________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
લલિતાગે અશોકને જાગેલો જોયો. તે ઊઠીને અશોક પાસે ગયો. અને ભૂંગળી એના હાથમાં પકડાવી, બે દમ મારવાં કહ્યું.
બે દમ મારી લે, પછી કુમાર સાથે ઉપાશ્રયે જવાનું છે! બેચાર ઘડી તત્ત્વચર્ચા સાંભળવી પડશે. તો બગાસાં નહીં આવે. સારી વસ્તુ છે. અત્યારે “સોમરસ' તો પીવાશે નહીં. કુમારને એ જરાય ના ગમે... અને એને ના ગમે એવું કંઈ પણ હમણાં નથી કરવું. ધીરે ધીરે આગળ વધવું છે. એક દિવસ કુમારને પણ “સોમરસ” પીવડાવવો છે.”
અશોકે તંબાકુની ચલમના બે દમ માર્યા, તેનામાં સ્કૂર્તિ આવી ગઈ. તે ખાટલામાંથી ઊભો થયો... કે કુમાર ખંડનું બારણું ખોલી બહાર આવ્યો. બંને મિત્રો દોડીને, કુમાર પાસે ગયાં. લલિતાંગે ઝડપથી ચલમને જમીન પર ઠાલવી દીધી અને રૂમાલમાં લપેટી ખીસામાં સરકાવી દીધી. તંબાકુની પોટલી પણ ખીસામાં મૂકી દીધી.
“હું હમણાં જ ઉપાશ્રયેથી પાછો આવ્યો. આચાર્યશ્રીએ તરત જ આપણને આવી જવાં કહ્યું છે. માટે આપ હવે વસ્ત્રપરિવર્તન કરી લો, આપણે જઈએ.’ લલિતાંગે કહ્યું.
ઘણું સરસ કામ કર્યું, લલિતાંગ, આજે ધર્મકથા સાંભળવાની મજા આવશે.” “સાચી વાત છે. આચાર્યદેવની જ્ઞાનપ્રતિભા અદ્ભુત લાગી. તેઓની શરીર કાંતિ તો સુંદર છે જ. યૌવનની દ્વિતીય અવસ્થામાં રહેલા આચાર્યદેવ જેવા રૂપવાન છે તેવા જ બુદ્ધિમાન લાગ્યાં. એમની પાસે ધર્મકથા સાંભળવાનો આનંદ અપૂર્વ હશે. વળી, અમે લોકો તો પહેલવહેલા જ ધર્મકથા સાંભળીશું.' લલિતાગે કુમારને આનંદિત કરનારી, વાત કરી.
અશોક અને લલિતાગે પણ વસ્ત્રપરિવર્તન કર્યું. કુમારની સાથે તેઓ ઉપાશ્રયે જવા નીકળ્યાં. અશોકે ચોકીદારને આવશ્યક સૂચનાઓ આપી દીધી. એને ખબર હતી કે કુમાર રાત્રિભોજન નથી કરતો... કામાકુર સંધ્યાસમયે પાછા આવી જવાનું કહી ગયો હતો.
મસ્થળ સંવાનિ' કહીને, ત્રણે મિત્રોએ ઉપાશ્રયમાં પ્રવેશ કર્યો. આચાર્યદેવનો ઘર્ષતામ' નો આશીર્વાદ તેમના કાને પડ્યો.
આગળ રાજકુમાર સમરાદિત્ય અને પાછળ લલિતાંગ તથા અશોક હતા. લલિતાગે, સમરાદિત્યને રાજકુમારને યોગ્ય વસ્ત્ર અને આભૂષણ પહેરાવ્યાં હતાં. એ દેવકુમારવતું શોભતો હતો. આચાર્યદેવનાં દર્શન થતાં, એ ભાવવિભોર બની ગયો. આચાર્યદેવ પાસે જઈને, એ ઊભો રહી ગયો... ને એકીટસે એ આચાર્યદેવને જોઈ રહ્યો... તેણે આચાર્યદેવના ઉલ્લંગમાં પોતાનું મસ્તક મૂકી દીધું. આચાર્યદેવનો કોમળ કર, રાજકુમારના મસ્તક પર ફરવા લાગ્યો. “વત્સ, ધર્મકથા શ્રવણ કરવા, તે ઠેઠ ઉજ્જૈનીથી મિત્રો સાથે અહીં આવ્યો છે,
ભાગ-૩ ૪ ભવ નવમો
૧૩૪
For Private And Personal Use Only
