________________
५०२
नव पदार्थ
४६. श्रावक उपवास बेलादिक तप करें, करम काटण रे काम हो।
जब विरत संवर पिण सहचर नीपनों, सावद्य जोग रूंध्यां सूं तांम हो।।
५०. श्रावक जे जे पुदगल भोगवे, ते सावद्य जोग व्यापार हो।
त्यांरो त्याग कीयां थी विरत संवर हुवें, तप पिण नीपजें लार हो।।
५१. साधु कल्पें ते पुदगल भोगवे, ते निरवद जोग व्यापार हो।
त्यांने त्याग्यां सूं तपसा नीपनी, जोग रूंध्यां रो संवर श्रीकार हो।।
५२. साधु रो हालवो चालवो बोलवो, ते तो निरवद जोग व्यापार हो।
निरवद जोग रूंध्यां जितलों संवर हुवो, तपसा पिण नीपजें श्रीकार हो।।
५३. श्रावक रे हालवो चालवो बोलवो, सावद्य निरवद व्यापार हो।
सावध रा त्याग सूं विरत संवर हुवें, निरवद त्याग्यां सूं संवर श्रीकार हो।।
५४. चारित नें तो विरत संवर कह्यों, ते तो इविरत त्याग्यां होय हो।
अजोग संवर सुभ जोग रूंध्यां हुवें, तिण माहें संक न कोय हो।।
५५. संवर निज गुण निश्चेंइ जीव रा, तिणनें भाव जीव कह्यों जगनाथ हो।
जिण दरब नें भाव जीव नहीं ओलख्या, तिणरो घट सूं न गयो मिथ्यात हो।।
५६. संवर पदार्थ में ओलखायवा, जोड़ कीधी नाथदुवारा मझार हो।
समत अठारे बरसें छपनें, फागुण विद तेरस सुक्रवार हो।।
