________________
સાહેબ, હવે તો દિલમાં એક જ પુકાર ચાલે છે : તું મારો સાહેબ, ને હું તારો બંદો - તારો સેવક, તારો ગુલામ, તારો શરણાગત. હે દેવ ! હવે મને એક જ વાત ખપે છે : તમે મને વીસરી જતા નહીં. તમારે તો મારા જેવા કરોડોઅબજો સેવકો હોય, એ બધાંની ભીડમાં, તમને પોતાનું દિલ, પોતાનું સર્વસ્વ ધરી દેનારા આ નાચીઝ બંદાને ભૂલી ન જતાં, મારા દિલદાર માલિક !
જો તમે મને ભૂલી નહીં જાવ તો હું માની જઈશ કે તમે મારા - શ્રીન વિજય વિના સેવક (યશોવિજય) નામના આ બંદાના પરમ ઉપકારી છો.
ભગવંતને પ્રિયતમ કલ્પીને તેમના પ્રત્યે પ્રેમલક્ષણા ભક્તિથી છલકાતું આ સ્તવન-ગાન કેટલું બધું હૃદયંગમ છે ! કેટલું બધું પ્રસન્નકર છે ! હૃદયને ભાવવિભોર અને આનંદમગ્ન બનાવી મૂકનારું આવું મંગલ ભક્તિગાન હમેશાં આપણી જીભ પર હો !
(કાર્તિક - ૨૦૬૬)
