________________ પ્રકરણ-૩ પ્રશ્નોત્તરી 103 પણ લક્ષણની અવગણના કરનારી ન હોય, તે આચરણા શ્રીજિનાજ્ઞાની માફક જ માન્ય કરવા લાયક છે અને તેમ કરવામાં પણ વસ્તુતઃ તો શ્રી જિનાજ્ઞાની જ આરાધના છે, કારણ કે, આચરણાને માનવી જોઈએ, એવું પણ ભગવાન શ્રીજિનેશ્વરદેવોએ ફરમાવેલું છે. માટે જ માન્ય કરાય છે અને એ રીતિએ વિચારણા કરતાં પણ સમજી શકાય છે કે, જે આચરણામાં ભગવાન શ્રીજિનેશ્વરદેવોની આજ્ઞાની વિરુદ્ધતા હોય, તેવી આચરણાને માનવાની કલ્પના પણ ભવભીરુ શાસનાનુસારિઓથી થઈ શકે નહિ. એ હેતુથી પણ, પરમ ઉપકારી મહાપુરુષોએ આચરણાના વિષયમાં ઘણી ઘણી સ્પષ્ટતા કરેલી છે. 6 સારાંશ: ઉપર જણાવેલા શાસ્ત્રપાઠોમાં સ્પષ્ટ શબ્દોમાં એમ જણાવવામાં આવ્યું છે કે - (1) જે આચરણા સંવિગ્રનગીતાર્યાદિ ગુણથી યુક્ત પ્રામાણિક પુરુષે પ્રવર્તાવેલી ન હોય, તેવી ગમે તેટલી જુની પણ આચરણાને વાસ્તવિક સ્વરૂપની આચરણા કહી શકાય જ નહિ. (2) સંવિગ્નગીતાર્યાદિ ગુણથી યુક્ત પ્રામાણિક પુરુષે પ્રવર્તાવેલી એવી પણ આચરણા, જો રાગ-દ્વેષથી અથવા માયાથી રહિતપણે પ્રવર્તાવેલી ન હોય, અર્થાત્ રાગ-દ્વેષ કે માયાથી પ્રર્તાવેલી હોય તો તો તેવી આચરણાને વાસ્તવિક સ્વરૂપની આચરણા કહી શકાય જ નહિ. (3) સંવિગ્નગીતાર્યાદિ ગુણથી યુક્ત પ્રામાણિક પુરુષે અશઠપણે પ્રવર્તાવેલી એવી પણ આચરણા, જો નિરવદ્ય ન હોય એટલે કે સર્વથા હિંસાવિરમણ આદિ મહાવ્રતો રૂપ મૂલગુણો અને પિંડવિશુદ્ધિ આદિ ઉત્તરગુણોનો વિઘાત કરનારી હોય અગર તો શાસ્ત્રવચનોનો વિઘાત કરનારી હોય, તો પણ તેને વાસ્તવિક સ્વરૂપની આચરણા કહી શકાય જ નહિ.
