Book Title: Nandanvan Kalpataru 2014 04 SrNo 32
Author(s): Kirtitrai
Publisher: Jain Granth Prakashan Samiti
Catalog link: https://jainqq.org/explore/521032/1

JAIN EDUCATION INTERNATIONAL FOR PRIVATE AND PERSONAL USE ONLY
Page #1 -------------------------------------------------------------------------- ________________ nandanavanakalpataruH32 zAsanasamAjAmiha samUdAye meruparvatopamye / kalpatarunandanavana-satko'yaM-nandatAt suciram / / vi0 saM0 2070 uttarAyaNam saGkalanam kIrtitrayI For Personal Private Use om Page #2 -------------------------------------------------------------------------- ________________ nandanavanakalpatarUH 32 zAsanasamrAjAmiha samudAye meruparvataupamye / kalpatarunandanavana-satko'yaM nandatAt suciram // vi.saM. 2070 uttarAyaNam saGkalanam : kIrtitrayI For Personal & Private Use Only Page #3 -------------------------------------------------------------------------- ________________ nandanavanakalpataruH 32 saGkalanam : kIrtitrayI // prakAzanam : zrIjainagranthaprakAzanasamitiH, khaMbhAta // vi.saM. 2070, I.saM. 2014 mUlyam : rU. 100/ jAlapuTasaGkettaH email : s.samrat2005@gmail.com prAptisthAnam zrIvijayanemisUrIzvarajI svAdhyAya maMdira 12, bhagatabAga, zeTha ANaMdajI kalyANajInI peDhI samIpa, pAlaDI, amadAvAda - 380007 dUrabhASa: 079-26622465, 09408637714 samparkasUtram : "vijayazIlacandrasUriH" C/o. Atul H. Kapadia A-9, Jagruti Flats, Behind Mahavir Tower, Paldi, Ahmedabad-380007 dUrabhASa : 079-26574981 M. 9979852135 Arthika saujanyam zAsanasamrATa-samudAyavartisAdhvIzrIcAritrazrIziSyAsAdhvIzrIsarasvatIzrIziSyAsAdhvIzrImanoramAzrIpreraNayA zAradAbena-ArAdhanAbhavanasya (sAbaramatI) zrAvikAvargeNa nandanavanakalpatarobhatriMzyAH zAkhAyAH prakAzanArthamArthikaH sahayogaH kRto'sti // mudraNam : 'kriSnA grAphiksa' nAraNapurA jUnA gAma, amadAvAda-380013 dUrabhASa : 079 - 27494393 For Personal & Private Use Only Page #4 -------------------------------------------------------------------------- ________________ | vAcakAnAM pratibhAvaH sarvArthaM saMskRtam // saMskRtaM ye prazaMsanti ye prazaMsanti saMskRtim / bhArataM ye prazaMsanti dhanyaM jIvanti te narAH / / praNamyAH vijayazIlacandrasUrIzvarAH, samAdaraNIyA kIrtitrayI, namo namaH / / svAgataM nandanavanakalpataroH (zAkhA-31) sadhanyavAdam / "kimarthaM saMskRtaM jJeyam ?" iti kRte prazne, bahudhA jAyate Azcaryam / 'sudharmA' patrikAyAm, anyatra ca punaH punaH pratipAditaM saMskRtasya mahattvaM, na kasyA'pi parokSam / bhAratIya-saMskRtyAH, asmAkaM rASTrasya samRddha-vaicArikasampattezcA'vabodhArthaM saMskRtaprAkRtayoH paricayo'nivArya ev| api ca, yaH saMskRtajJaH, sa bhAratIyAM kAmapi bhASAmavagantuM sakSamo bhavati, yataH sarvAstAH saMskRtamUlAH / sarvAsu, 60-70 zabdAH pratizataM, saMskRtAH, tadbhavAH, tatsamAzca santi / saMskRtabhASA ziSTA, ziSTatvadAyinI, ziSTAcArapradAyinI ca / nizcitaM rUpamasyAH, kampyuTarayuge tu savizeSamAkAryam / vyAkaraNadRSTyA, uccAraNadRSTyA vA nA'nyA bhASA'sti sNskRtsdRshii| sandhisamAsAdInAM yojanA, sUtrAtmakatA cA'pi, saMskRtasya vaiziSTyarUpeNa / prayogairapi pratijJApitaM yat saMskRtapadyAnAM samyakgAnaM rogAn harati / asyA gAnamAdhurI, AhlAdayati mAnasam / adyA'pi, saMskRte kathAkAvyanATakAdInAM lekhanaM paThanaM ca bahudhA bhavati samagre bhArate vAci api prayujyate sA / samagre bhArate, eSA bhASaiva, vinA prAntabhedaM vinA jAtibhedaM vA svIkRtA sarvaiH / bhAratasya aikyAtha, satyamidaM jJAtvaiva, videzIyA tathA'pi sarvAdhikA bhAratIyA puduccerI(poMDicerI)sthA zrImAtAjI sAgrahaM nivedayati yat, sarvaiH svIkRtatvena, eSA bhASA bhAratasya rASTrabhASA bhavitumarhati / asmAkaM mAtA eSA / mAturvyAvahArikaM mUlyaM naiva vicAryate / pUjyAyA mAtuH saMskArA eva gRhyante / RNaM ca svIkriyate / janmata Arabhya (tatpUrvamapi), mRtyoranantaramapi, sarve saMskArAH saMskRte eva / AtmIyatvamasmAkamanayA sh| 'astu saMskRtAzritaM jIvanaM vara miti saMskRtAnAM saMskRtajJAnAM vazaMvadaH DaoN.vAsudevaH pAThakaH amadAvAdaH 15 DaoN. rUpanArAyaNapANDeyaH manIkApUrA (cA~dapura), sorAmaH, prayAgaH, u.pra. 212502, mo. 9936930575 For Personal & Private Use Only Page #5 -------------------------------------------------------------------------- ________________ vAcakAnAM pratibhAvaH mahAtman, nandanavanakalpataroH ekatriMzI zAkhA atra prAptA / pUrvaM yathoktam, ahaM kalpataruvAcanena dvedhA lAbhAnvitaH asmi / (jainadarzanaparicayena, saMskRtasya viziSTaprayogANAM kroDIkaraNena ceti) / tatra sarvA api padyaracanA hRdyAH / AcArya vijayahemacandrasUribhilikhitaM zrInemisaubhAgyamahAkAvyaM tatratyavAkpravAheNa mano'kArsIt / munikalyANakIrtivijayailikhitaH 'zUnyatA' iti vaijJAnikalekho mAM gItAyAstrayodaze'dhyAye "brahma na sat, na ca asat' iti yaduktaM, tadasmArayat / tatra "proTonakaNasya paritaH" iti dRSTam (37tame puTe madhyabhAge ISadupari) tattu "proTonakaNaM paritaH" iti syAt cet uttamam / heramAnahesasya siddhArthakathAyA AGglAnuvAdaH pUrvaM paThita AsIt / idAnIM kalpatarau tasya saMskRtAnuvAdaM dRSTvA'tIva prasanno'bhavam / anuvAdakebhyo munikalyANakIrtivijayebhyo namaH / taireva likhitA amaradattamitrAnandayoH kathA'pi mahyamatIvA'rocata / iti bhavadIyaH ravIndraH Palghat-678012 For Personal & Private Use Only Page #6 -------------------------------------------------------------------------- ________________ vAcakAnAM pratibhAvaH mAnyAH, sAdaraM praNAmAH / 'nandanavanakalpataroH' triMzattamyAM zAkhAyAM sampAdakIye satyaM nigadyate yat sAmpratamapi tamoguNopete bhArate mahAmAnavAH saJjAyante / viSame'pi kAle'sbhAbhiH svasaMskRteH saMrakSaNasya saMvardhanasya sAmaJjasyatattvasya cA'nveSaNasya prayatnA vidheyAH / tadarthaM nandanakalpataruparivAraH prayatate'nAratam / asyAM zAkhAyAM DA.rAmakizoramizra-devarSi kalAnAtha-ec.vi.nAgarAjarAv-DA. vAsudeva pAThakAdInAM kRtayo'bhinandanIyAH santi / munivaryaiH praNItAH kathAH 'sAmrAjyasthairyamUlam', 'yogakSemaM vahAmyaham', 'bhikSukANAM rAjA', 'dezasya jAto'sti pratizyAyavyAdhiH' ityAdayo na kevalaM sanmArgamupadizanti, api tu vyaJjanayA samAjasya rASTrasya ca paristhitipariSkArasyopAyAn api nirdizanti / saMskRtavibhAgasya adhyakSeNa prastuto lekho na kevalaM tasya lekhanaskhalitAni sUcayati api tu sAmprataM samAje rASTre ca nitarAmArakSaNavyavasthayA, utkocabalena, anyAyena vA kRtAnAM niyuktInAM doSAn api samyag vizadIkaroti / manye - lekhanAt prAg lekhakaiH svalekhAnAM racanAnAM vA doSAH svayameva savivekaM cintanIyAH, anyathA saMskRtabhASAyAH saMskRtatvaM surakSitaM na syAt / cintayantu suvijJAH / jayati saMskRtaM saMskRtizca / DaoN. rUpanArAyaNapANDeyaH For Personal & Private Use Only Page #7 -------------------------------------------------------------------------- ________________ prAstAvikam lekhanaM nAma kim ? kasyacana bhAvasya vicArasya vA bhASAmAdhyamenA'bhivyajyA'nyasya manasi prApaNaM pratyAyanaM vA nAma lekhanam / atra hi tattvadvayamasti - kathayitavyaM, bhASA ca / tannAma, prathamaM tAvat yat kathayitavyamasti tadviSayakaH spaSTo bodha AvazyakaH / asati hi spaSTe bodhe suSTvapyabhivyaktisAmarthyaM parapratyAyane saphalaM naiva bhavet / spaSTe bodhe ca sati tadabhivyaktyarthaM bhASAsAmarthyamapi sutarAmAvazyakam / anyathA svamanasi spaSTabodhavatyapi lekhanaM niSphalaM bhavet / evaM ca tattvadvaye satyeva saphalatayA lekhanaM kartuM zakyam / yo hi svena kathayitavyaM kimityeva na jAnAti tasya lekhanaM hi yathAkathaJcit pravartamAnamunmattasyA'TATyeva bhavati / etAdRze lekhane'sAGgatyamasambaddhatAspaSTatetyAdayo doSA dRzyante / tatazca vAcakasya pratyAyanaM sarvathA na bhavati / yazca kathayitavyaM samyagavabudhyate kintu tadabhivyaktaye bhASAsAmarthyaM na dhArayati tasya lekhanaM yadyapi pratyAyanasamarthaM tu kathaJcid bhavet tathA'pi tasya yathArthaH prabhAvo naiva bhavet / 6 For Personal & Private Use Only Page #8 -------------------------------------------------------------------------- ________________ atra niSkarSastvayameva yallekhanArthaM prathama sopAnaM spaSTo bodho'nivAryaH, tasmiMzca sati bhASAprAvINyamAvazyakam / tattvayozcainayorAdhAreNa lekhakAnAmapi catubhiH prakArairvargIkaraNaM zakyam - 1. yasya vicAraNaM spaSTaM tarkazuddhaM ca syAt, tadabhivyaktisamarthaM ca bhASAprAvINyamapi syAt / 2. yasya vicAraNaM spaSTaM syAt, paraM bhASAsajjatA'lpIyasI syAt / 3. yasyA'bhivyaktisAmarthya bhASAprAvINyaM ca syAt paraM vicArazaktiralpIyasI syAt / 4. yasya vicAraNaM tvaspaSTameva syAt sahaiva bhASAsajjatA'pi na syAt / atra prathamaH prakAraH sarvathA prazasyaH / dvitIyo'pi kathaJciduttIrNa eva / paraM tRtIyazcaturthazca prakAraH sarvathA nA''daraNIyaH / kintvadyatve sAhityajagato daurbhAgyamasti yallekhakeSu pAzcAtyau dvau prakArAvevA'tyadhikatayA dRzyete / ataH sarvatra tucchAnAM niHsArANAM caiva pustakAnAM prasAraH pracArazcA''dhikyena dRzyate / ____ atra kAraNAni tu bahUni syuH paraM dvitrANi tu vizeSatayA pratibhAnti-prathamaM tAvadasmin yuge mudraNamatisulabhaM saJjAtamasti / yaH ko'pi jano yatkimapi likhitvA yadA-kadAcidapi mudrayituM prakAzayituM samartho jAto'sti / anyacca, pUrvaM hi lekhakAH svalikhitaM sarvamadhikArividvajjanena saMzodhayanti sma, tatsakAzAccA'numatau labdhAyAmeva tat prakAzayanti sma / kintvadyatve tAdRzaM niyAmakaM kimapi tattvaM samAje na vidyate, yataH prAyo janA janmanyAH santi / yadi ca kutracit tAdRzaM tattvaM syAttadA'pi tasyA'vadhIraNameva kriyate / phalatazca sAhityajagato mahAn bhAgo nirarthakairmudraNainiHsAraizca prakAzanaiH saGkalo jAto'sti / etena sadvAcanamicchatAmapi sAmAnyavAcakAnAM samakSaM tAdRzAnyeva pustakAni puraskriyante / uttamAni pustakAni tvatyalpAni kutracinnilInAnIva zodhanenaiva prApyante / ___ atha cA'sArANi pustakAni paThitvA ye nUtanatayA lekhakA bhavanti te'pi tAdRgeva likhantIti duzcakramidaM sadA''vartamAnameva bhavati / etasmAdduzcakrAt samAjasya bahirAnayanaM hi prekSAvatAmadhikAriNAM ca vidvajjanAnAM lekhakAnAM ca kartavyam / tacca tairavilambenA'skhalitatayA ca nirvoDhavyamevA'nyathA''gAmini kAle samAjo'yaM paThana-vAcanAbhyAM niviNNa eva bhaviSyati / kiM vayametadarthaM sajjAH smo vA ? cintyatAm !! kIrtitrayI caitrazuklA pUrNimA godharAnagaram For Personal & Private Use Only Page #9 -------------------------------------------------------------------------- ________________ anukramaH pRSTham kartA A. ajitayaza:sUriH A. vijayahemacandrasUriH A. vijayahemaca A. vijayadharmadhurandharasUriH ec. vi. nAgarAjarAv DaoN. vAsudeva vi. pAThakaH DaoN. vAsudeva vi. pAThakaH DaoN. vAsudeva vi. pAThakaH orm SWAMMAR devarSikalAnAthazAstrI pro. kamalezakumAra cha. cokasI pUjyAcAryazrImunisundarasUrayaH kRtiH . zrIAdijinastutyaSTakam zrIgautamasvAmi-stuti-SoDazikA zrIsarasvatIstotram zrInemistavaH sajjanazatakam saMskatAzritA nAmAkSarANi gurjaradezaH vinodapRSatAH [viDambana-kAvyam] AdhunikyA yakSapalyA meghasandezasyottaram kramazo'tra pravartate prAcInaM sAhityam vidyagoSThI AsvAdaH pragAr3havicArAH patrammunidharmakIrtivijayaH siddhArthaH (dvitIyabhAgaH) anuvAdaH taraNopAyaH granthasamIkSA 'saMskRtakavitAsRSTiH' (saMskRtakavitAsaMgrahaH) marma gabhIram kathA bAlakasya dezabhaktiH kiM kRtaM tvayA ? tyAgaH kRto mayA viralAni saMskAramUlyAni nirlobhitA marma narma prAkRtavibhAgaH kathA pAiyavinnANakahA DaoN. madanalAlavarmA 48 munikalyANakIrtivijayaH munidharmakIrtivijayaH 113 DA. rUpanArAyaNapANDeyaH munikalyANakIrtivijayaH 118 124 126 muniratnakIrtivijayaH munidharmakIrtivijayaH munidharmakIrtivijayaH muniH akSayaratnavijayaH sA. zrIdhRtiyazAzrIH kIrtitrayI 127 132 133 A.vijayakastUrasUriH 135 For Personal & Private Use Only Page #10 -------------------------------------------------------------------------- ________________ zrIAdijinastutyaSTakam A.ajitayazaHsUri* vidyAdimaNDanamunIzakRtapratiSThaM karmAkhyazreSThiracitaM zubhabimbajyeSTham / ucchvAsasaptakaprasiddhaprabhAvapuSTaM saubhAgyavArinidhimAdijinaM nuve tam // 1 // velAyate lavaNimA nanu deharekhA vartAyate ca nayane zapharAyamAne / yariMmazca bhavyajanabhAvanadIprayAgAH saubhAgyavArinidhimAdijinaM nuve tam // 2 // * A.zrIvijayalabdhisUrisamudAyavartI / For Personal & Private Use Only Page #11 -------------------------------------------------------------------------- ________________ kUrmAvatAracaraNaM kamalAvatAranetraM tathA vadanato mihirAvatAram / candrAvatAradhavalaM kila mArudevaM saubhAgyavArinidhimAdijinaM nuve tam // 3 // madhyasthatAjanitazuddhaprasannatADhye maitrIpramodakaruNAjalapuSkariNyau / yallocane prathayato trijagatpatitvaM saubhAgyavArinidhimAdijinaM ve tam // 4 // siddhAcale calavidhUnitavaijayantyA bhavyAn nimantrayati yasya jinendrasadma / sauvarNadaNDakalazaM kaluSopazAntyai saubhAgyavArinidhimAdijinaM nuve tam // 5 // cakradhvajAGkuzajaSaiH parimaNDitaM ca yasyA'sti pAdayugalaM salilaM ghAya / zrIkSIrapAdapatale'khilalokapUjyaM saubhAgyavArinidhimAdijinaM ve tam // 6 // zrI zAnticaityapramukhairbahucaityavRndaivRndArakAlayaparIsaramasti yasya / yasyA'sti sanmukhamaho gaNipuNDarIkaH saubhAgyavArinidhimAdijinaM nuve tam // 7 // nirvAriSaSThatapasA khalu sapta yAtrA nUnaM hi yasya bhavasAgarayAnapAtram / yastIrthanAyaka jino vRjinasya vairI saubhAgyavArinidhimAdijinaM nuve tam // 8 // sUrIzalabdhi-gaNanAyaka vikramAkhyasUrIzvarasya kRpayA yazasA'jitAkhyaH / yasyASTakaM khalu vidhAya labheya muktiM saubhAgyavArinidhimAdijinaM nuve tam // 9 // -X 2 For Personal & Private Use Only Page #12 -------------------------------------------------------------------------- ________________ zrIgautamasvAmi-stuti-SoDazikA A. vijayahemacandrasUriH (upajAti-vRttam) suvarNa-padmAsana-saMniSaNNaM, sphuratprabhAmaNDalabhAsamAnam / devendravRndArcitapAdapa , zrIgautamaM sattamamAnamAmi // 1 // grAmaH pavitraH khalu gobbarA''hvaH, puNyA ca pRthvIjananI nitAntam / tAto'pi dhanyo vasubhUtinAmA, yatrA'jani zrIgurugautamo'yam // 2 // yadIyalokottarasadguNAnAM, pAraM na prApnoti guruH kadApi / dvijAnvayendurguNaratnasindhuH, sa rAjatAM gautamayogirAjaH // 3 // vIraprabhorAdyagaNAdhipo yo, bhavyAmbujodabodhanatigmarazmiH / samIpsitArthapradadarzano'sau, virAjatAM gautamayogirAjaH // 4 // yo bIjabuddhyA racayAJcakAra, saddvAdazAGgI bhuvanopakRtyai / muhUrttamAtreNa padatrayeNa, tamindrabhUtiM praNamAmi kAmam // 5 // svazaktito'STApadaparvate yo, jagAma nantuM jinarAjapAdAn / bhavyAtmanAM kAmitakalpavRkSaH, sa rAjatAM gautamayogirAjaH // 6 // kha-vyoma-bANa-kSiti(1500)-saGkhyakebhyaH, sattApasebhyo nijalabdhizaktyA / yo'dAt payovyAjata eva tattvaM, taM gautamaM sadgurumAnamAmi // 7 // utpedire yogabalena yasya, zroto-nabhoyAna-pulAkamukhyAH / akSINa-sauSadhilabdhayazca, taM gautamaM sadgurumAnamAmi // 8 // . For Personal & Private Use Only Page #13 -------------------------------------------------------------------------- ________________ sarasvatI-sadbhuvanezvarI-zrIyakSAdhirAja-tridazendramukhyaiH / jayAdidevInikaraizca pUjyaM, zrIgautamaM sadgurumAnamAmi // 9 // kRtAJjali gapatiH subhaktyA, niSevate yaccaraNAravindau / . bhavAbdhimajjajjanayAnapAtraM, sa gautamo maGgalamAtanotu // 10 // ye dIkSitA gautama ! te karAbjAt, sarve gatAH siddhiniketanaM te / bhavyAtmane muktisukhapradAyI, na tvatsamo'nyo bhuvi dAnavIraH // 11 // svAmin ! tvadAkhyA bhuvi yatra bhAti, vasanti sarve nidhayo hi tatra / kalpadrumAderadhikaH prabhAvI, virAjatAM gautamayogirAjaH // 12 // bodhAya mAno, gurubhaktaye'bhUda, rAgo viSAdazca cidAptihetuH / lokottaraM gautama ! te caritraM, citrIyate vIkSya na ko jagatyAm ? // 13 // 'OM hIM namo'pUrvakagoyamassa' mavaM japellakSamitaM naro yaH / sa prApya sarvepsitamatra loke, svargApavargI labhate paratra // 14 // itthaM gaNIndraM stutavAn pramodAd, vineyapradyumnamunipraNunaH / zrInemisUreramRtA''khyasUre-devasya ziSyo munihemacandraH // 15 // candrAkSibindudvimite'tra varSe (2021), jyeSThasthitau 'koThapure 'tiramye / zrIAdinAthocchritasatprasAdAt, kRtA stutiH sarvahitA'stu zazvat // 16 // For Personal & Private Use Only Page #14 -------------------------------------------------------------------------- ________________ zrIsarasvatIstotram A.vijayahemacandrasUriH [vaitAlIyavRttam] zaradindumanoharAnanAM, jinavaktrAmbujavAsinIM mudA / matidAM jaDatApahAriNI, zrutadevIM samupAsmaheDamalAm // 1 // jaDadhIrapi te prasAdataH, zrutadevi ! sphuradacchadhIdhanaH / samavApya taTaM zrutAmbudhe-zcakitAM rAjasabhAM karotyaho ! // 2 // vinayAvanatottamAGgakaH, parayA''yojya mudA karAmbuje / zucibhaktitaraGgaraGgitaH, samupAse zrutadAM sarasvatIm // 3 // suradAnavamAnavezvarA-ratava labdhaM hi kRpAlavaM gire ! / parihAya nijAM nijAM kriyAM, tava nAmAkSaramAraTantparam // 4 // vidhu-kunda-tuSAranirmalAM, taba mUrtiM paritaH prabhAsvarAm / sitapuSkarasaMsthitAM varAM, bhuvi mAdyanti nirIkSya ke na hi? // 5 // karasaMsthitavArivajjaga-likhilaM yatkRpayA vilokate / jaDadhIrapi sA sarasvatI, matimAlinyamapAkarotu me // 6 // tarasA jaDatAmbudhiM hi te, samavApyADacchaprasAdasattarIm / lasadulbaNavAgvibhUSaNA, niyataM vANi ! taranti mAnavAH // 7 // na ca tasya kadA'pyasambhavi, vibudhatvaM ca kavitvamatra kau / sakalArthitakAmagauH patet, tava yasyopari dRk prasAditA // 8 // namanaM tava pAdayormama, stavanaM cA'pi bhavatvanAratam / namanAt stavanAcca bhArati !, vimalA me matirastu sarvadA // 9 // ayi devi ! kimapyahaM paraM, na hi yAce tava saMstuteH phalam / iyadeva tavA'grato bruce, na kadApi tyaja sannidhiM mama // 10 // iti bhaktibhRtena cetasA, gurudevakramapadmasevinA / budhahemasudhAMzunA stutA, matidA bhAvapure'stu bhAratI // 11 // For Personal & Private Use Only Page #15 -------------------------------------------------------------------------- ________________ | bhaktAmarastotrAntimacaraNapAdapUrtirUpaH paramaguruzrIzAsanasamrAjIvanavRttavarNanAtmakaH zrInemistavaH // A. zrIvijayadharmadhurandharasUriH (vasantatilakA-vRttam) arhanmatAnugamanaM guNavatprakAma, syAdvAdasAranayabhaGgabharAbhirAmam / neme ! guro ! tava vaco'styadhunAtanAnAM / . vA''lambanaM bhavajale patatAM janAnAm // 1 // sattalakSaNasulakSaNaprItaprItaiH, sUrIzvaraiH stutipathaM gamitaM sugItaiH / tvAM bhaktinirbharahRdA praNipatya sendra, __ stoSye kilA'hamapi taM prathamaM jinendram // 2 // tvAM rUpapaNacaNaM viditAtmarUpaM seSTe jaDaH kavayituM kathamiSTarUpam / mandaM vinA dinakaraM gamane varItu ___ manyaH pha icchati janaH sahasA grahItum // 3 // stotraM vidhAtumiha ko'vikalo'pi hIzaH, saddharmadhurya ! tava divyagirA munIza ! / ko gantumatra gahanAntamaraM padAbhyAM, ___ ko vA tarItumalamambunidhiM bhujAbhyAm // 4 // zaktiM vicArapadavImavidhAya bhaktyA, bADhaM tava stavanamAcarituM viraktyA / utsAhito'smi samavekSya na vai mahArthaM, nA'bhyeti kiM nijazizoH paripAlanArtham ? // 5 // rUpaM vizuddhataramatra guro ! tvadIyaM, saMkarSate navanave hRdayaM madIyam / yad rauti paJcamaravaM bhuvi kAkaketu staccArucUtakalikAnikaraikahetu // 6 // jJAnAvRti tvadabhidhAnahataM hatAzaM, karimastRsamayaM vRNute vinAzam / For Personal & Private Use Only Page #16 -------------------------------------------------------------------------- ________________ loke durantamakhilaM nihatapracAraM, sUryAMzubhinnamiva zAzmandhakAram // 7 // itthaM vicArya vihitaM guNagauravaM te, stotraM satAM hRdayamAvizatISTamante / bhAvaratavaiva hi sarojadale sadindu muktAphaladyutimupaiti nanUdabinduH // 8 // stotreNa kiM tvadabhidhAnata eva navyaM, nAnAvidhaM bhavati zaM bhuvi bhavyabhavyam / bhAnuM vinA'pi kiraNairmadhuraM virAJji, padmAkareSu jalajAni vikAzabhAJji // 9 // he yoginAtha ! bhavatA bhavataH samAnAH, . sampAditA jagati sUrivarAH pradhAnAH / yuktaM pradIpa iha dIpakamAtanoti, bhUtyAzritaM ya iha nA''tmasamaM karoti // 10 // zrutvA munIndra ! tava meghagabhIravANI, ___ mithyAtvadarduragiraM zRNuyAla prANI / tyaktvA sudhAmadharagAM lavaNaM ca gacchet, kSAraM jalaM jalanidherazituM ka icchet ? // 11 // dUraM gatA vikRtipoSakarA vihAya, tvAM zIlarupamaNavo'rivaraM prabhAya / brahmAtmanastava zarIramarupamasti, yatte samAnamaparaM nahi rUpamasti // 12 // ArayaM tvadIyamanizaM na jahAti lAsyaM, __ svAbhAvikaM sphurati tatra sadaiva hAsyam / pApAtmanAM tava puro vadanaM sajalpaM, yadvAsare bhavati pANDupalAzakalpam // 13 // sattarka-lakSaNa-jinAgama-kAvya-daiva vidyAstvayA'vagamitA munayaH sadaiva / ziSyAH samastaviSayeSu carantyatheSTaM, kastAnivArayati saJcarato yatheSTam // 14 // For Personal & Private Use Only Page #17 -------------------------------------------------------------------------- ________________ Ajanmato'pi viSayena dhRtaM prazAntaM, svAntaM tvayA svavazato vihitaM nitAntam / zabdAdinA'pyacalitA dRDhatA nu kAcit, kiM mandarAdizikharaM calitaM kadAcit // 15 // sabuddhivartirabhito hRdayAntarAla gADhAntarAlaharaNapravaNo'karAlaH / snehena zAstrarucinA ruciraM cakAsad dIpo'parastvamasi nAtha! jagatprakAzaH // 16 // sUryaH kharaiH karabharairbhuvanaM nihanti, na tvAM tathA budhajanA upamAM nayanti / prItiM dadhAsi satataM nanu bhavyaloke, sUryAtizAyimahimA'si munIndra! loke // 17 // jyotsnA samagrabhuvane'sti yazaHsvapA, tvatsaMsthitirna ca kadApi budhAdirUpA / tvadarzanaM madhurayet kaTukaM nu nimbaM, vidyotayajjagadapUrvazazAGkabimbam // 18 // samyaktvabIjavapanAt paramAtmabhUte, , kSetre vacomRtapravarSaNataH prasUte / dhAnyaM zivaM salilado'yamasArakanaiH, kAryaM kiyajjaladharairjalabharananaiH // 19 // naisargikaM sujanajADyaharaM ciratne, tejazcakAsti bhagavaMstava cittarale / nA'nyatra dRSTamathavA'sti vibhAkare'pi, naivaM tu kAcazakale kiraNAkule'pi // 20 // saMsAravArinidhijAtadurantadoSa, hRtvA sadA''caritamatra sadAtmapoSam / jainaM vacastava tathA lasadantare'pi, kazcinmano harati nA'tha bhavAntare'pi // 21 // zrImadyazovijayavAcakamukhyagranthAn, vizve tavaiva pratibhA kRtavatyakanthAn / For Personal & Private Use Only Page #18 -------------------------------------------------------------------------- ________________ AzAH parAH prasavate paramarkamAlaM, prAcyeva dig janayati sphuradaMzujAlam // 22 // saddarzanAvikalaciccaraNAni tAni, ___mArgo'yameva nanu pAragatoditAni / udghoSitaM nu bhavatA'pi bhavasya manthA nA'nyaH zivaH zivapadasya munIndra ! panthAH // 23 // vyAkhyAnabhUrativizAlatarA yadIyaM, syAt zrotumAtmahitakUdvacanaM tvadIyam / kIrNA''gataiH samajanastadihollasanto, jJAnasvarUpamamalaM pravadanti santaH // 24 // durgatyabhAvakaraNAlarakAntako'si, ko modakArakatayA nu kumodako'si / durdAntakAmadamanAnnu balindamo'si, ___ vyaktaM tvameva bhagavan ! puruSottamo'si // 25 // adyApi tatsmRtipathaM na jahAti sUktaM, bhaktyA tvayA jinavaraM praNipatya sUktam / tubhyaM namastrijagataH paritoSaNAya, tubhyaM namo jina! bhavodadhizoSaNAya // 26 // dIkSAGganAM viratitaH pariNIya prItyA, tAmeva cAru ramayasyanizaM surItyA / rAgaGgatastaralalocanayekSito'pi, svapnAntare'pi na kadAcidapIkSito'si // 27 // nirlocakezacayamadhyagataM suhAsaM, tejasvitaptatapanIyataraprabhAvam / AsyaM tvadIyamatulaM vilasatyanarti, bimbaM raveriva payodharapArzvavarti // 28 // janmAbhiSekasamayekanakAdrizRGge, kIdRga vibhAti jinabimbamamartyabhRGge / bimbaM sucAru bhavatopamitaM sadazme, tuGgodayAdizirasIva sahasrarazmeH // 29 // For Personal & Private Use Only Page #19 -------------------------------------------------------------------------- ________________ kAdambake girivare jinarAjyacaitye, tvatsthApite bhavajatApavinAzizaitye / zRGgaM virAjati suvarNamayAcchakaumbha muccaistaTaM suragireriva zAtakaumbham // 30 // ratnatrayaM zubhavato bhavatazcakAsti ___ lokatraye kimapi yatsadRzaM na cA'sti / jAgratprabhAvamupanItamunIzvaratvaM, ___ prakhyApayat trijagataH paramezvaratvam // 31 // stotuM bhavantamucitaM kavayanti kecit, kAvye kalAM bahuvidhAM prathayanti kecit / citraM vidhAya madhuraM kathayanti kecit padmAni tatra vibudhAH parikalpayanti // 32 // tejastavaiva bhagavan ! vizadAntarasya, yAdRg vibhAti na tathA manujAntarasya / sUryasya yA lasati kAntirudAsino'pi, tAdRk kuto grahagaNasya vikAzino'pi // 33 // saddharmakarmaNi mahAbhayamAvidhUte, ___ zrImAn vratoccaraNatIrthavidhAnabhUte / nirbhIkatAM nu bhavatAM samatAzritAnAM, dRSTvA bhayaM bhavati no bhavaMdAzritAnAm // 34 // vairAgyabhAvamadhigatya gRhItadIkSaM, mAtA pitA priyatamA tanayaH suzikSam / snehAvilaH samupayAti samAzrayaM te, nA''krAmati kramayugAcalasaMzritaM te // 35 // rUpAdipaJcaviSayAtmakakASThajAtaM, jJAnAdibharamakaNaM parinaSTasAtam / kAmAnalaM vikRtidhUmavirUpaveSaM, ___ tvannAmakIrtanajalaM zamayatyazeSam // 36 // duSpaJcamAraka bhavo madanAtirekaH, pradhvaMsitAnubhava-bhAvanasadvivekaH / 10 For Personal & Private Use Only Page #20 -------------------------------------------------------------------------- ________________ mohadvijihva upayAti na taM pumAMsaM, tvalAmanAgadamanI hRdi yasya puMsaH // 37 // ajJAnabhAvajananaM timiraM munInAM, sUkSmArthabodhakaraNe vyathanaM zucInAm / gADhaM ghanaM dinakarodayataH samaidhi, tvatkIrtanAttama ivAzu bhidAmupaiti // 38 // zrIjainazAsanavarottamajAtyavaMzA jJAnakriyAtmazucipakSayugAtmahaMsAH / svAtmAnurupamadhumAnasamAzrayante, ___ tvatpAdapaGkajavanAyiNo labhante // 39 // adhyAtmavartmani gatA munayo'lpasattvA - duHzvApadAdipariruddhapathA atattvAH / bhItiM samAdhibharabhaGgakarIM tyajanti, trAsaM vihAya bhavataH smaraNAd vrajanti // 40 // dAridyaduHkhaduritodbhavadInadInA duSkarmaNAmudayataH prahataprabhAvAH / tvatsalidhAna-dhRtasaMyamazuddharUpA, mA bhavanti makaradhvajatulyarUpAH // 41 // jainAgamAnubhavabhAvitatAvakInAH kSINAtmabhAvajanakopazamAtipInAm / zailI vibhAvamathanIM nu yathA'pnuvanti, __ sadyaH svayaM vigatabandhabhayA bhavanti // 42 // puNyAnubandhi sukRtaM samupAya' prAjyaM, prApnoti zAzvatamaraM paramAtmabhAvam / sadbhAvabhAvitamanA vizadaM mimIte, yastAvakaM stavamimaM matimAnadhIte // 43 // bhaktAmarAntimapadAnugatiM vidhAya, ___ sUktAmRtodgamasupuNyamalaM nidhAya / tvAM sadhurandharamupaiti nu yaH salakSmI staM mAnatuGgamavazA samupaiti lakSmIH // 44 // For Personal & Private Use Only Page #21 -------------------------------------------------------------------------- ________________ sajjanazatakama ec. vi. nAgarAjarAva* avAtarat sajjanarakSaNAyai jhaSAdirUpairya iha prapaJce / taM duSTasammardanamAdidevaM janArdanaM namrazirA namAmi // 1 // zrIkRSNo'vatatAra sajjanaparitrANAya bhUmaNDale kaMsAkhyaM nijadhAna duSTamakhiladviSTaM hyaniSTAzayam / gItAM copadideza pANDutanayaM kRtvA nimittaM jagatkSemAya zrutilAlitaM tamatulAnandAya vandAmahe // 2 // devo vimAnIkUtarAjahaMso yasyAH patirhasagatiH sadA yA / dhyAyanti yAM pUjyatamAzca haMsAH sA zAradA me kavitAM dadAtu // 3 // yaH sajjanAnAM pathi sarvavighnAn svarNapAlIpavanaithunoti / pratyUhamutpAdayate khalAnAM mArge ca taM vAraNavaktramIDe // 4 // indraH paviM gaNapatI radanaM svakIyaM viSNuzca cakramupayujya zivastrizUlam / vighnAn nihatya mama sajjanavarNanAyAM tanvantu maGgalamime kRtadharmarakSAH // 5 // haririti hara iti jina iti nAnAnAmnA vadanti yad bhaktAH / * rASTrapatisammAnabhAjanam; gauravasandarzanaprAdhyApakaH, karnATakasaMskRtavizvavidyAlayaH, beGgaLUru; gauravasampAdakaH, sudharmA saMskRtadinapatrikA, maisUru / 12 For Personal & Private Use Only Page #22 -------------------------------------------------------------------------- ________________ tadahaM vande tejaH sajjanarakSArthameva dhRtarUpam // 6 // akhilabhuvanavandyaM nityapUtAntaraGga viditanigamasAraM jJAnavArdhestaraGgam / suvizadamadhuroktiM zAradAkeliraGga sujanaguruvarazrIbhAratItIrthamIDe // 7 // sajjanacaritaM loke vAritaduritaM ca kautukairbharitam / tadviSaye zrUyantAM hRdyAni katipayAnyatra padyAni // 8 // sarvatra maitrImanupAlayed yo hitAni kurvan sakalasya jantoH / anAzayan kiJcana lokavRttaM vadAmi taM sajjanamAryapUjyam // 9 // svArthaM ca yaH kAmayate pareSAM hitAya taM santamudAharanti / vizAlaparNotkaramIpsati druzchAyAM pradAtuM pathikaprajAya // 10 // karoti kAryaM vacanaM vinA yaH sa eva satpuruSa ityavehi / uktvA tu kurvanniha madhyamaH syAn naro'dhamo yaH kurute na coktvA // 11 // dharmAviruddhAn anubhUya kAmAn . nyAyyAdhvanA'rthAn samupArjya bhUyaH / yA devakArye pravilApayet svaM taM sajjanaM santa udAharanti // 12 // prazaMsAM zrutvA'pi prakRtimahitairbhUri vihitaM na yo dhatte garvaM bhajati vinayaM cA'dhikataram / vinindAm AkarNya prakRtikuTilaiH saMsadi kRtAM na yo jahyAd dhairyaM tamiha kalaye sajjanamaNim // 13 // svArthasiddhiSu parAGmukho'pi san yaH paropakRtaye pradhAvati / 13 For Personal & Private Use Only Page #23 -------------------------------------------------------------------------- ________________ duHkhitAzruparimArjanaM mahat puNyamAmanati yaH sa sajjanaH // 14 // yaH prazaMsati prasya sadguNAn maunamAzrayati cA''tmavarNane / zatruvAkyamapi satyamAsthayA yaH zRNoti sahitaM sa sajjanaH // 15 // maitrI pravardhayati yaH sakale prapaJce duHkhArditeSu karuNAM kurute'khileSu / zreSTheSu paNDitajaneSu vinItatAM yo dhatte buve tamiha sajjanamAryavandyam // 16 // bhASaNaM toSaNaM yasya, darzanaM zokakarzanam / tamahaM sajjanaM manye, sarvalokasya bhUSaNam // 17 // guNastutau yo ramate reSAM vinaiva kopaM kSamate ca mantUn / buddhiryadIyA kramate na pApe taM sajjanaM prAhurudAracittAH // 18 // kacapAzaM kucakumbhau, locanamInau ca mattakAzinyAH / dRSTvA caJcalacitto, yo na bhavet sa sajjanaH kathitaH // 19 // sarvo'pi lokastvayi vittapUrNe namaskaroti stutimAtanoti / vipatsvasau dUrataraM prayAti yastvantike tAsu sa sajjanaH syAt // 20 // manasyudAra: paradAradUro janArticoro mahitapracAraH / AcAravIra: suvicArazUraH kalAsu dhIra: sujano mato me // 21 // yo jayati sarvazatrUn, prItyA vinayena saMvibhAgena / yojayati ca tAn mitraiH, sa eva satpUruSo budhairjeyaH // 22 // madanadahanakIlA yanmano na spRzanti prajanayati na vidyA vistRtA yasya garvam / 14 For Personal & Private Use Only Page #24 -------------------------------------------------------------------------- ________________ dhanamapi parakIyaM naijayed yasya cittaM tamiha sujanamAhuH paNDitA nirvizaGkam // 23 // viSamavipadi yaH syAt kesarIvA'prakampyo jalanidhiriva sImAM yo na laGketa nItim / gururiva samadRSTinido yazca nityaM vadati tamiha vidvAn sajjanaM nirvizaGkam // 24 // kAma krodhaM lobha, madamatha mohaM ca mAtsaryam / pUrvaM jitvA yo'nyAn, zatrUn jeSyati sa sajjanaH kathitaH // 25 // prANAn kapotasya zibI rarakSa zyenAya dattvA svazarIramAMsam / sarvasvado rakSati sajjano'yaM prANAMzca mAnaM ca sukhaM pareSAm // 26 // dine dine sajjanasaGgalAbho nimajjanaM vAriNi devanadyAH / zrIcandramaulistavasarjanaM ca trayaM na labhyaM sukRtaM vinaitat // 27 // durjanasya ceSTitAni vIkSya naiva sajjanaH kupyati, svabhAvajo guNo na nindyate budhaiH / kAkakaNThakarkazatvamuSTrakAyavakratAM vIkSya bhUri buddhimAn upekSate na garhate // 28 // na sajjanasyA'sti kadApi cintA sukhkhe ca duHkhe'pyathavA svakIye / parasya daHkhAnyapanetameva vyagraM manastasya yato nitAntam // 29 // na sajjanasyA'sti kadApi bhItiH zatroryamAd vA narakAnlUpAd vA / lokApavAdAt sa bibheti yaramAt paropakArAvasaraM haret saH // 30 // kartuM kadA'pyatra paropakAraM na sajjano'nviSyati kAraNAni / 15 For Personal & Private Use Only Page #25 -------------------------------------------------------------------------- ________________ asajjano'pyatra pApakAraM vinaiva hetuM satataM tanoti // 31 // vismRtya saukhyamavicArya zarIrarogAn patnIvaco'pyavigaNayya vihAya geham / yaH sajjanaH parahitAya karoti yatna taM durjanA apahasanti kimatra kurmaH // 32 // klezAn mUSA bahuvidhAn savadazrupUrvAn satyUruSasya purato muhurIrayantaH / tasmAt samastamapi vittamavApya pazcAnmUrkha tameva kathayanti khalAH kRtaghnAH // 33 // santi sarvatra hiMsanti, lasantyapahasanti ca / durjanAH pracurA loke, sajjano dRzyate na vA // 34 // durjanA bhAnti sarvatra, sajjano dRzyate kvacit / haMsAH kvA'pi somadhye, vRkSe vRkSe ca vAyasAH // 35 // satA guNena sambaddhaH, kAntyAlokaM prasAdhayan / saralo viralo loke, sajjanastaralAyate // 36 // bhavennarANAM sujanatvahetuna devapUjA na japo na veSaH / na matrapATho na ca vedaghoSaH saujanyabIjaM hi paropakAra: // 37 // satyaM vada tvaM cara dharmamacchaM mAtuH pituzcaiva kuruSva sevAm / AcAryamarcA'tithimAdriyasva prAptuM pRthivyAmiha sajjanatvam // 38 // kRSNaM zivaM vA jinamIzvaraM vA buddhaM gaNezaM kamapi tvamarca / dayAmahiMsAM sakaleSu maitrIm abhyasya saMprApnuhi sajjanatvam // 39 // azaktamadhanaM budhaM vinayazAlinaM sajjanA namanti zirasA sadA paricaranti ca zraddhayA / 16 For Personal & Private Use Only Page #26 -------------------------------------------------------------------------- ________________ vivekarahitaM zaThaM dhanikamuddhataM garviNaM balADhyamapi manvate tRNamivA'vajAnantyapi // 40 // kuto bhagavatA kRtAH pahitaiSiNaH sajjanAH dhanena rahitAH sadA vikalazaktayaH kAtarAH / kutazca vihitAH khalAH sakalalokanAzodyatAH sadaiva balavattarAH prakharabuddhayo durmadAH // 41 // sajjanaM vadasi kaM sakhkhe'dhunA svArtha eva sakalaH sadonmukhaH / niSphale sati samastabhUruhe brUmahe kamiha kalpapAdapam // 42 // guNodayaH sAdhujanasya jAyate yathebhapotasya radodbhavaH svayam / yathA mayUrasya kalApakodayo yathA mRgendrasya ca kesarodgavaH // 43 // vittaM ca vidyAM ca balaM ca labdhyA garvaM ca kAmaM ca madaM ca jitvA / zUrazca vIrazca budhazca bhUtvA lokAntaraM sajjanadhurya eti // 44 // vijJAnavanto'pi vivekahInA vizAlavittA api lubdhacittAH / suvaMzajAtA api zIlazUnyAH kathaM labheran vada sajjanatvam // 45 // yatra subhASitagoSThI, yatra ca bhojanamazaGkitaM bhavati / yatra gurUNAM pUjA, tatsajjanagehamAhurabhiyuktAH // 46 // vizvAsata: paramapuMsyathavA'nyaloke saMjAyate na sujano bhuvi durjano vA / nA nAstiko bhavatu kazcidathA''stiko vA nAnAvidhA bhavati dRSTiriha prapaJce // 47 // daurjanyaheturnahi nAstikatvaM saujanyaheturnahi cA''stikatvam / 17 For Personal & Private Use Only Page #27 -------------------------------------------------------------------------- ________________ satyaM damo bhUtadayA kSamA ca kurvanti maryaM sujanaM ca mAnyam // 48 // sajjano bhajati naiva vikAraM kAraNe mahati satyapi nUnam / jhAyA pratihato'pi mahIdho nizcalo bhavati bhaGgavihInaH // 49 // majjanaiH kimu sarijjale sakhkhe ! sajjanoktisalile nimajjyatAm / jjalaM nayanayoH kimarpayasyarpayA''ryajanadarzanAJjanam // 50 // madhumadhurassatsaGgaH, sa hi saukhyakSIrasAgarataraGgaH / lakSmInartanaraGgaH, pUrjitapApavRkSagaNabhaGgaH // 51 // madhUyate sAdhujanasya maitrI viSAyate duSTajanasya saiva / vidhUyate premamayasya vaktraM vahIyate dveSayujastadeva // 52 // garIyasI bhUmidharAdhirAjAd baMhIyasI vArinidheH prapUrNAt / paTIyasI pApanivAraNAyAM satsaGgatimeM hRdaye cakAstu // 53 // zabdAyate kAkaloko, durjanaH kalahAyate / sAdhurmitrAyate nityaM, nisargo'yaM duratyayaH // 54 // na sajjanatvaM vibhavasya hetu dRSTA jagatyAM dhanino bhavanti / tathA'pi lokasya hitAya vidvan niHzreyasAyA''zraya sajjanatvam // 55 // sajjanavacanaM nimbAt, kaTutaramAbhAti kintu pariNAme / guDakhaNDAnmadhurataraM, tasmAttanmatimatA savinayaM grAhyam // 56 // putramapi sAparAdhaM, daNDayati hi sajjano nitarAm / zatrumapi manturahitaM, rakSati sutarAM sarvayA zaktyA // 57 // 18 For Personal & Private Use Only Page #28 -------------------------------------------------------------------------- ________________ cakraM murAre: kulizaM maghonaH zUlaM purAre: sRNirIzasUnoH / etAni nA'laGkaraNAni teSAM dhUtAni taiH sajjanarakSaNAya // 58 // yacchantyabhISTaM divi kalpavRkSAH ityAhuradrAkSma na tAn vayaM tu / dadAtyabhISTAt sujano'dhikaM drA nAupekSitAste taravaH pRthivyAm // 59 // dattvA'pi kiJcinnahi kalpavRkSo bravIti sAntvaM na ca kAmadhenuH / santastvabhISTAdadhikaM pradAya bruvanti dainyApaharaM ca vAkyam // 60 // dharmArthakAmamokSAkhyAn, sarvAn vAJchati sajjanaH / Adi cAuntima tapA, nitya tyati du. (dk| sauzIlyena vinA na bhAnti vanitAH saundaryaramyA api bhrAjante na ca saurabheNa rahitA mAlAH sumADhyA api / vidvAMso'pi na saumanasyarahitA rAjanti vidyojjvalAH saujanyena vinA lasanti na narA aizvaryayuktA. api // 62 // kiM pUjayA yatra bhavela bhaktistapasyayA kiM nahi ced viraktiH / kiM vidyayA yA vinayaM na sUte bhAgyena kiM yatra na sajjanatvam // 63 // saujanyaM sauzIlyaM, saundaryaM saumanasyamapi saukhyam / ekasyAM vyaktau yadi, dRzyeran dhAtureva tadbhAgyam // 4 // cAcalyaM paizunyaM, cauryaM krauryaM ca pAradAryaM ca / / yadi vardharan bhUmau, nAsti tadA sujanasusthitervArtA // 65 // patnIM samAnAM gaNayatyajalaM putraM sakhAyaM manute sadA'pi / dAsAn svatulyAn parivIkSate yaH sa eva loke'rhati sajjanatvam // 66 // 19 For Personal & Private Use Only Page #29 -------------------------------------------------------------------------- ________________ kiM vA tapobhirbhuvi satyavAco japaizca kiM vA'tra jitendriyasya / kiM nityatRptasya mahAvratAdyaiH kiM vA satastIrthanimajjanena // 67 // mRdubhASI mitabhASI, sarimatabhASI ca sajjano nityam / tamapi vinindanti kathaM, mUrkhA duSTAzca vAcATAH // 68 // surapatidhanuriva ramyaM, mithyA ca bhavatyasajjanenoktam / vipinauSadhiriva kaTvI, sajjanavAg bhavati sarvadA sevyA // 69 // sajjananika rastUSNI, tiSThati garjatsu durjaneSvadhikam / kokilavUndaM joSa, bhavati hi kAkeSu jRmbhamANeSu // 7 // AlasyaM mAlinyaM, parahiMsA paruSatA ca duSTaguNAH / dakSatvaM zuddhatvaM, paropakAro dayA ca ziSTaguNAH // 71 // sajjanasaGgo bhavatAnmama sukRtaiH pUrvasaJcitaiH sakalaiH / sarvANyanyaphalAni, sa dAsyatyeko vinaiva sandeham // 72 // madhurAlApavilAsaH, sajjanatAyA na lakSaNaM loke / maJjulapaJcamacucurvaJcanacaturA hi kokilA dRSTA // 73 // aJcati vaJcanacaturaH, kaJcana kAryAya sAdhite tasmin / muJcati nirdAkSiNyaM, tAdRzamujheddhi sajjano dUrAt // 74 // mAnasamanthanajAtA, sakalairvibudhairharipriyaiH pItA / sajjanavAgeva sudhA, tayaiva nAkAyate sadA vasudhA // 75 // sajjanatvamiha nA'numanmahe yattadeva khalu duHkhakAraNam / sarvalokavipadAM nivAraNe yatnamAsthitavataH kutaH sukham // 76 // sajjanAn anudinaM nipIDayasyAtanoSi sukhinaratvasajjanAn / he vidhe! tava vivekitA gatA pUrNato vilayamityahaM bruve // 77 // na janmanA kazcana sajjanaH syAd rUpeNa na prAjyadhanena nA'pi / 20 For Personal & Private Use Only Page #30 -------------------------------------------------------------------------- ________________ sukarmaNA sajjanatAdhigamyA zubhairguNairbhUtadayAdibhizca // 78 // kecana caturA nIcA, mocAphalarasamucA vAcA / mugdhAn sajjananicayAn, vaJcayituM cintanAM sadA dadhate // 79 // pUjayati mAnyalokAn, prItyA bhojayati mitravRndAni / nodvejayati vimugdhAn, jayati samastAn nayena satpuruSaH // 80 // nayena ziSTAn vinayena paNDitAn vazIkaroti praNayena yo vadhUm / nRpaM vizeSAnunayena ca zrayet tameva vidvAMsamuzanti sajjanAH // 81 // paNDitAn maNDayan garvitAn daNDayan dhArmikAn raJjayan durjanAn bhaJjayan / devatAH pUjayan vizlathAn yojayan sajjano jAyate sarvalokapriyaH // 82 // lokopakAranirataM paramAtmabhaktaM yaH sajjanaM sapadi dUSayati prasannam / so'nuSNarazmivinivAritasarcatApaM candraM vinindati mahezvaramUrdharatnam // 83 // virAjate candravibhUSito haro ramApati ti sakaustubhassadA / cakArita vRkSaH khagarAjamaNDitaH * sasajjanaM bhUri jagatprakAzate // 84 // sujanAH paropakAraM, pratyupakArAya naiva kurvanti / taravaH phalAni dadhate, bhoktRbhyaste na kiJcidicchanti // 85 // yatrAutitheH svAgatamasti sarvadA mitrANi yatrA'znuvate trapAM vinA / nirbhItikaM yatra vicAramanthanaM tatsajjanAnAM gRhamityahaM bruve // 86 // dharmaviruddha kAme, vairAgyaM vairamiha pApe / vaicakSaNyaM puNye, karmaNi vai sajjanatvacihnAni // 87 // 21 For Personal & Private Use Only Page #31 -------------------------------------------------------------------------- ________________ dardurA iva raTanti durjanAstadvacaH zravasi taptatailavat / kokilA iva vadanti sajjanAstagira: zravaNayoH sudhAjharI // 88 // durjanavacanaM zRNvan, badhira dhanyAH prapaJca iti manye / sajjanabhASaNakAle, zrotrendriyameva paramamiti kalaye // 89 // durjano mAnavAn dUSayannanvahaM nirdayaM nistrapaM niSThuraM bhASate / sajjanaH sarvadA lokasaukhyecchayA komalaM sAdaraM sarimataM bhASate // 10 // bhukSva ca bhojaya lokaM, tuSya ca toSaya samasta jIvagaNAn / jIva ca jIvaya sarvAn, iti nItiM pAlayanti kila santaH // 1 // zramArjitAnnena sadA vasantaH paropakArairbhuvane lasantaH / dhanasya dAsAn kujanAn hasantaH samarcanIyA vibudhena santaH // 2 // anyeSAm upakRtaye, dhanaM ca saukhyaM ca dehamapi geham / tRNavadgaNayanto'mI, santaH zreSThAH samastadevebhyaH // 13 // sadApi dharmaM hRdi dhArayantaH pApAjjanAn Azu nivArayantaH / puNyaM samastairapi kArayantaH santo jayantu pratibhAnavantaH // 4 // bhramarahitAH kila santaH, sUryAlokena suSTu vikasantaH / padmagaNA iva loke, paGkAliptA jayanti vilasantaH // 95 // kUpA iva jIvanadA, dIpA iva ghoratimirapariharaNAH / nIpA iva khacarahitAH, pApavidUrA jayanti bhuvi santaH // 6 // bodhaya dharmarahasyaM, zodhaya hRdayaM suzAstracintanayA / rodhaya durjanasaGkha, sAdhaya sajjana! vizuddhanijarUpam // 7 // kA patnI? na karoti patyurahitaM yA sarvadA sarvathA kaH putraH ? pitarau dhinoti caritairyo dharmamArgocitaiH / 22 For Personal & Private Use Only Page #32 -------------------------------------------------------------------------- ________________ AryaH ko ? hRdaye padaM na nihitaM yasyA'nyanAryA tathA pIyUSaM kim ? udArasajjanavaco yajjJAnasaMvardhakam // 8 // kaH pUjyaH ? kamalAkSaH, kA loke'pekSaNIyA? zrIH / ko labhyo bhuvi ? bodhaH, ko bandhuH ? sajjano dhImAn // 9 // kiM vandanIyaM ? gurupAdapadmaM kiM nindanIyaM nari ? pAradAryam / kiM vAraNIyaM sakalaizca ? pApaM kiM vAJchanIyaM bhuvi ? sajjanatvam // 100 // cikIrSati hitaM sadA na parasampadaM lipsate ninindiSati netarAn parijihIrSati svastutim / jigISati calaM mano na ca jighAMsati prANino ninISati yazo divaM sukUtakarmabhissajjanaH // 101 // jJAnI mAnI dAnI, na bhavati dhanikaH prapaJce'smin / kintu sa paNDitamAnI, sajjananindAsu sarvadA kuzalaH // 102 // jJAnaM satyaM zIlaM, dAnaM dharma iti sajjanaprANAH / paJca jagatyAM viditAH, tAMstyaktvA naiva jIvati saH // 103 // kharjUraM kila madhuraM, madhuratara: khaNDako'tra vijJAtaH / madhuratamaM kila sajjanabhASaNamAhU rasoktimarmajJAH // 104 // hA sajjanaM tasya sadaiva kaSTaM daivaM hyakaramAdapi tadviruddham / prAjJo'pi vidvAnapi zikSito'pi * pratAryate'yaM khalasArvabhaumaiH // 105 // santvatra kaSTAni bRhanti bhUmau santastariSyanti harermahimnaH / pUrNo'pi tIrNo'rNava eva kIzaiH zrIrAghavAdhyabjayugaprabhAvAt // 106 // AstikyaM cAritraM, satyapriyatAM ca dhArmikatvaM ca / dattvA kasmAt sajjanamakiJcanaM vizvasRT kurute // 107 // caranti dharmaM bruvate ca satyaM paropakAraM vratamAmananti / 23 For Personal & Private Use Only Page #33 -------------------------------------------------------------------------- ________________ svArthaM parityajya samastasaukhyaM saMsAdhya tuSTiM sujanA labhante // 108 // ye sajjanA dharmapathe caranti tAn mUrkhavaryAn kathayanti lokAH / adharmamanyAyamasatyamakrama ye kurvate tAMzcaturAn vadanti // 109 // na nAmadheyaM na ca rupadheyaM na bhAgadheyaM sujanatvahetuH / sudhAMzunAmA ramaNIyarupaH zivAdRto'bjo gurutalpago'bhUt // 110 // sajjano bhASate nA'rthazUnyaM vaco satyasaMrakSaNaM tasya mukhyaM vratam / saMyamo nAsti cedvAci satyaM galed ityasau. cintayan vakti vAcaM mitAm // 111 // zizirakara ivA'yaM sajjano'nyopakArI surataruriva bhuumaavrthinaamissttdaayii| RSiriva jitarAgo vAgyataH satyavAdI mRgapatiriva mAnI sarvadA dhairyazAlI // 112 // bhavatu sakalalokaH sajjanAnAM nivAso nigamagaditadharmaH sarvadA vardhiSISTa / vibudhanikarapUjyA zAradA zRGgazaile kRtavasatiriyaM naH pAtu vidyAdhidevI // 113 // alpajJo'pi kavitvazaktivikalo'pyAptvA dayAzevadhetsilyAmbunidheranugrahalavaM zrIbhAratItIrthataH / padyAnAM zatakaM suhRjjanamanomodAya saMvarNayan rItiM sajjanasantataH savinayaM zrInAgarAjo'bhyadhAt // 114 // / iti nAgarAjaracitaM sajjanazatakaM samAptam / 24 For Personal & Private Use Only Page #34 -------------------------------------------------------------------------- ________________ saMskRtAzritA DaoN. vAsudeva vi. pAThakaH 'vAgarthaH' saMskRtAzritA susaMskRtizzivA zubhA saMskRtAstayA vayaM; tadIzvara-kRpA // vedAnAmamRtaM nu cetanApradam tattvacintakaizca mArgadarzanaM kRtam; sarvathopakAriNIti mAnyA mudA, saMskRtAzritA'sti saMskRtizzivA zubhA // mohanena moha gAnaM gItam modakaraM satyadharmataH kRtaM hitam; * jJAtvaivaM, sujJatayA kAryaM sadA saMskRtAzritA'sti saMskRtizzivA zubhA // buddhamahAvIrau vaziSThazaGkarau mIrAnarasiMhau kabIranAnakau; ujjvalaM dizanti bhA-ratatvaM mudA saMskRtAzritA'sti saMskRtizzivA zubhA // -X For Personal & Private Use Only Page #35 -------------------------------------------------------------------------- ________________ gurjaradeza: Do. vAsudeva vi. pAThakaH 'vAgarthaH' dhanyo dhanyo gurjaradezo bhavye bhArate re lola, bhavye bhArate re lola, vizve'khile viziSTe lola; dhanyo dhanyo gurjaradezo.... // zaM-karau ca zaGkaragovindau, gurjara re lola, mAnyau mohanamohanadAsau gurjara re lola; dhanyo dhanyo gurjaradezo.... // dayAnandahemAcAryAdyAH gurjare re lola, rAmAnujavallabhamadhvAdyAH gurjara re lola; dhanyo dhanyo gurjaradezo.... // sahajAnandasamA bahavo'pi gurjara re lola, ravizaGkaravallabhAzca asmadgurjare re lola; dhanyo dhanyo gurjaradezo.... // mahatAM sammAnaM bhavatIti gurjara re lola, evaM vikasitameva samagraM gurjara re lola; dhanyo dhanyo gurjaradezo.... // _ 'garabA' gAnamidam // (samUhe, garbha-dIpa-nRtyam = garabA.) ('garabA' tu gujarAtasya samUhanRtyarUpaH viziSTaH prakAraH / ) 354, sarasvatInagara, AMbAvADI amadAvAda-15, phona : 079-265745754 For Personal & Private Use Only Page #36 -------------------------------------------------------------------------- ________________ nAmAkSarANi* DaoN. vAsudeva vi. pAThakaH 'vAgarthaH' dAmodara dAmodara he deva dayAmaya mohAndhyaM me vibho nivAraya / dayayA te he zuddhissyAnme ramatu rAgarahitaM ca mano me // zIlacaMdra zIlena labdhasaubhAgyaM lakSyapUrtikaraM varam / caMdravacchaityamApannaM dravantaM sadguruM bhaje // mahAvIra mahAvIro mahAmAnyaH hAnilAbhAdivarjitaH / vItarAgo varairvandyaH ravirazmisamaprabhaH // vRMdAvana vRMdAvanavihArArtham dAnadAtA rasAdritaH / varA veNuH kare yasya namyate nandanandanaH // kAmanAtha: vinAyakaH vinAyakaH paro devaH nAyakazca gaNAdhipaH / . yazca mAGgalyakartA'sti kaH sAkSAnmUrtimAMstathA // kAmanAthaH zivassAkSAn mandAkinIdharazzubhaH / nAgezaH pArvatIzazca thaHsthAne ca kRtAlayaH // naTavara . naTavaro harissAkSAt TaGkAdivimukhassudhIH / vadAnyo varamAnyazca rasajJo rAsalolupaH // TaGkaH = garvaH, kaH = brahma = AnandaH thaHsthAne = parvate * padyeSveteSu pratyekA paGktiH ekaikazaH nAmAkSareNA''rabhyate / padyeSu, nAmnaH vaiziSTyamapi pratIyate, iti vizeSaH // 27 For Personal & Private Use Only Page #37 -------------------------------------------------------------------------- ________________ vinodapRSatAH [viDambana-kAvyam] AdhunikyA yakSapatnyA meghasandezasyottaram devarSikalAnAthazAstrI zrIman rasikaziromaNe! AkarNito'muSmin kSaNe tvadIyaH sandezo mAmuddizya / sarvaM tat sAdhu, kintu pazya; kimidamadbhutaM tvayA cintitam ? yanmAmanusmaratA santatam vArivAhaka: sandezaM hartuM prArthitaH / kiM nA'nyaH sandezaharastvayA''sAditaH ? patraM, taDitpatraM, dUrabhASa, TelakSam (tailAkSam) bahUni sAdhanAni janAnAM samakSam kiM vakSi, "rAmagirau nA'nyat kimapi sAdhanam ? sthalaM tannirjanam, tatrA'pi giriM paritaH kAnanam ?' bhavatu, tvayA tu nekSitAtra vipratipattiH paraM saJjAyate tvAdRzI ceSTA bahudhA vipattiH / nanu pazya, yo hi manyate gairvANyA mUrtimAn vilAsaH vAvadUkazcapalo yo'sau kaviH kAlidAsaH tena nibaddhastava sandezo mandAkrAntAsu sa ca tAvantaM mahimAnamApanno'yaM janatAsu yadadya sarvatra paThyate, zrAvyate, gIyate'nUdyate, maJceSu avatAryate / kiM bahunA? yA'sti sA AkAzavANI * meghadUtasya sandezaM yadi kAcidAdhunikA patnI zRNoti, sA kIdRzamuttaraM pratipadyateti kalpayatA racanAkAreNa vinodakAvyametad viracitam / 28 For Personal & Private Use Only Page #38 -------------------------------------------------------------------------- ________________ yasyAH kAryakrameSu prayujyate devavANI tayA so'yaM sakautukaM sarvatra prasAryate - hanta na ca ke nA'pi vAryate / kiM bhaNasi ? "kA tatra hAniH? ko vA vyatyAsaH ?" are, tAdRzaH sandezaH kiM sarvajanasamakSaM prakAzyaH ? aparazca prabhUtaM dAhakaH so'yaM bhAsa sarve jJAsyanti tvamasi patnIdAsaH / dhAturAgaiH zilAyAM saMcitrya pAdayoH patasi abalAsulabhAnyazrUNi vamasi sarvamidaM prakAzya kimityAtmAnamupahasasi ? kimiti saha na nItaM madIyaM kiJcana chAyAcitram ? ekAntanimiSeSu tad bhavati sarvottamaM mitram / sampratyAkrandan kimanuharasi strINAM caritram ? aparaM ca kimidaM tvayoccAritam ? virahakUzAt prakoSThAttat kanakavalayaM hAritam ? are'smin mahArghatAkAle vidhinA kimidaM kAritam ? mama tu hRdayameva vidAritam vivAhe matpitrA tanmahyamupahAritam tvayA tu nRtyagItavyAvRtena na kimapi kITajAtaM mAritam prasthAnasamaye madIyasmaraNAya tat tvayA''sIddhAritam tava vaikalyaM vIkSya na mayA'pi vAritam . are, kiM tvayA'STau mAsAnapi surakSituM tala pAritam ? samprati rAmagirau sAvadhAnamanveSaya tat / mA bhUt kasyacana vihvalatvametAvat yad galakaNThAt kusumasragiva na jJAyeta kanakavalayaM patat ? nUnaM kvacana tatraiva patitaM syAt kastanneSyati tasmAnirjanAt sthAnAt / idaM cADaparaM kiM vAJchasi kathayitum ? azruvikalA'haM na pAraye vINAM vAdayitum ? kimati vA na pArayiSyAmi ? samprati sA'vakAzAurima; kimanyat kariSyAmi ? . 