________________
१८४
नव पदार्थ
७. हिंसा कीयां झूठ बोलीयां रे लाल, साधू ने हेले निंदे ताय हो।
आहार अमनोगम अपीयकारी दीये रे लाल, तो असुभ लांबो आउषो बंधाय हो।।
८. सुभ लांबों आउषो बंधे इण विधे रे लाल, ते पिण आउषो पुन माय हो।
ते हिंसा न करे प्राणी जीव री रे लाल, वले बोले नहीं मूसावाय हो।।
६. तथारूप समण निग्रंथ ने रे लाल, करे वंदणा ने नमसकार हो।
पीतकारी वेहरावें च्यारूं आहार ने रे लाल, ठाणा अंग तीजा ठाणा मझार हो।।
१०. एहीज पाठ भगोती सूतर मझे रे लाल, पांचमें सतक षष्ठम उदेश हो। __ संका हुवे तो निरणों करो रे लाल, तिणमें कूड़ नहीं लवलेस हो।।
११. वंदणा करतां खपावे नीच गोत ने रे लाल, उंच गोत बंधे वले ताय हो।
ते वंदणा करण री जिण आगना रे लाल, उत्तराधेन गुणतीसमां मांय हो।।
१२. धर्मकथा कहै तेहनें रे लाल, बंधे किल्याणकारी कर्म हो।
उत्तराधेन गुणतीसमां अधेन में रे लाल, तिहां पिण निरजरा धर्म हो।।
१३. करे वीयावच तेहनें रे लाल, बंधे तीर्थंकर नाम कर्म हो।
उत्तराधेन गुणतीसमां अधेन में रे लाल, तिहां पिण निरजरा धर्म हो।।
१४. वीसां बोलां करेनें जीवड़ो रे लाल, करमां री कोड़ खपाय हो।
जब बांधे तीर्थंकर नाम कर्म ने रे लाल, गिनाता आठमा अधेन मांय हो।।
