________________
પ્રા. ઉપદેશમાલાનો ગૂર્જરાનુવાદ
૧૪૭ પામવાના સ્વભાવાવાળા સંસારભાવને યથાર્થ વિચારી શાશ્વતસુખના સ્થાન સ્વરૂપ મોક્ષને વિષે પ્રયત્ન કરવો, તે હંમેશ માટે યુક્ત છે, તે મોક્ષનું પણ જો કોઈ અપૂર્વ કારણ હોય તો નિરવઘ એવી દિક્ષા છે સારા ક્ષેત્રમાં પણ બીજ વગર ડાંગર ઉગતી નથી. તે દીક્ષા કાયર પુરુષને દુષ્કર છે અને બહાદુર પુરુષને સુકર-સહેલી છે. સંતોષ અંતે સમાધિવાળા પુરુષને શિવ-સુખ અંહિ જ દેખાય અને અનુભવાય છે.
જંબૂકુમાર ગણધર ભગવંતના ચરણ-કમલમાં પ્રણામ કરીને વિનંતિ કરવા લાગ્યો કે, “હે સ્વામી ! આપની પાસે દીક્ષા લેવાની અભિલાષા રાખું છું.” ગણધર ભગવંતે કહ્યું કે, “હે ધીર ! તો હવે ઢીલ ન કરીશ, જલ્દી તૈયાર થા. આવો ક્ષણ ફરી પ્રાપ્ત થવો ઘણો દુર્લભ છે.” કુમારે કહ્યું કે - “માતા-પિતાની આજ્ઞા લઇને જલ્દી આવું છું. હે ભગવંત ! પ્રથમ તો મને જિંદગીપર્યત માટે બ્રહ્મચર્ય વ્રત આપો.” પ્રભુએ કહ્યું કે, “દીક્ષા પહેલાં આ બ્રહ્મચર્યવ્રત એ પ્રણવ “ઓં મંત્ર સમાન છે. આ પ્રમાણે બ્રહ્મચર્યનો નિયમ ગ્રહણ કરીને અને તે નિર્મલ બ્રહ્મચર્ય માટે પ્રયત્ન કરતો જલ્દી ઘરે પહોંચ્યો, ત્યારપછી માતા-પિતાને વિનંતિ કરવા લાગ્યો કે, “હે પિતાજી અને માતાજી ! આજે મેં સુધર્માસ્વામીજીની નિરવદ્ય દેશના સાંભળી, ત્યારપછી મારું મન સાવદ્યલેપરહિત-વિરતિમાં લીન બન્યું છે.'
હે પુત્ર ! ભગવંતની દેશના સાંભળી, તે કાર્ય તેં સુંદર કર્યું.” એમ તેઓએ કહ્યું એટલે જંબૂ કુમારે કહ્યું કે, “મને દીક્ષા ગ્રહણ કરવાની અનુમતિ આપો.” એ વાત સાંભળતાંની સાથે મૂચ્છથી બીડાઈ ગયેલી આંખોવાળા માતા-પિતાને દેખ્યા. મૂર્છા વળી ગઈ અને ચેતના પાછી આવી, ત્યારે તેઓ દીન સ્વરથી કહેવા લાગ્યા કે - “હે પુત્ર ! તું અમારા ઘરમાં કલ્પવૃક્ષ સરખો છે, તારા વગર અમારું હૃદય અતિશય પાકેલ દાડિમ-ફલ માફક તડ દઈને ફુટી જાય, - એમ અનુકૂલ-પ્રતિકૂલ અનેક પ્રકારનાં વચનો વડે માતા-પિતાએ સમજાવ્યો, તો પણ તેમનું વચન માનતો નથી. ત્યારે માતા-પિતાએ કહ્યું કે – “એક વખત લગ્ન-મંગલ કરેલા તારું મુખકમલ જોઇએ, તો અમે સર્વ કૃતાર્થ થઇશું. જંબૂએ કહ્યું કે, “હે માતાજી ! લગ્ન કર્યા પછી મને દીક્ષાની અનુમતિ આપશો, તો પણ મને સમ્મત છે, તો ભલે તેની તેયારી કરો.”
ત્યારપછી ધારિણી માતાએ સમુદ્રપ્રિય વગે આઠ સાર્થવાહ અને પદ્માવતી વગેરે આઠ સાર્થવાહીની સુવર્ણવર્ણ સરખા અંગવાળી ભાગ્યવતી સરખા રૂપ યૌવન અને લાવણ્યવાળી મદોન્મત્ત કામદેવના દર્પવાળી આઠ કન્યાઓ સાથે વિવાહ કર્યો. સિધુમતી, પાશ્રી, પધસેના, કનકસેના આ ચાર દેવભવની ભાર્યા હતી, બીજી નાગસેના, કનકશ્રી, કમલવતી અને જયશ્રી ચાર એમ આઠ કન્યાઓ સાથે મહાઋદ્ધિ-સહિત વિવાહ મહોત્સવ શરુ કર્યો.