29 For Personal & Private Use Only Page #39 -------------------------------------------------------------------------- ________________ avasaraM vIkSya vINAvAdane samadhikAyA'bhyAsAya gandharva eko mayA'sti niyuktaH zikSaNAya pratyahamAyati sa horAdvayAya / bhUyasyo navAH svaragatayaH zikSitA mayA navAH katipade tAlA navAzca layAH / kintu divaseSveSu pazyAmi tasya gandharvasyA'nyAdRzameva layam / anyAdRzameva tasyA''kUtam // zaGke yannA'sti tasya manaH pUtam / sa evA'vocat tvadarthe, "mayA nedamucitamanubhUtam yat tava sa yakSo nA'nyaM prApya kaJcana dUtam prahitavAMstvatkRte jImUtam ? manmate tu tAdRzo janaH kApuruSaH / ahaM tu cintayAmi bhUrizaH kubereNa yathaiva zApo mukhAliHsAritaH sa tUSNIM nirgato'lakAyA gRhadvArataH ? naikaH zabdo'pi pratirodhe uccAritaH ? tvayA'pi tAdRzena saha vyarthamiyAn kAlo hAritaH / tatsthAne yadyahamabhaviSyam kuberasya virodhe krAntimakariSyam / alakAvAsinaH sarvAn saMghaTayya, saMgharSasamitiM saMkalayya kuberasya jIvanaM nArakIyamAracayiSyam, yad vA, sarvoccanyAyAlaye'gamiSyam / manyase ced vacanaM madIyam, tvayA tadidamevA'dhunA karaNIyam yadekaM varSaM tu te pRthag vAso jAtaH, eko'paro vatsaro yadi pArthakye niryAtaH varSadvayasya pRthaktve vivAhavicchedaH saMbhavati nyAyavyavasthAtaH / " + varSadvayasya pRthag vAsaH (Judicial Seperation) vivAhavicchedasya kRte mAnyo bhavatIti nyAyavyavasthA'tra saGketayitumiSyate / 30 For Personal & Private Use Only Page #40 -------------------------------------------------------------------------- ________________ evaMvidhAH kathA Alapati dAsyAH putraH kintu mA bhUzcintitaH, tvameva sthAsyasi me patirekacchatraH / yadi zvo'pi gandharvo'yaM tathaiva pralapiSyati / pradAya pArizramikaM visarjayiSyAmi, yathA''gataM gamiSyati / tvaM tu paM pratyAyAhi drutam zApAntaste devotthAnyAm iti sarvaiH zrutam / mA ko'pi gandharvo'dhunA mAmekAkinI vIkSya praNayA''vedanasyA'vasaraM nirIkSya samAyAtu dhanapatigRhAnuttareNA'smadbhavane / kiM ca, karaNIyamasti bahutaramasmin sadane / yA''sItte paitrikI marakatasopAnamayI vApI tad varNanamAkarNya kazcit, pApI rAjyazulkanirIkSakAt pizunayAmAsa krIDAzailaM, kanakakamalAnyakhilaM sUcayAmAsa / samAgatamekadA karanirIkSakANAM dalam / mayoktaM, sAmprataM bhavatAmAkramaNena alam acirameva gRhapatiH samAgantA sa eva gRhAnveSaNAya anumantA / atastvam AyAhi tvaritam, yena samAdhIyeta sarvamidaM duritam tava sandezenaiva sarvamidamAcaritam yad gopanIyamidaM sarvasamakSamurvaritam / kimadhikam, tvayA vyAkulaM mAnasaM rodhanIyam alpaM likhitamadhikaM bodhanIyam // adhyakSaH, AdhunikasaMskRtapIThasya, jagadgururAmAnandAcAryarAjasthAnasaMskRtavizvavidyAlaye; pradhAnasampAdakaH "bhAratI'saMskRtamAsikasya; bhUtapUrvo'dhyakSaH, rAjasthAnasaMskRtaakAdamyAH, nirdezakacarazca saMskRtazikSA-bhASAvibhAgayoH (rAjasthAnazAsane) sI-8, pRthvIrAja roDa, sI. skIma, jayapura-302001 (rAjasthAna) 31 For Personal & Private Use Only Page #41 -------------------------------------------------------------------------- ________________ kramazo'tra pravartate // pro. kamalezakumAra cha. cokasI vAreSu prathamo varaH somavAraH prakIrtitaH / dvitIyo maGgalaH proktastRtIyo budha ucyate // 1 // guruvAro'sti turIyaH paJcamaH zukravAsaraH / SaSThaH zanI raviratra saptamo'ntima ucyate // 2 // paryAyatvena zabdAnAM prAptirastyaparimitA / rucInAmatha vaicitryAd vividhaM nAma vartate // 3 // somazcandrastathA raviH prokta AdityavAsaraH / maGgalo bhUmiputratvAd bhaumavAsaraH kathyate // 4 // devatAnAM sameSAM hi gururbRhaspatiH smRtaH / tasmAddhi guruvAro'yaM bRhaspatirnigadyate // 5 // vIratvAcca yathaivA'yaM vIravAsara kathyate / tathA zanaizcaratIti zaniH zanaizvaraH smRtaH // 6 // evaM somAdivArANAM nAmAni vividhAni vai / loke pracalantIti nAmabheda: pravartate // 7 // AsId hyo ravervA dyA'sti somavAsaraH / avazyaM zvo bhavitA'si ayi maGgalavAsaraH ! // cu ravite dine yasya tasya somo'dya vartate / yasya gate dine somaH kathamadya pravartate ? // 9 // yasya gate dine bhAti duHkhamadya na dRzyate / gate bhAti dine yasya sukhamadya na dRzyate // 10 // cArAdanantaraM cAro ravirvA soma eva vA / tathA sukhaM ca duHkhaM ca kramazo'tra pravartate // 11 // etat manogataM jJAnaM satyaM zivaM ca sundaram / sarvadA tatpravarteta duHkhaM kasya prajAyate ? // 12 // 32 saMskRtavibhAgaH, bhASAsAhityabhavanam, gujarAta vizvavidyAlayam, ahamadAbAda- 380009 For Personal & Private Use Only Page #42 -------------------------------------------------------------------------- ________________ prAcInaM sAhityam sahasAvadhAnasaudhastambhasamAnazrImunisundarasUrivihitA traividyagoSThI [vaikramIye 15tame zatake saJjAtA: sahasrAvadhAninaH kUrcAlasarasvatIti-birudadhAriNaH prabhUta-prakRSTa-praziSTasAhityasarjakAstapAgacchAdhipatyazAlina: pUjyAcAryazrImunisundarasUrIzvarAH svIye ekonaviMzatitame eva vayasi vidyAgrahaNakAle vidyagoSThItyabhidhaM granthamimaM racitavanta Asan / teSAM bhASAprabhutvaM racanAprauDhivividhazAstrAdhikAritA-ityAdayo guNA asya paThanenaiva vAcakAnAM kRte prakaTitA: paricitAzca bhaviSyantIti / ] bhUmikA - AgamoddhArakAcAryazrIAnandasAgarasUrIzvarAH avadhArayantu viditamnavadyavidyAvRndavidIrNamohAndhatamaso viduSaH paramavaiduSyadhurAdharaNadhaureyAnavadyavidyAvrajAvadAtAtmanAM tatrabhavatAM zrImatAM munisundarAhvayAnAM traividyanaipuNyaM granthasyA'sya zaizavavihitasyA'vadhAraNena / lakSaNAdizAstrazikSAruciratvamapi na kathaJcanaitannirIkSaNena kSuNNamavalokayiSyate tatrabhavadbhirbhavadbhiH, sadAcAraparIkSAkSamatvamapi kSamAdharANAmivaiSAM pUjyAnAmavalokanenaitasyA'vatariSyatyeva vAggocarAtItaM dRSTipathaM, yato'trA'valokanIyamavalokanasaundaryamatrabhavatAM prayogavaicitryAnuprAsAdikamalaGkAravidvedyamatra tatrabhavadbhiH / prathamaM tAvadbhaTTArakA vitenuH svIyaM jayazyaGkavinyAsena maGgalAcaraNaM jinavaranatimayaM, pUjyAnAM hi samayo'yaM yad granthArambhe jayazrIrAntarArINAmityadhyAtmapUrNahRdayodadhyullAsazazadharasamazrIadhyAtmakalpadrumasyA''dyapadye, jayazriyaM rAtu jinendracandramA iti analpamahimagurugaNaguNagarimodgiraNapavitravividhapadyamayyAM gurvAvalyAM ca yathA vilokyate vijaistathA nyasanIyo jayazrIprado jayazrIzabdaH / sa eva cA'trA'pi / na kevalaM gIrvANavadanAvatAriNyAM gIrvANabhASAyAM kiMtu svabhAvasubhagAnekArthatatinidhAnakalpAyAM prAkRtavANyAmapi zAntarasapradhAnAyAmayamevA'Gko nyAsi nyAsanipuNairupadezaratnAkarAdau jayasirItyAdyavalokanAcchrImadvihite / bhavanti ca puruSavizeSanirmitA granthA evaMvidhAGkAGkitAH / yathA bhagavadbhiH zrIharibhadrasUripAdaivinirmiteSvagaNyaguNAkareSu grantheSu virahAGko'Gki, vArANasIvAsajAtamadoddharavipazcittativijayAvAptayathArthanyAyavizAradapadasadAlokalokalocanalobhakAnekadustarataratnAkaragranthazatavidhAnavitIrNa For Personal & Private Use Only Page #43 -------------------------------------------------------------------------- ________________ a nyAyAcAryapadAptakriyAkaraNAsAditagaNyupAdhyAyavAcakAdipadAH zrImadyazovijayacaraNAzca aikArAvaM saMsthApayAmAsuH pratigranthamArambhe / paramAdyAnAM prAyazcittapratipattisambandhAdanyeSAM copagaGga-maiGkArajApavidhAnAtkavitvavittvaprAptisadbhAvAdyathAGkakaraNe spaSTataramupalakSyate lakSaNAdidakSaiH prayojanaM, paraM naiSAM pUjyAnAM proktamantareNA'nyat, bhaviSyati ca kadAcit tat, paraM na tadasmAbhirvyalakSi / yadi paraM syAtkeSAJcit jJAtaM jJApanIyA vayamupakAradhiyA / anantaraM cA'paragurusmaraNasyA''vazyakatAmabhimanyamAnairabhiyuktairabhiyuktadevatAsmaraNasthAnIyaM yathArthAbhidhAnabhRtAM zrIjJAnasAgaranAmadheyAnAM smaraNamakAri samudadIpi ca prastutaprakaraNaprakaraNapaTiSThopadezanidAnatAjJApanena teSAM vidyanadISNatA / jAyetaiva ca jijJAsA jijJAsUnAM zrImadviSayiNI / sA ca samApanIyA sudhIbhiH prakaraNakRdvihitagurvAvalIgatatatprakaraNavalokanena / tadyathA - zrIsomasundaragurupramukhAstadIyaM, traividyasAgaramagAdhamivA'vagAhya / ... prApyottarArthamaNirAzimanarghyalakSmI-lIlApadaM pradadhate puruSottamatvam / / 1 / / zrIsomasundarAcAryapravarA ye prakaraNakRduravaste'pi zrIpUjyapAdavitIrNopadezAmRtapAnapInAH / anena ya AcacakSire'navalabdhagranthasattattvAH yaduta 'na bhaTTArakAH zrIsomasundarapAdAntevAsinaH, kathamanyathA bhaveyurdvaye'pi sahAdhyAyinaH ? kathaGkAraM, ca prAya: samAnavayaskAnAM guruziSyabhAva: ? asambhavyeva ca laghIyadbhyaH ziSyArpaNaM pUjyebhyaH kuryuH zrIdevasundaramizrAH itIti kecit, paramavicAritarAmaNIyakametat / yataH khyApayantyeva pUjyapAdAH svayameva zrImaddIkSitatvamAtmanAM ziSyatAmapratimAM ca / "ziSyastadIyo'yamapIti manyate, zrIvAcakendreSvaguNo'pi mAdRzaH / grahaprabhoH putra iti grahAvalau, na pUjyate paGgurapIha kiM zaniH ? // 20 // aho teSAM karAmbhojavAsAnAM suprabhAvatA / jAto yaiauligairyogyo'pyahakaM munisundaraH // 21 // " iti gurvAvalIgauravAviSkal gurvAvalyAm / tanna prAktanAH kalpanAzilpanirmitA vikalpakallolAH plAvayituM syuH zrIsomasundarasUripaTTe ekapaJcAzattamaH zrImunisundara ityAdivyAkhyAnakulizaM prabhaviSNavaH / prAyaH samAnavayaskatvAdikAraNAni cA'lakSitasAdhupadagauravArhANAmeva cetasi vidadhyurvAsanAM na tu vijJAtagurupadaidamparyetihAsAnAm / yacca vidyamAneSvapi kimiti somasundarasUriSu zrImaddevasundarapAdavarNanamityanUdyate tadapyasamaJjasameva / yato dvaye'pi vevidyamAnA eva te, satsu ca devapAdeSu yatsomagurupAdavarNanaM tadeva teSAM tacchiSyatAsUcakamityalaM vizeSeNa / ___ varNanIyatA tu zrImaddevasundarapAdAnAmasamabhaktiprAgbhAranibhRtahRdayasmaraNIyatvadyotanAya / bRhadgacchAdhIzatvena pUjyapUjyAnAM cA'tizayitapUjAspadatvasyA'vyAhatezcA'ta eva ca tadvineya ityabhihitaM zrImadbhiH sAmAnyatastadiyatA prabandhena zrImatAM dIkSAguravaH zrIsomasundaracaraNA, jJAnaguravaH zrImanto jJAnasAgarA jJAnasAgarA gacchAdhipAzcoddezAdyatucchaphalakalpanakalpamahIruhamAnA devavadArAdhyapAdAH zrIyuto devasundarasUraya For Personal & Private Use Only Page #44 -------------------------------------------------------------------------- ________________ iti nirNayo'nAbAdho'vyAhatazca / jJAnasAgaragurUNAM traivaidyaviSayopadezAzraya iti tadaNIyomahimAkhyAnam / tato goSThIvidhAnabhUmikalpo vidvadvidhAnayogyAyogyaparIkSaNasamyagvijJAtavAGmayavidvatsamAgamodbhavAnandanandizcakre vakretarAzayaiH / pazcAcchAstrAbhyAsAnuyogAvasarodIrNapratibhAvizuddhabuddhyAbhogaH 1, sadgurusamAyogaH 2, sadguruvinayaprayogaH 3, pustakaprAptiyogaH 4, pramattatAviyogaH 5, satatopayogaH 6, zuddhyabhiyogaH 7, dehArogyabhAgyAdIni sAdhanAnyaidaMyugInAntevAsivargavimRzyatamAnyAcakhyuH khyAtamAhAtmyAH / / AkhyAya ca vidvadgoSThIguNagaNAn jJAnadrumonmUlanamAtaGgatrivargavidhvaMsanavyagradapAkaraNaprakaraNe'nekAnanaNuprabhAvavArAMnidhIn puruSasiMhAn yathArthAvAptAbhidhAnazrImaddivAkaravAdicakracUDAmaNiprabhazrImallavAdimanohAribhadrabharanirjitamohamoSakopadravazrImaddharibhadra-sarvavisaMvAdinirmUlasvakalpanAzilpimAtranirmitagranthatativitananavijJApagatalajjadigambaramadanirmathanadevasUrisakhyazrIdevasUri-brahmagocarAtiganiravadyacAturvidyavidhAnavijJAmAripaTahodghoSaNakhyApitAbhayapradatvaguNamahimamahIpAlakumArapAlakumudakaumudIpatizrIhemacandrAcAryaprabhRtIn, jJAnaratnaratnAkarANAM kRtyamatanuprabhAvaM, guNopArjanAvazyakatAM guNavadgRhyatAM lokAnAmArAdhyatamatAM ca guNinAmAvirbhAvayAmAsuH / lakSaNagoSThyAmantareNe adhyayane iti dhAtum adhIye iti 1, ucyatIti 2, vyAghrA iti 3; jAgRk nidrAkSaya ityantarA jAgarti ityAdIni tyAdyantAni; paJcaDDalAnItisamAse tyAdau trayodazarUpANi dhAtorekasyA-'saMsRSTAni; vinA garmi jagAmeti; mArirekAma, mAminIbhAma, mAdbhyAM (mAbhyAM), dadhisek ityAdIni rUpANi; gatikAraka iti, nityAdantaraGga balIya iti ca nyAyaH / chandonuzAsanagoSThyAM mAgadhyAM 575000000, upahAsinyAM 4559750000, AryAyAM 82920000 bhedAH; prastArAdayaH SaT pratyayAH / / kAvyagoSThyAM kAvyalakSaNaM, zabdArthabhedAH, doSA, guNA, bhUSaNAni, arthavaicitryahetavaH / pramANagoSThyAM ca prAmANikabhedAH, devagurudharmatattvalakSaNAni / prastAvanAmAtrametadakhilamarhaddevanirgranthaguruniSkalaGkadharmayathAsthitavastutattvapratipAdanasya / devalakSaNaM tatra tAvadvipazcidvandavedyavidyAvaryatA nijagadU rAgAdidoSAnAlIDhatvamamalakevalaparivRDhitAM, pratihatAtmaguNaprahananapratyalaghAtikarmanicayatAM, prazamAmRtanimagnavadanenduvikasvarAravindadalaprakhyanayanadvandvajJApitakrodhAditiraskRti, bAlakamanIyakAminIzUnyAGkAnumApitasmaratiraskAra, dviSaddAraNadRptAstrAyogakhyApitadoSaploSam / vyatireke nidarzayAmAsuranyeSAM vistarato'tathAtvamaraktadviSTAnAM devatattvaparIkSaNAya parIkSAcaNAH / proktavantaH pravacanasaudhastambhazrImaddhAribhadrIyalokatattvavacAMsi netranirIkSyetyAdito yasya nikhilAzca doSA ityetadantaM zlokitadevatattvAya stokazlokAspadAJchlokAn / tathezaH kimiti, brahmA carmAkSasUtrIti ca padyayugalyAmalayA paroktamapyanvavAdiSurdevasvarUpanirUpakam / . pratipAditau pareNa manuSyamAtrAsarvajJatvAkhyAvadevatvadarzakau niSedhAya devatvasyA'siddhyAdidoSAghrAtatva For Personal & Private Use Only Page #45 -------------------------------------------------------------------------- ________________ darzanena nirasyA'samakalyANakaraNapravaNakalyANakamahimodbhAvanena niracaiSuzcetanAbhRccaNAH zrIjinasyaiva yathArthAM devatattvAvatAritAM, lokAtigAvAptAvasthAnAM ca siddhAnAM pluSTAnantakAlapracitamUlanicayakarmanikarANAM svabhAvajJAnadarzanavIryasukhAnantyayuktAnAmiti / garimagurutAspadazrIgurutattvaparIkSaNe samastazreyovitaraNadakSasamyagdarzanajJAnacaraNArAdhanacaJcavastadupadezanaparAH paJcamahAvratIdhurdharaNadhaureyA gauravArhA guravo niracAyiSata nizcayAkhyAnanipuNaiH / praNigaditaM cA''gamaniSNAtairArambhaparigrahaniratAnAmagurutvaM mAdhyasthyena / / abhyudayaniHzreyasasAdhanasAdhIyodharmanirUpaNe abhayadAnaM mithyAvacanAdattAdAnAbrahmaparigrahebhyo nivRttiH, krodhamAnamAyAlobhAbhidhAnakaSAyacatuSkadhikkRtiH, vinayArjavAdiguNAdhikArazca yatra suprayatnapratipAditaH sa eva dharmaH / kutIrthikakathitasya tu tasyA'tathAtvaM jIvatattvAvabodhatadrakSaNaprayatnAbhAvAdasarvajJapraNItatvAnnistriMzaparigRhItatvAcca tataM tatabodhAMzubhiH pUjyaiH / tatrA''dye hetau snAnAderdharmatA saprasaGgaM nirAkRtA, pratiSThApitaM cA'pAM sajIvatvaM, prakaraNato vItarAgANAmeva yathArthavAditvaM ca / dvitIye ca tadAgamatatprakAzakAnAmasarvajJatvaM, tadAgamAnAM ca parasparaviruddhArthAvirbhAvakatAvinAbhAvitA hiMsAdyatinikRSTopadezadAnapaTutA ca sAdhitA / tRtIyasmiMstu tasmin savistaraM tatparigRhItRRNAM nistriMzatA bhavAbhinanditA ca prAdurbhAvitA / ____ tadevaM devagurudharmarUpA tattvatrayI atrA''tatA'tanubodhaiH zaizave'pyazaizavamatibhiriti yathArthAbhidhA'sya traividyagoSThIti / yato nA'tra vizve vevidyate kA'pi vidyAvadAtakalyANA'parA vihAyaitattattvatrayIm / vedanAd vicAraNAt prApaNArhatvAccA'syA nAM'zato'pi vidyAtvaM jaGghanyate / yathAvadavabodhazcA''samApti nirIkSaNAdevA'syA bhAvI / na hi sUryaprayojanaM mukurAkrAntatadvimbena bobhUyamAnamavalokyate / tathA cA''zAse labdhvA'nayA prastAvanayA prameyaM prameyaM samagramenAmadhyetuM zrotuM vA prayateran pravarteraMzcaitadabhihite tattvatrayArAdhane'nalpakalpanAtigaphalasampattisampAdanasamartha iti sAgarAntAnandanAmadheyaH / / 36 For Personal & Private Use Only Page #46 -------------------------------------------------------------------------- ________________ sahasrAvadhAnadhurAdharaNadhaureyazrImunisundarasUrIzvarakRtA zrItraividyagoSThI / namaH sarvavide / vighnavallividhvaMsine kuThArarUpAya gurave namaH / ainamaH / / jayazrIlIlAlIvitaratu mamA'nantamahimA, jinaH zrImAn vIrastribhuvanavibhuH sarvakalanaH / pravAdA yasyaivA''gamajalanidheratra nikhilAH samAdAya svairaM katipayalavAn sattvamabhajan // 1 // zrIjJAnasAgarAhvasvagurUNAM jJAnavAridhim / upajIvyopadezaM ca kurve traividyagoSThikAm // 2 / / namo vitataikAntikAtyantikahitahetubhyaH zrImadgurubhyaH / iha kila svaparasamayArthasArthAdRSyavaiduSyaparikarmitamatayo vijJapatayaH prAyastraivaidyagoSThIratayo bhavantIti tanmanovinodAya tadviSaye kiJciducyate / tatra traidhAH prAyo vidagdhA upalabhyante tathAhi - kecana paramatamaprAcInAgaNyapuNyapracayopalabdha zrImadgurucaraNaparicaryAprasAdaprAptAnavadyavidyAvilAsopahRtasahRdayahRdayA api avagatavastusatattvatayA na kadA'pyabhimAnakAluSyamAzezliSyante / kecana ca kiJcitprAcInapracitApradhAnakarmamarmavazato niSpratimapratijJAtirekodbhavAhaGkArapracArapracAritAvivekA api suyuktiyuktopadezazravaNAdinA, svato'pyadhikataraprajJAprakarSapratihatapravINaprakarApramANaprajJilatvAbhimAnaprakRSTaprAjJapuruSavizeSasamIkSaNAdinA vA, vyapahAyA'valepAkSepaM samyagguNAnurAgasaGgino bobhUyuH / __iha katicitpuruSA anAdikAlamapArasaMsArakAntArodaraprasaraNopArjitAniSTakaSTaughahetvaSTapuSTaduSTAdRSTarakSodhiSThitA viziSTamArgasaMsargiNaH kathamapi paramatamaprayAsaprasAdhitakatipayazAstrAbhyAsA api paramArthato nibiDajaDimapracaNDimAvaSTabdhacetaskatayA zRNvanto'pi tattannirvyapadezopadezaM, pazyanto'pi ca bahuratnAyAM vasundharAyAM tAratamyena svato'dhikAdhikataranistuSamanISAsamunmeSollAsipravINavAtAn, akharvagarvaparvatArUDhamUDhacetovRttitayA na kadA'pi guNAnurAgAnuSaNapUrvakaM mArdavaM bA bhajanti / anarhAzcaite sarvathA asAdhyAmayapracayaprapIDitAGgAGgivat sadupadezAdipratIkArasya / anadhikRtAzca te prabuddhairavibudhA vibudhajanocitaprazastazAstragoSThIsudhApAne / AdyA dvaidhA api cA'dhicakrire tatra sUribhiH, paraM dvitIyAH sAdhyavyAdhivyathitAGgabhAja iva pradhAnatarauSadhavidhAnena yathAprastAvamahaGkAranirAkaraNaviSayopadezalezena pratibodhanIyA iti / athaiteSAmanyatamabhAgyopalabhye saGgame samupajAte sati yathocitavacanAdipratipattipUrvakamevaM syAd goSThI / tathAhi - AgamyatAM bhoH kovidakulAvacUla ! alaGkriyatAmidamAsanaM, kiJcitkalayatha pratikalamatulakuzalakamalAkrIDAkroDAsaMkrIDane bhRGgabhUyaM yUyaM, pramomodIdadya zubhavatAM bhavatAM kalAvatAM darzanena sadyo'smaccittacakoraH / ullasatyeva hi kalAvataH samudaye apratnaguNaratnaratnAkaraH / durlabho hi dharmavratativitAnocchedakarAlakaravAle bahuladoSajAle'smin kalikAle vimalaguNamaNDalAbharaNabhAriNAM 37 For Personal & Private Use Only Page #47 -------------------------------------------------------------------------- ________________ paramasaujanyadhAriNAM .durgasvargApavargamArgapracAriNAm anavadyavidyAvilAsAmarAcAryAnukAriNAM suvicAriNAM sadAcAriNAM saGgamaH / gamayatyevA'yamanuttaro hyuttarottarottamAnekaguNavivRddhihetuH sevadhiriva vidhivadguNijanasannidhiH paramasukhasampadaM padAM vinayAdInAM naram / kiM noktaM caturacetazcamatkArakArihAripracuravAkprabandhena zrImatA harSamizreNa sakalakavikulaprabalamadagadauSadhe naiSadhe nAma mahAkAvye, tathA hi - prANapriyapraNayinI - pravaraguNagaNapraguNanaprakaTitapraNayaprakarSaM rAjahaMsAvataMsaM prati prAha nala IlApatiH bhRzatApabhRtA mayA bhavAn, marudAsAdituSArasAravAn / dhaninAmitaraH satAM punarguNavatsannidhireva sannidhiH // 1 // tadyuktamevaitat sakalakalandikAkalanAvikalakauzalazAlinAM vimalavinayavivekAdyanaNuguNamAlinAM zubhavatAM bhavatAM saGgamena yadadyAmandAnandasandohAspadaM bhavAmahe vayam / kiJca bho ! yaH khalu prabalakalikAlAnubhAvaprasaraddoSacakravAlocchaladbahula dhUlIpaTaladhyAmalitAntarAle sakale'pi kSitimaNDalatale durlabhataramupalabhyA'pi prathitapravINaprakaraprArthitapraguNaguNagaNasaGgamaM guNijanasaGgamaM tattadguNAnabhijJatayA guNimatsaritayA vA na prakRSTapramodAmodameduratAM bibhartti sa khalu na prekSAcakSuSAM cakSuSA prekSaNIyaH / yato guNAnurAga eva mukhyaM lakSaNaM vaicakSaNyasya, guNAnurAgazca guNavatprekSaNakSaNa evA'kSuNNapramodaprakaTanenaiva lakSyaH khalu dakSairakSodIyAn / nAguNI guNinaM vetti, guNI guNiSu matsarI / guNI ca guNarAgI ca viralaH saralo janaH // 1 // - tadadya bandho ! kRtakRtyAH smo'nabhravRSTinyAyenopapannaguNavatAM bhavatAM saGgamena / paraM pIyUSeNeva toSayitumicchAmaH zravaNau bhavannivAsAvAsagrAmagrAmaNI - grAmanAmasaMzravaNena / kuto vA vipulavipulAmaNDalamaNDalAkhilamaNDalamaNDalAkhaNDalAmbarAnmaNDalAdatra yuSmatsamAgamaH / atha haMho dhIdhanAH ! kai: kaiH prazastazAstrazastrairnihatha nikhilaprANiprakarapreSyatApradAyiprasaradvikramakramodrekabhAjaM moharAjam ? dakSiNA ! kSamadhve lakSaNe vicakSaNAkSodIyo'kSuNNAkSAmakSodam ? kasmin vA aindra 1 - jainendra 2 - siddhahemacandra 3 - cAndra 4 - pANini 5 - sArasvata 6 - zAkaTAyana 7 - vAmana 8vizrAnta 9 - buddhisAgara 10 - sarasvatIkaNThAbharaNa 11 - vidyAdhara 12 - muSTivyAkaraNa 13- kalApaka 14bhImasena 15-ziva 16- gauDa 17 - nandi 18 - jayotpala 19 - jayadevA 20 - divyAkaraNeSvAmnAtino bhavanta: ? / kaM kaM vA sAhityazarkarArasaM svAdaM svAdaM paramAnandapIyUSe nimagnA bhavaccittavRttiH ? tathA ATIkante bhavantaH sughaTanATakapeTakAbhyAsapaTupATavaprakaTanaiH sphuTaM nATayantaH kIrttinaTIM nATyAcAryatAsaNTaGkam ? / kaiH kairalaGkAravArairalaGkAravArairiva alaM samalaGkRtaM bhavadvadanam / Aste tAvatkarkazataratarkavitarkasamparkakarkazadhItvam ? keSu keSu vA jaina - jaimini - sugata - kaNabhakSasAGkhyAkSapAdAdimatasambandhinAnAtarkagranthasandarbheSvadhItino yUyam ? keSu keSu cA'pareSvapi nizchadmacchandojyotiHprabhRtiprazastazAstraprakareSvadhItino bhavanta iti ? 38 For Personal & Private Use Only Page #48 -------------------------------------------------------------------------- ________________ dhIman ! yuktamevaitat bhavAdRzAM vizuddhabuddhispRzAM samyaksAretaravastudRzAM cArucArimodAravaryacAturyacamatkRtacaturavizAM, yadevaM teSu grantheSu kroDIkRtavyAsaH sadabhyAsaH / kila zAstrAbhyAsa eva hi sAramasArasaMsAre / tadvatAmeva yatra tatra tatrabhavatA darzanAt / kiJca, astamIyivAMsaH khalu te tribhuvanabhavanAbhogabhAsinaH sakalajagajjantujAtAmitaikAntahitAnuzAsinaH pradhvastAzastatimiranikarAH sarvajJadivAkarAH / acakalaccA'vikalaM sakale'pi kSititale kalikAlakAlapradoSaH svavilAsakarAlatAprAgalbhyam / __ atha ca, prAsarisAriSuH sarvato'pyanivArapracArAH pracurataratimiraprArabhArAH / abobhavuzca dakSairapyalakSyA viziSya mokSapurAdhvAnaH / evaM ca sati prazastazAstrapradIpA eva pragalbhAyante pradIprA jagati durgApavargamArgopadarzakatayA / kiJca, bAhyAndhakAranikurambamAtropasaMhArakAriNaH sahasrakiraNAdapyatiricyate hyeSa nirvikroSyabAhIkAntaratimiranikarApahArakArI zAstravisaraH / tathA paridRSTapuSTAlokAdiviziSTaparisthUrAvidUrArthasArthAvagamanAlaGkarmINe locane apyavagaNayatyetadatIndriyetaravastuvyatikaraprabodhapratyalaM zAstramaNDalam / kiJca, mahAcitranidhirayaM zAstrakozo vidhivatpradIyamAno'pi yo vicakSaNairdakSiNaziSyebhyo na kadApi kSayitAM zikSate, paraM surakSitavya, eva khalvamaryAdapramAdAdidasyubhyaH / tasmAnnirantaraM pramAdaparihAreNa tadavabodhaprasAdhanAvadhAnAnusandhAnavidhAnairbhAvyaM vibudhadhurINaiH / taivinA apaheyopAdeyopekSaNIyavastunikaravyatikare tattattadudarkopalambhakatayA, tathA vivecanaikavikalatvenA'kSayyamokSasaukhyAdeH prApakatvena svahitasya samyagjJAnakriyAdeH prasAdhayitumazakyatvAt / na ca tAnyaprayatnopalabhyAni, tattattatprasAdhanapradhAnasAdhanasannidhAnavidhAnaM vinA tadadhyayanasAdhyasyA'siddheH / ___ tatsAdhanAni ca vizuddhabuddhyAbhogaH 1, sadgurusamAyogaH 2, sadguruvinayaprayogaH 3, pustakaprAptiyogaH 4, pramattatAviyogaH 5, satatopayogaH 6, zuddhayabhiyogaH 7, dehArogya 8bhAgyA 9dIni / durApANi caitAni / yato jagatkarmamarmavazAdadharmAzarmabAhulye'smin kaliyuge pratikSaNaM prahIyamANapradhAnamedhAdibalatvena kva tAvAn prAcInamunIndracandrazemuSIvizeSAnuyAyI vizuddhabuddhyAbhogaH ? agaNyapuNyapracayaparipAkimahimopalabhyaH khalu samagragranthArthaprabodhapaTiSThaviziSTatarAmitahitanidhizrImadgurusamAyogaH / tathA vikutsyAtucchamlecchAdikRnRpatitatividhvastAnekavalabhyAditattanmahAnagarasthAnekalakSaNapramANAgamAdisadAdarzocchedena kautaskutastAvadajJAnAndhakUpaprapatatprANipratihastakaprAyaprazastapustakaprAptiyogaH? tathA tata ito dRzyamAnanirupamAnamithyAbhimAnAvirAmAdyunmattakunayopacayapradhAnakubhUpatitatpattigRhItogavigrahAgrahagrahodyatpramAdAnAbhogarogAdyanurogAdyanumeyAbhAgyAdidhurye'tra kaliyuge'tidurApANi tathAvidhasvAsthyApramattatopayogAbhiyogArogyabhAgyAdIni / tatazcaivaM durAsadAnyapyAsAdya kathamapyetAni nA'dhIyoran ye vidhivanniravadyA vidyAH, vaJcitaH khalu tairavibudhadhurINaiH svAtmaiva tadutthoccazreyobhyaH / adhItyA'pi ca ye zAstrANi satatAnavadhAraNena vRddhividhuratayA vidadhIyeran tadanukramAddhAnibhAJji suzAstrANi, te ca samadhikataraM svAtmavaJcanena vaJcanIyatAmaGgIcekrIyante / ta eva hi dhanyAH, 39 For Personal & Private Use Only Page #49 -------------------------------------------------------------------------- ________________ prabuddhajanamanomAnyA, ye vidhAya vidhivat zAstrAdhyayanaM punastadavadhAraNAdinA pratidinaM vivRddhimeva dadhati tAni vidadhyuH / tadvivRddhizca prAya: paTutaratadabhyAsavyAsaprayAsasAdhyA, so'pi prAyastadviSayotsAhapUrva iti prAhuH prabuddhAH / eSo'pi guNijanapraSTaiH zreSTigoSThIvidhAnadadhadbaDhimAnamupalabhyate / ato bahuguNatvAdeSA'pi jJAnAdiguNaprakarSaprApakatayA paramparayA sAdhanameva jegIyate zreyomArgasya / tena yathAsamayametAmapyAdaridAriSurvidurAH