________________
[१२] નિર્જરાના અથી સાધુએ રહેવું, એ વિષય છે, નિર્યુક્તિ અનુગમ કહ્યું, હવે સૂત્રાનુગમમાં સૂત્રો કહે છે –
से भिक्खू वा० अभिकंखिजा उवस्सयं एसित्तए अणुपविसित्ता गाम वा जाव रायहाणिं वा, से जं पुण उवस्सयं जाणिजा सअंडं जाव ससंताणयं तहप्पगारे उवस्सए नो ठाणं वा सिजं वा निसीहियं वा चेइजा॥ से भिक्खू वा० से जं पुण उवस्सयं जाणिजा अप्पंडं जाव अप्पसंताणयं तहप्पगारे उवस्सए पडिले हित्ता पमजित्ता तओ संजयामेव ठाणं वा ३ चेइज्जा ॥ से जं पुण उवस्सयं जाणिजा अस्सि पडियाए एगं साहम्मियं समुद्दिस्स पाणाई ४ समारब्भ समुद्दिस्स कीयं पामिच्चं अच्छिजं अणिसटुं अभिहडं आहट्ट चेएइ, तहप्पगारे उवस्सए पुरिसंतरकडे वा जाव अणासेविए वा नो ठाणं वा ३ चेइज्जा । एवं बहवे साहम्मिया एगं साहम्मिणि बहवे साहम्मिणीओ ॥ से भिक्खू वा० से जं पुण उ० बहवे समणवणीमए पगणिय २ समुद्दिस्स तं चेव भाणियव्वं ॥ से भिक्खू वा० से जं० बहवे समण समुद्दिस्स पाणाई ४ जाव चेएति, तहप्पगारे उवस्सए अपुरिसंतरकडे जाव अणासे. विए नो ठाणं वा ३ चेइज्जा ३, अह पुणेवं जाणिजा। पुरिसंतरकडे जाव सेविए पडिलेहित्ता २ तओ संजयामेव चेइजा ॥ से भिक्खू वा० से जं पुण अस्संजए भिक्खुपडि. याए कडिए वा उक्कंबिए वा छन्ने वा लित्ते वा घटे वा मढे वा संमढे वा सेपधूमिए वा तहप्पगारे उवस्सए अपुरिसंतरकडे जाव अणासेविए नो ठाणं वा सेजं वा निसीहिं वा चेइजा, अह पुण एवं जाणिजा पुरिसंतरकडे जाव आसे. विए पडिलेहित्ता २ तओ चेइज्जा ॥ (सू०६४)
