________________
પ્રા. ઉપદેશમાલાનો ગૂર્જરાનુવાદ
૪૯૯ ત્યાં હંમેશાં શ્રાવકે વસવાટ કરવો. જ્યાં આગળ સાધુઓનું આવાગમન થતું હોય, જ્યાં જિનચૈત્ય હોય, તેમજ સાધર્મિકો જ્યાં રહેતા હોય, ત્યાં શ્રાવકે નિવાસ કરવો.
શાક્યાદિક પરતીર્થિકોને મસ્તકથી પ્રણામ કરવા, બીજા સન્મુખ તેમના ગુણોની પ્રશંસા કરવી, તેમની સન્મુખ તેમની સ્તુતિ કરવી, ચિત્તથી તેમના પ્રત્યે અનુરાગ રાખવો, વસ્ત્રાદિકથી સત્કાર કરવો, સામે અગર પાછળ જવું તે રૂપ સન્માન કરવું, અશનાદિક આપવા રૂપ, દાન, પગ પખાળવા વગેરે કરવા રૂપ વિનય ઇત્યાદિક અન્ય તીર્થિકોનાં વર્જે. શ્રાવક પ્રથમ સાધુને દાન આપી, તેમને પ્રણામ કરી પછી ભોજન કરે, સુવિહિત સાધુનો યોગ ન મળે તો સાધુને આવવાની દિશાનું અલોકન કરે. અને ચિંતવે કે, આ અવસરે સાધુનો યોગ થાય, તો હું ભાગ્યશાળી બનું. વસ્ત્ર વગેરે નવી વસ્તુ લાવે, તો તેમાંથી યથાશક્ય વહોરાવીને પછી વાપરે. સાધુઓને કલ્પનીય પદાર્થો કોઇક દેશ, કાળને આશ્રીને અથવા અલ્પપ્રમાણ હોવાથી વહોરાવી ન શક્યા હોય તો સત્ત્વવાળા અને ભગવંતની આજ્ઞાનુસાર અનુષ્ઠાન કરનારા ઉત્તમ શ્રાવકો તે વસ્તુ વાપરતા નથી. સાધુને રહેવા માટે સ્થાન-વસતિ-ઉપાશ્રય, સુવા માટે પાટ, આસન, આહાર-પાણી, ઔષધ, વસ્ત્ર, કામળી, પાત્ર આદિ સંયમમાં ઉપકાર કરનાર ઉપકરણ આપવાં. કદાચ તેટલી ધનની સ્થિતિવાળો ન હોય, તો પણ થોડામાંથી થોડું આપે, પરંતુ સંવિભાગ કર્યા વગર પોતે ન વાપરે. - સાધુ અને ગુરુભગવંતોની સુંદર પૂજા કરેલી ક્યારે કહેવાય ? તો કે, પ્રૌઢપ્રીતિના તરંગો જેના હૃદયમાં ઉછળતા હોય, સાધુ-ગુણાનુરાગિણી વાણી જેના મુખમાંથી નીકળતી હોય, નિષ્કપટભાવે વંદન કરાતું હોય, તેનું અયોગ્ય વર્તન ન દેખે, પ્રાયશ્ચિત્ત સ્વીકારી તેની પવિત્ર વિધિનું પાલન કરવું, વસ્ત્ર, અન્ન, જળ, વસતિ, કંબલ વગેરેનું દાન કરવું, આ ગુરુની સપૂજા કહેવાય છે. શ્રાવક પર્ણશ્રદ્ધા પૂર્વક કીડી, કાચ, કંટકાદિ રહિત એવું રહેવા માટે સ્થાન-ઉપાશ્રય-વસતિ આપે, ગુણોના આધારભૂત એવા સાધુઓને પાત્રા આપે, સુંદર આહાર-પાણી, ઠંડીથી બચાવનાર ગરમ કામળી આપે. યથાર્થ વિધિપૂર્વક સમયોચિત કલ્પ તેવું અલ્પ પણ દાન આપે અને સંયમોપકારી બીજા પદાર્થોનું પણ દાન આપે, તો તે અતિશય નિર્જરા કરનારો થાય છે. (૨૩૦ થી ૨૪૦)
संवच्छरचाउम्मासिएसु अट्ठाहियासु अ तिहीसु ।
सव्वायरेण लग्गइ जिणवर-पूया-तवगुणेसु ।।२४१।। સંવત્સરી પર્વ, ત્રણ ચાતુર્માસી, ચૈત્ર અને આસો એમ પૂર્ણિમા સુધીની શાશ્વતીઅશાશ્વતી અઠાઇઓ અષ્ટમી, ચતુર્દશી, જ્ઞાનપંચમી વગેરે પવિત્ર પર્વતિથિઓ વિશે
