________________ પ્રકરણ-૧ : અનુકૂળ-પ્રતિકૂળ મધ્યસ્થભાવ વળી, વર્તમાનમાં શ્રી અરિહંત પરમાત્માઓ વિદ્યમાન નથી. મોક્ષે પધારી ગયા છે. કેવલી ભગવંતોનો પણ વિરહ છે. એવા વખતે આપણા માટે અરિહંત પરમાત્માના વચનરૂપ આગમ જ પરમ આલંબન છે. આથી કવિવર પૂ. વીરવિજયજી મહારાજાએ કહ્યું છે કે, “વિષમકાલે જિનબિંબ જિનાગમ ભવિયણકું આધારા” ભવાટવીમાં ભૂલા પડેલા આત્માઓને શુદ્ધ આત્મતત્ત્વનું દર્શનસ્મરણ કરાવનાર શ્રીજિનબિંબ છે. પ્રભુના જેવો જ શુદ્ધ-બુદ્ધ-નિરંજનનિરાકાર મારો આત્મા છે - આવી યાદી જિનબિંબ કરાવે છે અને સમગ્ર મોક્ષમાર્ગનું દિગ્દર્શન શ્રીજિનાગમ કરાવે છે. તેથી આ કલિકાલમાં તે બંને પરમ આધારરૂપ છે. કે શાસ્ત્રનો મહિમા : યોગબિંદુ ગ્રંથમાં શાસ્ત્ર (આગમ) નો મહિમા વર્ણવતાં જણાવ્યું છે કે, પાપામયૌષધું શાસ્ત્ર, શાä પુષ્યનિબન્ધનમ્ / સર્વત્ર શાä, શાસ્ત્ર સર્વાર્થસાધનમ્ IIરરકા - શાસ્ત્ર પાપરૂપી રોગ માટે ઔષધ છે, શાસ્ત્ર પુણ્યનું કારણ છે, શાસ્ત્ર સર્વે જનારી (અર્થાત્ સર્વે પદાર્થોને જોવા માટે) આંખ છે અને સર્વ કાર્યોનું - પ્રયોજનોનું સાધન (કારણ) છે. * पापामयौषधं शास्त्रम् / - શાસ્ત્ર પાપ રૂપી વ્યાધિનો ઉપશમ કરનાર ઔષધ તુલ્ય છે. હિંસાદિ પાપો અને રાગાદિ દોષો એ આત્માના રોગો છે. કારણ કે, (જેમ તાવ આદિ રોગો શરીરના સામર્થ્યને હણી નાખે છે અને યાવત્ મૃત્યુ પણ આપે છે, તેમ) હિંસાદિ પાપો આત્માના જ્ઞાનાદિ ભાવપ્રાણોનો નાશ કરે છે. એના યોગે આત્મા પોતાના શુદ્ધસ્વરૂપથી દૂર રહે છે અને વિભાવોમાં રખડીને પારાવાર વિડંબણાઓ ભોગવે છે. પાપોની નિવૃત્તિ વિના ભાવરોગ નાશ ન પામે અને એ વિના વિડંબણાઓનો અંત ન આવે.
