________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
જોતી હતી. તેને ગભરામણ થવા લાગી. તેનું શરીર કંપવા લાગ્યું. ચેતનાશૂન્ય બની, તે જમીન પર ઢળી પડી. મૂછિત થઈ ગઈ.
સખી ગભરાઈને “બચાવો... બચાવો..” બૂમો પાડવા લાગી. પ્રિય મિત્રનો ધ્યાનભંગ થયો, તે ઊભો થયો. શું થયું? શું થયું?' બોલતો જ્યાં નીલુકા પડી હતી ત્યાં આવ્યો. - સખીએ કહ્યું: “મહાત્મા, સ્કંદશ્રેષ્ઠીની આ પુત્રી છે. આનું નામ નીલુકા છે. આની સગાઈ તમારી સાથે કરવામાં આવી હતી. તમે ગૃહત્યાગ કરીને, બીજા નગરે ચાલ્યા ગયા. તમારી રાહ જોતી નીલકાએ તપ કરીને, ઉગ્ર તપ કરીને જુઓ, શરીર કેવું સૂકવી નાખ્યું છે? તમને સંન્યાસીના વેશમાં જોઈન, એને મૂર્છા આવી ગઈ છે. તમારા પ્રત્યે એને અવિહડ રાગ છે.’
પ્રિય મિત્ર નીલુકાની સખીની વાત સાંભળીને વિચાર્યું. “ઓહો, આ દુનિયામાં મને ચાહનાર કોઈ છે! મારી રાહ જોનાર કોઈ છે! મારા માટે તપ કરનાર કોઈ છે! આ વાત તો મને યાદ જ ન આવી.... અને હું સંન્યાસી બની ગયો. હવે તો હું કોઈ સ્ત્રીને અડી પણ ના શકું! સ્ત્રી સાથે વિષયસુખ તો ભોગવી જ ના શકે.” પ્રિય મિત્રના હૃદયમાં નીલુકા ઉપર સ્નેહરાગ જાગ્યો. તેનું મન વૈષયિક સુખરાગથી ઘેરાયું. ધ્યાનની ઈચ્છા મરી પરવારી. તેણે નીલુકા પાસે બેસીને, એના મુખ પર પોતાનાં કમંડળમાંથી પાણીનાં ટીપાં નાખ્યાં. ધીરે ધીરે નીલુકાની મૂછ દૂર થઈ. તેણે આંખો ખોલી, પ્રિય મિત્ર સામે જોયું. ભયથી કંપવા લાગી. ઊભી થઈ અને ઘોર વિષાદથી તેણે નિસાસો નાખ્યો. હોઠ ફરકવા લાગ્યા. તે રોમાંચિત થઈ ગઈ. આંખો કંઈક ઝીણી કરી પ્રિયમિત્રનાં અંગોપાંગનું નિરીક્ષણ કરવા લાગી. એવી જ રીતે પ્રિય મિત્ર પણ નીલુકાનો યુવાન દેહ જોવા લાગ્યો. તેને સ્ત્રીના વિલાસો પ્રિય લાગ્યા. કામદેવે પ્રિય મિત્રને વશ કર્યો.
4
–
સંક
qoco
ભાગ-૩ % ભવ સાતમાં
For Private And Personal Use Only
