________________ 115 પ્રકરણ-૩ઃ પ્રશ્નોત્તરી “નિશ્ચય નવિ પામી શકે, નવિ પામે વ્યવહાર, પુણ્ય રહિત જે એઠવા, તેને કવણ આધાર !" હવે આપણે એવા નવા પંથના પ્રવર્તકોના શાસ્ત્રનિરપેક્ષ વચનો વગેરે ક્રમશઃ (આંશિક રીતે) જોઈશું. આમ તો તેઓએ અઢળક શાસ્ત્રવિરુદ્ધ વચનો પોતાના પ્રવચનો-વાર્તાલાપો-સંવાદોમાં ઉચ્ચાર્યા છે અને તે તેમના પુસ્તકમાં લખાયા છે, પરંતુ તેમાંથી થોડાક અંશો અહીં ક્રમશઃ જોઈશું. (A) કહેવાતા દાદા ભગવાનના ઉત્સુત્ર વચનો જેને મોક્ષે જવું હોય, તેને ક્રિયાઓની જરૂર નથી. જેને દેવગતિમાં જવું હોય, ભૌતિક સુખો જોઈતા હોય, તેને ક્રિયાઓની જરૂર છે. મોક્ષે જવું હોય, તેને તો જ્ઞાન અને જ્ઞાનીની આજ્ઞા બેની જ જરૂર છે. મોક્ષમાર્ગમાં તપ-ત્યાગ કશું કરવાનું હોય નહીં.” (દાદા ભગવાનનું આત્મવિજ્ઞાન, પૃ.૫૭-૫૮) (A-1) દાદા ભગવાનનો સર્વજ્ઞ ભગવાન હોવાનો દાવો “આ જ્ઞાન પ્રાપ્ત થયા પછી અમારી પાંચ આજ્ઞા પાળે તો ભગવાન મહાવીર જેવા અહીં રહી શકે તેમ છે. અમે પોતે જ રહીએ છીએ ને?” (દાદા ભગવાનનું આત્મવિજ્ઞાન, પૃ.૫૯) (A-2) દાદા ભગવાનનો સર્વજ્ઞ હોવાનો દાવો પોકળ છે. “દાદા, આપને જ્ઞાન થયું, એ કઈ તારીખ હતી ? એ સાલ તો અઠ્ઠાવનની હતી, પણ તારીખની, આપણને શું ખબર કે આની નોંધ કરવાની જરૂર પડશે ? અને કોઈ નોંધ માંગશે, એની ય ખબર નહીં ને ?" (પૃ.૪૪-૪૫, પૂ. દાદા ભગવાન) (B) કાનજી સ્વામીના ઉત્સુત્ર વચનો (i) “આ ક્રિયાકાંડ મોક્ષમાર્ગ નથી, બાહ્ય વ્રત નિયમો તો અધૂરાશનીકચાશની પ્રગટતા છે.” (પૃ.૨, 3, ગુરુદેવશ્રીના વચનામૃતમ્)
