________________
ढाल : २
(राजा रामजा हो रेण छ मासी - ए देशी )
१. पुन नीपजे सुभ जोग सूं रे लाल, सुभ जोग जिण आगना मांय हो । भविक जण । ते करणी छै निरजरा तणी रे लाल, पुन सहिजां लागे छै आय हो । भविक जण । । ननीपजे सुभ जोग सूं रे लाल ।।
|
२. जे करणी करे निरजरा तणी रे लाल, तिणरी आगना देवे जगनाथ हो । भ० * । तिण करणी करता पुन नीपजे रे लाल, ज्यूं खाखलो गोहां रे हुवे साथ हो। । भ० *५०* ।।
३. पुन नीपजे तिहां निरजरा हुवे रे लाल, ते करणी निरवद जांण हो । सावद्य करणी में पुन नहीं नीपजे रे लाल, ते सुणज्यो चतुर सुजांण हो ।।
1
४. हिंसा कीयां झूठ बोलीयां रे लाल, साधु नं देवे असुध अहार हो । तिण सूं अल्प आउखो बंधे तेहनें रे लाल, ते आउखो पाप मझार हो ।।
५. लांबो आउषो बंधे तीन बोल सूं रे लाल, लांब आउषो छै पुन मांय हो । ते हिंसा न करे प्राणी जीव री रे लाल, वले बोले नहीं मूसावाय हो । ।
६. तथारूप श्रमण निग्रंथ नें रे लाल, देवे फासू निरदोष च्यारूं आहार हो । यां तीनां बोलां पुन नीपजे रे लाल, ठाणा अंग तीजा ठाणा मझार हो ।।
* बाद की प्रत्येक गाथा के अन्त में इसी तरह 'भविक जण' और 'पुन नीपजे सुभ जोग सूं रे लाल की पुनरावृत्ति है।