________________
दशाश्रुतस्कन्ध सूत्र षष्ठ दशा
मउलिकडे दिया बंभयारी रत्तिं परिमाणकडे, से णं एयारूवेणं विहारेणं विहरमाणे जहणेणं एगाहं वा दुयाहं वा तियाहं वा उक्कोसेणं पंच मा(सं) से विहरड़, पंचमा उवासगपडिमा ॥ १९॥
६४
अहावरा छ(ट्ठी )ट्ठा उवासगपडिमा - सव्वधम्मरुई यावि भवइ जाव से णं एगराइयं उवासगपडिमंसम्मं अणुपालित्ता भवइ, से णं असिणाणए वियडभोई मउलिकडे दिया वा राओ वा बंभयारी, सचित्ताहारे से अपरिण्णाए भवइ, से णं एयारूवेणं विहारेणं विहरमाणे जहण्णेणं एगाहं वा दुयाहं वा तियाहं वा (जाव) उक्कोसेणं छम्मासे विहरेज्जा, छट्ठा उवासगपडिमा ॥ २० ॥
अहावरा सत्तमा उवासगपडिमा सव्वधम्मरुई यावि भवइ जाब ओवरायं वा बंभयारी, सचित्ताहारे से परिण्णाए भवइ, आरंभे से अपरिण्णाए भवइ, से णं एयारूवेणं विहारेणं विहरमाणे जहण्णेणं एगाहं वा दुयाहं वा तियाहं वा उक्कोसेणं सत्त मासे विहरेज्जा, से तं सत्तमा उवासगपडिमा ॥ २१ ॥
-
अहावरा अट्टमा वासगपडिमा - सव्वधम्मरुई यावि भवइ जाव राओवरायं बंभयारी, सचित्ताहारे से परिण्णाए भवइ, आरंभे से परिण्णाए भवइ, पेखारंभे से अपरिण्णाए भवइ, से णं एयारूवेणं विहारेणं विहरमाणे ( जाव) जहण्णेणं एगाहं वा दुयाहं वा तियाहं वा उक्कोसेणं अट्ठ मासे विहरेज्जा, से तं अट्ठमा उवासगपडिमा ॥ २२ ॥
अहावरा णवमा उवासगपडिमा - सव्वधम्मरुई यावि भवइ जाव राओवरायं बंभयारी, सचित्ताहारे से परिण्णाए भवइ, आरंभे से परिण्णाए भवइ, पेसारंभे से परिण्णाए भवइ, उद्दिट्टभत्ते से अपरिण्णाए भवइ, से णं एयारूवेणं विहारेणं विहरमाणे जहणणं गाहं वा दुयाहं वा तियाहं वा उक्कोसेणं णव मासे विहरेज्जा, से तं णवमा उवासग पडिमा ॥ २३ ॥
अहावरा दसमा उवासगपडिमा - सव्वधम्मरुई यावि भवइ जाव उट्टिभत्ते से परिण्णाए भवइ, से णं खुरमुंडए वा सिहाधारए वा, तस्स णं आभट्ठस्स समाभट्ठस्स वा कप्पंति दुवे भासाओ भासित्तए, तंजहा - जाणं वा जाणं अजाणं वा णो जाणं, से णं एयारूवेणं विहारेणं विहरमाणे जहण्णेणं एगाहं वा दुयाहं वा तियाहं वा उक्कोसेणं दस मासे विहरेज्जा, से तं दसमा उवासगपडिमा ॥ २४ ॥
Jain Education International
For Personal & Private Use Only
www.jainelibrary.org
