________________
: ८ : बंध पदार्थ
दुहा
१. आठमों पदार्थ बंध ठे, तिण जीव ने राख्यो छे बंध । जिण बंध पदार्थ नहीं ओलख्यो, ते जीव छे मोह अंध ।।
२. बंध थकी जीव दबीयो रहें, काई न रहें उघाडी कोर। तिण बंध तणा प्रबल थकीं, कांई न चले जोर ।।
३. तलाव रूप तो जीव छे, तिण में पडीया पांणी ज्यं बंध जांण।
नीकलता पांणी रूप पुन पाप छे, बंध में लीजो एम पिछांण ।।
४. एक जीव दरब छ तेहनें, असंख्यात परदेस ।
सगला परदेसां आश्रव दुवार छे, सगला परदेसां करम परवेस।।
५. मिथ्यात इविरत में परमाद छ, वले कषाय जोग विख्यात।
यां पांचां तणा बीस भेद छे, पनेर आश्रव जोग में समात ।।
६. नाला रूप आश्रव नाला करम नां, ते रूंध्यां हुवें संवर दुवार ।
करम रूप जल आवतो रहें, जब बंध न हुवें लिगार ।।
