________________
Shri Mahavir Jain Aradhana Kendra
AGE
www.kobatirth.org
आगें दूसरा भेदं कहै हैं
।। सर्वार्थसिद्धिवचनिका पंडित जयचंदजीकृता || प्रथम अध्याय ॥ पान १७२ ||
ऐसा सूत्रमैं ग्रहण है तातें मिथ्यादृष्टीनिकै विभंग अवधि कहिये । बहुरि इनिकै हीनाधिक अवधिका व्याख्यान अन्यशास्त्रनितें जाननां ॥
Acharya Shri Kailassagarsuri Gyanmandir
॥ क्षयोपशमनिमित्तः षड्विकल्पः शेषाणाम् ॥ २२ ॥
याका अर्थ - क्षयोपशम है निमित्त जाकूं ऐसा छह भेदरूप अवधि है सो शेष जे मनुष्य तिर्यंच तिनिकै होय है ॥ तहां अवधिज्ञानावरणकर्मके देशघातिस्पर्द्धकनिका उदय होतें बहुरि सर्वघातिस्पर्द्धकनिका उदय अभाव है लक्षण जाका ऐसा क्षय, बहुरि तेही सर्वघातिस्पर्द्धक उदयकं न प्राप्त भये सत्ता अवस्थारूप उपशम है निमित्त जाकूं सो क्षयोपशमनिमित्त अवधि कहिये । सो शेष जे देवनारकीर्ते अवशेष रहे मनुष्य तिर्यंच तिनिकै होय है । तिनिमेंभी जिनके अवधियोग्य सामर्थ्य होय तिनहीकै होय है । जे असैनी तिर्यंच तथा अपर्याप्तक मनुष्य तिर्यंच इस सामर्थ्यतॆ रहित होय, तिनिकै न होय है । बहुरि संज्ञी पर्याप्तविषैभी सर्वहीकै न होय है केई सम्यग्दर्शनादि निमित्तकर सहित होय । तथा जिनिकै कर्मका उपशम क्षय होय तिनहीकै हो है । इहां कोई पूछे, क्षयोपशमविनां तौ अवधि होय नांही, सूत्रमें क्षयोपशमशब्द ग्रहणका
For Private and Personal Use Only
