________________
१४६
नव पदार्थ
४४. रूप शरीर नों सून्दरपणो, तिणरो वर्णादिक श्रीकार हो लाल । गमतो लागे सर्व लोग नें, तिणरो बोल्यो गमे वारुंवार हो लाल ।।
४५. जे जे सुख सगला संसार नां, ते तो पुन तणा फल जांण हो लाल । ते कहि कहि नें कितरो कहूं, बुधवंत लीज्यो पिछांण हो लाल ।।
४६. ए तो पुन तणा सुख वरणव्या, संसार लेखे श्रीकार हो लाल । त्यांनें मोख सुखां सूं मींढीये, तो ए सुख नहीं मूल लिगार हो लाल ।।
४७. पुदगलीक सुख छै पुन तणा, ते तो रोगीला सुख ताय हो लाल । आतमीक सुख छै मुगत नां, त्यांने तो ओपमा नहीं काय हो लाल
४८. पांव रोगी हुवे तेहनें, खाज मीठी लागे अतंत हो लाल । ज्युं पुन उदे हुआं जीव नें, सबदादिक सर्व गमता लागंत हो लाल ।।
४६. सर्प डंक लागा जहर परगम्यां मीठा लागे नींब पान हो लाल । ज्युं पुन उदय हूआं जीव नें, मीठा लागे भोग परधांन हो लाल ।।
५०. रोगीला सुख छै पुदगल तणा, तिणमें कला म जांणो लिगार हो लाल । पिकाचा सुख असासता, विणसतां नहीं लागे वार हो लाल ।।
५१. आतमीक सुख छै सासता, त्यां सुखां रो नहीं कोई पार हो लाल । तु सुख सदा काल सासता, ते सुख रहे एक धार हो लाल ।।
