________________ પ્રકરણ-૩ પ્રશ્નોત્તરી 183 તે પાર્થસ્થાદિપણાને પામે છે અને શાસ્ત્રાજ્ઞા મુજબ તેઓ અવંદનીય છે.” આવું કહે તેનાથી મિથ્યાત્વ દોષ લાગતો જ નથી. પરંતુ સાચું નિરૂપણ કરવાના કારણે સમ્યગ્દર્શન શુદ્ધ થાય છે. મિથ્યાત્વ દોષ લાગતો જ ન હોય, તો તેવું બોલનારને મિથ્યાત્વી કઈ રીતે કહેવાય ? તદુપરાંત, જો વસ્તુતત્ત્વનું સાચું નિરૂપણ કરવામાં પણ “મિથ્યાત્વી” ઠરી જવાતું હોય, તો પાંચ પ્રકારના અવંદનીય સાધુઓનું સ્વરૂપ વર્ણવનારા વ્યવહારસૂત્ર આદિ છેદગ્રંથકારો, સંબોધપ્રકરણાદિ ગ્રંથના રચયિતા પૂ. હરિભદ્રસૂરિજી મહારાજા, ગુરુતત્ત્વવિનિશ્ચયના રચયિતા પૂ.મહોપાધ્યાયશ્રીજી મહારાજા પણ મિથ્યાત્વી કરશે અને આવું કહેવાની ગુસ્તાખી તો મહામિથ્યાત્વી જ કરે ને ? જ્ઞાનીઓએ પાર્થસ્થાદિ પાંચને સંસારમાર્ગમાં કહ્યા છે. મોક્ષમાર્ગમાં કહ્યાં નથી. એ યાદ રહે. કે જૈન કોને કહેવાય ? પ્રશ્ન-૩૭ : સાચા જેનત્વની ઓળખાણ કઈ રીતે થાય છે ? ઉત્તર : આ માટે પૂ. મહોપાધ્યાયશ્રીજીએ “જૈન કહો ક્યું હોવે” સક્ઝાયની રચના કરી છે. તે સરળ અર્થ સાથે અહીં પ્રસ્તુત છે. જેન કહો ક્યું હોવે, પરમ ગુરુ ! જૈન કહો ક્યું હોવે ? ગુરુ ઉપદેશ બિના જન મૂઠા, દર્શન જૈન વિગોવે. પરમ0 1 સરળ અર્થ : પરમગુરુ પરમાત્મા ! જૈન શી રીતે થવું ? ગુરુનો ઉપદેશ નહિ પામેલા મૂઢ છે અને તે લોકો જૈનદર્શનને વગોવે છે...૧ કહત કૃપાનિધિ શમ-જલ ઝીલે, કર્મ-મયલ જો ધોવું, બહુલ પાપ-મલ અંગ ન ધારે, શુદ્ધ રૂપ નિજ જોવે. પરમ૦ 2 સરળ અર્થઃ કૃપાનિધિ પરમાત્મા કહે છે કે, જે શમ-જલમાં સ્નાન કરે છે, જે કર્મ-મળને ઘુએ છે, જે ઘણા પાપમળને અંગ (આત્મા) ઉપર ધરતો નથી અને જે પોતાના શુદ્ધ રૂપને જુવે છે...?
