________________
२३२
भिक्षु वाङ्मय खण्ड-१ १५. दव दवो गांम जलायवों, इत्यादिक हो सावध कार्य अनेक।
ए सर्व छोडावे समझाय नें, सगला री हो विध जांणों तुमे एक।
१६. हिवे कोइक अग्यांनी इम कहे, छ काय काजें हो द्यां छां धर्म उपदेस।
एकण जीव ने समझावीयां, मिट जाए हो घणा जीवां रो कलेश॥
१७. छ काय घरे साता हुइ, एहवो भाखें हो अणतीरथी धर्म।
त्यां भेद न पायो जिण धर्म रो, ते तो भूला हो उदे आयो मोह कर्म॥
१८. हिवें साध कहें ते सांभलों, छ काय रे हो साता किण विध थाय।
सुभ उसभ बांध्या ते भोगवें, नही पाम्यां हो त्यां मुगत उपाय॥
१९. हणवा सूस कीया छ काय ना, तिणरें टलीया हो मला उसभ कर्म पाप। ___ग्यांनी जाणे साता हुई एहनें, मिट गया हो जन्म मरण संताप॥
२०. साधु तिरण तारण हुआ एहना, सिध गति में हों मेल्यों अविचल ठांम।
छ काय लारें झिलती रही, नही सझीया हो तिणरा आत्म कांम॥
२१. आगें अरिहंत अनंता हुआ, कहतां कहतां हो कदे नावें तिणरों पार।
आप तिऱ्या ओरां में तारीया, छ काय रे हो साता न हुइ लिगार॥
२२. एक पोतें वच्यों मरवा थकी, दूजें कीधो हो तिणरें जीवण रो उपाय।
तीजों पिण हरष्यों उण जीवीयां, यां तीनां में हो कुण सुद गति जाय॥
