________________
भिक्षु वाङ्मय खण्ड-१ ८. सुभ लांबो आउखो बंधे इण विधे रे लाल, ते पिण आउखो पुन माहि हो।
ते हिंसा न करें प्रांणी जीव री रे लाल, वले बोलें नही मूंसावाय हो।।
९. तथारूप समण निग्रंथ ने रे लाल, करें वंदणा ने नमसकार हो।
पीतकारी वेहरावें च्यारू आहार में रे लाल, ठाणा अंग तीजा ठाणा मझार हो।।
१०. एहीज पाठ भगोती सूतर मझे रे लाल, पांचमें सतक षष्ठम उदेश हो।
संका हुवें तों निरणों करो रे लाल, तिणमें कूड़ नही लवलेश हो।।
११. वंदणा करतां खपावे नीच गोत ने रे लाल, उंच गोत बंधे वले ताहि हो।
ते वंदणा करण री जिण आगना रे लाल, उतराधेन गुणतीसमां माहि हो।।
१२. धर्म कथा कहें तेहनें रे लाल, बंधे किल्याणकारी कर्म हो।
उतराधेन गुणतीसमां अधेन में रे लाल, तिहां पिण निरजरा धर्म हो।।
१३. करें वीयावच तेहनें रे लाल, बंधे तीर्थंकर नाम कर्म हो।
उतराधेन गुणतीसमां अधेन में रे लाल, तिहां पिण निरजरा धर्म हो।।
१४. वीसां बोलां करेनें जीवड़ो रे लाल, करमां री कोड़ खपाय हो।
जब बांधे तीथंकर नाम कर्म में रे लाल, गिनाता आठमाधेन माहि हो।।
१५. सुबाहू कुमर आदि दस जणा रे लाल, त्यां साधां में असणादिक वेंहराय हो।
त्यां बांध्यो आउषो मिनख रो रे लाल, कह्यों विपाक सुतर रे मांय हो।।
१६. प्राण भूत जीव सत्व में रे लाल, दुःख न दें उपजावें सोग नाहि हो।
__ अझूरणया ने अतीप्पणया रे लाल, अपिट्टणया परिताप नहीं दे ताय हो॥
१७. ए छ प्रकारें बंधे साता वेदनी रे लाल, उलटा कीधां असाता थाय हो।।
भगोती सतखंध सातमें रे लाल, छठा उदेसा माहि हो।।
