________________ પ્રકરણ-૩ પ્રશ્નોત્તરી 165 એ સન્માર્ગનો નાશ કરે છે. તેનાથી ઉન્માર્ગનું પોષણ થાય છે અને ઉન્માર્ગને પોષણ આપવાથી જિનાજ્ઞાનો ભંગ થાય છે અને જિનાજ્ઞાના ભંગથી અનંતસંસારી થવાય છે. અહીં પરમાત્મા અને શ્રીગૌતમસ્વામી વચ્ચેનો સંવાદ ઘણો લાંબો છે અને તે ખૂબ મનનીય છે. તથા સાવદ્યાચાર્યની અનંત રખડપટ્ટીનું વર્ણન કાળજું કંપાવી નાખે તેવું ભયંકર છે. પરંતુ વિસ્તારભયથી તે અહીં લીધેલ નથી. અનેકવાર નરકની મુલાકાત એમના આત્માને લેવી પડી છે. મિથ્યાત્વના ઉદયે બુદ્ધિમાં પેદા થતો વિપર્યાસ કેવો ખતરનાક છે, તે સાવઘાચાર્યના ઉદાહરણથી સમજી શકાય છે અને ભૂલ થયા પછી આલૌકિક તુચ્છ યશની રક્ષા કરવા માટે અને અપયશના ભયથી ભૂલ સુધારવામાં ન આવે તો આત્માની કેવી દુર્દશા થાય છે, તે પણ વિચારવા જેવું છે. પ્રશ્ન-૨૦ : દાદા ભગવાન શ્રીકૃષ્ણ-શિવ અને મહાવીરને ભેગા કરે છે તે યોગ્ય છે ? ઉત્તર : આ એકદમ અયોગ્ય તો છે જ. સાથે સાથે મહામિથ્યાત્વનો કારમો વિલાસ પણ છે. તેમનું પરાક્રમ પણ જોવા જેવું છે. તેમની એક પુસ્તકમાં નીચેનો ત્રિમંત્ર આપ્યો છે - - સંસાર વિદનો નિવારક ત્રિમંત્ર | નમો અરિહંતાણ, નમો સિદ્ધાણં, નમો આયરિયાણં, નમો ઉવર્ઝાયાણં, નમો લોએ સવ્વસાહૂણં, એસો પંચ નમુક્કારો, સવ્વ પાવપ્પણાસણો, મંગલાણં ચ સવ્વર્સિ, પઢમં હવઈ મંગલમ્ III 3ૐ નમો ભગવતે વાસુદેવાય |રા ૩ૐ નમઃ શિવાય ||૩|જય સચ્ચિદાનંદ. - આ મિથ્યાત્વનો કારમો વિલાસ છે. લોકોત્તર પંચપરમેષ્ઠિની હરોળમાં લૌકિક દેવોને મૂકીને લોકોત્તર તત્ત્વોની મહા આશાતના કરવામાં આવે છે.
