________________
દાન અને શીળ
પડવાથી પગ જ બગડશે કે કપડાં પણ બગડશે અને કાદવ કેટલો ઊડે છે તેની કાંઈ ખબર નથી તે તેવું જોખમ લેવા કરતાં બાજુમાં થઈને જવું શું ખોટું ? પહેલાં પગ બગાડીને પછી પગ ધોવા માટે પાણી તથા વખત શા માટે બગાડવો? ' અનીતિથી ધનોપાર્જન કરનાર ભૂલી જાય છે કે કમાયેલા ધનમાંથી થોડું ધન ધર્માદામાં આપતાં જે પુણ્ય થાય તેના કરતાં અનીતિનું પાપ ઘણું વધી જાય છે. એટલે તેઓ પુણ્યનો ફાયદો લેવાને બદલે નુકસાન જ વહેરે છે! તેનાં કરતાં નીતિથી ધનોપાર્જન કરવામાં જ સારો ફાયદો થાય છે.
ઘણા લોકો વળી પિતાના મૃત્યુ પામેલા માબાપના નામથી કે કોઈ મરી ગયેલા કુટુંબીના નામથી દાન કરે છે. આ લોકો પણ એ જ પ્રમાણે ખોટી ભ્રમણામાં ભમે છે. મરી ગયેલાના નામથી આપેલા દાનને લાભ મરી ગયેલાને તે મળતું જ નથી એ એક્કસ છે. અને પોતાના નામે આપેલું દાન કીર્તિદાન કહેવાય તેથી માબાપના નામે દાન આપી તેઓ માબાપના ભક્ત પુત્ર તરીકે વિશેષ માન પ્રતિષ્ઠા અને કીર્તિ મેળવવાની યુક્તિ કરે છે. તેનું દાન પણ ઉપર પ્રમાણે જ સારૂં ફળદાયક થતું નથી. એટલું જ નહિ પણ તેઓ સમાજને તેમ જ પોતાના આત્માને છેતરવાનું નવું પાપ વહારે છે. -
નીતિથી મેળવેલા ધનમાંથી આપેલું કીર્તિદાન પણ સારું ફળ આપનારૂં નથી તે ભૂલવું નહિ.
વર્તમાનપત્રોમાં દાતાનું નામ છપાય. સંસ્થાના રિપમાં દાતાનું નામ છપાય, ઉપાશ્રય, ઇસ્પિતાલ, આરોગ્ય ભુવન વગેરેના નામમાં દાતાનું નામ જોડાય અથવા તેના મકાનમાં દાતાના નામની તકતીઓ ચેડાય, ધાર્મિક સંસ્થાના નામ સાથે દાતાનું નામ જોડાય એવી એવી
