________________ પ્રકરણ-૩ઃ પ્રશ્નોત્તરી 209 જેવી છે. તદુપરાંત વિ.સં. 1976 અને વિ.સં. 1990 ના સંમેલનોએ દેવદ્રવ્ય વિષયક ઠરાવો કર્યા છે, તે યાદ કરવાની જરૂર છે. તથા સાધુમર્યાદા પટ્ટક સંગ્રહ’ પુસ્તકમાં છપાયેલા પૂ.પં. શ્રી ચંદ્રશેખર વિ. મહારાજાના બાવન બોલ યાદ કરવાની જરૂર છે. પ્રશ્ન-૪૪ : પૂ. હરિભદ્રસૂરિશ્વરજી મહારાજાના નામે કેટલાક લોકો કહે છે કે - કોઈનો પણ દ્વેષ ન કરવો, અન્યો સાથે સમન્વય કરવો પણ સંઘર્ષ નહીં, પૂજ્યશ્રીએ પતંજલિ વગેરે ઋષિઓને મહામુનિ, ભદંત વગેરે શબ્દોથી વખાણ કર્યા છે તો આપણાથી તેમનું ખંડન કેમ કરાય? મતાગ્રહ ન રાખો, પણ તત્ત્વાગ્રહ રાખો અને વિરોધ કરવો એ સાધનાનો વિરોધાભાસ છે,... આવું આવું ઘણું કહે છે... તો આ અંગે તમારું શું કહેવું છે. ઉત્તરઃ આ અંગેના ખુલાસા અમે અમારા “મિથ્યાત્વ એટલે મિથ્યાત્વ = હલાહલ વિષ” આ પુસ્તકમાં કર્યા જ છે. તે નીચે મુજબ છે. - સમર્થ શાસ્ત્રકાર શિરોમણિ પૂજ્યપાદ આચાર્ય દેવેશ શ્રીમદ્ હરિભદ્રસૂરીશ્વરજી મહારાજાના નામે ઘણા અપપ્રચારો ચાલે છે. તે પૈકીના પાંચ નીચે મુજબ છે. (1) જેઓએ “અદ્વેષ' ને સાધનાનું પ્રથમ પગથીયું કહ્યું છે. તેથી આપણે પણ કોઈના પ્રત્યે દ્વેષ ન કરવો જોઈએ અને દ્વેષગર્ભિત વચન પ્રયોગ ન કરવો જોઈએ.) (ર) જેઓએ અન્યધર્મના શાસ્ત્રો સાથે સંઘર્ષ નહીં, પણ સમન્વય સાધવામાં યોગસાધના નિહાળી છે. (તેથી આપણે પણ અન્યના અભિપ્રાયમાન્યતાનું ખંડન ન કરવું જોઈએ.) (3) જેઓએ અન્યધર્મના પતંજલિ વગેરે ઋષિઓને પણ “મહામુનિ નું બિરૂદ આપ્યું છે. (તેથી આપણે પણ જેનું તેનું ખંડન ન કરવું જોઈએ- કોઈને મિથ્યાત્વી ને કહેવા જોઈએ.)