zrIsarvajJopajJasajjJAnotsAhAdiguNopacayahetumiti / yata ucyate - jJAnotsAho guNAvAptiH, prAgalbhyaM bahudazitA / tattvabodhaH zrutAvAptiH, sAdhugoSThIguNA hyamI // 1 // kiJca, iyameva svamadhurimavidhurito/dholokAdhArasudhAbhimAnA vasundharAvalaye vicaradvibudhatatituSTaye prabhavati / ataH pApIyadhvaM kSaNaM dakSiNAkSuNNadakSaNaprAyaM samamasmAbhiracaturavacanaprapaJcazravaNodbhUtaprabhUtatApApahArapravaNaM traivedyagoSThIpIyUSayUSapUram / atha kecidahaGkAramaSIzitimAnamAtmanyAdadhato na darIdhrati tathAvidhojjvalaguNAnurAgam / te caivamakharvagarvAdhmAtamAnasA na tAmahatIti tAn pratyupadezalezaH prapaJcyate / tathAhi - tathAvidhamavasaramupalabhya vidvan ! kathaGkAraM bhavadhRdayaguhAyAmudyacchAstrakharakaranikarapracAre'pi kvacittattadvacanAnyathAnupapattyanumeyApaheyAhaGkArAndhakArapracAraH / vimarImRzyatAmacirasya mohasya lAsyam / kiM yujyate bhavAdRzAmapi prekSAdRzAM hRdayeSvantarudyacchAstraprakaradhvAntArAteH kiJcidvastutattvAnavabodhAvaraNamanumApayadahaGkArazAvaram ? kiJca antarcaladvinayanayavijJAnAdiguNatRNabharodbhUtaprabhUtajADyajvalanamanumemIyante tadanyathAnupapannAyAH sarpaddarpoddAmadhUmasphItatAyA darzanena prabuddhAH / / ___AH kimidaM hatavidhervitatalalitamidaM, yadvivekinarANAmapi buddhitaruSvevaM garvagurvavivekAtirekodakaprakaraniSedhaH ? purApi ke ke hyekenA'pyanekAvivekotpAdakenA'nena cchekA api naikalokanikAyAH kAni kAni nA''carikArayiSatA'kRtyAni ? kRtyAni vA kAni kAni na vyasarismArayiSat smayenA'nena vismayasphItatAdhAyisphurattarasmRtinadISNorapi? tannUnaM vidherevedamavadhyecchAprAgalbhyaM pariposphurIti, teSu teSu padArtheSu upapanIpadyamAnAnAmanupapanIpadyamAnAnAM vA tattattadguNAguNAnAM tathA tathA niyojane viyojane vA pratyalaM, yadbhavAdRzeSu vimalavidyAjalapradhautAvadAtahRdayeSvapyevamahaGkAramaSIkRSNimAvaliptatA / tathA cA'vAvAdIt zrIharSaH kavimacarcikA - avazyabhavyeSvanavagrahagrahA, yayA dizA dhAvati vedhasaH spRhA / tRNena vAtyeva tayA'nugamyate, janasya cittena bhRzAvazAtmanA // 1 // athavA ko'yaM vidhirnAma ? kA vA tasyecchA ? kiM vA tayA seSiddhayeta ? puruSa eva hi anavagatatrayItattvatayA svasvarUpavivecanAdivikala: satkRtyeSu gajanimIlakAdyavalambI pramAdAnAbhogAdikumitrasamparkavazAdavitakyaivodakaM tattadasatkriyApravRttastattaduHkhaphalopabhogabhAjanaM bobhUyeta / sa eva ca yadA zrIsarvajJopajJaprazastazAstropadezapradIprapradIpopalabdhasamastavastusatattvatayA samyag vivicya tadguNAguNasvarUpaM 40 For Personal & Private Use Only Page #50 -------------------------------------------------------------------------- ________________ tadupAdAnahAnayoH prayAyatyeta, tadA samAsAdayatyevA'yamuttarottaratattacchubhaphalabharabhrAjiSNuH kramAtparamapadasampadamapi / yaducyate - tAvatkalayati puruSo, hatavidhilalitotthaduHkhasaGghAtam / cintayati neti yAvatko'haM ? kiM me hitaM cA'nyat // 1 // iti ca vivicya vibudhya ca, hitAhitaprAptihAniyatnavataH / sA nA'sti kA'pi sampat, lulati na yA karatale yasya // 2 // ata: parijJAtajJeyaguNAguNagarimANo vicAracArimAkhaNDapaNDitimAnazca vicArayantAM svacetasA, kiM caturANAM cetazcamatkArakArI syAt kadA'pi cekrIyyamANo'yamavalepa: ? kiJca, iha hi durante kalikAlavilAse visphuratprabalamohabhUpAlakutUhalottAlabalocchalatkolAhaloccAlitAkhilamaJjulollAsibahulaguNacakravAlAkalitavitrAse kutastyaM tAvanniravadyahRdyacAturvaidyavaizAradyam / na hi ko'pyevaMvidhaH puruSavizeSo'tra samIkSyate, yaH kila kalayatyavikalaM sArvavaidyAvabodhavizadimAnam / yato galantyeva hi pratikalamadhunAtaneSu tamojaneSu sacchidrabhAjanodarapUripUra iva zuzrUSA-zravaNa-grahaNa-dhAraNohApohArthavijJAna-tarkavijJAna-tattvajJAnalakSaNA amI manISAguNAH / galatsu ca teSu tadagrimanidAnAni vidhau pradhAnAni vidyAnidhAnAnyapi parIspRzantyeva hi krameNA-'pahAnipadavIm / evaM ca krameNa hIyamAne vidyAsaundarye sAmpratakAlIneSu janeSu jJAnalavA eva pariposphurati / tathA'pi yo'caturacetasko vidyAghrAtamAtratayaivA'mAnAhaGkRtibhAjanamAnuSaGgaraGgadvaGgasaMsargI saJjAyate, nA'rhatyevA'yamapratimaprAmANikazrotriyapariSadi pravezam / bhavate ca sa khalvadRSTAzrutasvIyajJAnANutApradAyi-purAtanAnekamaunIndravRndodAracitracaritraH kUpamaNDUka iva bahuzrutasadassu hAsyAspadatvamiti / tato vicakSaNa ! samIkSasva kSaNamAntaracakSuSA, kaste nA'jJAnAtizayo, yenaivaM durddharadarpoddharakandharIbhavasi / dhIman ! nayasva kSaNamekaM svIyamAnasaM sthirasthemAnam / avadhAraya vaibudhyadhurAdharaNadhIrodArapurAtanAnekamunIndracandro-dagravidyAzaktyAdisaundaryam / tathAhi - iha hi ahamahamikAvanamrakamraniHzeSavRndArakAsuranikarezvarAkhilavipulAvalayaprauDhaparivRDha zreNizIrSAvalIzekharAMsaGgiratnokarollAsirazmimaNDalImiladaviralapadayugalanakhonmiSatsindUrapUrAruNarucirocinikarakarburitAmbarodarazrImajjinapatigaditotpAdavyayadhrauvyAdyanantadharmAtmakAzeSajagadvyavasthAprakAzakAmalapadatrayIsamAkarNanAnantarAvirbhavatpratibhAprAgbhAraprakarSaprabuddhAzeSabhuvanAntarvartipadArthasArthopaniSadyAthAtathyagaNadharapadavIprAptapratiSThazrImadgautamaprabhRtigaNapatayo'ntamuhUrttamAtrakAlena carAcarodaravicaranmohAndhakArasambhArasaMhArodyattaruNataraNikaranikarAnukAribhiH zeSajJeyopaniSatparijJAnanidhAnapradhAnatarAnantArthAkSayyakozAtmadvAdazAGgIyazaHstambhasamuttambhanaM viracayAJcakruH, teSveva vyalAsId vizvatrayAnuttarAvabodhasampat / tadanu punaravalambitataratamabhAvaprajJAvibhavAdbahavo'pyabhUvannityAdiprajJAprakarSapratihatAzeSabudhammanyavidyAkharvagarvasarvasvAH sakSubhikSukSitipatayo yatipatayaH / ye hi kilaikapadazravaNato'pyavikalaM kalayAJcakurgranthakoTIkoTIrapi / kaH khalu parimitajIvitaikajihvo nijazemuSIsamunmeSaiH suragurUyamANo'pi koSThakabuddhibIjabuddhyAdyanekaprakAraprAcIna 41 For Personal & Private Use Only Page #51 -------------------------------------------------------------------------- ________________ prAjJaprajJAmahimAnaM prathayitumalam / tathA'pi caturacetazcamatkRtaye keSAJciducyate / tathAhi - vilesivAn ciramanivArapracArodyadvAdidarpAndhakArasaMhAradivAkarakaranikarapratimavAgvilAsaH zrIsiddhasenadivAkaro nAma sUrivaraH / yasya kila samArUDhasya prauDhavAdaraNAGgaNe prajJAjJaizvaryAdiguNasadaHsadaHpatipratibhAdhAraNAbAhuzrutyakSAnti-mAdhyasthyAditattadguNagrAmaramaNIyAnekasabhyAvalIsamakSamakSodIyo'kSuNNakSodakSamAnalpavikalpakalpitAkalpajalpakelIkalAmAkalayya maSIviliptavadanA iva pratyagraparAbhavAvirbhAvaprabhavadviSAdAsAdanoditazyAmalimAna: paJcAnanarAvasaMzravaNAdiva jaladharadhoraNIdhautAJjanagirigarIyaHsodaroddharasindhuraparampareva tatrasuH sarvato'pi pracaNDapANDityapATavAkhaNDavADiNDimADambA(mbarA) api prativAdisandohAH / yaH kila bhagavAn svIyaunnatyaprakarSAmaragirigarIyaHzRGgaprasparddhiRddhijinAlayazreNizikharaziro'saMsthitAdabhrakiGkiNIjAlanikvaNavyatikaravAcAlitAkhiladikcakravAlapracaladujjvalodyadvipulapatAkAvalIsaGkarocchinnakharakaranikarapracArAvirbhavattApasambhArAyAmujjayinImahAnagaryAmapahataharagiriguruzaikharaunnatyamadagarimonmAde mahAkAlAbhidhaprAsAde zrImaddevAdhidevAnupamastutiviracanavazAt prasphuTaccaNDacaNDIzaliGgotthakhaNDAntarAvirbhUtAyAM zrImajjinapatipratimAyAM camaccekrIyamANacittAkramAkrAntadikcakravikramodbhAsitazrIvikramAdityabhUpatiprabhRtipravINatativitatasadasaH zrImaddevAdhidevAnaNuguNaprakhyApanapUrvaM tattvatrayIprabodhapradAnena prabhAvayAJcakRvAn zrImajjinazAsanaM, suragururapyacatura evaitasya gabhIratarArthAnandisakalatArkikacakracUDAmaNipariSatsammatyAdyapratimagrantharatnotkarapraroharohaNagirerityAdivizadAvadAtavivarNane / / tathA pavitrayAmbabhUva kSitivalayaM sUrivaraH zrImallavAdI nAma mahAvAdI / yasya bhagavato'natizaizavavayaso'pi kSapitAzeSavipakSakSitibhRcchilAdityAbhidhaprauDhapratApazAlimedinIvAsavodArasaMsadi praklRpte SaNmAsAvadhivAdamahAsaGgare nirjitadurjayojasvipratibhAprAgbhArAlayAkhilasaugatAvalIpluSTagariSThayazaHprakarAvirbhUtAyazoGgAragaNaprasaGgasAditapravarasthirataratAguNo yazobharaghanasAraH surabhayAmAsivAn tribhuvanabhavanodaram / adyA'pi hi yatprabhavaM nayacakrAkhyagranthacakraM samucchinatti prasaraDhurvAdidarpacakram / tathA upacakre bhagavAn apArasaMsArapArAvAraparimajjajjantujAtamavikalakarAlakalikAlavilAse'pi tribhuvanabhartRzrImajjinapatigaditAnavadyaniHzreyasAdhvapradarzanena kRtatribhuvanabhadro haribhadro nAma sUrIndraH / yataH kSamAdharaguroH prAptaprabhavA salalitabahulavimalAbAlaniSpratimodArAvyarthasadarthasAkSuNNAkSaranikaranIrapUranirantarA, kvacidviracitAtucchamAtsaryAlayAzeSaparapravAdiprabhavAnekakarkazatarkasamparkapratighAtArthopasthApitaniSpratimottamottamayuktivyatikararatnotkarakarambitAntarA, kvaciduddaNDadaNDakakadambakaprocchaladdhavalAmalalolakallolamAlotpatatsIkaraprakarAsAravyayitatribhuvanajanasantApA, kvacitkavalitAsAraparapravAdiprathitAgaNyAnumAnamInAvalIkaduHzakavyabhicArapracArA, asaGkhyeyAdhyakSamukhyAkSuNNakSodakSamAprauDhapramANaprakaraprasarpattimiGgilagilAvalIsaGkalAntarAlA, kvacinniravadyodArahRyapadyAvalIdhavalavilasanmarAlamaNDalIsamAkulavipulapulinAbhogabhogA, kvacidatigUDhaprauDhapracuragabhIrArthasArthasvalpAkSarAnalpagadyapadyAvalIvikaTapuTabhedapeTakodghATitAkAlabAlAvalIsAdhvasavyUhA, kvacidamRtarasanisyandizravaNasukhadAnekagrathitagAthAgaNAgAdhagUDhaprauDha 42 For Personal & Private Use Only Page #52 -------------------------------------------------------------------------- ________________ hradasandohaduHzakApAThInAdhIvarapravezA, AnanditasakalasahRdayahRdayA, saGklRptAkhilasaMzritAsaGkhyavipazcitkalmaSavilayA, caturdazaprakaraNazatInirjhariNI pavitrayAJcakruSI nikhilabhUvalayam / yena kiloddAmavAdamahAraNAGgaNe kSaNamAtrAdeva pratihatavitatAbhimAnA dhikkArakAritattatsabhyAdivAkkoTilakuTataTAghAtazUnyIbhUtahRdayA bauddhA api mAdhyamikAH santo'pi saralataratAlahijjalajvalanasalilajaladhidvikalamalAvalIraGgattuGgaturaGgabhRGgakuraGgAGgAragirikAntArahAravihArodAraprAkArapurapramukhAnekapadArthasArthAnapazyantaH zUnyavAditvamevorarIcakrire / __tathA prasarpadarpasambhAroddharakandharA api prArabdhe yena sahodAravAdasaGgare kSaNamAtrAdeva samIkSya svIyAkharvagarvasarvasvahAsaM kSaNikatvamevA'zeSasaMskArANAM sUtrayAmAsuH sautrAntikAH / / ____ yasya hi paramakoTiprAptodArajJAnaramayA AsAditAkhilabhUmaNDalAkhaNDalamaNDalImahanIyamahimAnaM samIkSya vijJAnasyaiva sAratvaM manyamAnA akhilatribhuvanavalayasyA'pi tanmayatvameva zaraNIcakruryogAcArAH / iha hi SaTdarzanAzeSavAdi(tva)sandohA yadabhidhAnazravaNAdapi mAdyanmadajharanirjhariNIprarohottuGgazRGgadharAdharAnukArisphuradgandhasindhuroddharagandhaprakaravidhuritAparasindhuradhoraNIva vimuktAzeSamadotkaTyA nirvyAjollasadbhaktiyuktIH prakaTayantaH prakaTameva yannikaTamATATiSuH kramayugalavarIvasyAghaTanAyai / __ tathA prINayAmAsivAnamRtarasanisyandivAgvilAsaistrijagatIM nijprtibhaavaibhvaabhibhuutdevsuuridevsuuri ma sUriH / yasya kilA'zeSavAdIndraziraHzekharasya pRthivIprAptapratiSThazrIsiddhacakravartizrIjayasiMhadevodArapariSadi saGklRptoddAmacaturazItivAdaprativAdinirjayanorjitAkhaNDapANDityaraJjitAkhilabhUpAlacakravAlapradattottAlamarAlamaNDalojjvalacapalacArucAmara zreNidhavalavipulAtapatrasiMhAsanAvalIcaGgaraGgattuGgaturaGgakiGkaraprakaraprabhRtiparicchadApUrNanikaTataTotkaTAhaGkArasambhArabhAritAtandrakumudacandrAbhidhAnAkhilavyomAmbarAkhaNDalavijayAjitaprauDhasatkIrtinartakI jagattrayottuGgavaMzAgranartanazIlA kurute'dyA'pi sakalasahRdayAn AnandasamAskandAskandAn / yannimmitAnekayuktivyatikarAJcitoddaNDadaNDakasphAravRttotkarApratnaratnaratnAkarasyAdvAdaratnAkarapramukhAnekasattarkagranthAvalI qAM kAM na camaccarIkarIti kovidAvalIm / tathA udyotayAmAsa zrImajjinazAsanaM duHSamAndhakArasambhArasaMhArodyattaruNatarataraNikaranikarAnukAripravaravAkpracAraH kovidavRndavaryaH zrIhemacandrAcAryaH / yasyA'viralavimalavAglaharInAzitAnAdikAlAlInadurnivAravisphuranmohAhiviSaprasaraH zrImadgurjaradharAdhurAdharaNadhurandharatAmAdadhAnaH zrImatkumArapAlabhUpAlaH samudghoSayAmAsivAnnikhilabhuvanavalaye'pi samastajagajjantuvrAtarakSodghoSaNena vilasadyazaHpaTaham / yasya kila kalikAlasarvajJetibirudAnanditasajjanamanasaH sapAdalakSalakSaNacchandonuzAsanAlaGkAracUDAmaNitriSaSTizalAkApuruSacaritra-yogazAstra-pramANamImAMsApramukhAnekasattarkagranthagrathanAnukampitAzeSavizeSavizeSajJasya vaiduSyavizeSavyAvarNane kiM brUmaH samadhikaM mUDhatArUDhacetovRttayo, nikhilatrailokyavandanIyapAdAravindayugalA bhagavatI zAradA'pi na dedhrIyate sAmarthyam / kovidottaMsA bahavo'pyabhUvan vividhajJAnAdiguNaguravaH zrImadguravaH / na khalveteSAM guNapArAvAraparapAraM 43 For Personal & Private Use Only Page #53 -------------------------------------------------------------------------- ________________ prApnuyAd varSasahasrairapi kazcit paraM naiko'pyeteSu kazcidahaGkArAdyanaghaguNakAluSyakaluSitamAtmAnaM babhAra / hanta tarkhetadapekSayA kaH khalu jJAnAtizayaH sAmpratakAlInAnAM janAnAm ? kiJca - etanniSTaGkitamiha jAnIhi, yatrA'haGkArAndhakArapracAro, na tatra nirmalajJAnadinakarakarapracAraH, vidyAhaGkArayoH sahA'navasthAnasvabhAvavirodhavidhuratvAt / ekatarasambhave itarAbhAvasya spaSTaniSTaGkanAt / kutracidahaGkArAbhAve'pi vidyAvirahadarzanena nA'tra vyabhicAracaurapracAraH zaGkanIyaH / tatra tadutpAdakAdhyayanAdisamagrakAraNabhAvahetukodAravidyAnupalambhepi tadyogyatAyA vidyamAnatvAt / na ca vayaM nirahaGkAratvameva sarvathA vidyAhetuM brUmaH, tadanyeSAmapyadhyayanAditaddhetUnAM vidyamAnatvAt / na ca vidyArUpasvakAryotpAdanAsamarthatvAt tasya tadyogyatAyA apyabhAva, iti vAcyaM, tadanyakAraNAbhAvanimittakatvAttadanutpAdanasya / na ca mukhyahetusambhave'pyaparahetvanapekSaM kAryotpAdaH sambhavati, teSAM tadanidAnaprasakteH / yo yadabhAve'pi bhavati, na tattasya kAraNaM, ghaTasyeva tantavaH / tannaivaM tatra tadyogyatAbhAvaH sAdhayituM zakyaH na caivaM sAhaGkArasyA'pi tadyogyatA bhavatviti cintyaM, tasya kadA'pi tadadarzanAt / athA''cakSIthAH pratyakSamRSAvAditvametat, yadahaGkAripuruSavrAtAnAM santamapi vidyAprAgbhAramapahRdhve / dRzyante hi bahavo'pi sudhiyo'pramANonnatAhaGkArazikharizikharamArUDhacetaso'pi vidyAvaizAradyApahRtasahRdayahRdayA iti / tadetadajJAnamadirApAnavihvalacetasAM pralapitam / tatpuruSANAM cAturvedasya vidyAtvAyogAt, tadayogazca tatphalavirahAt / vidyA hi jJAnamucyate, tasya cA'nantaraphalaM kumArgaviratyAdi, sanmArgAsevanAdi ca / tathA coktam - jJAnasya phalaM viratirityAdi / tathA 'tajjJAnameva na bhavati, yasminnudite vibhAti rAgagaNaH / tamaso hi kutaH zaktirdinakarakiraNAgrataH sthAtum // ityAdi / ahaGkArasya rAgAdyavinAbhAvitvAttattvatastadabhedAcceti / na cA'haGkAraH sanmArgastasya bhavahetutvAt, ziSTaninditatvAcca; AkheTakAdivat / iti siddhaM yatrA'haGkAraghorAndhakArapracAro, na tatra jJAnadinakarakaravihAra iti darpApAkaraNam / ataH parityAjyo'yaM sarvathA prazasyazreyomArgArAdhanapradhAnasAdhanAnavadyavidyAvizAradAdibhiH sAbhilASibhiravalepAkSepaH / vidheyo'navaratamapratimaguNAnurAgasaGgaH, upArjanIyAzca samyagjJAnavinayanayavivekAdiguNanikarAH / yato guNA eva duSprApAH prabalakalikAlavilAsAnubhAvasphuradoSajAlabahule'tra kSititale, guNavAneva ca triviSTape'pi viziSTajaneSu spaSTapratiSThAspadaM jaJjabhyamAnaH samIkSyate dakSaiH / yato guNAH sarvatra pUjyante / tathA guNavantameva hi varIvRNIyurahamahamikayA nirastApadastattatsakalasampadaH / RddhisamiddhA api durlabhataraguNavaccaraNaparicaryAlAlasamAnasAH sarvatastadabhyAsadezAlaGkaraNaM bobhUyeran / aprArthitA api ca tadguNaprakaraprekSaNaprahRSTamAnasA nirvyAjabhaktibhAvitAntaHkaraNatayA guNavatpadayugalaM svamaulau maulilIlAmavalambayeyuH / 44 For Personal & Private Use Only Page #54 -------------------------------------------------------------------------- ________________ svabhAvAdeva ca prathayanti kaviprakANDagandhavAhA dikSu vidikSu ca guNavadgarIyoyazaHkarpUrapUrasaurabhapratimAnam / yato nahi vikasattaramambhojanma adharmakarmakRjjanmavallabhavalakSacakSuranadhyakSalakSmyAH svasminnivAsAya prArthanAcATUni ghaTayadupalabhyate, kintu guNagariSThazreSThasthAnatayA tatraiva vAvasIti sA / na cA'pi rAjadrAjIvarAjI raNaraNakArakArimadhukaranikarAkAraNAya kvacanA'pyariyarIti, kintu svayameva tadgandhasaurabhalolupAste madhupA gAyanta iva tadguNanikarAn jhaNajhaNAkArirAvaprakAraiH parivarIvrataH sarvataH tadalaGkaraNabhUyaM sampratipanIpadyante / anabhyarthitA api ca svasyaivodyacchobhAvizeSasamunmeSAya tathaivA'rhatayA naravisarottamA api nivezayeraMstAM nijottamAGgabhAge svenaiva ca vitantanyante tadgandhasaurabhapUraM sarvato digudaravivareSu gandhavAhAH / tasmAdguNAneveha baMhIyomahimaprArabhArA'pratihananahetutayA nirUpayAmaH khalvapi / kiJca, vacanamapi guNavanmukhAdeva samutthitaM samyagAdeyatAmAdadhAnamAdedrIyante vibudhadhurINAH / tathA cA'vAdiSurvidurAH - kSIraM bhAjanasaMsthaM na tathA vatsasya puSTimAvahati / AvalgamAnaziraso yathA hi mAtuH stanAtpibataH // 1 // tadvatsubhASitamayaM kSIraM duzzIlabhAjanagataM tu / na tathA puSTiM janayati yathA hi guNavanmukhAtpatitam / / 2 / / tasmAdanaNIyaH zreyaHsAdhanapraguNaguNAnurAgAdiguNopArjana evA''hitAvadhAnairbhavitavyaM svahitaiSibhirmanISibhiH / ta eva cA'rhanti zreSThaziSTagoSThImapi / tenA'tha arhatha prathIyaHsadguNAnurAgAsaGgitayA yUyamidAnImimAm / vayamapi ca samyagupAsitazrIgurucaraNasarojA'pratimaprasAdAdadhikAriNa evA'tra / yato draDhIyodraDhimajaDimapracaNDimAvaSTabdhacetaskA api zrImadguruvadanodgacchadvacanaprapaJcodyaddinakarakaranikarapratihatAntaratamaHpaTalapaTimatayA samabobodhiSTA'kSodIyolakSaNApratimapramANacchando'laGkRtyAdiprazastazAstrANi / yato nAstIha tatkiJcidavadyaM, mahatAM caraNaparicaryApi yatpATane na paTupaTimAnaM prakaTayati, ghaTayatyeveyaM durghaTotkRSTaviziSTazrIghaTAnAmapi saNTaGkam / vighaTayatyeva ca sphuTaM kaTataTAnIva ghaTapeTakaM vikaTataraduritakoTIrapi / sAmAnyajaneSvapi kiJcidgariSThapuNyasthavimavazAttuSTipuSTimupagatAH zrIgurupAdA jAyante eva jagajjyeSThastheSThasampatsAdhanapaTiSTAH / yaduktaM - guruyANaM calaNasevA na nipphalA hoi kaiyA vi / tataH sukhenaiva tathAvidhadhiSaNAsAdhimavidhurA api zrImadguruguruprasAdamadhyAsInA adhyagISmahi, adhImahe cA'dyA'pi vizuddhabuddhiprabodhyamedhyazAstrANi / tathA tattadvastuvyatikareSu tattvAtattvavicAraNacaturacetovRttitAmapi pratikalaM kalayAmaH / nahi zrImadguruprasAdakalpadrumaprabhAvavaibhavasyeyattA kA'pi samasti / tathA svabhAvAt zrIgurUpadezAcca guNavatprekSaNapraharSiNo'pi varivRtmaH / tathA tathAvidhabudhapraSThapreSThavariSThagoSThIrasikasvAntatAmapi dedhrIyAmahe / ato yuktimatyeva sampratyAvayoreSA zAstragoSThI / tato vidhIyate kSaNam / [anuvartate] For Personal & Private Use Only Page #55 -------------------------------------------------------------------------- ________________ AsvAdaH pragAr3havicArAH DaoN. madanalAlavarmA yathA sAgarasya samutthitAstaraGgA antarikSAlambhanasya prayAsaM kurvanti, tenaiva prakAreNa mAnavasyehA balavatyo bhUtvA saMsRteH sakalAnandaprApaNasya prayAsaM kurvanti / vRttamidaM kutraparyantaM satyamasti, ityatra cintanasyA''vazyakatA vartate / nijanirdiSTasthAnaM prApaNAyA'smAbhiH kaNTakAkIrNamArgeSvapi pracalanIyaM bhavettarhi vikalairna bhavativyam / praNayaH prasahya kenA'pi sAkaM na vidhAtuM zakyate / idaM hi pUrvasaMskAragatabhAvanAdhAreNa jAyate / praNayArthaM kAzcana viziSTAH paristhitayo'pagamyA''yAnti / tAsu dazAsu baddho janaH svata eva praNayamArge'gresaro bhavati / upavane vikasitAnAM puSpANAM surabhirasmabhyamidaM diSTaM preSayati yad yUyamapi svacaritrasya saurabhaM sarvatra prasArayatha, tathA yathA'nye janAstadanubhUya harSitA bhaveyustathA ca yuSmadarthe sadvicArANAM sRSTiM kuryuH / ___ asmAn svato'sya vRttasya smaraNaM na jAyate yad vayaM kutra gacchAmaH / paristhityA samAdhAnaM vidhAya gantA janaH kadAcid vaJcito bhavati / pariNAmasya viSaye zocanasyA'pekSayA karmalInena bhavitavyam / yena brahmaNA janma pradattaM, tasyA'dhikacintA vartate'smabhyam / yAthArthyena tenaiva prakAreNa, yathA kasyacidabodhasya zizozcintanaM tasya jananI karoti / dIpake zalabhAH svata Agatya vAraM vAraM jvalanti / anenA'smAbhirapi cintanIyaM yad vayameSAM hitAyA''tmAnaM samarpayema / 'parahitasamA niSThA na bhrAtaH !' etasya vicArasyA''tmasAtkartA jano'ntarAtmani sAnando vasati / asAvanena zAnti labhate / anye janA yathAkAmaM kimapi cintanaM kuryurasmAbhiH svakarttavye AstikabuddhyA purato gamanIyam / 46 For Personal & Private Use Only Page #56 -------------------------------------------------------------------------- ________________ yadA mAnavo vRddho bhavati, tadA tasya jIvanAdullAsA AhlAdAzca dUrIbhavanti / tena pratIyate yat tasya jIvanaM nIrasaM jAtamasti / yathA''mrasya zAkhA zuSyati tasyAM ca kokilA samAgatyA''lApAnna karoti, tenaiva prakAreNa jaraThasya jIvane'pyanurAgaM prabodhayitA ko'pi nA''gacchati / ye janAstasya yauvane pauna:punyenA''gatya tasya saMlApaiH sAnandA bhavanti sma, te'dhunA naivA''gacchanti / yA premikA haritayavase samupavizya tayA sAkaM sapraNayamAlapati smA'dhunA sA'pi nA''yAti / tadetthaM pratIyate yathA manasi bhayAvahakRSNarajanyAH sAmrAjyamAvRtaM bhUyAt / saMsAro'yamekametAdRzaM bandhanamasti, yasmin baddhau janaH sadaiva kSubhyati satatam / atra janAH svArthe nimagnAH santi nirantaram / svArthapUraNAnantaraM tu upekSante / saMsAre'smin yathArthatvaM tu naivA'sti / yathA kalpanasyaiko'gAdhamahAtaTAko vartate vizvamidamasya bhayaGkaratvena mAnavasya laghukalevaraM pratikSaNaM bhayAnvitaM bhavati / manujAya kimapi haritaM sambalaM nopalabhyate / antatastena svaparamezvarAya prArthanAyA vidhAnamapekSyate / sa Atmani cetanatAyA anubhUtiM vidhAsyan kadApi paramAtmAnaM na vismaret / sarvaprathamaM sundaratamaM priyamavalokya manasi vicAro vidyotate yattadetadapUrvaM kimarthaM nA'valokitaM mayA? Atapasya nirmalatvena nikhilaM jagat saundaryasamanvitaM pratIyate / kiM dharA, kiM gaganaM, kiM vanaspatayaH, kiM prasUnAni - nikhilAnyevA'pUrvamanojJAni pratIyante / dUraM dUraM yAvadApyAyitaharidrAbhasarSapA itthaM pratIyante, yathA pItAbhataraGgAnAM nartanaM bhavati / yadA prAkRtikAtapa iyAn manojJo bhavati yattasya prabhAveNa sarvANyeva vastUni sundarANi pratIyante, tahi kiM mAnava iyAnmanojJo bhavituM na zaknoti, yattasya prabhAveNa vasundharA, vanaspatayaH, kusumAni sarvANyeva bhavyAni bhavituM zaknuyuH ? jIvanametad vinazvaramasti / kSaNamAtrasyA'pi pratyayo nAsti / ato manujenA'haGkAro na karaNIyaH / eSAM dazadivasAnAM jIvane. manuSyeNa svasamayo nirarthakaM na vinaSTaH karaNIyo'pi tu prabhornAmasmaraNena yApayitavyaH / bAhyapradarzanena chAmikatayA ca kimapyanuSThAnasyA''vazyakatA nAsti / manaso vaizayenaiva prabho mnastattvamavagantuM zakyate / zAstrANAM vedAnAM smRtInAmadhyayanAdikaiH satyabhASIbhavituM na zaknotyapi tu mUlarUpasya prabhunAmaka-zabdasmaraNamAtreNaiva yathArthaM sudhIrbhavituM zaknoti mAnava iti / -x 47 For Personal & Private Use Only Page #57 -------------------------------------------------------------------------- ________________ patram munidharmakIrtivijayaH AtmIyabandho ! cetana ! dharmalAbho'stu / atra sAtaM vartate / sarveSAM gurubhagavatAM dehaH samIcIno vartate / tatrA'pi sarveSAM kuzalaM kAmaye / karNAvatInagare 'zAsanasamrATbhavana'sya samArohaH kRta AsIt / asmin bhavane jinazAsanodyotakAnAM mahApuruSANAM zAsanasamrATazrIvijayanemisUrIzvarANAM ca nayanaramyANi citrANi manoharA racanAzca pradarzitAH santi / sahaiva lakSAdhikAnAM pustakAnAM citkoSo'pi vidyate / etadbhavanasyodghATane'nekeSAM vidvajjanAnAM sAhityasaMgoSThiH saGgItavidAM ca saGgItasabhA'pi AyojitA''sIt / etat sarvaM kAryaM niSpAdya godharAnagare Agatavanto vayaM smaH / bandho ! adya jJAnamuddizya kiJcillikhAmi / svabhAvalAbhasya yat kAraNaM tad jJAnamucyate / durguNarUpavibhAvasya nAze yat kAraNaM tannAma jJAnam / yasya jJAnasya vRddhyA saha guNAnAmapi vRddhiH syAt, guNAn prati rAgastathA guNijanAn pratyAdaro bahumAnazcA'pi vivarddhata, svakIyAn durguNAnajJAnaM ca pratyapi dRSTipAto yena bhavet, tadeva vastuto jJAnatvenocyate / ___ jJAnavRddhinA saha darzanasya cAritrasya cA'pi pariNatirvarddhanIyA syAt / citte bhagavatA samAdiSTAyAM kriyAyAM prarUpite mArge ca zraddhA dRDhIbhaved / saMsArijIvatvena saMsArakAryANi kurvannapi citte "etAni kAryANi karaNIyAni na santi, AtmanaH kRte'hitakarANyeva santi, tathA'pi karmavazenaitAni karomi" iti bhAvaH sthiraH syAdeva / darzana-cAritrAdiguNaiH saha sAralyakSamaudAryAdiguNAnAmapi vikAso yena bhavet tad jJAnatvenocyate / bandho ! zAstrasyA'dhyayanamadhyApanaM ca sukaramasti, kintu jJAnasya citte pariNamanaM tu durlabhamasti / adyA'nekagranthAnAmadhyetA'dhyApako racayitA ca samAje 'jJAnI'tyucyate, kintu vastutaH sa eva jJAnI yaH pariNatajJAno'sti / yathA yathA zAstrAdhyayanaM kriyeta tathA tathA citte tajjJAnaM pariNataM bhavet / janA jJAnaprApteH zaktimavApnuvanti kintu tajjJAnasya pariNamanazaktiM na prApnuvanti, tad durbhAgyamucyate, yato jJAnaprAptiranyA jJAnapariNamanaM cA'nyad, iti jJeyam / jJAnaprAptirdurguNavRddhaH kAraNaM bhavituM