________________
७०२
नव पदार्थ
२१. सुभ परिणांमां करम बांधीया, ते सुभ पणे उदे आसी जी । असुभ परिणांमां करम बांधीया, तिण करमां थी दुःख थासी जी ।।
२२. पांच वरणा आठोंइ करम छें, दोय गंध नें रस पांचूई जी। चोफरसी आठूंइ करम छें, रूपी पुद्गल करम आठोंइ जी ।।
२३. करम तो लूखा नें चोपड्या, वले ठंढा उंना होइ जी । करम हलका नहीं भारी नहीं, सुहालो नें खरदरा न कोइ जी ।।
२४. कोई तलाव जल सूं पूर्ण भस्यो, खाली कोर न रही काय जी । ज्यूं जीव भस्यो करमां थकी, आ तो उपमा देस थी ताह्यो जी ।।
२५. असंख्याता परदेस एक जीव रे, ते असंख्याता जेम तलावो जी । सारा परदेस भरीया करमां थकी, जांणें भरीया चोखूणी बावो जी ।।
२६. एक २ परदेस छें जीव नों, तिहां अनंता करम नां परदेसो जी । ते सारा परदेस भरीया छें बाव ज्यूं, करम पुदगल कीयों छें परवेसो जी ।।
२७. तलाव खाली हुवे छें इण विधे, पेंहला तो नाला देवे रूंधायो जी। पछें मोरीयादिक छोडे तलाव री, जब तलाव रीतो थायो जी ।।
२८. ज्यूं जीव रे आश्रव नालो रूंध दे, तपसा करें हरष सहीतो जी । जब छेहडो आवें सर्व करम नों, तब जीव हुवें करम रहीतो जी ।।
