________________
४३८
नव पदार्थ
३३. मैथुन सेवे ते मैथुन आश्रव, ते जीव तणा परिणांमो रे । उदे हूओ ते मैथुन पाप थांनक छें, मोह करम अजीव छें तांमो रे ।।
३४. सचित्त अचित्त मिश्र उपर, ममता राखे ते परिग्रह जांणों रे । ते ममता छें मोह करम रा उदा सूं, उदे में छें ते पाप ठांणों रे ।।
३५. क्रोध सूं लेइ नें मिथ्यात दरसण, उदे हूआ ते पाप रो ठांणों रे । यांरा उदा सूं सावद्य कांमा करें ते, जीवरा लषण जांणों रे ।।
३६. सावद्य कांमा ते जीव रा किरतब उदे, हूआ ते पाप करमों रे । यां दोयां नें कोइ एकज सरधे, ते भूला अग्यांनी भर्मो रे ।।
३७. आश्रव तो करम आवानां दुवार, ते तो जीव तणा परिणांमो रे । दुवार मांहें आवे ते आठ करम छें, ते पुदगल दरब छें तांगो रे ।।
३८. माठा परिणाम ने माठी लेस्या, वले माठा जोग व्यापारो रे 1 माठा अधवसाय नें माठो ध्यांन, ए पाप आवानां दुवारो रे ।।
३६. भला परिणांम ने भली लेस्या, भला निरवद जोग व्यापारो रे । भला अधवसाय नें भलोइ ध्यान, ए पुन आवा रा दुवारो रे ।।