zakyA, tathA tasyaiva jJAnasya pariNamanaM durguNanAzasya kAraNamapi bhavati / pariNatajJAnavazena tasya vartane bhASAyAM ca sAralyaM syAt, sarvAnapi prati samabhAva Adarazca syAt, kintu kamapi prati dveSavRttistiraskAravRttizca na syAt / sarvaiH sahaudAryayutaM vyavahArameva kuryAt saH / 48 For Personal & Private Use Only Page #58 -------------------------------------------------------------------------- ________________ pariNatajJAnI kIdRzaH syAt ? sa gabhIraH saralo nItimAn sahiSNuzca syAt / yathA gabhIraH yasya citte jJAnaM pariNatamasti sa sAgara iva gambhIraH syAt / kenA'pi svapratiSThA khaNDitA, kenA'pyavamAnanaM kRtaM, kenA'pi nindA kRtA, kenA'pyAkSepaH kRtaH kasyA'pi durbalatA'jJAnatA ca dRSTA, kasyA'pi skhalanA jAtA - iti sarvamapi dRSTvA jJAtvA cA'pi sahate, kintu na nindati, na ca krudhyati / - - jJAnI sarala: syAt / mAyAprapaJcAdirahita eva syAt / tasya manasi vacasi kAye ceti yogatraye - 'pyaikyaM syAt / jJAnasya phalaM saralatA, na ca vakratA / hanta ! adya sarvaM viparItatvena dRzyate / jJAnaM tvabudhajanavaJcanasya sAdhanaM syAt iti pratibhAti / buddhicAturyasyopayogaH kasyA'pi janasya sAhAyyArthaM kriyate tarhi tat saphalaM, kintu kasyA'pi kArye vighnakaraNArthaM buddhirvyApriyate yadA tadA na tajjJAnaM (cAturyam) api tvajJAnameva jJeyam / paThitajanairyAvatI mAyAkrIDA kriyate sA tvananyasAdhAraNyeva / bho ! ekonaviMzaM tIrthakaraM mallinAthaprabhuM smara / pUrvabhave dharmakriyAyAM mitraiH saha mAyA kRtA / mAyAkaraNe zubhabhAva evA''sIt tathA'pi mAyA tu mAyaivocyate, tatra na ko'pi rakSaNopAyo'sti / adya prazastamAyA karaNIyA - iti kecid vadanti, kintu tannocitam / yatastad yadyucitaM syAttarhi bhagavAn mallinAthaH strIrUpeNa tIrthakaratvaM na prApnuyAt / jJAnasya phalametadeva yat sarveSvapi vyavahAreSu saralatA syAt / jJAnI nItimAn syAt / mAnavIyavikAsasya mUlamasti nItireva / tasyA nItyAH saMskArA avApyante zAlAtaH / kintu hanta ! tatraiva yadyanItirasatyamasadAcArazcetyAdikAni kukRtyAnyAcaryante tarhi janaiH kuto nItyAdikaM zikSyeta ? adya kasminnapi sthAne nItimAn jano na dRzyate / yadi kadAcit ko'pi sajjano nItimAcarituM prayateta tarhi samIpasthA janA eva taM trAsayeyuH / pUrvametAdRza: kAla AsId yat, zAlAyAM pustakasthitajJAnasya mUlyaM nA''sIt, na ca 'sI.e., ema.bI.e., ema.bI.bI.esa. ityAdibirudAnAmapi mUlyamAsIt kintu nItimattAyAH sadAcArasya mAnavatA - yAzcaiva mUlyamAsIt / zAlAsvapi zikSaNasya vyAjenaitAdRzAnAM guNAnAM vikAse eva mahattvaM dIyate sma / idAnIM tu zAlAyAM jJAnamutA'jJAnaM pAThyate ityeva prazno'sti / evaM jJAnI, dveSI krodhI pakSapAtI tiraskAravRttimA~zca na syAt / yata ete tu doSAH santi, jJAnaM guNo'sti / yajjJAnena citte vikArA durguNAzcotpadyante tad jJAnameva nocyate / uktaM ca tajjJAnameva na bhavati yasminnudite vibhAti rAgagaNaH / tamasaH kuto'sti zaktirdinakarakiraNAgrataH sthAtum // bandho ! gozAlako dRSTipathamAyAti / sa bhagavato mahAvIrasya ziSya AsIt / sa bhagavata: sakAzAdeva bahu jJAnaM prAptavAn kintu tajjJAnaM na pariNataM jAtaM, tatazcitte unmAdo jAgRtaH / tadunmAdavazena 49 - For Personal & Private Use Only Page #59 -------------------------------------------------------------------------- ________________ tena svagurostIrthakarasya tiraskAro'varNavAdazca kRtaH / yadA bhagavAn gautamAya tasya vAstavikasvarUpamakathayat tadA kruddho gozAlakastIrthakarasyoparyeva tejolezyAmamuJjat / kimetad jJAnamucyeta ? naivam / yena citte rAga-dveSAdidoSA utpadyante tanna jJAnamapi tvajJAnamevA'sti / bho ! annasyA'jIrNaM bhavamekaM nAzayet kintu jJAnasyA'jIrNaM tu bahUn bhavAn nAzayet / asmin bhave'payazo mAnahAniM cA'vApnuyAt tathA paraloke tu kevalaM durgatimevA'vApnuyAd jJAnAjIrNavAn saH / ato na kadA'pi jJAnasyonmAdaH karaNIyaH / jJAnI sahiSNuH syAt / yaH kazcidapi svasUkSmabuddhyA jJAnasya prakarSatAM prAptuM zaktaH / tataH samA tasya prazaMsA syAt / tasmin kAle kadAcidapi pariNatajJAnI eSa tu etAdRzo laghuH, etAdRze kuTumbe jAto'sti - ityAdikaM na vadet, kintu taM prazaMset / - hanta ! adyatanakAlasya mahatI durbalatA'sti - asahiSNutA / pratijanaM pratigRhaM pratisamAjaM pratidharmasthAnakaM ca klezaH pravartate, tanmUlamasti - asahiSNutA / sarve'pi janA laghvISu ghaTanAsvapi krodhaM klezaM ca kurvanti / sarve janA "mayA yatkRtaM yaduktaM ca tadeva satyam' iti manyante, anyeSAM kRtyaM kathanaM ca sarvadA tiraskurvanti / tatasteSAM madhye saMgharSaH pravartate / yadi ko'pyanyasyA'pi kRtyaM kathanaM cA'mukApekSayA satyaM syAt iti cintayet tadA na kadA'pi klezo bhavet / kintu sarve'pi janA asahiSNavaH santi / bhoH ! ajJAnijanA yadyevaM kuryustattu kSamyayamasti kintu yadA jJAnino janA apyasahiSNutAmAzrayeyustattu zocanIyamasti / bandho ! sarvasyA apyazAntermUlamastyasahiSNutA, yato'sahiSNutA bhaya, zaGkA - Akroza - hatAzAdidurguNAnutpAdayati / eteSAM durguNAnAmadhIno jano'zAntimevA'vApnoti / etat kathanaM kaThoraM kintu satyamasti yad adhunA prAyo jJAnaM ghRNAmahaGkAraM tucchatAM kSudratAM caiva vardhayati - iti pratibhAti / jJAnijanAnAM parasparaM klezaM ghRNAM ca dRSTvA manasi prazno bhavati kimeSa jJAnI ucyeta ? 1. moTAonI alpatA joi thAkyo nAnAnI moTAi joi jIvuM chaM. ekA paGktiH smaryate paNDitaH paNDitaM dRSTvA zvAnavad ghughurAyate || - idAnImevaikaM kAvyaM paThitam - mahAjanAnAM laghutAM dRSTvA vyathito jAtastathA laghujanAnAM mahattAM dRSTvaiva jIvAmi / bandho ! janA mahattAM tadaiva prApnuyuH yadA jIvane jJAnaM pariNataM syAt / atastvamapi jIvane jJAnaM pariNamayituM zaktaH syAdityAzAse / - - -X - umAzaMkara jozI 50 For Personal & Private Use Only Page #60 -------------------------------------------------------------------------- ________________ siddhArthaH dvitIyabhAgaH jarmanabhASAyAM mUlalekhakaH haramAnahesaH AGglabhASAyAmanuvAdakaH hilDA-rosanaraH saMskRtAnuvAdakaH munikalyANakIrtivijayaH 1. kamalA svIyavartmanaH pratyekaM pade siddhArthaH kiJcinnUtanaM zikSitavAn, yatastasya kRte sakalamapi jagat parivartitamAsIt khalu ! tena ca parivartanena so'tyantamAhlAdito'bhavat / so'raNye parvateSu ca sUryamudayantaM nirIkSitavAn tathA tAlavRkSAcchAdite davIyaHsamudrataTe'stamanamapi vilokitavAn / nizi sa suvizAlaM tArakitaM nabho dRSTavAn, nIle pravAhe ca pravahantaM nAvAkRti candramasamapi sa nirvarNitavAn / sa vRkSAn, nakSatrANi, prANinaH, jaladharAn, indracApAn, ziloccayAn, AraNyakastambAn, puSpANi, nirjharAn saritazca, prabhAte ca vanaspatyagre sphuratprabhAn avazyAyakaNAn, sudUraramaNIyAM parvatamAlAM, kUjataH pakSiNaH, guJjantImadhumakSikAH, mRdupavanairdolAyamAnAni ca vrIhikSetrANi vismayamugdhatayA nirIkSitavAn / varNasahasrairvaNitaM rUpasahasraizca zobhamAnametat sarvamapi sarvakAlaM prakRtau vilasadAsIt / sUryazcandrazca sarvadA prakAzamAnAvAstAM, nadyo hi sarvadA pravahantya Asan, makSikAzca sarvadA guJjantya Asan; kintu pUrvaM hyetat sarvamapi siddhArthasya nirarthakaM pratibhAti sma, sarvamapi kSaNikaM mAyAjAlamayamAvaraNarUpaM caivA'nubhUyate sma, sarvamapyapratyeyatayaiva vilokyate sma, nindyatayopekSyate sma, vicArapradezAcca nirvAsyate sma / yataH sarvamapyetat vAstavikaM na, yato vAstavikatA hi dRzyajagato'parasmin pArve nihitA''sIt / kintvidAnIM tasya dRSTirasmin pArve'pi vicaritA / dRzyaM sarvamapi sa dRSTavAn pratipannavAMzca, tathA'tra jagati sa svIyaM sthAnamapi nirUpitavAn / idAnIM vAstavikatAyA nirUpaNe tasyA''saktirnA''sIt nA'pi cA'nyaH pArzvastasya dhyeyam / anyat kiJcidapi yadi na kAmyeta tadA jagadidamatyantaM sundaramatyantaM saralaM zizutulyaM niSpApaM cA''sIt / candrastArakANi ca sundarANyAsan, nirjharAH, samudrataTaH, araNyaM, parvatAH, pazava: suvarNavarNA bhramarAH, puSpANi pataGgAzceti sarvamapi sundaramAsIt / IdRze sahaje, sarale, prabuddhe, sannihitenaiva ca sambaddha AzaGkArahite ca jagati vicaraNamapyatisundaramatIva manoramaM cA''sIt / / ____ anyatra hi sUryaH prakharatayA tapannAsIt, anyatra ca ghanAraNyacchAyAsu zItalatA pravartate sma, anyatra ca kUSmANDAni kadalIphalAni ca vilasanti sma / dinaM rAtrizca laghUbhUte bhAsete sma, samudre vicarantyA naukAyA vAtapaTamiva pratyekaM muhUrtaM javena saMcarati sma - nidhAnaiH pUrNamAnandena ca pUrNam / 51 For Personal & Private Use Only Page #61 -------------------------------------------------------------------------- ________________ gacchatA siddhArthena ghane'raNye vAnarayUthamekaM dRSTaM, yaddhi vRkSANAmuccazAkhAsu plavamAnaM sonmAdaM sotsAhaM ca cItkurvannAsIt / agre ca tena meSAH svayUthyaiH saha viharanto dRSTAH / ekatra taDAge tena kSudho nivAraNArthaM vegena taranto matsyA dRSTAH, tanmArgAdanyatra sarantaH saMkSubdhAH sphurantazca laghumInAzcA'pi dRSTAH / teSAM ca pRSThato dhAvamAnasya roSAkulasya mahAmatsyasya sAmarthyaM jighRkSAmapi ca sa tadutsAritajalAvarte pratibimbite vilokitavAn / etat sarvamapi hi sarvadA pravartamAnamAsIt kintu tena kadA'pi naiva dRSTaM tat, vastutaH sa taM draSTumupasthito nA''sIt / idAnIM sa na kevalamupasthito'bhavat pratyuta tadaMzabhUta eva jAtaH / prasannamanasA sa prakAzaM chAyAM ca vilokitavAn candraM tArakAzca sAkSAtkRtavAn / mArga krAmatastasya, jetavanasya sarvo'pyanubhavaH smRtipathamAyAtaH - bhagavato buddhAdupadezazravaNaM, govindAd viyojanaM, paramajJAninA ca buddhena saha saMbhASaNam / bhagavate tena yadapi kathitamAsIt tasya pratyekamapi zabdastasya smRtau yathAvadAsIt / tathA yad vastu sa svayaM na jJAtavAn tat tena bhagavate kathamiva kathitamityasyA''zcaryamadyA'pi taccitte jAgarti sma / sa bhagavate kiM kathitavAn AsIt ? - yathA - buddhasya paramajJAnaM paramarahasyaM copadezAnarhamAsIt, vastutastadanirvacanIyamavyavaharaNIyaM cA''sIt, tathA bhagavatA buddhena svIyasambodhikAle yadanubhUtamAsIt tadevA'nubhavituM tena pravRttamAsIdidAnIm, itaH paraM sa tadevA'nubhavituM prArapsyate / sarvairapi hi svayamevA'nubhavaH prAptavyaH khalu ! sa cirakAlAjjAnAti sma yat sa svayamevA''tmA'sti - brahmavacchAzvatasvabhAvaH, kintu sa taM kadA'pi naiva sAkSAtkRtavAn - yataH sa taM vicArajAlena grahItumaicchat / so'jAnAd yad - idaM zarIraM hi nizcitatayA''tmA nA''sIt, nA'pi cendriyANAM vilAsaH, na vicArAH, na hi bodhaH, naiva pANDityaM, nA'pi ca tAdRzI kalA yayA nirNetuM zakyeta vidyamAnaizca vicArairnUtanI vicAradhArA vA sRjyeta / nahi nahi, vicArANAM jagat khalvasmin pArzva evA''sIt, tacca, yadA kazcit kAlpanikacetanAM svacittAd vinAzayet tadA'pi, kiJcid nizcitaM lakSyaM naiva prApayati sma pratyuta tAM cetanAM vicAraiH pANDityena ca pUrayati sma / vicArA indriyANi ca nUnaM zobhanAnyAsan, teSAM ca pRSThato bahUni rahasyAni nilInAnyAsan; yadyapi ubhayorapi zravaNaM tathobhAbhyAmapi krIDanamapyAvazyakamAsIt, paramanyatarasyA'pi tiraskaraNamadhikamUlyAGkanaM vA'nucitamAsIt / ubhayorapi dhvaneniSThayA zravaNamevocitamAsIt / / atastena nizcitaM yad - yadAntaraH zabda Adizet tadeva kartavyaM, tathA, yatra kutrA'pi naiva sthAtavyaM kintu tatraiva sthAtavyaM yatra sa zabdaH sUcayet / yato, yadA hi gautamena sambodhiH prAptA tadA sa kimarthaM bodhivRkSasyA'dhastAdupaviSTaH ? nUnaM sa svasyA'ntaHsambhUtaM dhvani zrutavAn AsId - yena zabdena tasya tatraivopaveSTuM dhyAtuM cA''diSTam / tena ca zarIrasyendriyANAM ca damanamakRtvA, yajJAdikamavidhAya, snAnAni For Personal & Private Use Only Page #62 -------------------------------------------------------------------------- ________________ prArthanAzca na kRtvA, khAdya-peyAdikaM nidrA-svapnAdikaM vA vidhAnamanAzritya kevalaM tadAdezasyaiva pAlanaM kRtaM sambodhizca prAptA / bAhyaM kamapyAdezamavadhIrya kevalamAntarazabdasyaiva zravaNamanusaraNaM ca, tathA tadarthameva sajjatvaM ca zreyaHkAri nitarAmAvazyakaM cA'pyAsIt / anyat kimapyAvazyakaM nA''sIt / ___tasyAM rAtrau sa kasyacinnAvikasya tRNakuTyAM zayitaH / nidrAyAM tenaikaH svapno dRSTaH / svapne hi, bhikSukANAM kASAyavastraM dhRtvA govindastatsamakSaM sthita AsIt / sa udAso dRzyate sma siddhArthaM ca pRcchati sma - 'bhavAn kimarthaM mAM tyaktvA gatavAn ?' etacchrutvA sa govindaM pariSvajya sAntvayitvA ca tanmastakaM cumbitavAn / etAvatA govindaH strItvena pariNataH / tasyAzca striyA vastrAJcalAt pUrNAvurojau prakaTIbhUtau / siddhArthazca mukhaM nAmayitvA tataH payaHpAnaM kRtavAn / taddhi pAnaM madhuramUrjasvi cA''sIt / tasmiMzca pAne striyAH puruSasya ca, sUryasya vanasya ca, prANinAM, puSpANAM, pratyekaM phalAnAM, pratyekaM sukhAnAM ca svAda AsIt / pAnaM ca tat sarvathonmAdakamAsIt / yadA sa jAgRtastadA pANDurA nadI kuTyA dvArasyA'gre vilasamAnA pravahantyAsIt, araNyAccolUkasya gabhIraH spaSTazca zabdo'zrUyata / ___ sUryodayAnAntaraM siddhArthaH svasyA''tithyakAriNaM nAvikaM nadyAH pAraM prApayituM prArthitavAn / nAviko hi siddhArthaM svIyavaMzamayataraNDena nadIpAraM nItavAn / nadyA vizAlo jalavistAro bAlasUryakiraNai raktimAnaM vahanniva dyotate sma / athaM ca tatsaundaryaM dRzA piban siddhArtho nAvikamuktavAn - 'eSA nadI hyatIva sundarA khalu !' 'Am' nAvikaH kathitavAn, 'eSA nadI sundaratamA / ahaM tAM sarvato'pyadhikaM prINAmi / ahamanekazastAM zrutavAn nirIkSitavAMzca, tathA'haM sarvadA'pi tatsakAzAt kiJcidiva zikSitavAnapyasmi / nadIsakAzAjjano bahu zikSitumarhati' / _ 'upakRto'smi saumya !', nadyA aparasmin taTe'vataran siddhArtho'vadat, 'kiJca, bhavatA kSantavyo'haM yato matpArve bhavate taraSaNyaM dAtuM na kiJcidapyasti / ahaM hi nirAzraya eko brAhmaNaputro'smi, zramaNazca jAto'smi' / 'tat tvahaM pazyAmyeva / ahaM bhavatto na kiJcidapyapekSe / bhavAn hyanyadA kadAcit me dAtumarhati' / iti nAviko mRdutayoktavAn / 'kiM bhavato vizvAso'sti yadahamanyadA dAsyAmIti?' siddhArtho hasan pRSTavAn / 'avazyam / nadI mAmetacchikSitavatyasti yat pratyekaM vastu pratinivartata eva / bhavAnapi bhoH zramaNa ! avazyaM pratinivartiSyate / bhadraM bhavate bhUyAt, bhavato maitryeva me tarapaNyaM bhavatu / bhagavatpUjAkAle ca mAM smaratu bhavAn' - nAvikastamuktavAn / tataH smitvA dvAvapi svasvamArga prasthitau / nAvikasya snigdhavyavahAreNa siddhArthaH prasanno jAtaH / For Personal & Private Use Only Page #63 -------------------------------------------------------------------------- ________________ 'eSa govindasadRza evA'sti' iti cintitavAn siddhArthaH / 'ye'pi mAM mArge milanti te sarve'pi govindatulyA eva, sarve'pi kRtajJAH santi, sarve'pi ca te svayameva dhanyavAdAnahanti / sarve'pi me sahayogino bhavitumicchanti, mama maitrI vAJchanti, adhikamavicArayantazca mama vacanamanuvartitumicchanti / nanu janA hi zizatulyA bhavanti' / madhyAhne sa kaJcid grAmamatikrAmannAsIt / mRNmayakuTIrANAM purato rathyAsu bAlakAH krIDanta Asan / te hi prastarakhaNDaiH gulikAbhizca khelanta Asan / sakolAhalaM te parasparaM yudhyante smA'pi / kintu yadA hi zramaNasteSAM dRSTipathaM prAptastatkSaNameva sarve'pi bhayaM prApya dhAvitAH kutracicca nilInAH / / grAmaprAnte cA'numArgameva jalasrota AsIt / tatkUle ca kAcit taruNI kiJcidavanamya vastrANi kSAlayantyAsIt / siddhArthena tadabhivAdane kRte sA zira unnamya sasmitaM taM dRSTavatI / tasyA akSiNI bhrAjamAne AstAm / yathopacAraM sAzIrvacanaM sa tAM nagaramArgaviSayikI pRcchAM kRtavAn / tena sA tata utthAya tatsamIpamAgatA / sundare vadane tasyAH klinnAvadharau sphurantAvAstAm / tena saha vaktumutsukA sA taM - 'kiJcidazitaM ve'ti pRSTavatI, tathA 'kiM tat satyaM yat zramaNA vaneSu ekAkina eva svapanti ? kiM teSAM striyaM parigrahItumadhikAro nAsti vA?' - ityapi sA pRSTavatI / tatastayA svIyo vAmapAdaH samutthApya dakSiNe pAde sthApayitvA tAdRzo'GgavikSepaH kRto yaM kAcit kAmAturA strI bhogArthaM puruSamAmantrayamANA karoti, yazca kAmazAstreSu 'vRkSAvarohaNa'miti sajjJayA varNito'sti / etena siddhArthaH svIyAGgeSUttejanamanubhUtavAn, rAtrau dRSTa svapnaM ca smRtvA kiJcidavanamya sa tasyAH kapizavarNaM cUcukaM cumbitavAn / tata UrdhvaM pazyan sa tasyAH smitamayaM vAsanApUrNaM ca vadanaM vilokitavAn / tasyA ardhanimIlatanetrayoH atyutkaTabhogaprArthanA vilasati sma / siddhArtho'pi svamanasi tAmevotkaTabhogecchAmanubhUtavAn / kintvadyAvadhi tena strI spRSTA nA''sIdityata AliGganaM kartumutsuko'pi sa kiJcidiva sAzaGko jAtaH / tasminneva kSaNe sa svIyamAntaraM vacanaM zrutavAn - 'nahI'ti / tatazca tasyAstaruNyA mukhAt sarvamapi AkarSaNamadRSTaM jAtamiva / adhunA tatra kevalaM kAmArttastriyAH satRSNo dRSTipAta evA'valokyate sma / sa mRdutayA tasyAH kapolaM parAmRzan satvarameva nirAzAyAstasyAH purastAdeva vaMzavane'dRzyo jAtaH / / sAyaGkAlAt pUrvameva siddhArthaH kiJcinmahannagaraM prAptaH / sa hRSTa AsIt, yatastasya janaiH saha saMvasitumabhilASa AsIt / sa bahukAlaM yAvad vaneSUSita AsIt, gatarAtrau ca sa nAvikasya vaMzamayoTaje dIrghakAlAnantaraM prathamavArameva chadiSo'dhastAt zayitavAnAsIt / nagarAd bahiH, ekatra sundare upavane karaNDaM gRhItvA gacchantaM paricArakANAM samUhaM sa dRSTavAn / teSAM ca madhye caturbhirjanairuhyamAnAyAmalaGkRtAyAM zibikAyAM raktavarNe upadhAne upaviSTA teSAM svAminI AsIt / siddhArtha upavanadvAra eva sthirIbhUya tat sarvamapi nirIkSitavAn / sa tAM zibikAsthitAM striyamapyavalokitavAn / 54 For Personal & Private Use Only Page #64 -------------------------------------------------------------------------- ________________ ghanazyAmakezakalApamadhye zobhamAnaM tasyAstejasvi sumadhuramatIva caturaM ca vadanaM sa dRSTavAn / tasyA zoNAvoSThau pratyagrAJjIrakhaNDAviva bhAsurAvAstAM, dIrgha vakre ca bhruvau kalAtmakatayA varNitau AstAM, kajjalAkte dIrgha netre atIva vicakSaNe sAvadhAne cA''stAM, harita-suvarNamayasya cottarIyasyopari bhrAjamAnA vizadA kRzA''yatA ca grIvA''sIt / tasyA dI? tanU ca hastau mRdU sugrathitau manoramasuvarNakaGkaNaizca zobhamAnAvAstAm / siddhArthastasyAH saundaryaM dRSTvA'bhibhUto jAtastasyA'ntaHkaraNaM ca pramuditam / yadA ca zibikA tatpurata AgatA tadA sa kiJcidavanamyotthitavAn tasyAzca tejasvi surUpaM ca vadanaM, cature dIrgha ca netre sthiradRSTyA nirIkSitavAn / tasya zvAseSu ca kazcidajJAtaH sugandhaH prasRta iva / sA'pi ca sundarI zirazcAlayitvA smitvA ca tadabhivAdanaM svIkRtavatI kSaNArdhena ca paricArakasamUhenA'nutriyamANA sopavane'dRzyA jAtA / siddhArthazcintitavAn yad 'nUnaM zubhazakunairmayA nagare praviSTaM khalu !' / sa tUrNamevopavane praveSTumutsuka AsIt kintu vicAraNena sa jJAtavAn yat kathaM sarve'pi paricArakA dAsyazca taM sarvathA'vajJayA'vizvAsena nirAkRtipUrvaM ca dRSTavanta iti / 'ahamito'pi zramaNa eva', sa cintayati sma, 'adhunA'pi sAdhurahaM bhikSAcaraH / kintu tAdRzena mayA nA'vasthAtavyamanyathA kathamatropavane praveSTumarheyam ?' tatazcoccairhasitavAn saH / / sa upavanasya purata eva gacchantaM kaJcana janaM pRSTvA tasyAH sundaryA nAmAdi jJAtavAn / upavanamidaM hi kamalAbhidhAyA suvikhyAtavArAGganAyA AsIt / tathA nagaramadhye'pi tasyA eko mahAlayo nivAsasthAnamAsIt / tataH sa nagaraM praviSTaH / tanmanasyekameva dhyeyamAsIt / tameva dhyeyamanusaran sa samagramapi nagaraM nirIkSitavAn, tadrathyAsu paryaTitavAn, kutracit sthAneSu sthiratayA sthitavAn, prAnte ca nadyAstaTe vizrAma kRtavAn / .. sAyaGkAle sa kenacinnApitasahAyakena saha maitrI kRtavAn yaM sa vRkSacchAyAyAM kAryaM kurvantaM dRSTavAnAsIt / tato viSNumandire taM punarapyupalabhya sa taM viSNorlakSmyAzca sambandhinI: kathAH zrAvitavAn / nizi sa nadItaTasthitAyAM nAvi zayitavAn, pratyUSe ca grAhakAgamanapUrvameva sa nApitasahAyakena kSauraM kAritavAn kezAMzca tailasiktAn kArayitvA prasAdhitavAn / tataH sa nadIM gatvA samyak snAtavAn / / aparAhne, yadA sundarI kamalA zibikayA nijamupavanaM prAptA tadA siddhArtho dvAryeva sthita AsIt / sa ISannatvA'bhivAdanaM kRtavAn kamalAyAzca pratyabhivAdanaM prAptavAn / tataH so'ntyaM paricArakaM saJjayA''hUya 'eko brAhmaNo yuvA bhavatyA saha sambhASitumicchatI'ti sandezaM kamalAyai kathayitumuktavAn / stokavelayaiva sa paricArakaH pratyAvRttaH, siddhArthaM ca svena saha nItavAn / upavanamadhye evaikatra maNDape palyaGkAsInAyAH For Personal & Private Use Only Page #65 -------------------------------------------------------------------------- ________________ kamalAyAH pArve taM muktvA sa gatavAn / 'hya upavanapravezadvAri bhavataiva me'bhivAdanaM kRtaM khalu ! ?' iti kamalA taM pRssttvtii| . 'Am ! mayaiva hyo bhavatIM dRSTvA'bhivAdanaM kRtamAsIt' / . 'kintu hyo bhavataH kezA dIrghA Asan mukhe ca dIrghakUrcamAsIt, tathA mastakamapi sarajaskamAsIt khalu ?' 'samyaG nirIkSitaM bhavatyA / kintu hyo bhavatI brAhmaNaputraM siddhArthaM dRSTavatI yaH zramaNo bhavituM gRhatyAgaM kRtavAn varSatrayaM ca zramaNIbhUya sthitavAn / adya tu, mayA tyakto'sti sa mArgaH / asminnagare Agato'haM sarvaprathamaM bhavatImeva nayanaviSayIkRtavAn / adyA'haM bhavatyai kathayitumAgato'smi yat - bhoH kamale ! bhavatyeva prathamA strI yasyAH purataH siddhArtho netre anavanAmya sambhASitavAn / itaH paraM yasyAH kasyAzcidapi sundAH purato'haM netre naivA'vanAmayiSyAmi' / kamalA smitavatI mayUrapicchanirmitena vyajanena ca krIDantI pRSTavatI - 'kiM bhavAn etAvadeva kathayituM Agato'sti vA siddhArtha !?' 'bhavatyai etat kathayituM, saundaryaviSaye ca bhavatImabhinanditumAgato'hamasmi / tathA yadi bhavatI aprasannA na bhavet tarhi ahaM bhavatIM mama mitrIbhavatuM yasyAM ca kalAyAM bhavatI vidagdhA tasyAH zikSaNArthaM me gurUbhavituM nivedayitumicchAmi, yato'haM tasyAM kalAyAM sarvathA'nabhijJaH / zrutvaitat kamaloccairhasitavatI kathitavatI ca - 'araNyavAsI kazcana zramaNo mAM samAgatya kiJcit zikSitumicchediti tu kadA'pi naiva cintitaM mayA / tathA, dIrghakezayuto jIrNavastradhArI ca zramaNaH kadA'pi matsamIpe nA''gataH / yadyapi bahavo yuvakAH brAhmaNaputrAzcA'pi madantikamAgacchanti, kintu te sarve'pi ruciravastrANi paridhAya, sundaropAnahau ca dhArayitvA''gacchanti / teSAM kezAH sugandhitAH bhavanti koSAzca dhanabhRtA bhavanti / bhoH zramaNa ! evaMrItyA te yuvAno madantikamAgacchanti' / siddhArtha uktavAn - 'mayA'pyetAvatA bhavatyAH sakAzAt zikSitumArabdham / hya eva ahaM kiJcit zikSitavAn / mama kUcaM tAvadapanItameva, kezAzcA'pi tailAktAH prasAdhitAzca / adhunA bahvavaziSTaM nAsti sundari !, kevalaM ruciravastropAnaho dhanabhRtazca koSaH - ityetadeva nanu ! siddhArthena tvito'pyadhikakaThinavastUnyupalabdhuM prayatitaM prAptAni cA'pi tAni / ataH kimarthamahaM tatra prayatnaM na kuryAM - yadarthaM hyo mayA nizcitaM - bhavatyAH maitrI prAptuM bhavatsakAzAcca kAmakalAyA AnandaM zikSitum ? ahaM bhavatyA yogyo vidyArthI bhaviSyAmi kamale ! yato yad bhavatyA zikSayitavyamasti tato'pi mayA kaThinataraM zikSitamasti / ato vadatu sundari ! uttamavastrAdihIno dhanarahitazcA'pi prasAdhitakezaH siddhArtho bhavatyA dRSTau ucito'sti na vA ?' kamalA hasitavatI / tayA kathitaM - 'naiva / so'dhunA'pi ayogyaH / tena avazyaM vastrANi For Personal & Private Use Only Page #66 -------------------------------------------------------------------------- ________________ paridhAtavyAni - sundaravastrANi, tathopAnahAvapi - sundaropAnahau / tathaiva tasya koSo'pi dhanapUrNaH syAt, tatpArzve ca kamalAyAH kRte bahUnyupAyanAnyapi syuH / kiM jJAtaM bhavatA ? bho araNyavAsin zramaNa ! kimavabuddhaM bhavatA ?' 'samyagavabuddhaM mayA bhoH' siddhArtha uccairavadat / 'etAdRzAnmukhAd yannirgacchet tat kathamahaM nAvabudhyeya ? bhavatyA mukhaM pratyagrAJjIrakhaNDamivA'sti kamale !, mamA'pi cauSThau zoNavarNau navInau ca / tau bhavatyA oSThayoH samyak anurUpau - iti drakSyati bhavatI / kintu kamale ! kathaya mAM - kiM bhavatI kAmakalAM zikSitumAgatAdaraNyavAsinaH zramaNAd bhItA tu nAsti vA ? ' 'kimarthaM mayA'raNyavAsino mUrkhazramaNAd bhetavyaM yaH zRgAlaiH saha vasati, strIviSayakaM ca na kimapi jAnAti ?' 'are ! sa zramaNo balavAn nirbhayazcA'sti / sa kadAcid bhavatyA saha balAdapi vyavaharet bhoH sundari !, sa bhavatIM luNTet pIDayed vA'pi' / 'naiva zramaNa ! ahaM sarvathA bhayarahitA'smi / kiM kadAcidapi zramaNasya brAhmaNasya vaivaM bhayaM bhavet yat kazcanA''gatya taM prahRtya tatsakAzAd jJAnaM, dharmaM, vicArazaktiM vA'pahariSyati ? naiva, yata etatsarvamapi tasya svIyam / sa svecchAnusAramevaiteSAM yatkiJcidapi kasmaicid dadyAt / etacca tathyaM kamalAyA viSaye kAmakalAyAzcA''nandaviSaye'pi yathAtathameva / kamalAyA adharau sundarau zoNau ca / kintu kamalAyA icchAM virudhya tau cumbituM prayatatAM nAma, tato mAdhuryasyAM'zo'pi naivopalabhyeta / yato mAdhuryaM kathaM prakaTayitavyamiti tau jAnIta eva / bhavAn hi yogyazchAtro'sti siddhArtha !, ata etat sutarAM zikSatAM yat prema yAcituM zakyeta, kretum, upahAratayA prAptuM, mArge vopalabdhuM zakyeta; kintu kadA'pi corayituM naiva zakyeta / bhavatA samyak nA'vagataM nanu ! / bhavAdRzaH sundaro yuvA yadIdaM nA'vagacchet tadA tat karuNAspadameva' / siddhArtho natvA smitavAn - 'bhavatI satyameva kathayati kamale !, tat karuNAspadameva / sutarAM karuNAspadam / nahi nahi, bhavatyA mama cA'dharAbhyAM mAdhuryAMzo'pi naiva hArayitavyaH / ataH siddhArtho yadA vastropAnaddhanAdIni prApsyati tadaivA'trA''gamiSyati / kintu kamale ! kiM bhavatI me kiJcana mArgadarzanaM kuryAd vA ?' 