________________ પ્રકરણ-૩ પ્રશ્નોત્તરી 153 - અહીં ઉલ્લેખનીય છે કે - વર્તમાનમાં જે માન્યતાભેદો પ્રવર્તે છે, તેમાં તો શાસ્ત્રાધારે સ્પષ્ટપણે સાચા-ખોટાનો ભેદ તારવી શકાય છે. તે માટે અનેક પ્રકારનું સુવિહિત સાહિત્ય પ્રકાશિત થયેલ છે. પરંતુ જરૂર છે - તપાગચ્છની સુવિહિત નીતિની. - અહીં નોંધનીય છે કે - જે લોકો આ ત્રણ મહાપુરુષોની માન્યતાભેદને આગળ કરીને ગપગોળા ચલાવે છે, તેઓ એક યા બીજી રીતે સત્યને છૂપાવવાનું કામ કરે છે. તેમના અપપ્રચારનો અહીં આંશિક જવાબ આપ્યો છે. વિશેષ પૂ. મહોપાધ્યાયશ્રીજી રચિત જ્ઞાનબિંદુ ગ્રંથથી જાણી લેવું. - અહીં નોંધનીય છે કે - માન્યતાભેદ ઘણા પ્રકારના હોય છે. એક માન્યતાભેદ સીધો આત્મકલ્યાણને સ્પર્શતો હોય. તેમાં તત્ત્વનિર્ણય કરવામાં ન આવે તો દર્શનાચારના ‘નિઃશંકતા' આચારની ખામી ઉભી થતાં મિથ્યાત્વ દોષ લાગે છે અને મિથ્યાત્વથી નુકશાન થાય છે. બીજો માન્યતાભેદ માહિતીને લગતો હોય છે. - ત્રીજો માન્યતાભેદ વિધિ-અવિધિને લગતો હોય છે. જેમ કે, “શ્રાવકે સામાયિક દંડક (કરેમિ ભંતે) ઉચ્ચરાવતાં પૂર્વે “ઈરિયાવહીં' કરવી જોઈએ કે નહીં ? આ વિષયમાં એક ગચ્છની એવી માન્યતા છે કે, સામાયિક દંડક ઉચ્ચરાવતાં પહેલાં “ઈરિયાવહીં કરવાની જરૂર નથી અને તપાગચ્છની માન્યતા છે કે - પહેલાં ઈરિયાવહી કરવી જરૂરી છે. - તો આવા માન્યતાભેદમાં તત્ત્વનિર્ણય કરવો જ પડે. આથી પૂ.શ્રી આત્મારામજી મહારાજાએ “ચતુર્થસ્તુતિનિર્ણય' નામના પોતાના ગ્રંથમાં સેનપ્રશ્ન, મહાનિશીથસૂત્ર, આવશ્યકનિર્યુક્તિ, દશવૈકાલિક વૃત્તિ, ભગવતીસૂત્ર, સંઘાચાર ભાષ્ય, પંચાશક પ્રકરણ વગેરે ગ્રંથોના આધારે “સામાયિક દંડક ઉચ્ચરાવતાં પૂર્વે ઈરિયાવહી કરવી ફરજિયાત છે' એવું સિદ્ધ કરી આપ્યું છે. - અહીં યાદ રહે કે - તપાગચ્છની ઉત્તમ નીતિ-રીતિ એ છે કે,
