________________
શ્રી નવપદ પ્રકરણ ગ્રંથને ગુજરાતી ભાવાનુવાદ
૧૨૧ આનંદથી પૂર્ણ તે પતિની પાસે ગઈ અને સ્વપ્નની વિગત કહી. પતિએ સ્વપ્નશાસ્ત્રના અનુસારે વિચારીને ઉત્તમ પુત્રને જન્મ થશે એમ તેને કહ્યું. આથી તેના મનમાં અનુપમ હર્ષ થયે. તે જ કાળે ઉત્પન્ન થયેલા ગર્ભને તેણે સુખપૂર્વક ધારણ કર્યો. તેને જે સમયે જે જે દેહલા ( =ઈચ્છા થતા હતા તે સમયે તે તે બધા દેહલા પૂર્ણ કરવામાં આવતા હતા. ગર્ભને કાળ પૂર્ણ થતાં તેણે દેવકુમાર સમાન પુત્રને જન્મ આપ્યો. પ્રિયંકરિકા નામની દાસીએ રાજાને અભિનંદન આપ્યા, અર્થાત્ પુત્રજન્મની વધામણી આપી. રાજાએ તેને ઈચ્છાથી અધિક ઈનામ આપ્યું. પછી રાજાએ બધા લોકોને હર્ષ ઉત્પન્ન કરનારી વધામણી શરૂ કરી. તે આ પ્રમાણે હતીઃ- વધામણીમાં સ્થાને સ્થાને વેશ્યાઓને સમૂહ મદિરાપાત્ર પીને નૃત્ય કરી રહ્યો હતો, વગાડવામાં આવતા વિવિધ વાજિંત્રોના અવાજથી સંપૂર્ણ બ્રહ્માંડ બહેરું થઈ ગયું હતું, બંદીઓને (=મંગલ પાઠકોનો) સમૂહ વિવિધ સ્તુતિઓ બોલી રહ્યો હતો, વધામણીમાં આખું નગર જાણે કે દાનમય, હર્ષમય, સુંદર ઉત્સવમય અને ગીત વગેરે વિલાસમય થઈ ગયું હતું. તિથિ, નક્ષત્ર, યોગ, કરણ, વાર અને લગ્નહરા આ બધું શુભ હતું ત્યારે બાળકનું વિષ્ણુકુમાર એવું નામ રાખ્યું. સમય જતાં વિષ્ણુકુમાર શરીરની પુષ્ટિથી અને કલાના સમૂહથી વૃદ્ધિ પામ્યો. સકલજનોને પ્રશંસનીય યૌવનને પામ્યું.
યૌવનવયમાં વર્ત તે માતા-પિતાની સેવામાં તત્પર રહેતો હતો. પોપકારમાં પરાયણ હતો. ક્યારેક દિવસની જેમ મિત્રમંડલથી યુક્ત તે પ્રશ્નોત્તર વગેરે વિનોદથી કાળ પસાર કરતો હતો. ક્યારેક લક્ષમણની જેમ સ્ત્રીઓની સાથે રહીને વિવિધ વિલાસ કરીને કાળ પસાર કરતો હતો. (લક્ષ્મણના પક્ષમાં રામાનુજાત એટલે રામચંદ્રજીની સાથે રહીને) ક્યારેક સમૃદ્ધ રાજાની જેમ સર્વ વિષયસમૂહવાળે તે અનુપમ સુખસમૂહનું સેવન કરીને સમય પસાર કરતો હતો. (રાજાના પક્ષમાં વિષય એટલે દેશ.) આ પ્રમાણે તેણે કેટલાક કાળ પસાર કર્યો. એકવાર જવાલા રાણીએ ફરી પણ ચૌદ મહાસ્વપ્નોથી સૂચિત દેવકુમાર જેવા સુકુમાર પુત્રને જન્મ આપ્યું. તેના પણ જન્મમાં રાજાએ મહોત્સવ કર્યો. યોગ્ય સમયે તેનું મહાપદ્મ એવું નામ પાડયું. શુક્લપક્ષના ચંદ્રની જેમ કળાઓની સાથે શરીરપુષ્ટિથી તે વધવા લાગ્યા. કેમે કરીને તે સકલ લોકેના મનને હરનારું યૌવન પામ્યું. તે રાજાઓને જીતવાની ઈચ્છાવાળો છે એમ વિચારીને પિતાએ તેને યુવરાજ બનાવ્યું.
આ તરફ ઉજજૈની નગરીમાં શ્રીધર્મ નામનો રાજા હતા. તેનો નમુચિ નામને મંત્રી હતે. એકવાર તે નગરીમાં મુનિસુવ્રતસ્વામીના શિષ્ય અને અનેક મુનિગણથી પરિવરેલા સુવ્રત નામના સૂરિ પધાર્યા. મહેલ ઉપર નમુચિમંત્રીની સાથે રહેલા રાજાએ નગરના - ૧ દિવસના પક્ષમાં મિત્રમંડલ એટલે સૂયમંડલ.