'mArgadarzanam ! kimarthaM na ? yo'raNyAt zRgAlAnAM sahavAsAcca samAgato'sti tAdRzasya varAkasyA'jJAninazca zramaNasya ko vA mArgadarzanaM naiva kuryAt ?' 'tarhi vadatu priye kamale ! tAni trINi vastUni zIghratayaivA'dhigantuM mayA kutra vA gantavyam ?' 'mitra ! bahavo janA etajjJAtumicchanti / bhavatA tu yacchikSitaM tadevopayujya dhanamarjanIyaM, tatazca vastrAdIni prAptavyAni / anyayA kayA'pi vidhayA daridro jano dhanaM prAptuM naiva zaknuyAt' / kiM bhavAn kiJcana jAnAti vA ? ' 'ahaM vicArayituM dhairyaM dhartumupavasituM ca samarthaH' / 57 For Personal & Private Use Only Page #67 -------------------------------------------------------------------------- ________________ 'na kiJcidanyat ?' 'naiva / athavA Am, ahaM kAvyamapi kartuM jAnAmi / yadyahaM bhavatyai kAvyamekaM zrAvayeyaM tadA kiM bhavatI me kAvyaM prati cumbanamekaM vA prayacchet ?' 'avazyaM, yadi bhavatkAvyaM mAM prINayet / kiM tat kAvyam ?' kSaNaM vicArya siddhArthenoktaM - "nijopavanaM gatA kamanIyA kamalA upavanadvAri ca sthita ekaH kapizaH zramaNaH tat kamalapuSpaM dRSTaM tena yadA cakitena tena nataM tadA sasmitaM tat svIkRtavatI kamalA svamanasi vicAritavAn zramaNaH kamanIyakamalAkRte kRtaM samarpaNaM zreyo bhagavatkRte kRtAt samarpaNAt" // ___ kamaloccairhastatAlaM dattavatI, tena ca tasyAH kaGkaNAni raNaraNitAni / 'bhavataH kavitA'tIva ramaNIyA bhoH kapizazramaNa !, tAM prati cumbanapradAnena na me kiJcid vinazyati' - iti kathayantI nayaneGgitena sA taM samIpamAhUtavatI / siddhArthena tadvadanasya purataH svIyaM vadanaM sthApitaM, tasyAzcA'dharayoraJjIrakhaNDatulyayoH svAvadharau nyastau / kamalA taM gADhaM cumbitavatI, siddhArthazca savismayaM sottejanaM cA'nubhUtavAn yadetAvatA sA taM kiyat zikSitavatI, kiyaccaturA''sIt sA, kathaM ca taM sA'bhibhUtavatI parAjitavatI AkarSitavatI ca, tathA'smAddIrghacumbanAdanantaraM vividhacumbanAnAM dIrghA paramparA kathaM taM pratIkSitavatI ceti / dIrgha zvasan sa tatraiva sthiro jAtaH / tasmin kSaNe, svadRSTipurataH svayameva kasyacana bodhasya pUrNatAyAH dvAroddhaTanena bAlasyeva vismitaH sa saJjAta AsIt / 'bhavataH kAvyamatIva sundaramasti' - kamaloktavatI / 'yadyahaM dhanikA'bhaviSyaM, tadA'vazyaM tatkRte'haM bhavate dhanamadAsyam / kintu kAvyaM kRtvA prabhUtadhanArjanaM nitarAM kaThinaM bhaviSyati, yataH kamalAyA maitrIM yadi bhavAn vAJchati tadA bhavatA prabhUtaM dhanamarjanIyameva' / bhavatI kathamiva cumbati khalu !!' - siddhArtho'sphuTasvareNa kathitavAn / 'tat tu satyameva / etenaiva me vastrANAmAbharaNAnAmupAnahAM sarvavidhavastUnAM cA'bhAvo naiva bhavati / kintu bhavAn kiM kariSyati ? vicAraNAt upavAsakaraNAt kAvyaracanAccA'dhikaM kimapi kartuM na zaknoti bhavAn ?' 'ahaM yAgastotrANi gAtuM jAnAmi, kintu nA'hamitaH paraM tAni gAyiSyAmi', - siddhArtho'vadat / 'ahaM mantrAnapi jAnAmi, kintu nA'haM tAn uccArayiSyAmi / ahaM zAstrANi paThitavAn.....' "tiSThatu', - kamalA taM ruddhavatI; 'kiM bhavAn paThituM likhituM ca jAnAti vA ?' 58 For Personal & Private Use Only Page #68 -------------------------------------------------------------------------- ________________ 'nizcitamahaM jAnAmi / bahavo janAstajjAnanti' / 'naiva, bahavo janAstanna jAnanti / ahameva na jAnAmi / bhavAnetajjAnAti - ityetadatyantaM sundaraM, nUnaM sundaram / kadAcinmantroccAraNamapyAvazyakaM bhavet' / / tadAtve eva kazcana paricArakastatrA''gataH, svAminyAH karNe ca kiJcit kathitavAn / 'kazcana mAM militumAgato'sti / tvarayA bhavAnito nirgacchatu / na kazcidatra bhavantaM pazyet / ahaM bhavantaM zvo drakSyAmi' - kamalA kathitavatI / tataH sA taM sevakaM 'pavitrabrAhmaNAyA'smai zubhramekaM vastraM deya'mityAdiSTavatI / kimatra pracalatIti ajAnan siddhArthastena sevakena dIrghamArgaNaikatra latAmaNDape nItaH, zubhraM vastraM ca dattvA vanagahane nItvA, 'kenA'pyadRSTatayaivetaH zIghraM nirgacchatu' - iti ca spaSTaM sUcitam / siddhArtho'pi santuSTatayA yathAsUcanaM kRtavAn / vanagahanAcca zAntyaiva svaM mArgaM prApya dva upavanAd bahirAgataH / sasantoSaM sa nagaraM pratinivRtto vastreNa saha / ekasmin satrAgAre'nyaibhikSukaiH saha so'pi maunamevA'nnaM yAcitavAn roTikAmekAM ca prAptavAn / 'manye, zvo mayA yAcanIyaM naiva bhavet' - iti sa vicAritavAn / atha ca sahasaiva tanmanasi garvabhAvanA samudbhUtA yadidAnIM sa zramaNo nA''sIt / atastasyA'nnayAcanaM nocitam / sa tAM roTikAM zune dattavAn svayaM ca nirAhAra eva sthitaH / 'atra jIvanaM saralamasti' - siddhArtho vicArayannAsIt / 'naivA'sti kAThinyamatra / yadA'haM zramaNa AsaM tadA sarvamapi kaThinaM klezakaraM prAnte ca nirAzAjanakamAsIt / adhunA tu sarvamapi saralamasti, kamalayA cumbanadvArA pradattasya zikSaNasyeva sarvaM saralam / adhunA mama dhanena vastraizcaiva prayojanamasti / tAni hi nidrAbhaGgamakRtvaiva prAptuM sarvathA zakyAni' / / __ siddhArthena kamalAyA nagarasthitasya bhavanasyA'nveSaNaM janAn pRSTvA pUrvameva kRtamAsIt / ato dvitIyadine sa tatraiva gatavAn / taM dRSTvA tayoktaM - 'sarvamapi susthamasti / kAmasvAmI bhavantaM draSTumicchati / sa hi samaste'pi nagare eva dhanADhyaH / yadi bhavAMstaM prINayet tadA so'vazyaM bhavate kAryaM dadyAt / kintu bhoH zramaNa ! kiJciccAturyaM darzayatu / mayA'nyadvArA bhavato nAma tasya sUcitamasti / sa hi atIva samartho'sti atastena saha mitrabhAvena vartatAm / kintu tatsakAze'tyadhikaM namratvamapi mA darzayatu / ahaM bhavantaM tattulyameva draSTumicchAmi na tu tasya bhRtyam / anyathA mama santoSo naiva bhavitA / kAmasvAmI hIdAnI vRddho nirutsAhazca jAyamAno'sti / yadi bhavAMstaM prINayet tadA bhavantaM sa vizvAsabhAjanaM kariSyatyeva' / siddhArthaH sasmitaM tasyai svakRtajJatAmadarzayat / yadA ca tayA jJAtaM yad - anena hyo'dya vA'pi na kiJcidazitaM tadA tayA phalAni annaM cA''nAyya tasya bhojitam / 'bhavAn nitarAM saubhAgyavAnasti' - gamanakAle kamalA tamuktavatI / 'bhavatkRte yathAkramaM dvArANyu For Personal & Private Use Only Page #69 -------------------------------------------------------------------------- ________________ dghaTamAnAni santi / etat kathaM bhavatIti UhituM na zaknomi / kiM bhavatpArzve kiJcana mantrAdikamasti vA ?' T siddhArthenoktaM 'hya eva mayA kathitamAsId yadahaM vicArayituM pratIkSituM nirAhAra: sthAtuM ca zaknomi / kintu bhavatyA tatsarvamanupayogi matvA'vagaNitam / kintu kamale ! bhavatyeva drakSyati yat tatsarvamapi sarvathopayogi / bhavatI jJAsyati yad - ete mUrkhAH zramaNA araNye vasanto'pi bahUnyupayogIni vastUni zikSante jAnanti ca / parahyo'haM sarvathA'nabhijJo'prasAdhitazca bhikSuka AsIt / hyastu mayA kamalA cumbitA / itaH paraM cA'haM zreSThIbhaviSyAmi dhanamupArjayiSyAmi, yAni ca vastUni bhavatyai mUlyavanti pratibhAnti teSAmahaM svAmyaM prApsyAmi' | -- 'satyamidam' - kamalA svIkRtavatI / 'kintu mayA vinA bhavAn kiM vA'kariSyat ? yadi kamalA bhavantaM sahAyaM nA'kariSyat tadA bhavAn kutra vA'sthAsyat ?' - 'priye kamale !' - siddhArtha uktavAn - 'yadA'haM bhavatyAH samIpe upavane samAgatastadA mayA prathamaM padaM nystm| zreSThAyAH sundaryAH sakAzAt kAmakalA zikSitavyeti me dhyeyamAsIt / yadA hi mayA dhyeyamidaM nizcitaM tadaivA'haM jAnAmi sma yadetadahaM sampAdayiSyAmyeveti / mayaitadapi jJAtaM yadatra bhavatI me sahAyaM kariSyatyeva, taddhi mayA bhavatyAH prathamadRSTipAtenaiva jJAtamAsIt tatropavanadvAre' / 'atha yadi nA'haM bhavatsAhAyyaM kartumicchAmakariSyat tadA ?' 'kintu bhavatyA secchA kartavyaivA''sIt / zRNu kamale ! yadA vayaM jale pASANakhaNDaM kSipAmastadA sa khaNDa: tvaritameva jalasya talaM prApnoti / siddhArtho'pi yadaikaM dhyeyaM lakSyaM vA nizcinoti tadA'pi evameva bhavati / yadyapi siddhArtho na kiJcit karoti, sa hi kevalaM pratIkSate, cintayati, upavasati ca tathA'pi jalatalaM prAptasya prastarakhaNDasyeva, sa kiJcidapi na kurvANazceSTamAno vA jagato'pi vyApArANAM pAraM prApnoti, nanu tatrA''kRSyate saH, svaM cA''kRSyamANaM naiva ruNaddhi / sa hi svIyadhyeyenaivA''kRSyate, yataH sa svIyamanasi dhyeyaviruddhaM na kiJcidapi praveSTumanumanyate / idameva siddhArthaH zramaNAnAmantike zikSitavAn khalu ! | mUrkhajanA etadeva camatkAramindrajAlaM vA kathayanti etacca pizAcasAdhyamiti manyante / kintu pizAcA na kiJcidapi kartuM zaktAH / nanu pizAcA eva na santi / pratyekaM janazcamatkAraM kartuM zaktaH, pratyekaM janaH svaM dhyeyaM prAptuM samartho yadi sa cintayituM pratIkSitumupavasituM ca zaknuyAt' / kamalA tamaikAgryeNa zrutavatI / tasyai tatsvaro rocate sma, tasya netrAnnirgacchan prakAzo rocate sma / 'nanu mitra ! yathA bhavAn vadati tathA'pi syAt' sA mRdutayA'vadat, 'athavA nanu siddhArthaH surUpo'sti, tasya dRSTipAtaH striyaH prINayati, sa saubhAgyavAn asti - ityetadarthamapi tat syAt' / ' evaM bhavatu me zikSike ! mama dRSTipAto bhavatIM sadaiva prINayatu, saubhAgyaM ca sadA'pi bhavatyA madhyamena mAmanusaratu' - iti vadan sa tAM cumbitavAn, tasyAzca sakAzAnnirgatavAn / -- - 60 - For Personal & Private Use Only Page #70 -------------------------------------------------------------------------- ________________ 2. prAkRtajanamadhye siddhArthaH zreSThinaM kAmasvAminaM milituM tasya gRhaM prAptaH / susamRddhe hah sevakaiH mahArghAstaraNAnatikrAman sa mukhyApavarakaM prApito yatra gRhasvAminaM pratIkSamANaH sa upaviSTaH / stokavelAnantaraM kAmasvAmI tatrA''gataH / sa komalaprakRtiko'pi AnandI jana AsIt / tasya kezeSu palitA jAyamAnA Asan, netre ca cature sAvadhAne cA''stAM, mukhaM ca vilAsitAM dyotayati sm| tau dvAvapi maitrIbhAvena parasparamabhivAdanaM kRtavantau / zreSThI kathitavAn - 'mayA jJAtaM yad bhavAn brAhmaNo'sti, vidvAn asti, vRttiM ca mArgayamANo'sti - iti / tat kiM bhavAn vyasanapatito, yena vRtti mRgayate ?' ___'naiva', siddhArthaH kathitavAn - 'ahaM vyasanagrasto nA'smi / vastutastu mama jIvane kadA'pi vyasanaM nA''gatam / ahaM hi vanAdAgato yatra zramaNaiH saha cirAyoSitavAnaham' / - 'yadi bhavAn zramaNAnAM sakAzAdAgatastat kathaM vyasanagrasto vRtterapekSAvAn vA nA'sti kila ? zramaNAstu sarvathA parigraharahitAH santIti zrutaM khalu mayA !' / 'ahamapi parigraharahita evA'smi' - siddhArtha uktavAn, 'yadi bhavanmanasIdamabhipretaM syAt / ahaM sarvathA parigrahaM naiva dhArayAmi, kintu tad madicchayaiva / ata evA'haM vyasanagrasto nA'smi' / 'kintu kathaM bhavAn parigrahahIno jIviSyati ?' 'mayaitadviSaye na kadA'pi cintitaM mahodaya ! / ahaM varSatrayAt parigraharahita evA'smi, tathA'pi mayA naiva cintitaM kadA'pi yat kathamahaM jIviSyAmIti' / 'tathA ca bhavAn anyeSAmAdhAreNa jIvitaH khalu !' / 'satyam / zreSThyapi hyanyeSAmAdhAreNa jIvati nanu !' / 'yuktamuktam / kintu sa evamevA'nyeSAM sakAzAnna kiJcid gRhNAti, sa vastUni tadviniyamena dadAti' / 'vastUnA hIyameva gatirasti / pratyekaM jano gRhNAti, pratyekaM ca dadAti / jIvanakramo hyeSa khalu !' 'satyaM tat / kintu yadi bhavAn sarvathA parigrahahInastadA kathamanyebhyaH kiJciddAtumarhati ?' For Personal & Private Use Only Page #71 -------------------------------------------------------------------------- ________________ 'pratyekaM janaH svapArve yat syAt taddadAti / sainiko balaM datte, vANijo vastUni dadAti, zikSako vidyAM dadAti, kRSako dhAnyaM, dhIvarazca matsyAn datte' / 'bADham / atho bhavAn kiM dadAti ? bhavatA tat kiM zikSitamarjitaM vA yadanyebhyo dAtuM zakyam ?' 'ahaM vicArayituM, pratIkSitumupavasituM ca samarthaH' / 'kimetat paryAptaM vA ?' 'paryAptameveti pratibhAti mama' / 'parantu kutropayogIni tAni ? udAharaNArthaM - ko vA lAbho janasyopavAsena kriyate khalu ?' 'upavAsasyA'pyasti mahanmUlyaM mahodaya ! / yadA hi kasyacit pArzve'zanAdi kiJcidapi na syAt tadopavAsa evaikaM cAturyapUrNa kArya, yat sa kartuM zaknoti / yathA, yadi siddhArtha upavAsaM kartuM na jAnAti tadA'dya tena kSudhApIDitatayA tacchamanArthaM yatkiJcidapi kAryaM bhavatpAdye'nyatra vA'nviSya kartavyaM syAt, yataH kSudhaiva taM tadarthaM preritavatI syAt / kintu tathA na jAtaM, yataH siddhArtho'vyAkulatayA pratIkSituM jAnAti / so'dhIro nAsti / tasya kA'pyapekSA nAsti / sa kSudhaM cirAya niroddhamapahasituM ca samarthaH / ato mahodaya ! upavAsaH sarvathopayogyeva' / 'sAdhUktaM bhavatA bhoH zramaNa ! / kiJcit pratIkSatAmeSo'hamAgacchAmi' / kAmasvAmI bahirgatvA kiJcana patraM gRhItvA pratyAgataH, tacca so'tithikare'rpayitvA pRSTavAn - 'kiM bhavAnetat paThituM zakto vA ?' siddhArthastat patraM dRSTavAn / tatraiko vikrayalekho likhita AsIt / taM paThitvA siddhArthaH zreSThine zrAvitavAn / 'bADhaM' - kAmasvAmyuktavAn / 'atha cA'smin patrake madarthaM kiJcillikhitvA dAsyati bhavAn ?' ___ kAmasvAmI tasmai ekaM patrakaM lekhanI cA'dAt / siddhArtho'pi tatra kiJcid likhitvA tasmai pratyArpayat tat / kAmasvAmI tat paThitavAn - 'lekhanaM zobhanaM, kintu cintanaM zreSTham / cAturyaM prazasyaM, dhairyaM tu tato'pi zreSTham' / 'sundaraM likhati khalu bhavAn' - zreSThI taM prazaMsitavAn / 'AvAbhyAmito'pi bahu carcayitavyaM, kintvadyA'haM bhavate mama prAghUrNakIbhavituM madgRhe ca nivasitumAmantrayAmi' / ___... siddhArthastadarthamAbhAraM matvA tadAmantraNaM svIkRtavAn / sa zreSThigRhe eva nivAsaM kRtavAn / nUtanavastrANyupAnahau ca tadarthamAnAyitAni / ekaH sevakaH pratyahaM tasya kRte snAnAdisAmagrI praguNIkaroti sma / pratidinaM vAradvayaM tasya purato bhojanamapi pariveSyate sma / kintu siddhArthaH sakRdeva bhunakti sma / sa For Personal & Private Use Only Page #72 -------------------------------------------------------------------------- ________________ mAMsaM madirAM vA sarvathA na spRzati sma / kAmasvAmI tena saha vANijyavArtA karoti sma, tasya paNyasAmagrI paNyazAlAM gaNanapatrANi ca darzayati sma / siddhArthastatsAnnidhye bahu zikSitavAn / so'dhikaM zRNoti smA'lpaM ca vadati sma / kamalAyA zabdAnAmanusmaran sa kadA'pi zreSThipurato bhRtyabhAvaM na darzayati sma, kintu tena sadRzaM kadAcittu tato'pi adhikaM svaM gaNayituM taM balAt prerayati sma / kAmasvAmigRhe vasan sa katiciddineSveva tadvANijyaM zikSitumArabdhaH / yadyapi, pratidinaM sa kamalayA''mantrito niyatasamaye uttamavastropAnahAdIni paridhAya prAbhRtAni ca gRhItvA tasyA bhavanamapi prApnoti sma / sundaryAH kamalAyA vaidagdhyapUrNayo raktavarNayoroSThayoH sakAzAt sa bahu zikSitavAn / tasyA mRdukomalau hastAvapi taM bahUn viSayAn zikSitavantau / kAmasya viSaye so'dyA'pi bAlaka ivA''sIt / so'tRptatayA'kSiNI nimIlya tasya gabhIratAmavagAhitumanAH kAmazAstrAnusAreNa kamalayA zikSito yad - 'atra ko'pi parasmai sukhamadattvA prAptuM naiva zaknoti / tathA pratyekaM hAvabhAvasya, pratyekaM parirambhasya, pratyekaM sparzasya, pratyekaM dRSTipAtasya, zarIrasya ca pratyekamaGgasya naijameva rahasyaM bhavati, taccA'vabudhyamAna evA'tra sukhamAnandaM cA'nubhavet' / sA taM bodhitavatI yat - 'premijanAbhyAM ratikrIDAnantaraM parasparaM prazaMsAM kRtvaiva vizleSTavyam / tAbhyAM vijayitvaM jitatvaM vA nA'nubhavitavyaM yenA'titRpteravasAdasya vA saMvedanaM nodiyAt nA'pyasadupayogasyA'nucitatayopayuktasya vA hInAnubhUtirvA'pyudgacchenmanasi' / - etatsarvaM zikSamANaH sa tayA caturayA sundarayA ca vArAGganayA saha svaM kAlamadbhutatayA gamitavAn / sa tasyAH ziSyaH, tasyAH priyaH, tasyAH suhRcca saJjAtaH / svIyavartamAnajIvanasyA'rthaM, mUlyaM ca kamalAyAH sahavAse eva nihitamastIti sonubhUtavAn, na punaH kAmasvAmino vANijye / _____ itaH kAmasvAmI tasya mahattvayutAni patrANi AdezapatrANi ca likhituM sUcitavAn, tatazca zanaiH zanaiH sa taM sarveSvapyatyAvazyakakAryeSu yojitavAn / sa zIghrameva dRSTavAn yat - yadyapi siddhArtho vrIherUrNAyA vA viSaye'lpamevA'vabudhyate, potavANijyamanyavyavasAyaM vA so'dhikaM nA'vagacchati; tathA'pi sa kAryeSu bhAgyavAnasti, avyAkulatAyAM svasthacittatAyAM ca sa zreSThinamapyatizete, zravaNakalAyAmaparicitajanAnapi prabhAvitAn kartuM ca tasya kSamatA'nanyasadRzI asti / zreSThI svamitraM kaJcit kathitavAn - 'ayaM brAhmaNo satyavaNik nAsti nA'pi ca bhaviSyati kadA'pi, tasya vANijye sarvathA''saktirnAsti / kintu yAn sAphalyaM svayamevA''gatya vRNoti tAdRzAnAmanyatamaH sa kiJcit saphalatArahasyaM prAptavAnasti / tacca rahasyaM zubhe muhUrte tasya janmabhavanAt, yogaprabhAvAt, zramaNAnAM pArvAd vA'dhigataM syAt / sa sarvadA vANijyena krIDan iva lakSyate, vANijyaM kadA'pi tanmanasi sthAnaM prAptuM na zaktaM, taM vA prabhavituM na zaktam / sa kadA'pi hAnernaiva bibheti, na kadA'pi ca tadarthamudvigno vA'pi bhavati' / For Personal & Private Use Only Page #73 -------------------------------------------------------------------------- ________________ __ mitreNoktaM - 'bhavataH kRte sa yad vANijyaM kuryAt tatra lAbhe jAte tasya tRtIyaM bhAgaM deyaM kalpatA, hAnau ca jAtAyAM bhavatA saha samAnaM bhAgaM sa nirvahatu / evaMkRte sa vANijye'dhikatayotsAhI bhaviSyati' / kAmasvAmI tadvacanamanusRtya pravRttaH / kintu siddhArthastatrA'pyanAsakta eva sthitaH / yadA tasya lAbho jAtastadA sa prazAntatayA taM svIkRtavAn, yadi ca hAniH syAt tadA sa hasitvA kathayati sma - 'aho ! vyavahAro'yaM nanu kiJcidiva niSphalo jAtaH, paraM na tatra kA'pi cintA'sti' / vastutastu sa vANijye kiJcidivA'dattAvadhAna evA''sIt / ekadA sa kutracid grAme mahAntaM vrIhirAzi kretuM gatavAn / yadA sa tatra prAptastadA pUrvameva tatratyairjanaiH sa rAziranyasmai vaNije vikrIta AsIditi tena jJAtam / tathA'pi sa sarvathA'nudvigna: kAnicana dinAni tatraivoSitavAn, kRSakaiH saha manoraJjanaM kRtavAn, dhanaM ca bAlakebhyo vibhajya dattavAn, tatra ca pravRtte kasmiMzcid vivAhe bhAgaM gRhItvA pUrNatayA tRptaH san nagaraM pratinivRttavAn / yadA ca kAmasvAmI zIghramanAgamanArthaM samayasya dhanasya ca vyayArthaM tamupAlabdhavAn tadA siddhArthastamuktavAn - 'mA''krozId bhavAn, mama priyamitra ! / Akrozanena kadA'pi kimapi naivA'dhigatamasti / yadi hAnirjAtA tarhi jAyatAM nAma, ahameva tAM voDhA / ahaM hyanena paryaTanena sarvathA tuSTo'smi yatastena bahUnAM janAnAM paricayo me jAtaH, brAhmaNenaikena saha maitrI jAtA, bAlakAH samAgatya mamotsaGge upaviSTAH, kRSakaizca me nijakSetrANi dazitAni / tathA na kenA'pyahaM vaNiktvena parigaNitaH' / 'tattu sarvamapi zobhanameva' - kAmasvAmI vimanaskatayA svIkRtavAn, 'kintu vastuto bhavAn vaNigeva / yadi vA kiM bhavatA''nandaprAptyarthameva paryaTanaM kRtaM nanu ?' 'nUnamahaM nijAnandArthameva pravAsaM kRtavAn' - siddhArtho hasitvA kathitavAn / 'kimarthaM na ? ahaM bahubhirjanairnUtanapradezaizca paricito jAtaH / mayA mitratAyA visrambhasya ca saukhyamanubhUtam / yadyahaM kAmasvAmyabhaviSyaM tadA krayaNaM kartumakSamo'haM vyathito bhUtvA pratinyavartiSyam, tathA mama samayo dhanaM ca naSTAvaiva syAtAm / kintu mayA bahUni sudinAni yApitAni, bahu zikSitaM, bhUyAnAnando'nubhUtaH, tathA kopenA'samIkSyakAritayA vA mayA svasyA'nyeSAM vA klezo notpAditaH / yadyahaM punarapi kadAcit tatra gaccheyaM, navaM vrIhirAzyAdi kretuM kenacid vA'nyena prayojanena, tadA tatratyA janAH sauhArdana mAmAkArayeyurmama svAgataM ca kuyuH / tadaiva cA'haM kopakaraNamasamIkSyakAritvaM ca mayA naivA''caritamiti smRtvA sukhIbhaviSyAmi / bhavatu mitra ! klezakaraNena mA svaM duHkhIkarotu / yadA ca bhavatA'nubhUyeta yat siddhArtho me hAni karoti tadA kevalaM zabdamekaM kathayatu, siddhArthaH sarvaM tyaktvA svIyamArge gamiSyati / tAvatparyantaM kintvAvAM prazastau suhRdAveva bhavAmaH' / 'bhavAn mama arthAt kAmasvAmino'nnameva khAditvA jIvati'ti siddhArthaM pratyAyayituM zreSThinaH prayatnA api viphalA jAtAH / yataH siddhArthasyottaramAsId, yat - 'sa svIyamevA'nnaM bhuGkte / kiJca, sarve'pi janAH parasparamitarasyA'nnaM bhuJjanta eva' / siddhArthaH kAmasvAminaH pIDAbhiH sarvathA'liptaH san nizcinta For Personal & Private Use Only Page #74 -------------------------------------------------------------------------- ________________ evA'vartata / kAmasvAminastu bahvayaH pIDAH Asan / yadA kazcana vyavahAro niSphalo jAyate sma, yadA hi kiJcana vastulekhapatrakaM nazyati sma, yadA ca kazcanA'dhamarNa RNaM pratyaryayituM na zaknoti sma / kAmasvAmI siddhArthaM kadA'pi khedakaraNArthaM kopenA'pazabdoccAraNArthaM vottejayituM tathA lalATabhaGgakaraNArthaM nidrAnAzArthaM vA'pi prerayituM naiva samartha AsIt / yadaikadA kAmasvAmI siddhArthamasmArayat yad - bhavAn sarvamapi matpAdeiva zikSito'stIti tadA siddhArthenoditaM - 'etAdRzaparihAsenA'lam / ahaM bhavataH sakAzAt - karaNDamitasya vastujAtasya kiM mUlyaM syAditi, RNena dhanadAne kiyatI vRddhirgrahItavyeti vA'vazyaM zikSitavAn, yatastatra bhavadadhikAraH / kintu mama priyamitra ! kAmasvAmin ! vicAraH kathaM kartavya iti tu nA'haM bhavatsakAzAt zikSitavAn / tattu bhavAneva mama pArzve zikSitumarhati !' / / tasya cittaM vANijye sarvathA niviSTaM nA''sIt / kevalaM kamalAyAH kRte dhanamarjayituM vANijyaM sahAyakamAsIt, AvazyakatAto'pyadhikaM dhanaM tataH prApyate sma / tathA, tasya sahAnubhUtirautsukyaM ca sAmAnyajanaiH sahaivA''sIt, yatasteSAM kArya, sukha-duHkhe, avicAritakAritvaM ca tasya kRte'paricitAni sudUravartIni cA''san / yena kenA'pi saha sambhASituM, vasituM, tataH zikSituM tasya kRte'tIva saralamAsIt, tathA'pi tasyaivamapi pratibhAti sma yat svasmin tAdRzaM kimapi vidyate yat svaM tebhyo bhinnIkaroti / tacca khalu tasya zramaNatvena gamitaM pUrvajIvanamAsIdityapi spaSTam / sa janAn bAlizaM pazuvad vA''caraNaM kurvANAn vilokitavAn / yasmin sa snihyati sma, samakAlameva tatazca virajyate sma cA'pi / te hi dhanArthaM, svalpasukhArthaM tucchamAnArthaM vA prayatamAnAstAmyantaH palitazirobhavantazca tena dRSTAH / etacca kila sarvamapi tasya kRte'tIva kSudramAsIt / sa tAn parasparamAkrozata yudhyamAnAMzca dRSTavAn / sa tAn teSu duHkheSu paridevamAnAn dRSTavAn yeSu satsu zramaNAH kevalaM hasanti, tathA tAsu hAniSu vyathamAnAn dRSTavAn yAH zramaNAH sarvathA naiva gaNayanti / janA yatkiJcidapyAnIya dadati sma tat sarvaM sa svIkaroti sma / yadi kazcana kSaumamAnIya vikrayaNArthaM dadAti sma tadA tadapi tasya svIkAryamAsIt / RNArthamAgato'pi janastasyA'bhimata evA''sIt / tathA kazcana bhikSukaH, yo hi zramaNebhyastu adhikasampanna AsIt, Agatya horAparyantaM svIyadAridmaviSaye vadannapi tasyeSTa evA''sIt / sa kSaurakarma kartumAgatena nApitena, kadalIphalavikretrA saha, dhanikena vA'pi kenacid vaNijA saha samAnatayaivA'vartata / yadi kadAcit kAmasvAmI tatpAbeM samAgatya svIyasamasyA varNayati sma kasyacid vyavahArasya kRte vopAlabhate sma tadA sa sakarNatayA sAvadhAnaM ca zRNoti sma, tatkathane vismayaM pradarzayati sma, tad boddhaM prayatate sma, yatra cA''vazyakaM tatra kiJcid anumanute smA'pi, tatazca prayojanavazAdAgatenA''gantukena saha saMlapitumArabhate sma / bahavo janAstatsamIpamAgacchanti sma, kecana vANijyArthaM, kecana taM vaJcayituM, kecana taM zrotuM, kecana tasya sahAnubhUti prAptuM, kecana ca tasya mArgadarzanaM prAptum / sa mArgadarzanaM karoti sma; sahAnubhUtiM darzayati 65 For Personal & Private Use Only Page #75 -------------------------------------------------------------------------- ________________ sma, upAyanAni pradatte sma, kiJcid vaJcito'pi bhavati sma, tathA'syAH sarvasyA api krIDAyA viSaye tatkrIDakAnAM ca janAnAM bhAvanAviSaye sa tayaiva rItyA vicArayati sma yayA rItyA sa pUrvaM devAnAM brAhmaNAnAM ca viSaye vicArayannAsIt / kadAcit tasyA'ntaHkaraNe eko mRduH saumyo dhvaniH zrUyate sma yastaM nibhRtaM smArayati sma nibhRtameva cA'dhikSipati sma, tathA nibhRtaM yathA sa kaSTena taM zRNoti sma / tataH sahasaiva so'pazyat yat - so'paricitaM jIvanaM yApayati / bahUni kAryANi sa krIDArthameva krIDArUpeNaiva vA karoti, tathA yadyapi sa prasanno'sti yathAkAlaM bhautikasukhaM cA'pyanubhavati, tathA'pi satyajIvanaM tu tato viyuktamivA'spRzadiva pravahati / yathA kazcana krIDakaH svIyakandukena krIDati tathA sa vANijyena krIDannAsIt, tathaiva ca janaiH saha vyavaharannAsIt; sa tAnavalokayati sma, teSAmAcaraNAd vinodamapi prApnoti sma / evaMsthite'pi tasya hRdayaM, tasya mUlaH svabhAvastatra lIno nA''sIt / tasya mUlaM svatvaM tu kutracidanyatraiva bambhramyate smA'dRzyatayA, tasya svatvasya tadIyajIvanena saha na ko'pyanubandha AsIt / kadAcicca sa etebhya etAdRgbhyazca vicArebhyo bhayamapi prApnoti sma / janAnAM bAlizaM dainandinaM vyavahAramahamapi samagratayA jIvAmIti spRhA taccitte jAgati sma, teSAM jIvane'haM vAstavikatayA bhAgaM gRhNAmi, teSAM jIvanamahamapyAsvAdayeyaM jIveyaM ca, na punatasya prekSaka eva bhaveyamiti cA'pi sa kAGkSati sm| sundaryAH kamalAyAH pArve sa pratyahaM gacchati sma / sa tataH premNaH kalAM tathA zikSitavAn yasyAmananyasadRzatayA''dAnaM pradAnaM ca tulyamekaM ca bhavati / sa tayA saha saMlApAnakarot, tataH sakAzAt zikSate sma, tAmupadizati sma tasyAzcopadezaM zRNoti sma / saivekA''sId yA taM samavabudhyate sma, govindato'pyadhikaM samavabudhyate / sA hi siddhArthasadRzyevA''sIt / . ekadA sa tAmuktavAn - 'bhavatI matsadRzyasti, anyajanebhyo bhinnA / bhavatI kamalaivA'sti nA'nyat kiJcit / bhavatyA antaHkaraNe mayIva nizcalatA svasthatA cA'sti, ekaM vizrAntisthAnamasti yatra bhavatI yadA kadA'pi pratinivartituM sahajA ca bhavituM zaknoti / keSAMcidevedRzI kSamatA bhavet / yadyapi sarvo'pi jana IdRzo bhavituM zaknuyAt' / 