________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
॥ सर्वार्थसिद्धिवचनिका पंडित जयचंदजीकृता ।। पंचम अध्याय ॥ पान ४४५ ॥ णाम तिष्ठै है, कि नाही? जो तिष्ठे है, तो एक परिणाम एककालमें है सोही है, तामें दूजा परि णाम नाहीं । बहुरि नाही तिष्ठे है, तो अभाव आया। तहांभी सोही उत्तर, जो, द्रव्य है सो त्रिकालस्वरूप है, सो क्रमतें होतें जे परिणाम तिनमें एककाल एकही परिणाम है, सो पर्याय कहिये । जब द्रव्यदृष्टिकरि देखिये तब सर्वपरिणामनिकी शक्ति लिये द्रव्य कहिये, तिनकी शक्ति क्रमतेही होय है । सो शक्तिअपेक्षा सर्वपरिणाम द्रव्यमें तिष्ठे हैं, व्यक्तिअपेक्षा एककाल एक है, तामें दूजी नाहीं है । ऐसें द्रव्यमें तिष्ठभी है, नाहीं भी तिष्ठे हैं । ऐसें स्याहाद जानना । इत्यादि अनेक विधिनिषेधकरि चरचा है। तहां स्यादादही निर्बाधसिद्ध होय, सर्वथा एकान्तपक्ष निर्वाध नाहीं॥
आगें पूछे है, धर्म अधर्म आकाश पुद्गल जीव काल इनका उपकार कहे । बहुरि लक्षणभी कह्या । बहुरि पुद्गलनिका सामान्यलक्षण तो कह्या । अर विशेषलक्षण न कह्या । सो कहा है ? ऐसें पू0 सूत्र कहै हैं
॥ स्पर्शरसगन्धवर्णवन्तः पुद्गलाः ॥ २३ ॥ याका अर्थ- पुद्गल हैं ते स्पर्श रस गंध वर्ण इन च्यारि गुणनिकरि सहित हैं। तहां जाकं स्पर्शिये अथवा जो स्पर्शना सो स्पर्श है, सो आठप्रकार है। कोमल कठिन भाऱ्या हलका
For Private and Personal Use Only
