________________
Version 001: remember to check http://www.AtmaDharma.com for updates કલશ-૮૦
૧૨૯ ભેદજ્ઞાન કરવું પડતું નથી. એમ કહે છે.
શું કહ્યું? નિરંતર શબ્દનો આ અર્થ છે. વિકલ્પથી ભિન્ન પડીને આત્માનું વેદન થયું- ભેદજ્ઞાન થયું, પછી તેને ભેદજ્ઞાન કરવું પડતું નથી. વિકલ્પથી હું નિરંતર જુદો તેવું ભેદજ્ઞાન થયું તે તો નિરંતર તેમ રહે જ છે. સમજમાં આવ્યું? આવો માર્ગ છે લ્યો!
લોકો બહારની દુનિયામાં રચ્યા પચ્યા હોય- વેપાર ધંધામાં; ધર્મના નામે ક્રિયામાં રચ્યા પચ્યા હોય તેને આ વાત આકરી પડે શું થાય? બાપુ! પણ માર્ગ તો આ છે ભાઈ ! જન્મ મરણ કરી કરીને સોથાં નીકળી ગયા છે. બાપા! એક શ્વાસમાં નિગોદના ૧૮ ભવ, ૧૮ વખત જન્મ-મરણ. તેવું તો અનંતવાર કર્યું.
એકવાર કહ્યું હતું ને કે- માતાના પેટમાં ઉત્કૃષ્ટ બાર વર્ષ રહે તેવો પાઠ છે. સવાનવ મહિના અમારે કાઠિયાવાડમાં કહે. પેટમાં બાળક રહે તો ઉત્કૃષ્ટ બાર વર્ષ રહે. માતાના પેટમાં જ દેહ છૂટી જાય, ફરી પાછું પણ તેમ થઈ જાય. દેહ છૂટીને ત્યાં ને ત્યાં બીજીવાર આવી જાય. ત્યાં ન આવે બીજી કૂખે જાય. આ રીતે ૨૪ વર્ષ ગર્ભ કાયની સ્થિતિમાં રહે છે. આવી આવી સ્થિતિ તો અનંતવાર કરી છે. એક વખત નહીં. આહાહા ! કેટલું દુઃખ હશે! ઊંધે માથે લટકે શ્વાસ લેવાનું તો સ્થાન નહીં. માતા ખાય તેનું એઠું ખાય. આહાહા! તેમાંથી નીકળવાનો ઉપાય તો આ એક છે.
આહાહા ! હું શુદ્ધ ચિદાનંદ પ્રભુ છે તે કોઈનું કાર્ય નથી અને કોઈથી મારામાં કાર્ય થતું પણ નથી.
કલશ - ૮૦ : ઉપર પ્રવચન આત્મા તો આત્મા છે. આનંદ તો આનંદ છે. જ્ઞાન તો જ્ઞાન છે. એક પક્ષ એવો છે કે- આત્મા ભાવરૂપ છે. ભાવ ભા..વ... વાત તો સાચી છે. ભાવરૂપ છે ખરો ! પણ તે પક્ષ હતો. વિકલ્પ હતો તે જૂઠો છે. બીજી નયનો પક્ષ છે કે- આત્મા ભાવરૂપ નથી, અભાવરૂપ છે. પરની અપેક્ષાએ અભાવરૂપ છે. અને સ્વની અપેક્ષાએ ભાવરૂપ છે. હવે અભાવરૂપ છે તે પણ વ્યવહારનયનો પક્ષ છે અને આત્મા ભાવરૂપ છે તે નિશ્ચયનયનો પક્ષ છે. ભાવ, ભાવ, ભાવ, ભાવ, ભાવ એવો જે વિકલ્પ તે પક્ષ છે. બીજાનો ભાવ નથી તેવો અભાવરૂપ તે બીજી નયનો પક્ષ છે. આમ “ચિત્તસ્વરૂપ જીવ વિષે બે નયોના બે પક્ષપાત છે.” જ્ઞાનસ્વરૂપ ભગવાન આત્મા તે તો જાણનાર- દેખનાર છે. વિકલ્પ (જાણનાર તત્ત્વમાં) છે નહીં. ચિત્ત સ્વરૂપ જીવના સંબંધમાં બે નયોના બે પક્ષપાત છે. બે નયોના બે વિકલ્પ છે.
૮૯ની સાલમાં રાજકોટમાં ચોમાસું હતું. ત્યારે લોકો ઘણાં આવે. તેમાં એક કહે મને અનુભવમાં આવું થયું છે. એને આત્મ વસ્તુ છે કે નથી તે કંઈ ખબર નહીં. તેને
Please inform us of any errors on Rajesh@AtmaDharma.com
