________________
પ્રા. ઉપદેશમાલાનો ગૂર્જરાનુવાદ
૩૦૫
કોપ ન ક૨તા નવીન પુણ્યોપાર્જન કરી પુણ્યની ખાણ સમાન નલિનીગુલ્મ વિમાનમાં ઉત્પન્ન થયા. અવધિજ્ઞાનનો ઉપયોગ મૂકીને તે જ્ઞાની દેખે છે, તો રાત્રે મસાણમાં પોતાનું અર્ધ-ખાધેલું શરીર કંથારી વનમાં દેખ્યું.
બચ્ચાંઓ સહિત શિયાળે અર્ધ ફોલી ખાધેલ શરીર ઉપર કસ્તૂરી, કેસર, પુષ્પકમલથીમિશ્રિત નિર્મળ જળવૃષ્ટિ કરી. વળી તે સ્થલે પોતાની દેવાંગનાઓ સહિત આવીને પોતાનું શરીર ત્યાં સ્થાપન કરીને ત્યાં ચપળ અતિતીક્ષ્ણ લાખો કટાક્ષ કરતી વિકસિત શિરીષ-પુષ્પ સરખી સુકુમાલ શરીરવાળી, સ્થિર વિશાળ સ્તનવાળી અપ્સરાઓ સાથે ત્યાં આનંદ માણવા લાગ્યો કે, આ શરીર દ્વારા આ દેવલોક મેં પ્રાપ્ત કર્યો છે. વળી શ્રેષ્ઠ કલ્પવૃક્ષનાં પુષ્પો અને મંજરીયુક્ત, બાવના ચંદનના ઘસેલા વિલેપન કરવા પૂર્વક ૨ોગ-શોક વગરનો તે નવીન દેવ પાંચ ઇન્દ્રિયોને અનુકૂળ એવા ઘણાં ભોગ અને ઉપભોગ ભોગવવા લાગ્યો. ત્યાં નલિનીગુલ્મ વિમાનમાં એકાગ્ર મનથી વિષયાસક્ત બની તેમ જ નંદીશ્વરદ્વીપેજઇને અસંખ્યાતા વર્ષો સુધી પ્રભુ મહોત્સવના મહિમા કરશે.
આ બાજુ સુકુમાલકુમારની ભાર્યાઓ પોતાનાં નેત્રો વિશાળ કરીને વાસભવનમાં અને માર્ગોમાં તપાસ ક૨વા લાગી, રાત્રિનો પહોર પૂર્ણ થયો, છતાં પાછા ન આવ્યા, ત્યારે આંગણામાં તપાસ ક૨વા નીકળી. ઘરની અંદર ફરીને જોઈ વળી પણ ક્યાયં પતિને ન દેખતાં હૃદયમાં ધ્રાસકો પડ્યો. રુદન કરતાં કરતાં સાસૂને હકીકત જણાવી કે, ‘ઘણી તપાસ કરી પણ નાથ ક્યાંય દેખાતા નથી.’ સાર્થવાહી પોતે ઘરમાં, બહાર, બગીચામાં જુવે છે, પણ દેખાતો નથી, પત્નીઓનો સમૂહ એકઠો મળી રુદનકરવા લાગ્યો, પરિજન, સ્વજન સ્નેહી સંબંધી દરેક શોક કરવા લાગ્યા.
શ્રી આર્યહસ્તિસૂરિએ સાર્થવાહીને બોલાવીને રુદન બંધ કરાવીને રાત્રિએ બનેલા વૃત્તાન્તને સારી રીતે કહી સંભળાવ્યો. તો સાર્થવાહીએ કહ્યું કે, ‘તેણે યુક્ત કર્યું, પોતાની મેળે જ વૈરાગ્યપામ્યો, પોતે જ લિંગ ગ્રહણ કર્યું, લોચ પણ મસ્તકે પોતે જ કર્યો અને પછી અમે દીક્ષિત કર્યો, તેમાં કશું અયુક્ત નથી કર્યું. ઘરમાં રહીને ધર્મક્રિયા કઈ કરી શકાય ?
ફરી પૂછ્યું, ‘હે સ્વામી ! તે અત્યારે ક્યાં હશે ? મત્ત હસ્તી સરખા.તે વીર સાહસિકને વંદન કરું' ગુરુએ દિવ્યજ્ઞાનરૂપ શ્રુતનો ઉપયોગ મુક્યો અને કહ્યું કે, તેણે અડોલપણે મહાઉપસર્ગ સહન કર્યો છે, એ સર્વ હકીકત જણાવી. એટલે સર્વ વહુની સાથે સાર્થવાહી નવીન સાધુના ચરણની સેવા માટે ચાલી. જ્યાં તે મસાણનું સ્થળ દેખ્યું, એટલે મહાશોકાવેગથી ક્લેશ પામ્યા. પોતાના તત્કાળ જન્મેલાં બચ્ચાં સાથે શિયાળે અર્ધ ખાધેલું શરીર કંથારીના કાંટાળા જંગલમાં દેખ્યું, એટલે પોક મૂકીને મહારુદન કરવા લાગી. તેના પરિવારે પણ
