________________ પ્રકરણ-૩ પ્રશ્નોત્તરી 111 તેને અનુસાર બનેલા પ્રકરણાદિ ગ્રંથો પ્રમાણભૂત છે. આ તપાગચ્છમાં સંવિગ્ન પંડિત જીવો સિદ્ધાંત અનુસાર વર્તમાનકાળનો “જીત’ બતાવે છે. તદુપરાંત, આ તપાગચ્છના નામ અને સ્થાનક કદાગ્રહને વશ થયાં ન હોવાથી ફોગટ = નિરર્થક નથી, પરંતુ ગુણનિષ્પન્ન છે. ટિપ્પણી : પૂ. મહોપાધ્યાયશ્રીજીએ અહીં ઘણી અગત્યની વાતો જણાવીને વર્તમાનમાં પ્રવર્તેલા ઘણા ભ્રમોનું ઉન્મૂલન કરી આપેલ છે. (i) સંવિગ્ન ગીતાર્થ પરમાર્થથી તેને કહેવાય, કે જે શાસ્ત્રને અનુસરતો હોય. (i) સંવિગ્ન ગીતાર્થ શાસ્ત્રના અક્ષરો જુએ એટલે શાસ્ત્રના અક્ષરોથી વિરુદ્ધ પોતાનો આગ્રહ છોડી દે છે. આગ્રહથી ખોટી વાતને પકડી રાખતો નથી. (i) તપાગચ્છના સંવિગ્ન ગીતાર્થોની આ નીતિ-રીતિ હોવાથી તે ઉત્તમ છે. (iv) તપાગચ્છ માનેલા આગમો-પ્રકરણ ગ્રંથો પ્રમાણભૂત છે. તેથી વિધિ-નિષેધ, ઉત્સર્ગ-અપવાદ, વ્યવહાર-નિશ્ચય, સન્માર્ગ-ઉન્માર્ગ, સુવિહિત સામાચારી-અવિહિત સામાચારી આદિના નિર્ણય માટે તે જ આધારભૂત છે. (V) તપાગચ્છના સંવિગ્ન ગીતાર્થો વર્તમાનકાળમાં શાસ્ત્રાનુસારી “જીત’ જ બતાવે છે. શાસ્ત્રનિરપેક્ષ જીત = વ્યવહાર બતાવતા નથી. (vi) તપાગચ્છના નામ અને સ્થાનક ગુણનિષ્પન્ન છે. - આ બધાનો સાર કહેવો જ પડશે કે, તપાગચ્છીય તરીકે ઓળખાવનારાએ શાસ્ત્રવચનોથી વિરુદ્ધ વાતોનો આગ્રહ લઈને બેસાય નહીં. - આઠમા નંબરે. અન્યલિંગીઓને (અન્યદર્શનના સંન્યાસી વગેરેને) અને પાર્થસ્થાદિ કુલિંગીઓને બત્રીસી ગ્રંથમાં પૂ.મહોપાધ્યાયશ્રીજીએ સંસારમાર્ગમાં ગણાવ્યા છે. મોક્ષમાર્ગમાં જણાવ્યા નથી, એ યાદ રાખવાની જરૂર છે.