'sarve janA na bhavantIyanto dakSAH' - kamalA proktavatI / 'kamale ! dakSatvena nA'sti kiJcit kAryam' - siddhArthaH kathitavAn, 'pazyatu, kAmasvAmI hi matsadRza eva dakSastathA'pi tasya nA'styeSA kSamatA / anye ke'pi bAlasamAnA dhArayanti tAdRzIM kSamatAm / prAyazo janA vRkSapatitaparNatulyA bhavanti ye vAyunA preryamANA itastata utkSipyamANAzcA'nte bhUmau patanti / alpAH kintu janAstAdRzA bhavanti ye hi nakSatravat nizcite pathi prayAnti, vAyustAn cAlayituM na zaknoti, teSAmantaHkaraNe eva mArgadarzako mArgazca vidyate / yAn prAjJapuruSAn ahaM jAnAmi teSAmanyatamo'tra viSaye sarvathA paripUrNo'sti / ahaM taM na kadA'pi vismartuM zaktaH / so'sti gautamaH - jagadvizruto bhagavAn buddhaH, 66 For Personal & Private Use Only Page #76 -------------------------------------------------------------------------- ________________ yo vitarati tAdRzaM bodham / sahasrazo yuvakAstasyopadezaM pratyahaM zRNvanti tasyA'nuzAsanaM ca pratikSaNaM pAlayanti / kintu te sarve'pi hi santi patitaparNatulyAH, teSAmantaHkaraNe prajJAyAH prakAzo nA'sti nA'pi cA''ntaro mArgadarzakaH' / kamalA taM vilokayantI smitaM kRtavatI, 'bhavAn punarapi tasya viSaye vadati' - soktavatI / 'bhavAn punarapi zramaNavad vicArayannasti' / siddhArthastUSNIM bhUtaH / tatastAbhyAM premakelirAdRtA / kamalAH tasyAzcatvAriMzadadhikaprakAreSu pAraGgatA''sIt / teSAmanyatama eva prakArastAbhyAM samArabdhaH / kamalAyAH zarIraM citrakasyeva capalaM vyAdhasya dhanuriva ca sunamyamAsIt / yaH ko'pi tatsakAzAt premakrIDAM zikSeta sa bahuvidhAni saukhyAni prAptuM rahasyAni cA'vagantuM zaknoti sma / sA siddhArthena saha cirAyA'krIDat, sA taM nirAkRtavatI, abhibhUtavatI, AkrAntavatI, parAjitavatI, svIyaprabhutvena hRSTA jAtA ca / prAnte sa tayA vazIkRtaH san zrAnto bhUtvA tatpArve zayitavAn / kamalA hi kiJcidavanamya tasya vadanaM zrAnte ca nayane nirIkSitavatI / 'adyayAvat mayA ye premiNaH prAptAsteSu bhavAneva zreSThaH' - sA vicArayantIva kathitavatI / 'bhavAn anyebhyo dRDhataro'dhikacapalo'dhikAnukUlazca / bhavatA mama kalA suSTha zikSitA'sti / siddhArtha ! yadA'haM vayaskA bhaviSyAmi tadA, vicArayAmi yad bhavatto'patyaM prApsyAmi / kintvetAvatA'pi bhavAn zramaNa eva / bhavAn vastuto mAM naiva prINAti - bhavAn kamapi naiva prINAti / kiM satyamidam ?' / - 'syAt kadAcit' - siddhArthaH klAntyA proktavAn / 'ahaM bhavAdRza evA'smi / bhavatI api kamapi naiva prINAti, anyathA kathaM bhavatI prema kalAtvenA'bhyasyet ? asmAdRzA janAH snehaM kartumasamarthAH khalu ! sAmAnyajanAstatra zaktAH, tadeva teSAM rahasyam' / 67 For Personal & Private Use Only Page #77 -------------------------------------------------------------------------- ________________ 3. saMsAraH cirakAlAya siddhArthaH sAMsAriko'bhUtvA saMsAre jIvan AsIt / zramaNAvasthAyAM suSuptAni tasyendriyANIdAnIM punarapi jAgRtAni Asan / samRddhaH zRGgArabhAvasya sattAyAzca svAdastena prApta AsIt / tathA'pi cirAya so'ntaHkaraNena zramaNavadeva jIvitavAn / caturA kamalA hyetallakSitavatyAsIt / tasya jIvanaM sadA'pi vicAra-pratIkSopavAsaireva zAsitamAsIt / jagato janAH - sAmAnyajanAstasya kRte paradezina iva saJjAtA Asan, so'pi ca teSAM kRte'paricita ivaivA''sIdadhunA'pi / varSANi vyatItAni / anukUlasaMyogaiH sarvathA sukhIbhUtaH siddhArthaH kAlaviSaye sarvathA'navadhAna AsIt / sa dhaniko jAta AsIt / cirAdeva tena svakRte vizAlaM gRhaM nirmApitamAsId yacca susthaM rakSituM bahavaH sevakA api tatrA''san / nagarAcca bahirnadItaTe tena svIyamekamudyAnamapi nirmitamAsIt / janAstaM prINanti sma, tathA yadAkadAcit dhanAdInAM sAhAyyaM mArgadarzanaM ca grahItuM tatpArve samAgacchanti smA'pi / kintvetAvatA'pi samagre'pi nagare kamalAyA Rte tasya na ke'pi nikaTasnehina Asan / atha ca mahAtmano gautamabuddhasyopadezasya zravaNAnantaraM govindAcca viyojanAnantaraM svIyayauvane siddhArthena yadutkRSTaM prabuddhacaitanyamanubhUtamAsIt, tathA paramajAgRtervizuddhecchA, guroH zAstrebhyazca vinaiva sthAtumagresatuM ca garvaH, svIyAntaHkaraNe udbhavato divyadhvaneH zravaNArthamutsukatA - etatsarvamapi zanaiH zanaiH smRtizeSaM saJjAtamAsIt / yaH pavitrazcaitanyanirjhara ekadA tasya hRdayAsannameva sakalakalaM pravahamAna AsIt sa kramazo dUraM gacchan kSIyamANanAdazcA'bhavat / evaMsthite'pi zramaNAnAM sakAzAd, gautamasya, svapiturbrAhmaNAnAM ca sakAzAt sa yadyacchikSitavAn tat sarvamapi - saMyataM jIvanaM, vicAravaizA, dIrghakAlInaM dhyAnaM, svAtmano nityatvasya dehamanobhyAmanyatvasya ca gUDhaM jJAna-mityeteSAmekaikazo bodhasyAM'zA niSkriyA upekSitAzca jAtAstathA'pi kiJcittu tatrA'vaziSyate sma / prabhUto bodhastaccitte sudIrghakAlaM spandamAno nyavasat / yathA kumbhakArasya cakraM gatimajjAtamekadA, cirAya paribhrAmyati, tatazca zanaiH zanairmandabhramaNaM bhUtvA prAnte sthiraM bhavati; tathA saMyamasya, vicArasya vivekasya ca cakraM - siddhArthacitte gatimajjAtaM - cirAya paryabhrAmyat, adhunA'pi paribhrAmyati sma, kintu kramazo mandIbhUtavegaM saskhalanaM ca, stokavelayA ca sthirIbhaviSyatIva / yathA vinazyavRkSaprakANDaM pravizya kledaH zanaiH zanaistaM vizIrNaM karoti tathA saMsAro jADyaM ca siddhArthAtmani pravizya taM gurubhAraM, parizrAntaM, nidrAmagnaM ca vyadhattAm / kintvanyatastasyendriyANi hyadhikAdhikaM jAgRtAnyabhavan / tAni bahu zikSitavanti tato'pyadhikamanubhUtavanti ca / 68 For Personal & Private Use Only Page #78 -------------------------------------------------------------------------- ________________ vANijyavyApArAH kathaM nirvoDhavyAH, janAnAmupari kathamAdhipatyamanuSThAtavyaM, strIbhiH saha kathaM vilasitavyamityetat sarvaM tasya sahajasAdhyaM jAtamAsIt / sa uttamavastrANi paridadhAti sma, laghulaghunyapi kArye sevakAnAdizati sma, sugandhitena ca jalena snAti sma / uttamatayA saMskRtaM miSTAnnaM mAMsaM svAdUni ca vyaJjanAni bhoktuM surApAnaM ca kartuM tasyA'bhirucirvardhate sma, tatazca pramAdo vismRtizcA'pi / vividhamanuSyANAM saGgatyA so'dhunA dyUtaM caturaGgaM cA'pi krIDituM zikSitavAnAsIt / nartakInAM nRtyANi vilokayituM, zibikAyAmupavizya paryaTituM, komalatUlamayazayyAsu ca zayituM tasmai rocate sma / kintvevaMsthite'pi sa svamanyebhyo'tizAyinaM bhinnaM ca manyate sma sarvadA'pi / sa sadaivA'nyAn kayAcidupahAsapUrNayA hInadRSTyA pazyati sma; tayA hInadRSTyA, yayA zramaNaH kazcana sAMsArikajanAn pazyati / yadi kadAcit kAmasvAmI kenacit kAraNenA'svastho bhavati sma, avamAnanaM cA'nubhavet, athavA vANijye kAzcana bAdhAH prApnuyAt, siddhArthastamupahasati smaiva sarvadA / kintu zanaiH zanairavyaktatayaiva tasyA'tizayitvabuddhirupahAsavRttizca kSINA jAtA / pratyuta, yathA yathA tasya bhautikasamRddhirvRddhiGgatAstathA tathA sa sAmAnyajanAnAM kAzcana lAkSaNikatA bAlizatA-cittodvignatAdyA api samAsAditavAn / evaMsatyapi sa janAnasUyate sma / yathA yathA sa prAkRtajanavadAcarati sma tathA tathA'dhikatayA sa tAnasUyate sma / tasyA'sUyAyAH kAraNaM tvekamevA''sIt yathA sAmAnyajanA svajIvanasya mahattvamavagacchanti, svIyAn harSa - zokAdIn gADhatayA'nubhavanti, aviratAnurAgasya ca madhurarasaM sotkaNThamAsvAdayanti tathA sakartuM na pArayati sma / 1 - prAkRtajanA hi svayameva svasmin snihyanti, svApatyAni prINanti, mAnaM dhanaM ca sapratibandhaM rakSanti, bhAviyojanAM, sukhaspRhAM ca sAkAGkSatayA vicArayanti / kintu siddhArtha etat sarvaM tebhyo na zikSitavAn na ca bAlizasukhAni nA'pi ca mUDhatAm / pratyuta teSAM yAni lakSaNAni tasyA'nabhimatatayA tiraskaraNIyAnyAsan, tAnyeva so'nAyAsaM zikSitavAnAtmasAcca kRtavAn / S bahudhA bhavati smaivaM yat - savilAsAM rAtriM yApayitvA prAtaHkAle cirAya sa udvegaM zramaM cA'nubhavan zayyAmevA'' zrayati sma / yadi kadAcit kAmasvAmI svacintAbhistaM bAdhate sma tadA so'marSaNo bhavati sma / yadA sa dyUte dhanaM hArayati sma tadA svodvegaM nihnotumuccairhasati sma / purA hi tasya vadanamanyajanebhyo'dhikaM caturamadhikaM prajJAzAli prasannaM ca bhAsate sma, kintu gacchatA kAlena tasya mukhe vilasamAnA smitarekhA'dRzyeva jAtA, zanai: zanaizca tasya mukhe dhanikajanAnAmiva - udvegasyA'santoSasyA'ruceraprasannatAyA udAsInatAyA naiSThuryasya ca bhAvAH samajAyanta / kramazo dhanikajaneSu vyAptamAtmadaurbalyaM taccittamapi vyAptumArabdham / khedasya sUkSmamAvaraNaM tanmana AcchAdayituM prArabdham / tacca pratidinaM kiJcid gADhataraM, pratimAsaM kiJcana nibiDataraM, prativarSaM ca kiJcid gurutaraM jAyamAnamAsIt / yathA navaM vastraM kAlAtyaye jIrNaM, vivarNaM, malinaM, sacchidraM, jarjaraM ca jAyate tathaiva govindAd viyukteranantaraM siddhArthasya navaM jIvanamapi gacchatA kAlena jIrNamiva saJjAtam / varSeSu vyatIteSu tasyA'pi varNo dIptizca kSINe jAte / valibhirmalacitraizca 69 For Personal & Private Use Only Page #79 -------------------------------------------------------------------------- ________________ tanmalImasamivA'bhavat / antaH sthite bhrAntijugupse yadA-kadAcidapi prakaTIbhavataH sma / kintu siddhArtha etatsarvaM naiva niraikSataM / tasya nirIkSaNe kevalametadeva samAgataM yadekadA yena vizadena parisphuTena cA''ntaradhvaninA sa jAgarita AsIt, tasyotkRSTe samaye yo mArgadarzaka AsIt sa dhvaniradya sarvathA kSINo viratazca jAto'stIti / saMsArastasya cittavRttAvidAnImAdhipatyaM karoti smeva / bhoga-vilAsAH, lolupatA, kAryavaimukhyamityAdayastu tajjIvanaM dUSayati smaiva, kintu yaM doSaM sa svayameva sarvadA'tIva dhikkaroti sma sa eva doSaH parigraho'pi taccittamabhivyApya sthita AsIt / sampattiH, adhikAra aizvarya - mityAdi sarvamapi zanaiH zanaistaM svavaze sthApayati sma / idAnIM tat sarvamapi tasya kRte krIDAmAtraM krIDanakaM vA nA''sIt pratyuta bandhanaM bhArabhUtaM cA'bhavat / citraM tvetad yadutpathagAmitvamAzritya sa sarvato'pyadhamAM vyasaneSu niSThArUpAM dyUtakrIDAM kartumArabdhavAn / - yadArabhya siddhArtho hRdayena zrAmaNyaM tyaktavAn tatprabhRti, yasyAM krIDAyAM purA sa janAnurodhena tadupahAsapUrvakaM prAvartata tasyAmeva dyUtakrIDAyAM sa dhanAlaGkArAdiprAptyarthamatIvotkaTatayA krIDitumArabdhaH / so'tIva durdharSo'kSakrIDaka AsIt / tena saha krIDituM na kazcana prabhavati sma, yatastasya paNA udagrA sAhasayutAzcA''san / sa svamanastApaM zamayitumiva krIDati sma / dhanasyA'tivyayena dyUte ca nirargalaM devanena tasyotkaTaM saukhyaM bhavati sma, yato dhanikAnAmArAdhyadaivatarUpaM dhanaM dhanikAMzca vyaktatayopahAsapUrvakaM cA'vaheliyatuM tasya pArzve nA'nyaH kazcana upAya AsIt / ataH sa udagratayA paNAn kurvan svamanyAMzcopahasan krIDaMzca sahasrazo dhanaM jayati sma hArayati sma cA'pi dhanamalaGkArAn gRhANi - sarvamapi paNIkurvan vAraM vAraM jayati smArayati sma vA / etasya mukhyaM kAraNaM tvekamevA''sIt - evaMrItyA'nizcitakrIDanena yat prabalaM krUraM ca cittautsukyaM jAyate sma tat tasya sukhapradaM bhAti sma / etaccittautsukyapUrNaM saMvedanaM tasmai atitarAM rocate sma, tacca saMvedanaM navanavatayA'nubhavituM, vardhayituM, samuddIpayituM sa sAtatyena prayatate sma / yataH svIye'titRpte, maryAdite, nIrase ca jIvite'nena saMvedanenaiva kevalaM sa yatkiJcit sukhaM, yatkiJciduttejanaM, yatkiJcicca tIvrataraM jIvanAnandamanubhavituM zakta AsIt / yadA yadA ca so'tipramANaM dhanaM hArayati sma tadA tadA sa nUtanaM dhanamarjayituM, sotkaNThaM vANijye pravartituM, svIyAnadhamarNAMzca dhanapratyarpaNArthaM kaThoratayA prerayitumArabhate sma yato yayA kayA'pi rItyA dhanamupArNya sa punarapi dyUtaM krIDitumicchati sma, punarapi mahApaNAn kartumicchati sma, punarapi cA'dhikatayA dhanasya tiraskAraM pradarzayitumicchati sma / kramazaH siddhArtho dyUte dhanahAneradhIro jAyate sma, adhamarNairRNe'pratyarpite vilambena vA pratyarpitemarSaNo bhavati sma, bhikSukAn prati so'dhunA dayAvAn nA''sIt, dInAnasahAyAMzca dAnaM dAtuM sahAyaM ca kartuM so'dhunA necchati sma / ekaikasmin paNe yo lakSamitaM dhanamapi paNIkaroti sma sa vANijye laghunyapi vyavasAye kaThoraH svArthI ca bhavati sma kadAcicca svapne'pi dhanameva pazyati sma / 70 For Personal & Private Use Only Page #80 -------------------------------------------------------------------------- ________________ yadA hi kadAcit so'smAt zAparUpAt saMmohanAt jAgarito bhavati sma, darpaNe ca pratibimbitaM svIyaM jarjaraM virUpaM ca jAyamAnaM mukhaM pazyati sma, yadA'pi ca lajjA jugupsA ca tanmano vyApnoti sma tadA sa punarapi dyUtagRhaM prati dhAvati sma, lakSAn paNIkaroti sma, vilAsitAyAM mattaH san surApAnaM karoti sma / tatazca punarapi dhanArjanArthaM tatsaGgrahaNArthaM cotkaTatayA pravartate sma / asmin arthahIne viSacakre bhrAmaM bhrAmaM jarjarIbhUtaH so'kAle'pi jIrNo rugNazca jAta AsIt / athaikadA svapnaikena sa prabodhitaH / taddine sAyaM sa kamalayA saha tasyAH krIDodyAne taroradha upavizya vArtAlApaM kurvannAsIt / kamalA gabhIratayA vadati sma tadA / tasyAH zabdeSu vyathA khedazcA'nubhUyete sma / tayA siddhArthasya gautamabuddhaviSayakA praznAH pRSTAH, yathA - tasya locane kiyatI nirmale AstAm ? tasya mukhaM kathaM zAntipUrNaM sundaraM cA''sIt ? smitaM ca kathaM prasAdapUrNamAsIt ? tasya ca samagro'pi vyavahAraH kathamupazAnta AsIt ? - ityAdi / siddhArthapradattAnuttarAn zrAvaM zrAvamapi sA tRptiM naiva prAptA / siddhArthena cirAya mahAtmano buddhasya varNanaM kartavyamabhavat / tato dIrghaM niHzvasya kamalayoktaM 'mamedaM pratibhAti yadekadA, zIghrameva, ahaM buddhabhagavato'nuyAyinI bhikSuNI bhaviSyAmi / idaM krIDodyAnamapi tasyaiva samarpya tatsaGghasya zaraNaM ca gRhItvA tadupadezAnusAraM jIviSyAmi' | tataH sA siddhArthaM tIkSNakaTAkSena pralobhayitvA'tyantAsaktatayotkaTatayogratayA ca taM samAliGgya rantumArabdhA / sA'dyA'sya kSaNikasukhasyA'ntimaM madhubinduM samAsvAditumicchati smeva / itaH pUrvaM, kAmAsaktermRtyozcaitAvAn gADhaH sambandho'stIti siddhArthenaivaMspaSTatayA na kadA'pyanubhUtamAsIt / tataH sa tasyAH pArzve zayitavAn, tasyAzca mukhaM tanmukhAsannamevA''sIt / tasyA netrayoradhaH, oSThaprAntayozca tenaidamprAthamyena vyaktatayA valyazcarmasaGkocAzca parilakSitAH, yairhi jarA- vArdhakyayoH spaSTaH saGketo dIyate sma / siddhArthaH svayamapi, yo'dyA'pi catvAriMzadvarSadezIya AsIt, svakezeSu palitAn lakSitavAnAsIt, tena kamalAyAH sundare mukhe'pyadyA'vasAdo dRSTaH / yasmin pathi sukhadamavasAnaM nA''sIt, tatra ca pravAsenA''yAtaM kevalaM zrAntatvaM, jaraso viSAdasya caiva saGketAH, pracchannamanirdiSTaM prAyazcA'vyaktaM bhayaM - jIvanasandhyAyA bhayaM, vArdhakyasya bhayaM, mRtyozca bhayamavasAdazca siddhArthena kamalAyA vadane dRSTaH / dIrghaM niHzvasya siddhArthastAmApRcchya tato nirgataH / tasya hRdayaM viSAdena nigUDhabhayena ca pUritamAsIt / svagRhaM gatvA siddhArthena sA rAtriH surApAnena saha nartakInAM sAnnidhye yApitA / svavayasyebhyaH svayaM zreSTho nA''sIt tathA'pi tena zreSThatAyA abhinayaH kRtaH / pracuraM madyaM pItvA madhyarAtre'tIva zrAnto'pi san citte'virataM pravartamAnena dvandvenA'tyantamudvignaH, tatazcA'zrupUrNalocano viSaNNahRdayazca sa zayituM gata: / hRdayaM tasya duHkhena tathA santaptamAsIt yathA tenA'nubhUtaM yat sa ito'pi tat soDhuM zakto na syAt / asvAdumadyapAnaM, agabhIrasyA'pi atimadhurasya saGgItasya zravaNaM, nartakInAM saugandhyAtirekayutakezAdInAmAghrANaM ca yathA haThAnmano vyApnoti tathA tato'pi vA'dhikayA jugupsayA tanmano vyAptamAsIt / eteSAM sarveSAmupariSTAcca sa svAtmanaivA'dhikaM jugupsita AsIt, tasya sugandhAH kezAH surApAnena durgandhapUrNaM mukhaM, zaithilyaM prAptA - 71 For Personal & Private Use Only Page #81 -------------------------------------------------------------------------- ________________ ca tvak - etat sarvamapi tasya jugupsAM vardhayati sma / yathA kazcana bhojana-pAnAtirekAd vyAkulaH san vamanenaiva zAnti saukhyaM cA'nubhavati tathA so'pi sarvANyapImAni bhautikasukhAni, vyasanAni, sarvathA nizcetanaM cedaM jIvanamekenaiva pracaNDenotsAraNena vAntvA sukhI svasthazca bhavitumicchati sma sarvAtmanA / evameva vyAkulatayA'nidrita eva rAtri yApayitvA pratyUSe kiJcana suptavAn / tasyAM kSaNikatandrAyAM sa svapnamekaM dRSTavAn / ___ kamalA svagRhe suvarNamaye paJjare madhuragAnamekaM pakSiNaM pAlitavatyAsIt / siddhArthaH svIye svapne tameva pakSiNaM dRSTavAn / tena dRSTaM yat pratyahaM prAtaHkAle gAyannayaM pakSI adya sahasA avAk jAto'sti / etena vismitaH sa suvarNamayaM paJjaramudghATya yAvat pazyati sma tAvat sa pakSI mRto dRSTaH / sa taM pakSidehaM svahastena gRhItvA kSaNaM ca nirIkSya dUraM prakSiptavAn, tatkSaNameva ca yathA tena kiJcana zreSThaM bahumUlyaM ca vastu api pakSiNA saha prakSiptamiva manvAnaH sa bhayakampito jAtaH svIyahRdaye cA'kathyaM duHkhamanubhUtavAn / enaM svapnaM dRSTvA sahasA jAgaritaH sa mahati viSAde nimagna AsIt / svIyaM sarvamapi jIvanaM tenA'sAratayA nirarthakaM ca vyayitaM, jIvanAt sa na kiJcidapi phalaM sAraM mUlyaM vA nirvRhitavAn - iti so'nubhavannAsIt / tasya pratibhAtaM yat potabhaGgena sarvamapi vinAzya sarvathaikAkI taTe patito jana iva so'pyekAkI jAto'sti / ___evaM viSaNNaH siddhArthaH svIyaM krIDodyAnaM prAptaH, dvAraM pidhAya ca sahakAravRkSasyA'dhastAdupaviSTaH / tasya hRdayaM mRtyubhayena grastamAsIt / kaJcit kAlamevameva yApayitvA sa vicArayitumArabdhaH / yadArabhya tasya smaryate sma tat sarvaM sa vicArayAtrayA nirIkSitavAn / "kadA kila sa yAthArthyena sukhyAsIt ? kadA kila vastutastenA''nando'nubhUta AsIt ? Am, smRtam ! naikavAraM sa sukhamAnandaM cA'nubhUtavAnAsIt / yadA sa tAruNye vartamAno vividhAn viSayAnadhItya brAhmaNAnAM prazaMsAM prAptavAn, svIyAn samayavayaskAn dUramatikrAntavAn, sAmagAne sarvebhyo'pi prakarSaM prAptavAn, paNDitaiH saha vAdaM kRtavAn, yAgAdiSu ca svapitrAdInAM sAhAyyaM kRtavAn tadA tasya manaH sukhenA''nandena ca vyAptamAsIt" / "tadAtve tena svahRdayagahvare'nubhUtamAsId yat - tvatkRte eSa eva panthA anusaraNIyatayA vidyate / asminneva pathi devAstvAM pratIkSante - iti" | "tato yauvane'pi yadA'navaratamUrdhvagamanAya prerayatA'nenaiva hRdayAzayena sa sabrahmacAriNAM yUthAd bahinirgataH, yadA brAhmaNAnAmupadezAn boddhaM sa dRDhatayA prayatitavAn, yadA ca pratyekaM nUtano bodho nUtanatamabodhaprApterevA'bhIpsAM tasmin janayati sma tadA punarapi, prayatnAnAmeSAM madhye'bhIpsAnAM cA''sAM madhye'pi tasyA'ntaHkaraNaM vadati sma - 'agresaro bhava, agresaro bhava, ayameva te'dhvA' - iti / yadA'pi sa gRhaM tyaktvA zramaNIbhavituM nirgatastadA'pyayameva dhvanistasya hRdayAkAze guJjati sma / tataH punarapi yadA sa zrAmaNyamutsRjya pUrNapuruSasya buddhasya pArzve gatastadA'pi sa eva dhvanistaM jAgarayati sma / prAnte ca tamapi vihAya yadA so'jJAtaM pradezaM prati prasthitavAn tadA'pyayameva dhvanistasya citte pratidhvanyate sma" / 72 For Personal & Private Use Only Page #82 -------------------------------------------------------------------------- ________________ "kintu, adya kiyAn kAlo vyatItastaM dhvaniM zrutvA? kiyato dIrghakAlAt tena navaM kimapi lakSyaM na prAptamAsIt ? A bahoH kAlAt tasya jIvanapathaH kathaM nIrasa utsannazca saJjAta AsIt !! kiyanto vatsarAstenonnatadhyeyavihInatayA, utkaTAbhIpsAzUnyatayA, utkarSalezamapyaprApya vyayitA Asan ? kevalaM kAnicana laghulaghUni kusukhAni prApya hRSTenA'pi sarvathA'tRptyA !! kimapyabudhvaiva tena prAkRtajanavat kAryANi kRtAni, bAlavadabhilASazatAni cintitAni pUritAni ceyanti varSANi ! tathA'pi prAkRtajanebhyo bAlebhyazcA'pi sakAzAt tasya jIvanaM nikRSTaM tucchaM ca saJjAtamAsIt, yatasteSAM prAptavyAni tasya lakSyebhyaH sakAzAt bhinnAnyAsan, evaM teSAM duHkhAni cA'pi tasya nA''san !" kAmasvAmisadRzajanAnAM sampUrNamapi jagat tasya kRte krIDAmAtraM, nATyamAnaM, prahasanamAtramAsIt / kevalaM kamalaiva tasya priyatamA''sIt, tasyAH kRte eva tanmanasi samAdara AsIt, kintu kiM sA'pi zAzvatA''sIt ? kimadyA'pi sA tasyA'pekSitA''sIt ? sa vA'pi ca tasyAH kRte'pekSaNIya AsId vA ? kiM tayoH nirarthikAyAH krIDAyAH kadAcidapyantaH AsId vA ? kiM tasyAH krIDAyAH kRte eva jIvanIyamAsIt khalu ? naiva !! yataH eSaiva krIDA saMsArapadavAcyA''sIt, bAlAnAM krIDaiSA, yA hi sukhadA''sIt yadi paraM dvitravAraM dazavAraM vA krIDitA, kintu nirantaraM tasyAH krIDanaM kimucitamAsIt khalu? siddhArthenA'vabuddhaM yadadhunA krIDaiSA samAptiM gatA'sti / adhikakrIDanamazakyamevA'taH param / tasya zarIre ApAdamastakaM kampanaM jAtam / kiJcinmRtaM tasyA'ntaHkaraNe ivA'pi tenA'nubhUtam / . tasminnahani AdinaM sahakAravRkSasyA'dhastAdevopavizya sa svapitaraM, govindaM, gautamabuddhaM ca viSayIkRtya cintanaM kRtavAn / 'kiM tena kAmasvAmIbhavitumete sarve'pi tyaktA Asan vA ?' sa tatraivopaviSTa AsId yAvadandhakAraH prasRtaH / yadA sa upari dRSTavAn tadA tena nIle nabhovitAne prakAzamAnA nakSatra-tArakA vilokitAH / tena smRtaM - 'aho ! ahamatra mama krIDodyAne madIyasahakAravRkSasyA'dha upaviSTo'smi' / tasya vadane smitamullasitam / 'kiM tadAvazyakamAsIt ? kiM taducitamAsIt ? athavA kiM tanmaurvyapUrNa nA''sId yat kasyacit krIDodyAnasya tathA tadantaHsthitasyA''mravRkSasya svAmyaM sa dhArayati smeti ?' anena vicAreNa sa tatra pUrNavirAmaM sthApitavAn / tenA'nubhUtaM yadetadapi mRtaM tasyA'ntaH / sa utthitavAn / sahakArataruM krIDodyAnaM ca 'svasti te bhUyA'diti sambhAvya tato nirgatavAn / tasmin dine sa kimapi na khAditavAnAsIt ataH sa kSudhAturo jAtaH san smRtavAn yat tannagare tasya gRhamapyasti yatra sarvamapyAhArajAtaM vidyate'nyadapi vastujAtamastIti / punarapi sa mlAnaM smitavAn, mastakaM ca vidhUya manasaiva tat sarvamapi gRhAdi-vastujAtaM sambhAvitavAn / atha ca tasyAmeva rAtrau siddhArthaH sarvamapi tyaktvA nagarAnnirgataH san punarna kadA'pi pratyAgataH / kAmasvAmI cirAya tamanviSTavAn, kadAcit sa luNTAkairapahRtaH syAditi matvA; kintu kamalayA tamanveSTuM 73 For Personal & Private Use Only Page #83 -------------------------------------------------------------------------- ________________ na ko'pi prayatnaH kRtaH / kiM bahunA ? siddhArthaH kutracid gatavAn - iti tayA yaMdA jJAtaM tadA tayA''zcaryamapi nA'nubhUtam / tayA AsiddhArthamelanakAlAt tadapekSitamevA''sIt / yataH sA jAnAti smaiva yat tasya mUlaM tu zrAmaNya eva pratiSThitamAsIt, gRhatyAgaH, yAtrA, bhramaNamityAdikaM tasya sahajamevA''sIt / etacca tathyaM tayA siddhArthasyA'ntime samAgame sarvato'pyadhikatayA'nubhUtamAsIt / siddhArthasya gamanAt saJjAte duHkhe'pi tayA tasyA'ntimasya milanasya, gADhamAliGganasya, ratikrIDAyAM ca tena svopari prAptasya prabhutvasyA''nando'dyA'pi anubhUyate sma / kiJca, yadA tayaidamprAthamyena siddhArthagamanavArtA zrutA tadA sA yatra gavAkSe suvarNapaJjarastho gAyakaH pakSI samAsIt tatra gatvA suvarNapaJjaramudghATitavatI pakSiNaM ca bahiniSkAsya muktAkAze uDDAyitavatI / tatazcirAya sA taM pakSiNamadRzyIbhavantaM nirIkSitavatI / ___atha ca tasmAddinAt sA''gantukAnAM kRte svagRhadvArANi pihitavatI / kaizcid divasaiH sA'vagatavatI yat siddhArthasyA'ntimasamAgamena sA'patyaM prasaviSyatIti / 74 For Personal & Private Use Only Page #84 -------------------------------------------------------------------------- ________________ 4. nadyAstIre nagarAd dUraM gataH siddhArtho'TavyAmitastato paribhrAntavAn / svamanasi tena nirNItamAsIt - itaH paraM tasya tatra nivartanaM na bhaviSyatIti / yajjIvanaM tena varSANi yAvad nagare yApitaM yadAsvAdazca kevalaM nirveda eva vipariNata AsIt tadadhunA'tIte parAvRttamAsIt - bASpIbhUtamAsIt / gAyakaH pakSI mRta AsIt / yasya pakSiNo maraNaM tena svapne dRSTamAsIt sa tu taddhRdaya eva vasati sma / ___ saMsArasya kardame sa AkaNThaM nimagno jAta AsIt / sarvato jalazoSakasya cUSaka(sponge)syeva tena sarvato nirvedaH khedo maraNaM caiva samAkRSTAnyAsan / idAnIM sa sarvato'vasAdena, sarvato duHkhena sarvatazca mRtyunA''krAnta AsIt / jagati tAdRzaM kiJcidapi nA''sId yat kila tamAkRSet, sukhinaM kuryAt, AzvAsanaM vA dadyAt tasmai / , idAnIM sa utkaTatayA vismRti vAJchati sma, ciravizrAntimicchati sma, maraNaM cA'bhilaSati sma / yadi kathaJcit tanmastakopari vidyudApatet, vyAghro vA kutazcidAgatya taM bhakSayet, athavA kiJcana madyaM kiJcid vAM viSaM syAt yat tasmai vismaraNaM dadyAt, sarvathA smRtibhraMzaM kuryAt ciranidrAyAM vA dhArayet yato na kadApi jAgaraNaM syAt tAdRzaM kiJcit sa icchati sma / / ___ki tAdRzaM kiJcid dUSaNamAsIt khalu yena sa nA'nulipto jAtaH ?, tAdRzaM pApaM mUrkhatvaM vA''sIt yat tena nA''caritaM syAt, tadAtmani tAdRzaH kazcana kalaGka AsIt yatkRte sa svayamevottaradAyI na syAt ? / evaM sthite'pi kiM jIvitaM dhArayituM zakyamAsIt ? kiM punaH punaH zvasanamapi zakyamAsIt khalu ? asyAM paristhitau ucchvasanaM, niHzvasanaM, kSudanubhavanaM, tacchamanaM, zayanaM, strIsevanaM - kimetad duzcakraM punaH punarAvartayituM zakyamAsIt ? etat sarvamapi tatkRte kSINaM samAptaM vA''sIt / sarvathA hatAzaH siddhArtho gahane'raNye bhrAmyan tasyA eva dIrghAyA nadyAstIraM prApto yasyAmekadA yauvane gautamabuddhasakAzAnnirgataH sa nAvikenaikenottArita AsIt / sa tatrA''gatya sAzaGka iva sthitaH / avasAdena kSudhA ca sa sarvathA klAnta AsIt / ito'pyagre tena kimarthaM gantavyaM ? kutra vA ? kena vA prayojanena? naiva, tasya duHkhadasya svapnasya nirdhUnanAdanyat, tasyAH paryuSitAyA madirAyA vamanAdanyat, kaTukasya vyathApUrNasya