________________
૩૦૪
પ્રા. ઉપદેશમલાનો ગૂર્જરાનુવાદ સુવર્ણ, પથરા અને રત્નો તે પદાર્થોમાં સમાન બુદ્ધિવાળો થાય, ત્યારે પારકું દ્રવ્ય હરણ કરવાની અભિલાષા ચાલી જાય, માત્ર દ્રવ્યલિંગ-સાધુના વેષમાત્રથી આજીવિકા કરનાર તે આજીવક એટલે નિહ્નવો, તેમના ગણના નેતા અર્થાત્ ગુરુ જે જમાલી, તેમણે રાજલક્ષ્મીનો ત્યાગ કરી, આગમનો અભ્યાસ કરી જો આત્મહિત સાધ્યું હોત, તો આ ભગવંતના જમાઇ કરાતું તે કર્યું' - એવું વીર ભગવંતનું વચન તેમાં શ્રદ્ધા ન કરતા હોવાથી “આ નિદ્ભવ છે” એવી નિંદા લોક અને શાસનમાં ન પામત. (૪૪૫ થી ૪પ૯) જમાલિની કથા. ૧૮૦. જમાલિની કથા -
ક્ષત્રિયકુંડ ગામમાં વીરભગવંતના મોટા બહેનના પુત્ર જમાલિ નામના રાજા હતા. પ્રિયદર્શના નામની વીરપ્રભુની રાણીની સુદર્શના નામની પુત્રી જમાલી સાથે પરણાવી હતી. તે સુદર્શના શોભાયમાન સૌભાગ્યવાળી, મનોહર યૌવનરૂપ બગીચાની રમણીય અને વિકસિત શોભાલક્ષ્મીવાળી, નીતિ અને વિનયનું એક સ્થાન, અપાર કરુણારૂપ અમૃતના સમુદ્રસરખી શ્રીવીરભગવંતની પુત્રી તે જમાલિની ભાર્યા થઈ. તેની સાથે વિષયસુખ અનુભવતા કેટલોક મનોહરકાળ પસાર કર્યો. શહેર, નગર, ગ્રામાદિકમાં વિહાર કરતાં કરતાં કોઈક સમયે દેવાધિદેવ વીરસ્વામી બ્રાહ્મણકુંડ ગ્રામના બગીચામાં સમવસર્યા. ઉપશાલક નામના ચૈત્યમાં ઇન્દ્ર વિકુર્વેલા સમવસરણમાં પર્ષદાને ધર્મદેશના સંભળાવવા બિરાજમાન થયા. ક્ષત્રિયુકંડ ગામથી જમાલિ પણ ત્યાં આવી પહોંચ્યા. ભગવંતને ત્રણ પ્રદક્ષિણા આપીને દેશના શ્રવણ કરવાત્યાં બેઠા. ભગવંત ધર્મદેશા આપતા કહે છે કે, મિથ્યાત્વાદિકવડે જીવ કર્મથી બંધાય છે અને સમ્યક્ત, સંયમ, તપ વગેરે આચરવાથી જીવ કર્મથી મુક્ત થાય છે, જે પ્રમાણે સર્વ ગતિઓમાં દુઃખથી પીડા પામી ક્લેશ અનુભવે છે, તથા પાણીના રેંટ માફક ફરી ફરી ત્યાં ને ત્યાં જીવ ઉત્પન્ન થાય છે. કર્મની લઘુતા થવાથી સંસાર-સાગરનો પાર પામી જાય છે.' એ વગેરે યથાર્થ ઉપદેશ તીર્થનાથે આપ્યો.
આ સમયે ભવથી ત્રાસ પામેલા મનવાળો જમાલિ ભગવંતને નમસ્કાર કરી વિનંતિ કરવા લાગ્યો કે, “હે ભગવંત ! માત-પિતાની રજા મેળવીને આપની પાસે પ્રવજ્યા અંગીકાર કરીશ. ભગવંતે પણ કહ્યું કે, તેમાં તું હવે વિલંબ ન કરીશ.” એ પ્રમાણે કહેવાએલ ભગવંતને પ્રણામ કરીને પોતાના ઘરે આવીને માતા-પિતાને દીક્ષા માટે પૂછ્યું. કોઈ પ્રકારે તેમની અનુજ્ઞા મેળવીને હજાર પુરુષોથી વહન કરાય તેવી શિબિકામાં બેસી મહાવિભૂતિ સહિત ભગવાનની પાસે આવ્યો. ભગવંતે પણ ૫૦૦ રાજપુત્ર સહિત તેને પ્રવ્રજ્યા આપી. તેમ જ તેની પત્ની સુદર્શનાએ પણ હજારના પરિવાર સહિત દીક્ષા
