકુમારને તો પોતાની નજીકનો મહેલ આપ્યો. પોતાની સુષેણા નામની બહેનની અતિ રૂપવાળી પુત્રી તેની સાથે પરણાવી. અને નવનવી અખૂટે કૃપા એકઠી થવાથી અનેક પ્રકારના ભોગો ભોગવવા લાગ્યો. રાજાએ પોતાના સમગ્ર મંત્રી-મંડલના ચૂડામણિરૂપ મહામંત્રી બનાવ્યો. રાજાનાં રાજ્ય-કાર્યોની સંભાળ કરતા તેના દિવસો પસાર થતા હતા.
શ્રેણિક રાજાએ ચેટકરાજાની સૌથી નાની પુત્રી સાથે લગ્ન કર્યો, તેની આગમમાં કહેલી ઉત્પત્તિ કહીએ છીએc૧. ચેષામહારાજાની સાત પુત્રીઓ કથા કથાં પરણી?
વૈશાલી નગરીમાં શ્રી પાર્શ્વનાથ ભગવંતના શાસનમાં હૈહય કુલમાં થએલા ચેટક નામના રાજા હતા. યુદ્ધના સંજોગમાં આવવું પડે તો જેને એક વખત બાણ ફેંકવાનો નિયમ હતો. તેનું બાણ કોઈ વખત નિષ્ફળ જતું ન હતું. સૌધર્મ ઇન્ડે આ વરદાન આપ્યું હતું.
બીજી બીજી દેવીઓથી તેને સાત પુત્રીઓ થઇ હતી. તે આ પ્રમાણે-૧ પ્રભાવતી ૨ પદ્માવતી, ૩ મૃગાવતી, ૪ શિવા, ૫ યેષ્ઠા, ૯ સુજ્યેષ્ઠા, ૭ ચેલ્લણા. ચેટકરાજાએ પોતે વિવાહરૂપ પાપનાં પચ્ચકખાણ કરેલાં હોવાથી પુત્રીની માતાઓ જ તેને જાતે પરણાવતી હતી. ચેટક રાજાને પૂછીને વીતભય નગરના ઉદાયન રાજાને પ્રભાવતી આપી હતી. જેણે છેલ્લી વખતે દીક્ષા સ્વીકારી હતી. તે જીવંતસ્વામીની પ્રતિમા આગળ નૃત્ય કરતી હતી, ત્યારે વાજિંત્ર વગાડનાર રાજાએ રાણીનું મસ્તક દેખ્યું નહિ અને અશુભ નિમિત્ત બન્યું તે. ચંપા નગરીમાં દધિવાહન રાજાને પદ્માવતી આપી, પુત્ર અને પતિનું સંગ્રામમાં મરણ થવાથી જેણે પ્રવજ્યા લીધી. કૌશાંબી નગરીમાં શતાનિક રાજાને ત્રીજી મૃગાવતી પુત્રી આપી, જેણે મહાવીર ભગવંતપાસે દીક્ષા અંગીકાર કરી. ઉજ્જૈણી નગરીના પ્રદ્યોત રાજાએ આદર-સહિત શિવા પુત્રી સાથે લગ્ન કર્યો, તેણે પણ શ્રીવીરસ્વામીના હસ્તકમળથી દીક્ષા લીધી, (૧૦૦) ક્ષત્રિયકુંડ ગામે પ્રભુના મોટા બંધુ નંદિવર્ધન, જેઓ ગુણોમાં ચડિયાતા હતા, તેમણે જ્યેષ્ઠા પુત્રી સાથે લગ્ન કર્યા, હવે છેલ્લી બે બહેનો સુયેષ્ઠા અને ચલ્લણા પરસ્પર પરમ પ્રીતિબંધવાળી અને સુંદર મનવાળી છે, જે જે હજુ કુમારિકાઓ છે. સુંદર ધર્મના મર્મને સમજનારી હોવાથી નિર્મલ મનવાળી, ગમે તેવા ધર્મ વિષયમાં પૂછેલાના પ્રત્યુત્તર આપનારી હતી.
