________________
શ્રાવકનાં બાર તે યાને
આ લોકો આ પ્રમાણે ઉત્સુક બનીને જઈ રહ્યા છે. આ સાંભળીને જમાલિને અતિશય હર્ષ થયે. અતિશય હર્ષના કારણે તેના શરીરમાં રોમાંચ પ્રગટ થયા. પાસે રહેલા પિતાના સેવકને તેણે કહ્યું : જલદી વાહનશાળામાં જા અને ચારઘંટવાળા રથને અશ્વ સહિત તૈયાર કરીને અહીં આવે, જેથી હું પણ ભગવાનને વંદન કરવા જાઉં. “જેવી કુમારની આજ્ઞા” એમ કહીને સેવક ઉતાવળા પગલે રાજમહેલમાંથી નીકળ્યો.
જમાલિ ત્યાંથી ઉઠીને સ્નાનઘરમાં ગયો. ત્યાં સ્નાન કરીને કપુર અને કસ્તૂરીથી મિશ્ર ચંદનનું શરીરે વિલેપન કર્યું. પછી સારભૂત અલંકારો પહેર્યા. તેટલામાં પૂર્વ મોકલેલો સેવક ચારઘંટવાળો રથ તૈયાર કરીને ત્યાં આવી ગયે. તેણે કુમારને કહ્યું છે કુમાર! આપની આજ્ઞા પ્રમાણે કાર્ય કરીને હું આવી ગયો છું. આ સાંભળીને કુમાર અતિ ઉતાવળા પગલે ઘરમાંથી નીકળીને તે જ રથ ઉપર બેઠે. સેવકે તેના ઉપર શ્રેષ્ઠ છત્ર ધર્યું. ધનુષ, બાણ, તલવાર અને ઢાલ વગેરે વિવિધ શસ્ત્રધારી અનેક સૈનિકે તેની આગળ અને પાછળ ચાલવા લાગ્યા. તેને રથ ક્ષત્રિયકુંડગ્રામ નગરમાં થઈને બહુશાલક ઉદ્યાન તરફ આવ્યું. છેડે સુધી ગયા પછી સામે નજીકમાં રહેલા સમવસરણને જેઈને જમાલિએ અશ્વને ઊભો રાખે. રથમાંથી ઉતરીને પુષ્પ, તાંબુલ, શસ્ત્ર, જેડા વગેરે વસ્તુઓને ત્યાગ કર્યો. એક વસ્ત્રનું ઉત્તરાસણ કર્યું. હાથની બે હથેળીઓ ભેગી કરીને લલાટે રાખી, પછી સમવસરણભૂમિમાં આવીને ભક્તિના સમૂહથી પૂર્ણ અંતઃકરણવાળે તે ભગવાનને ત્રણ પ્રદક્ષિણ આપીને અને નમીને યથાયોગ્ય સ્થાને બેઠો. સમસ્ત શરીરને આનંદ આપનારી અમૃતવૃષ્ટિની જેવી ભગવાનની વાણી સાંભળીને તેને સંસારભય ઉત્પન્ન થયા. સંસારભયથી ઉદ્ગવિગ્ન ચિત્તવાળા તેણે વિધિપૂર્વક સ્વામીને વિનંતિ કરી કે, હે ભગવંત! માતા-પિતાની અને પત્નીની રજા લઈને હું આપની પાસે દીક્ષા લેવાને ઇચ્છું છું. ભગવાને કહ્યુંઃ હે દેવાનુપ્રિય! વિલંબ ન કર. પછી તે ફરી ભગવાનને ત્રણ પ્રદક્ષિણા અને નમસ્કાર કરીને સમવસરણમાંથી બહાર નીકળ્યો. પછી તે જ રથમાં બેસીને જે પ્રમાણે આવ્યું હતું તે પ્રમાણે પિતાના નગરમાં થઈને પિતાના ઘરે ગયે. પછી માતા-પિતા પાસે દીક્ષાની અનુજ્ઞા માગી. જેમતેમ કરીને માતા-પિતાની અનુજ્ઞા મેળવીને પત્નીની પાસે ગયો. પતિની દીક્ષાની વાત સાંભળીને પત્નીએ અનુમતિ આપી, એટલું જ નહિ, પણ પોતે પણ તેની સાથે જ દીક્ષા લેવા તૈયાર થઈ. પછી તેણે જિનમંદિરમાં મહાપૂજાઓ કરી. (અર્થાત્ જિનભક્તિરૂપ મહોત્સવ કર્યો. પછી દીક્ષાના દિવસે) સ્નાન અને વિલેપન કરીને અલંકાર ધારણ કર્યા. પછી હજાર પુરુષથી ઊંચકાતી શિબિકામાં બેસીને દીન, અનાથ, ગરીબ વગેરેને ઈચ્છા મુજબ દાન આપતો તે મહાન આડંબરથી પત્નીની સાથે ભગવાનની પાસે આવ્યા. ભગવાને પાંચ રાજપુત્રોની સાથે જમાલિને અને હજાર સ્ત્રીઓની સાથે તેની પત્ની સુદર્શનાને દીક્ષા આપી.
