________________ પ્રકરણ-૩ પ્રશ્નોત્તરી 207 કુગ્રહ હોય, તો તે શાસ્ત્રના અર્થનો બાધક હોવાથી જેનાભાસ છે અને પાપ કરનારો છે.” - વર્તમાનમાં એક વાત વારંવાર દૃષ્ટિપથમાં આવે છે કે, ઘણા લોકો પ્રભુ મહાવીરની અંતિમ દેશનામાં અપાયેલા ફલાદેશને સાચો પાડવાની જાણે હરીફાઈ કરી રહ્યા હોય, તેવું ચિત્ર જોવા મળે છે, ત્યારે ખુબ દુઃખ થાય છે. જ્ઞાનીઓએ તો સ્પષ્ટ કહ્યું છે કે - તમે કોઈપણ કારણસર સાચું ન પાળી શકતા હોવ, તો પણ પ્રરૂપણા તો શુદ્ધ જ કરવી જોઈએ. આ વિષમકાળમાં શુદ્ધપ્રરૂપણા + યથાશક્તિ પાલન જ તારી શકે છે. પરંતુ વર્તમાનમાં શાસ્ત્ર-તપાગચ્છની નીતિરીતિથી અવળી નીતિ ચલાવાય છે. જ્યાં બેઠા ત્યાંનું ખોટું હોવા છતાં સમર્થન કરવાની નીતિ, એ પરદર્શનીઓની નીતિ છે, તપાગચ્છીઓની નીતિ નથી, એવું પૂ. મહોપાધ્યાયશ્રીજીએ 350 ગાથાના સ્તવનમાં સ્પષ્ટ જણાવ્યું છે. જે આપણે આગળ જોયેલ છે. - આજે જે શાસ્ત્રવિરુદ્ધ કરણી-કથનીની બોલબાલા વધી છે, તેના અનેક કારણો છે, એમાં ઊંડા ઉતરવામાં કોઈ સાર નથી. પ્રશ્ન-૪૧ : “અન્યદર્શનો જેનદર્શનના જ અંશ છે. તેથી અન્યદર્શનોનું ખંડન કરવું એ શ્રીજિનેશ્વરનું ખંડન કરવા બરાબર છે.” - આવું કેટલાક લોકો કહે છે, તે યોગ્ય છે. ઉત્તર : અન્યદર્શનો જૈનદર્શનના અંશરૂપ છે, એ વાત સાચી. પરંતુ તેમાં જે અંશ જૈનદર્શનાનુસારે ખોટા છે, તે દુર્નયસ્વરૂપ છે અને તેનું ખંડન થઈ શકે છે અને આપણા પૂ.શાસ્ત્રકાર મહર્ષિઓએ પોતાના ગ્રંથોમાં ઠેર ઠેર એનું ખંડન કર્યું જ છે. અન્યદર્શનના જે અંશ જૈનદર્શનાનુસારે સાચા છે, તે સુનયસ્વરૂપ છે. તેનું ખંડન કરવામાં આવે તો જિનનું ખંડન કરવાનો દોષ લાગે છે. આટલો વિવેક-ખુલાસો કર્યા 1. तदेकान्तेन यः कश्चिद् विरक्तस्यापि कुग्रहः / शास्त्रार्थबाधनात् सोऽयं, जैनाभासस्य पापकृत् // 6-34 //
