________________
२९२
भिक्षु वाङ्मय खण्ड-१ ४२. छ काय रा जीवां में हणें संसारी, त्यारे विचे पडें नहीं जायो जी।
विचें पड्यां वरत भागें साधु रों, ते विकलां में खबर न कायो जी॥
४३. केइ तों कहें साधां ने विचें न परणों , केई कहें विचे परणों जी।
साधां में समभावें रहणों, ते विकलां रे नही छे निरणो जी॥
४४. साधां ने विचे परणों त्रिविधे नषेध्यो, ते हणतां विचें न पड़ें जायो जी।
पिण ग्रहस्थ में धर्म कह विचं पड़ीयां, तो घर रा धर्म कांय गमायो जी॥
४५. हणे जीतव में परसंसा रे हेतें, हणे मांन में पूजा रे कामो जी।
वले जनम मरण मूकावा हणें छे, हणे दुख गमावण तांमो जी॥
४६. यां छ कारणां छ काय में मारें तो, अहेत रो कारण थावें जी।
जन्म मरण मूंकावण हणे तो, समकत रतन गमावें जी।।
४७. ए छ कारणे छ काय में मारयां, आठ करमां री गांठ बंधायो जी।
मोह में मार वधे घणी निथे, वले पडे नरक में जायो जी।।
४८. अर्थ अनर्थ हिंसा कीधां, अहेत रो कारण तासो जी।
धर्म रे कारण हिंसा कीधां, बोध बीज रो हासो जी॥
४९. छ कारणे छ काय में मारें, ते तो दुख पांमें इण संसारो जी।
ए तो आचारंग रे पेंहले अधेनें, छ उदेसा में कह्यों विसतारो जी॥
