________________ પ્રકરણ-૩ પ્રશ્નોત્તરી 113 તપાગચ્છની નીતિ-રીતિ તો એવી છે કે - જે બતાવીએ તે શાસ્ત્રાનુસારી જ હોય. શાસ્ત્રથી વિરુદ્ધ હોય તેવું સ્વયં ન આદરે અને બીજો આદતો હોય તેને ટેકો ન આપે તથા એવી પ્રરૂપણા ન કરે, કે જેથી સત્ય-અસત્ય, સિદ્ધાંત-અપસિદ્ધાંત, કુશીલ-સુશીલ, વિધિ-અવિધિ આદિની ભેદરેખા જ ભુંસાઈ જાય. જ્ઞાનીઓએ તો અસ્પષ્ટ વચનને પણ “ઉજૂર” કહેલ છે એ યાદ રાખવું જરૂરી છે. છે શાસ્ત્રકારોની દષ્ટિએ નવા પંથો પ્રશ્ન-૧૦ : કેટલાક વર્ષોથી શ્રીમદ્ રાજચંદ્ર અને તેની અંતર્ગત રાકેશભાઈનો પંથ, દાદાભગવાનનો પંથ, કાનજીસ્વામીનો પંથ આદિ અનેક નવા પંથો પ્રવર્તેલા જોવા મળે છે. તે બધા પંથો માર્ગસ્થ કહેવાય કે નહીં ? તેમનો સમાવેશ સંઘમાં થાય કે નહીં ? તેઓ જૈનધર્મના અનુયાયી કહેવાય કે નહીં ? ઉત્તર : તમે જણાવેલા તમામ નવા પંથો માર્ગસ્થ નથી. કારણ કે, તે સર્વેએ એકાંત પકડીને શાસ્ત્રવચનોનો અમલાપ કર્યો છે. પ્રભુનો મોક્ષમાર્ગ જ્ઞાન-ક્રિયાથી અનુવિદ્ધ છે. જ્યારે આ તમામ નવા પંથોએ એક યા બીજી રીતે ક્રિયાઓનો અપલાપ કર્યો છે અને દુનિયાને અનાદેય ન થઈ જવાય એ માટે જે કંઈ ક્રિયાઓ અપનાવી છે, તે સ્વમતિકલ્પનાથી ઉભી કરેલી છે, શાસ્ત્રાનુસારી નથી. જ્યાં શાસ્ત્રમતિ નથી અને શાસ્ત્રાનુસારી નિશ્ચયદષ્ટિ પૂર્વકની શુદ્ધક્રિયા નથી, ત્યાં મોક્ષમાર્ગ ક્યારેય ન હોય. ભલે તેની બહુમતિ હોય. પરંતુ ત્યાં પ્રભુની આજ્ઞા નથી. આજ્ઞાની વિરાધના સંસાર માટે જ થાય છે, એવું જ્ઞાનીઓ ભારપૂર્વક ફરમાવે છે. તમે જણાવેલા નવા પંથના પ્રવર્તકોએ એક યા બીજી રીતે ક્રિયામાર્ગનો લોપ કર્યો છે - સુવિહિત ગ્રંથકારોની આશાતના કરી છે૨. જ્ઞાન-ક્રિયાપ્યાં મોક્ષઃ |
