________________
Shri Mahavir Jain Aradhana Kendra
www.kobetirth.org
Acharya Shri Kailassagarsuri Gyanmandir
॥ सर्वार्थसिद्धिवचनिका पंडित जयचंदजीकृता ॥ द्वितीय अध्याय ॥ पान २७४ ॥ बहुरि सूत्रमैं वा शब्द विकल्पकै अर्थि है । जैसी इच्छा होय तहांही रह जानां सो विकल्प है । जैसे पाणिमुक्तगति करै सो एकसमयही अनाहारक रहै । लांगलिकगति करै सो दोय समयही अनाहारक रहै । गोमूत्रिकागति करै सो तीन समय अनाहाक रहै । आगै चौथा समय आहारकहीका है । जातें ऐसा क्षेत्र नांही जो फेरि मोडा खाय । तहां औदारिक वैक्रियिक आहारक ए तीन शरीर तथा आहार आदि छह पर्याप्तकै योग्य पुद्गलवर्गणाका ग्रहण सो आहार कहिये । जाते यहु आहार नांही सो अनाहारक है । बहुरि कर्मवर्गणाका ग्रहण जेतें कार्मण शरीर है तेतें निरंतर है । तहां उपजनेके क्षेत्रप्रति जो ऋजुगतिही करै तौ आहारकही है । बहुरि विग्रहगतिविर्षे तीन समय अनाहारक रहै है । ऐसें गमनविशेषका निरूपण छह सूत्रनिकरि कीया ॥
आगैं, ऐसे भवांतरनौ गमन करता जो जीव ताकै नवीन शरीरकी उत्पत्तिका प्रकार प्रतिपादनकै अर्थि सूत्र कहै हैं--
॥ सम्मूर्छनगर्भोपपादा जन्म ॥ ३१ ॥ ___याका अर्थ-- जीव नवीन शरीर धरै है ताके जन्म तीन प्रकार हैं । संमूर्छन गर्भ उपपाद | ऐसें ॥ तहां ऊर्ध्व अधो तिर्यक् ऐसै तीन जे लोक तिनिविर्षे जहां तहां अवयवसहित देह बनि
For Private and Personal Use Only
