________________ 45 પ્રકરણ-૨ મધ્યસ્થનું માર્ગકથન નિંદારૂપ નથી - માર્ગકથકની એ જવાબદારી છે કે.. તેણે શ્રોતાઓને સન્માર્ગ અને ઉન્માર્ગનો તથા સન્માર્ગી-ઉન્માર્ગીનો ભેદ એકદમ સ્પષ્ટ કરી આપવાનો છે... સુદેવાદિ-કુવાદિનો વિવેક કરવામાં ક્યાંય કચાશ રાખવાની નથી... આચાર-અનાચાર, સારા-નરસા, સુવિહિત સામાચારી-અવિહિત સામાચારી, હેય-ઉપાદેય પદાર્થો આદિની ભેદરેખા સ્પષ્ટ કરી આપવાની છે. - ગીતાર્થ, જયણાવંત, ભવભીરૂ અને ગુણોથી મહાન એવા ઉત્તમ માર્ગકથક પુરુષ પ્રભુના માર્ગને યથાવસ્થિત પ્રકાશિત કરીને ભવ્યાત્માઓના અજ્ઞાન-ભ્રમોને દૂર કરે છે અને પ્રભુનો સાચો માર્ગ પ્રદાન કરે છે. તેનાથી તે સ્વયં તરે છે અને સાંભળનારા જીવો પણ ભવસમુદ્રને પાર પામે છે.' [B-1) મધ્યસ્થનું માર્ગકથન નિંદારૂપ નથી. જે વતા (માર્ગકથક) સ્વપક્ષના રાગ અને પરપક્ષના દ્વેષથી રહિત મધ્યસ્થભાવમાં રમે છે, તેવા મધ્યસ્થનું માર્ગકથન (માર્ગની પ્રરૂપણા) નિંદારૂપ નથી. આથી જ પૂ.મહોપાધ્યાય શ્રીયશોવિજયજી મહારાજ 350 ગાથાના સ્તવનમાં જણાવે છે કે - “નવિ નિંદા મારગ કહેતાં, સમપરિણામેં ગહગ હતાં; મુનિ અદ્રચરિત્ત મન રંગે, જોઈ લીજે બીજે અંગે.” (4-9) ભાવાર્થ : રાગ-દ્વેષથી રહિત મધ્યસ્થભાવમાં રમણ કરતાં જે મોક્ષમાર્ગનો ઉપદેશ અપાય છે, તે નિંદા નથી. આ અંગે બીજા “સુયડાંગ નામના અંગ = આગમમાં આર્દ્રકુમાર મુનિનું ચરિત્ર (આર્દ્રકુમાર અને ગોશાલકનો વાર્તાલાપ-સંવાદ) આંતરિક શુદ્ધિ-માનસિક ઉલ્લાસપૂર્વક જોવોસાંભળવો જરૂરી છે. - કહેવાનો સાર એ છે કે - પ્રભુના વચનોના રહસ્યોને પામીને પ્રભુએ દર્શાવેલા મોક્ષમાર્ગનું પ્રકાશન કરતાં... હેય-ઉપાદેયનો વિવેક કરવો, 1. ગીતારથ જયણાવંત, ભવભીરૂ જેહ મહંત, તસ વયણે લોકૅ તરીઈ, જિમ પ્રવહણથી ભરદરીઈ (4-5)(350 ગાથાનું સ્તવન)