jIvanasyotsarjanAccA'nyat tasya manasi na kimapi prayojanaM mahecchA vA''sIt / nadyAstaTe eko nAlikeravRkSa AsIt / tasya skandhaM hastenA'valambya sa tatraivopaviSTaH / tasya dRSTiH 75 For Personal & Private Use Only Page #85 -------------------------------------------------------------------------- ________________ purataH pravahamAne haritavarNe nadInIre AsIt / animeSanayanAbhyAM tad vilokamAnasya tasya manaH pUrNatayA kevalamekenaivA'bhilASeNa pUritamAsIt - nadyAM kUditvA jale nimajjanena svAtmano vilayasya ! / svAtmani anubhUyamAnA dAruNA zUnyatA kiledAnIM nadIjalasya zItalazUnyatAyAM pratibimbate sma tasya / Am ! adhunA sa paryavasAne Agatya sthita AsIt / tasya kRte idAnIM svAtmana evonmUlanam, akRtArthasaMracanasya svajIvanasya vinAzanaM, prakSepaNaM ca vinA'nyat kimapi nA'vaziSTamAsIt / tenA'nubhUtaM yad devA api tamupahasanti smA'dhuneti / ataH svAtmano vinAza eva tasya gatirastIti cintayati sma saH / kAmaM matsyA makarA anye jalacarAzca tasya zarIraM bhakSayantu nAma, siddhArthanAmakasya zunaH zarIraM, etasyonmattasya, bhraSTasya duSTasya ca zarIraM, etasya pramAdino'pavyayinazcA''tmanaH zarIram ! kAmaM ca rAkSasA taccharIraM khaNDakhaNDIkurvantu nAma !! tato vikRtena mukhabhAvena sa jale dRSTiM prAsArayat / tatra ca svamukhaM pratibimbitaM vilokya sa thUtkRtavAn / tato hastena gRhItaM vRkSAvalambanaM tyaktvA sa kiJcit parAvRttaH, yena kUditvA jale ApAdamastakaM patet, nadItalaM ca prApnuyAt / tataH kUdituM sa kiJcidavanataH, akSiNI nimIlitavAn - maraNamabhimukhamAsIt !! atha tAvatA, tasyA'ntaHkaraNasya gahanatamapradezAt, tasya zrAntajIvanasyA'tItaM bhittvA, sa kaJcana dhvaniM zrutavAn / kevalameka eva zabda AsIt, athavA kevalamekamevA'kSaramAsIt, yacca sa kimapyavicintyA'spaSTatayoccAritavAn / tadAsIt sarveSAmapi prAcInAnAM vedamantrANAmAdirantazca - om - iti, yasyA'rtha AsIt pUrNaH, pUrNatvaM vA / yasmin kSaNe om-iti dhvanistasya karNagocarIbhUtastasminneva kSaNe tasya prasupta AtmA jAgarita ivA'bhavat, sa ca sahasA svaceSTite nihitaM maukhyaM jJAtavAn / / etena so'tyantaM santrasto'bhavat / aho ! etadarthaM so'trA''gata AsIt ! sa tathA mUDho jAta AsIt, tAvAn vyAkulo'bhavat, tAvAMzca zUnyacitto jAto yathA mRtyumevA'bhikAGkSan sa ihA''gata AsIt khalu ! bAlizatApUrNaiSA''kAGkSA tasya citte tathA prabalA'bhavat yathA sa zarIraM nAzayitvA zAnti prAptumiSTavAn / kintu yadA 'om'kArastasya caitanyaM vyApnot, sa svIyaM kSudratvaM doSaM ca jJAtavAn tadA tanmanasi prakaTitaH sarvo'pi santApaH, sarvo'pi mohaH, sarvA'pi ca nirAzA niSprabhAvA abhavan / ___punarapi tena hRdaya eva oGkArasya nAdaH kRtaH phalataH paramabrahmaNaH zAzvatacaitanyasya ca bhAnaM tasyA'bhavat / yat sarvamapi divyaM sa vismRtavAnAsIt tat sarvamapi cedAnIM tasya smRtipathe punaravatIrNam / kintvetadapi bhAnaM kSaNikamevA''sIt / yato'tIva parizrAntaH siddhArtho nAlikeravRkSamavalambya tatraivopaviSTaH / tata oGkArameva japan sa vRkSamUle zIrSa sthApayitvA gADhanidrayA prasuptavAn / tasya nidrA gahanA svapnarahitA cA''sIt / dIrghakAlAdeva sa evaM naiva suptavAn kadAcit / yadA sa jAgRtastadA bahUni varSANi vyatItAnIva pratibhAtaM tasya / pravahato jalasya mRduninAdaM sa zrutavAn, kintu sa na smRtavAn yat kutra sa idAnImAsIt, nA'pi, kathaM so'trA''gataH - iti / sa yadA upari dRSTavAn tadA vRkSAn nIlavarNaM cA''kAzaM dRSTvA vismito'bhavat / tatazca tena smRtaM yat kutra so'sti kathaM 76 For Personal & Private Use Only Page #86 -------------------------------------------------------------------------- ________________ cA'trA''gataH iti / asmiMzca smaraNe tasya bhUyAn samayo vyatItaH / tasyA'tItaM jIvanamidAnImatyantaM dUravartIva ghanAvaraNAcchAditamiva sarvathA mahattvazUnyamiva cA'bhAsata / etAvadeva tasya jJAtaM yat tat pUrvatanaM jIvanaM (yasmin kSaNe sa jAgRto'bhavat tasmin kSaNe tasya pUrvatanaM jIvanaM vartamAnasvatvasya bahudUravati janma ivA'bhAsata) samAptamidAnIM, yat kevalaM nirvedapUrNaM nikRSTatamaM cA''sIt, yacca sa vinAzayitumeveSTavAn, kintu tadarthamiha nadyAstIre nAlikeravRkSasyA'dhastAt samAgataH so'kasmAt pavitraM mantrAkSaram 'om' iti uccArayanneva sarvamapi vismRtya gADhanidrAyAM suptavAn / jAgRtazca san punarjanma prApta iva jagadidaM navAgantuka iva vIkSitavAn / ___punarapi sa mRdutayA om - ityuccAritavAn / tasya pratibhAtaM yat samagre'pi nidrAkAle omjapastanmanasi varIvartita eva, oGkArasyaiva vicAraH, nAma-rUparahite divye oGkAra eva nimajjanaM vyApanaM cA'pi / kIdRzamadbhutaM svapanaM tad AsIt / kadA'pIdRzI nidrA tena kadA'pi nA'nubhUtA yayA etAvAnAhlAda etAvannavajIvanaM etAvaccA''pyAyanaM prAptaM syAt / kiM sa vastuto nadyAM nimajjya mRtyuM prAptaH, punazca navAvatAreNA'tropasthita AsId vA ? naiva, sa svaM pratyabhijJAtavAn, sa svIyaM hasta-pAdaM pratyabhijJAtavAn, sa tatsthalamapi pratyabhijJAtavAn yatra sa zayita AsIt tathA sa svahRdayasthaM siddhArthaM - svairiNaM vilakSaNaM siddhArthaM cA'pi pratyabhijJAtavAn / kintvayaM - prastutaH siddhArthastu kiJcidiva parAvRttaH punarnavIbhUtazcA''sIt / nUnaM so'dbhutatayA zayitavAn, tatazca vizeSato jAgRtaH prasanno vismayamugdhazcA''sIt / ___ yadA siddhArtha utthitastadaiva tasya dRSTiH purata upaviSTe kASAyavastradhAriNi muNDitazirasi sAdhau patitA, yaH kila vicAramagna AsIt / keza-zma,vAdirahitaM taM vIkSyA'cirameva sa pratyabhijJAtavAn yadayaM me bAlyakAlInaH suhRd govindo'sti yo hi mahAtmano buddhasya saGke bhikSutvaM svIkRtavAnAsIt / yadyapi so'pi vayasko jAta eva tathA'pi tasya vadane purA vilasanti lakSaNAni sAmpratamapi vilokyante smaiva, yathA - autsukyaM, niSThA, jijJAsA, vyagratA ca / kintu yadA govindastasya dRSTipAtamanubhUya svanetre unmIlitavAn taM ca dRSTavAn tadA siddhArthenA'vagataM yad govindastaM naiva pratyabhijJAtavAn - iti / govindastu taM jAgRtaM dRSTvA prasanno'bhavat / yadyapi sa taM naivA'bhijJAtavAn tathA'pi etattu spaSTamAsIt yat sa tasya jAgaraNameva pratIkSamANazcirAdupaviSTa AsIt / 'ahaM nidrAyamANa Asam / kintu bhavAnatra kathamAgataH ?' - siddhArtho'prAkSIt / govinda uttaritavAn - 'bhavAn nidrAlIna AsIt / kintvaraNye'smin zvApadasarpAdyAkule evaM nidrAtuM naivocitam / ahaM hi mahAtmanaH zAkyamune!tamabuddhasya ziSyANAmanyatamo'smi saGghana ca saha yAtrArthaM prasthito'smi / yadA'haM bhavantaM bhayAkule'tra sthale zayAnaM vIkSitavAn tadA bhavantaM jAgarayitumiSTavAn / kintu bhavAn gADhanidrAmagna AsIt, ato'haM sahayAtriNo vihAyA'traivA'vasthito bhavatpAve ca rakSArthamupaviSTaH / 77 For Personal & Private Use Only Page #87 -------------------------------------------------------------------------- ________________ kintu yo'haM bhavadrakSArthamatra sthita Asam, so'hameva nidrAvazago'bhavam / tatazca bhavatyavadhAnaM dAtuM na zakto'bhavam / tathA'pi, adhunA tu bhavAn jAgRto'sti, ato mayA gantavyaM mama shyaatrinnshcaa''saadniiyaaH'| ___ 'zramaNa ! mama nidrAkAle mAM rakSituM yad bhavAnupaviSTastadarthamahaM bhavata upakAraM manye / mahAtmano buddhasyA'nuyAyino hi sa iva karuNApUrNahRdayA eva bhavanti / kintvadhunA bhavAn svayAtrAmanuvartitumarhati' - siddhArtho mRdutayoktavAn / / 'ahaM gacchAmi kila / bhavAn svaM nibhAlayatu' / 'upakRto'smi bhoH zramaNa !' / kiJcidavanamya govindo'vadat - 'punarmilanAya' - iti / tadA siddhArtho'pi - 'punarmilanAya govinda !' - ityavadat / etacchrutvA govindaH stabdho'bhavat / 'kSamyatAM bhoH !, kintu bhavAn mama nAma kathaM jAnAti ?' 'siddhArtho hasitvA kathitavAn - 'bhoH govinda ! ahaM bhavantaM bhavataH pitRgRhAt, brAhmaNavidyAlayAt, yajJebhyaH, zramaNAnAmantike dIkSA grahaNakAlAt tathA jetavanavihAre mahAtmabuddhapArve bhavato bhikSukatvAGgIkArakAlAjjAnAmi' / 'aho ! bhavAn siddhArtho'sti khalu !' - govinda uccairArATIt / 'idAnImahaM bhavantaM pratyabhijJAtavAn / etattu nA'vagacchAmi yat kimarthaM mayA bhavAn jhaTityeva nA'bhijJAtaH / namaste siddhArtha ! punarapi bhavantaM dRSTvA bhRzaM pramudito'smyahaM kila' / 'ahamapi bhavantaM bahoH kAlAd dRSTvA nitarAM hRSTo'smi / api ca, bhavatA'haM nidrAyamANo nirIkSito'smi / etadarthaM punarapi kRtajJo'smi / yadyapi me rakSaNasyA''vazyakatA nA''sIt / bhavatu / paraM mitra ! bhavAn kutra prasthito'sti ?' | 'aho ! ahaM kutrA'pi na prasthitaH / vayaM sAdhavaH sarvadA yAtrAratA eva vartAmahe / kevalaM prAvRSi ekatra tiSThAmaH / anyatra kAle tu sthAnAt sthAnaM paribhramaNaM kurmaH, saGghazAsanAnusAraM jIvAmaH, janAnupadizAmaH, bhikSayA vRttiM kurmaH punarapi ca yAtrAmanuvartAmahe / evaM ca sarvadA varIvati / kintu siddhArtha ! bhavAn kutra prasthito'sti ?' / siddhArtho'cakathat - 'mamA'pi vRttaM bhavatA tulyameva mitra ! / ahamapi na kutrA'pi prasthitaH / ahamapi yAtrArataH san paribhramaNe udyato'smi' / govindenoktam - 'evaM vA ? bhavatu, yadi bhavAn kathayati yadahaM yAtrArato'smIti - tadahaM vizvasimi / kintu kSamyatAM siddhArtha ! bhavAn yAtriko na dRzyate / yato bhavatA dhanikavanmahA_Ni vastrANi 78 For Personal & Private Use Only Page #88 -------------------------------------------------------------------------- ________________ parihitAni, bhavata upAnahI zreSThau staH, kezAzca bhavataH sugandhinaH parikarmitAzca santo na kasyacicchramaNasya yAtriNo vA pratibhAnti' / 'bhavatA sUkSma nirIkSaNaM kRtaM mitra !, bhavato dRSTipathe sarvamapi samAgatam / kintu, ahaM zramaNo'smItyetat tu naiva kathitaM mayA khalu ! / mayoktaM yadahaM yAtriko'smIti, etacca sarvathA tathyam' / 'bhavatu, bhavAn yAtriko'stIti manye'ham / kintu, alpA eva kecanaitAdRzairvastrairIdRzairupAnahairIdRkSaizca kezairyAtrAM kurvanti nanu ! / yo'haM varSebhyo dezeSu paribhramaNaM karomi tenA'pi na kadAcidIdRzo yAtriko dRssttcrH'| 'ahaM bhavaduktamaGgIkaromi govinda !, parantu, adya hi bhavataitAdRzo yAtrikastathaitAdRzavastropAnahAdidhArako'pi dRSTo'sti / api ca, smaratu bhavAn priyamitra ! dRzyamAnamidaM jagaddhi sarvathA kSaNabhaGguramasti, asmAkaM vastra-kezAdInAM rItayo'pi kSaNikAH, kiJcA'smAkaM kezAH zarIramapi ca kSaNavinazvarANi / bhavato nirIkSaNaM sarvathA'vitatham / mayA dhAritAni vastrANi dhanikajanasyaiva, tathA'hamapi tAni dhArayAmi yato'hamapi dhanika Asam / tathA mama kezopAnaho'pi dhanikAnAmiva AdhunikazailIkAH santi yato'hamapi jAgatikajanAnAM dhanikAnAM cA'nyatama Asam' / 'tarhi, adhunA ko vA. bhavAn asti ?' 'ahaM naiva jAnAmi, athavA bhavAnivA'hamapyatyalpaM jAnAmi / ahaM yAtrApathe pravRtto'smi / satyamahaM dhanika Asam, kintvadhunA naivA'smi, tathA zvaH kiM bhaviSyAmItyapi na jAnAmi' / 'kiM bhavatA svavaibhavaM hAritaM vA ?' 'mayA tad hAritamuta tenA'haM hAritaH - iti tu naiva jAnAmi / AbhAsAnAM cakraM tvaritaM bhrAmyati, govinda ! / adya brAhmaNaH siddhArthaH kutrA'sti, zramaNaH siddhArthaH kutrA'sti, aizvaryavAn siddhArthazca kutrA'sti ? kSaNikA bhAvAH satataM satvaraM ca parAvartamAnA bhavanti / etattu govinda ! bhavAn jAnAtyeva khalu !' / - etannizamya govindazcirAya sAzaGkha svayauvanakAlInaM mitraM nirIkSitavAn / tata uccapadasthitaM yathA kazcana namati tathA sa siddhArthaM praNamya svapathe pravRtto'bhavat / sasmitaM siddhArthastaM gacchantaM nirIkSitavAn / so'dyA'pi taM, vizrabdhamutsukaM ca svamitraM prINAti sma / tathA'smin prazasye kSaNe, tAdRzAdbhutanidrAnantaraM, sarvathauGkAreNA''plAvitaH sa sarvaM sarvAMzcA'prINan kathaM sthAtuM zaknuyAt ? eSa camatkArazca tasyA adbhutanidrAyA madhye, oGkArasya ca prabhAveNa saJjAto yatkAraNAt sa sarvamapi prINAti sma / yadapi tasya dRSTipathe samAyAti tat sarvaM prati tasya sneho'kAraNamevollasatIti so'nubhavati sma / tenaitadapi lakSitaM yat pUrvaM sa kaJcidapi kiJcidapi ca naiva prINAti smetyetadarthameva so'svastho bhavati smeti / For Personal & Private Use Only Page #89 -------------------------------------------------------------------------- ________________ sasmitaM siddhArtho gacchantaM bhikhaM vilokitavAn / yadyapi gADhanidrAvazAt sa praphullito jAta AsIt tathA'pi dvinadvayAd bubhukSitvAt mahatI kSut taM bAdhate sma, kSunnirodhasya tasya sAmarthya tu bhUtakAlaviSayIbhUtamAsIt. / yadyapi tasyaitad vicArya duHkhamabhavat tathA'pi sahAsaM sa taM dinaM smRtavAn yadA sa kamalAyAH purataH svAtmazlAghAM kurvan svasya trINi sAmarthyAni vikatthitavAnAsIt - trINyapi tAni viziSTAni durAsadAni ca naipuNyAnyAsan - upavAsaH, pratIkSA, vicArazca / etAni trINyapi tasya vittamAsIt, tasya balaM sattvaM dRDhazcA''dhAro'pi / svIye parizramapUrNe vyavasAyatatpare ca tAruNye sa etAnyeva trINi naipuNyAni samabhyastavAnAsIt / kintvadhunA sa tAni sarvANyapi vinAzitavAnAsIt / trayANAmekatamadapi tasya svAmye nA''sIt - nopoSaNaM, na dhairya, nA'pi ca vicAraNam / so'nyeSAM kSaNikAnAM tucchAnAM cendriyasukha-vaibhavazAlijIvana-dhanArjanAdivastUnAM kRte trayANAmapyeteSAM vinimayaM kRtavAnAsIt / kasmiMzcidasaGgatena mArgeNa sa prasthitavAn, sAmprataM ca, pratibhAti yat sa khalu kazcana prAkRtajanaH saMvRtto'sti / sa svIyAM paristhiti vimarzitumiSTavAn / kintu vicAraNaM tasyA'tyantaM kaThinaM pratibhAti sma / tasya mano vicAraNe naiva yujyate sma, tathA'pi sa balAt svaM vicAraNe preritavAn / ___ sa cintitavAn - adyaitAni sarvANyapi kSaNikAni vastUni me hastacyutAnyabhavan / yathA bAlyakAle tathA'dyA'pyahamekala eva sUryasya vizAlasya ca nabhaso'dhastAt sthito'smi / kiJcidapi madIyaM nAsti, ahaM kiJcidapi naiva jAnAmi, kutrA'pi mama svAmyaM nAsti, kiJcidapi ca khalu naiva zikSitaM mayA / nanu kiyad vicitrametat - idAnIM, yadA'haM vArdhakyapathe saJcarito'smi, mama kezAH zIghraM palitA jAyamAnAH santi, sAmarthyaM ca kSIyamANamasti, tadA punarapyahaM bAlakavadArambhaM kurvannasmi / sa punarapi smitaM kRtavAn / Am, tasya niyatirhi vicitrA''sIt / sa pratIpaM gacchannAsIt / sa punarapi rikta iva, vivasana iva, bodharahita iva jagati sthita AsIt / kintvetadarthaM tasya zoko nA''sIt, pratyuta tanmanasyuccairhasitumicchA jAtA svaM pratyeva hasituM tathA mUrkhasyaitajjagataH prati hasitumicchA jaataa| 'bhoH ! sarvANyapi vastUni tava kRte nimnameva gacchanti santi' - sa svagatamevoktavAn hasitavAMzca / uktamAtra eva tasya dRSTirnadyAH pravAhe patitA, tena vilokitaM ca yannadyapi sollAsaM gAyantI sAtatyena nimnameva pravahamAnA''sIt / dRzyametat tamatimAtreNA'toSayat / sa sAnandaM nadI prati smitavAn / kimeSaiva na sA nadyAsIt yasyAM sa ekadA nimajjitumiSTavAn - varSazatebhyaH pUrvam ? - athavA tat tena svapne dRSTamAsIt khalu ? ___'kIdRzaM vicitraM jIvanaM mama jAtaM khalu ?' - so'cintayat / 'ahaM hyajJAteSu pathiSu saJcaritavAn kila ! ! bAlye'haM devatAkAryeSu yAgAdiSu ca nirata Asam / tAruNye vairAgyaM dhArayannahaM cintane dhyAne ca niSTho'bhavam / tato'haM brahmaNo'nveSaNe udyuktavAn, zAzvataM ca svAtmAnamevopAsitavAn / yauvane hyAtmavizuddhyarthaM prayatitavAnaham / araNye nivasannahaM zIta-tApau visoDhavAn, upoSaNamabhyastavAn, svIyaM dehaM ca jetuM 80 For Personal & Private Use Only Page #90 -------------------------------------------------------------------------- ________________ zikSitavAn / tato mahAtmano buddhasyopadezamapi mahatA vismayenA''tmasAt kRtavAnaham / vizvaikyaM vizvajJAnaM ca mayi raktamiva pravahamAnamanubhUyate sma. / kintu tathA'pi mayi buddhaM tasya bhavyaM jJAnaM ca tyaktumadamyA spRhA samutpannA / ahaM tato nirgatavAn kamalAyAH sakAzAcca kAmasukhaM kathaM prAptavyamiti zikSitavAn, vANijyaM ca kAmasvAminaH sakAzAt / ahaM dhanasya saGgrahamapi kRtavAn apavyayaM cA'pi / ahaM zreSThaM bhojanamAsvAdituM zikSitavAn, indriyANi ca viSayAsvAdairuttejitavAn / etat sarvaM varSANi yAvat kRtavAnahaM mama prajJAM nAzitavAn, vizvaikyaM vismRtavAn, cintanazaktiM coccheditavAn / kimetanna satyaM yadahaM zanaiH zanairbahUMzca bhraMzAnanubhUya prauDhapuruSAt punarapi bAlakatayA parAvartitaH khalu ? cintakAt prAkRto jano'bhavam / tathA, evaM sthite'pi cintayAmi yadayaM mArgaH prazasta eva, mama hRdaye sthitaH pakSI khalvadyA'pi na mRtaH / kintu kIdRzo'yaM mArgo, yatra mayA bahUni mAni, bahUni pApAcaraNAni, bahUni skhalanAni samAcaritAni prabhUto nirvedaH, bhUyAMzca bhramaH zokazcA'nubhUtaH / kevalaM punarapi bAlyaprAptyai punarArambhAya ca / kintu, etat samucitameva jAtam / me'kSiNI hasato hRdayaM ca svIkurute / etat prati mayA nirAzA'nubhavitavyA''sIdeva, gahane vicAragarne nimajjanIyamAsIdeva, svAtmaghAto'pi ca vicAraNIya AsIdeva - kimartham ? punaH saundaryaM prAptuM, punaH oGkAraM zrotuM, gADhatayA zayituM, yAthArthyena ca punarjAgartum / mayyeva mamA''tmAnaM prAptuM mayA mauryamAcaraNIyamevA''sIt / punarjIvanaM prAptuM mayA pApAcaraNaM kartavyamevA''sIt / cintayAmi - agre kutrA'yaM mArgo mAM neSyati ? yato'yaM panthA api manye mUrkha eva / manye sa bhramyAkAreNa vrajati athavA vRttAkAreNa gacchati / bhavatu yathAkathamapi sa vrajatu nAma, ahaM tamanusariSyAmyeva / ___ api ca, tasyA'ntaHkaraNe AnandasyotsA eva samucchalanti smeti satatamanubhUtavAn saH / sa svameva pRSTavAn - 'kuta ete samAgacchanti khalu ? kimarthamahamAnandaughamanubhavannasmi / kimahaM gADhatayA zayitavAnityetadarthamahaM tamanubhavAmi vA ? athavA oGkAraprabhAvAdeSa udgato'sti vA kim ? kimathavA'haM tasmAdasamaJjasAt palAyito'smi palAyanaM ca mama siddhaM jAtamityetadarthaM vA, tatazcA'haM vimukto'bhavaM bAlakavaccA'nantAkAzasyA'dhastAt sahajatayA sthito'smi - tadarthaM vA ? aho ! mama palAyanaM kIdRk zubhaM samasti, vimuktizcA'pi / yasmAt sthAnAccA'haM palAyitastatra tu sarvadA tIvratamavilAsasyonmAdasya pramAdasya ca vAtAvaraNamAsIt / ahaM hyunmatavat tatra madyapAnaM dyUtakrIDanaM ca kurvannapi kathaM dhanikAnAM tAdRzAM jIvanaM tiraskurvannAsam / kathaM cA'haM tatra dAruNe jagati iyaccirAyA'vasthitatyarthaM svameva dhikkRtavAn ? kathaM vA'haM svameva pratighnan, viSAktaM kurvan, saMpIDayaMzca svayameva vRddhaH kurUpazcA'bhavam ? itaH paramahaM 'siddhArthazcaturo'stI'ti na kadA'pi kalpayiSye maMsye vA / athA'pi kevalamekameva vastu me rocate, mayA tat suSThaveva kRtamiti, etaccA'haM sarvathA prazaMsAmi - yanmayA nijasya ghRNAmayasya mauryapUrNasya sarvathA riktasya ca jIvanasyA'ntaH kRtaH / bhoH siddhArtha ! bhavatA bahUnAM varSANAM mauryasyA'nantaraM punarapi ekavAraM kiJcicchubhaM cintitaM, kiJcit sAdhitaM, svahRdayasthitasya pakSaNio gAnaM zrutaM samanusRtaM ca !' / evaM cintayitvA sa svameva prazaMsitavAn, svAtmanaiva santuSTo jAtaH, utsukatayA ca kSutkSAmatvena 81 For Personal & Private Use Only Page #91 -------------------------------------------------------------------------- ________________ nadantaM svamudaraM zrutavAn / nirAzAM mRtyuM ca prati yo nayet tAdRzaM zokasya duHkhasya cAM'zaM sa paryAptatayA''svAditavAnAsIt / tathA'pi sarvaM zobhanamevA''sIt / yadi kilaitannA'bhaviSyat, sarvathA hatAzAyA, viSAdasya, cintAkulatAyAzca caramakSaNe yadi sa svAtmaghAtArthaM jale patituM kRtasaGkalpo nA'bhaviSyat tadA sa kAmasvAminA sahaiva cirAyA'vatsyat, dhanArjanaM dhanApavyayaM cA'kariSyat, AtmAnamupekSya zarIraM caivA'poSayiSyat, tathA cirAya tasmin mRduzayyAtulye narake nyavatsyat / tasyA'ntaHkaraNasthitaH pakSI, U/bhavaMzca spaSTo'ntarnAdo'dyA'pi tasmin sajIvana AsIt / etasmAt kAraNAdeva sa prasanna AsIt, hasannAsIt, palite ca zirasi satyapi tanmukhaM projjavalamabhAsata / ___punaH sa cintitavAn - 'janena hi svajIvane sarvamapi samyaganubhavitavyam / bAlye mayA'dhItaM yajjAgatikAni sukha-samRddhyAdIni sarvathA'prazastAnIti / etajjJAnaM cirAya mayyAsIt kintu tasyA'nubhavo hi mayA'dhunA kRtaH / idAnImahaM kevalaM buddhyA tanna jAnAmi kintu nayanAbhyAM, hRdayena, kukSiNA cA'pi tajjAnAmyanubhavAmi ca / etajjJAnaM hyavazyaM prazasyameva' / / evaM ca sa svasmin jAtasya parivartanasya viSaye cirAya cintitavAn nijAntaHsthitaM ca pakSiNamAnandena gAyantaM shrutvaan| kimayamantaHsthitaH pakSI mRta iti tena nA'nubhUtamAsIt ? naiva, kiJcidanyadeva tasyA'ntaHsthitaM mRtamAsIt, yasya nAzastena cirAdAkAGkita AsIt / kiM tat tadeva nA''sId yaM nAzayituM tena saMnyastasyotsAhapUrNeSu varSeSvekadA''kAGkSitam ? kiM tat tasya svatvaM nA''sIt - laghu bhItabhItaM cA'pi gaviSThaM svatvaM - yena saha sa varSANi yAvat dvandvayuddhaM kRtavAnAsIt, kintu yat taM paunaHpunyena parAbhUtavat, yat tasya purataH paunaHpunyenA''virbhUtavat, yacca tasya sukhaM moSitvA taM bhayena pUritavat ? kiM tadetadeva nA''sIt yadantato gatvA'dya vane'syA manoramAyA nadyA upakaNThaM vipannam ? kimetat tasya bAlyaM, vizrambha-sukhapUrNatvaM bhayarahitatvaM ca tadvinAzenaiva nA'vartata kila ? siddhArtho'dhunaitadapi spaSTatayA jJAtavAn yad yadA sa brAhmaNaH zramaNazcA''sIt tadA tasyA'nena svatvena saGgharSaH kimarthaM viphalo bhavati smeti / jJAnAdhikyena, pavitramantroccAraNAdhikyena, yAgAdikarmAdhikyena, tapazcaryAdhikyena, evaM ca sarvatrA'tikaraNenA'tipravRttyA ca sa baddhaH pratiruddhazca jAta AsIt / sa hi sarvadA, caturatamaH sarvadA'nyebhyaH padamekaM vA'pyagre tiSThan, sarvathA sotsAhaH, sarvadA jJAnI prajJAvAMzca, sarvadA ca yAjakaH paNDitazca bhavanatyantaM dadhmiAto jAta AsIt / tasya svatvaM tasya yAjakatve, darpa, jJAnotkarSe copasapitamAsIt / tatazca tapasA duHkhasahanena ca tasya vinAzaM cintayati siddharthe tad gADhatayA sthitaM vRddhiM ca gatamidAnIM tenA'vabuddham, idamapi ca, yanna ko'pi gurustaM nirvANaM prApayituM muktaM vA kartuM samarthaH iti kathayannantaH sthito dhvaniH sarvathA'vitatho'stIti / etadarthameva - tasya hRdaye haThAt praviSTo yAjakaH zramaNazca mriyeta - ityetadarthameva tasya saMsAre gamanaM, tatrApi, caizvarye striyAM dhane ca svavilopanaM, vANijyakaraNaM, dyUtakhelanaM, madyapAnaM, parigrahakaraNaM ca samabhavat / tathaitadarthameva hi ca tenaitAvanti duHkhajanakAni varSANi yApitAni, nirvedaH soDhaH, zUnyasya bhaGgarasya ca 82 For Personal & Private Use Only Page #92 -------------------------------------------------------------------------- ________________ jIvanasya mauryapUrNatAyAH pATho'vasAnaM yAvat, kaTukanairAzyAvAptiM yAvacca tena zikSito yena sukhagaveSakaH parigrahI ca siddhArtho nAzaM prApnuyAt, mRto bhavet / idAnIM sa mRta AsIt tatsthAne ca gADhanidrAto jAgRto'nya eva siddhArthaM udbhUta AsIt / so'pi vRddho bhUtvA mariSyati / yataH siddhArtho nazvara AsIt, sarvANyapi svarUpANi nazvarANi Asan / evaM satyapi adya sa tAruNye'thavA bAlye vartamAno nUtanaH siddhArtha AsIt, sarvathA ca santuSTaH / etAdRzA vicArAstasya mastiSke vyAptA Asan / tataH smayamAna sa svodaradhvani zrutavAn, sakArtazyaM ca madhumakSikANAM guJjanaM zrutavAn / tataH sasantoSaM sa pravahantI nadI vilokitavAn / na kayA'pi nadyA sa tathA''kRSTo'bhavat yathA'nayA / tathA na kadA'pi pravahato nIrasya kalakalanAdaH svarUpaM ca tasyaitAdRzaM manojJamabhAsata / nadI hi tasya viziSTaM kiJcit kathayantIva pratibhAtA, tAdRzaM kiJcit yat sa naiva jAnAti, yacca tamadyA'pi pratIkSate / siddhArtho hi nadyAmasyAM nimajjya martumaicchat / atha ca sa vRddhaH zrAnto hatAzazca siddhArtho'dyA'syAM nadyA patitvA nimagna AsIt / nUtanaH siddhArthastu pravahamAnamenaM nIraM prati gADhAnurAgaM samanvabhavat niracinocca yaditaH sthAnAnnA'cireNa gantavyamiti / 83 For Personal & Private Use Only Page #93 -------------------------------------------------------------------------- ________________ 5. nAvikaH 'ahamatraiva, nadyAstIra eva vatsyAmi', siddhArthazcintitavAn / 'saivaiSA nadI yAmahaM nagaragamanakAle'tikrAntavAn / ekaH sauhArdapUrNo nAviko mAmasyAH pAraM prApitavAn / ahaM tatsamIpa eva gamiSyAmi / ekadA hi tasya kuTIrAnnavaM jIvanaM prati mama panthAH prArabdha AsIt / tacca jIvanamidAnIM jIrNaM vinaSTaM cA'sti / atha ca bhavatu nAma me idAnIMtanaH panthAH, nUtanaM ca jIvanaM tatkuTIrAdeva punaH prArabhyatAm !' / sa prasannatayA jalapravAhaM, tasya svacchaM haritavarNaM, tathA'dbhutasaMracanApUrNAstasya sphaTikaprabhA rekhA nirIkSitavAn / jalatalAdutthitA projjvalamauktikA iva jalabudabudA darpaNavatsvaccha jale taranta Asan nIlavarNamanantAkAzaM ca teSu pratibimbyate sma / nadI kila taM prati locanasahauH - harita-zukla-nIlavarNevilokayantIvA'bhAsata / sa nadyAM kiyat snihyati sma ! nadyapi taM kiyadAkRSati sma ! nadyai sa kiyat kArtazyaM vahati sma ! tasyA'ntaHkaraNAnnUtanatayotthito dhvanistaM prerayannAsIt - 'nadyAmetasyAM snihyatu, etasyAstaTe eva vasatu, nadIsakAzAcca zikSatAm' / 'Am' - tenoktam / sa nadyAH sakAzAcchikSitumicchati sma, sa tAM zrotumicchati sma / yaH ko'pi nadImenAM tadrahasyAni cA'vabudhyati sa bahvavaboTuM zaknoti; bahUni rahasyAni, nanu sarvANyapi rahasyAni tasya kRte samudghATitAni bhavantIti tasya pratibhAtam / paramadya tu sa nadyA kevalamekatamad rahasyaM vIkSitavAn, tad rahasyaM yena tasyA''tmA dRDhatayA dhAritaH / tena nirIkSitaM yannadIjalaM sAtatyena pravahamAnamapi pratikSaNaM vivakSitapradeze upasthitamapyAsIt / taddhi sarvadA samAnameva bhavadapi pratikSaNaM nUtanamevA'bhavat / ko vaitadavabudhyetA'vadhArayed vA? sa svayamapi tannaivA'vabuddhavAn, kevalamavyakto vikalpo'spaSTA smRtidivyAzca dhvanayastanmano vyApnuvanti sma / siddhArtho'bhyutthitavAn / kSutpIDedAnImasahyA jAyamAnA''sIt / yathAkathamapi tAM sahamAnaH sa nadItaTe bhramannAsIt, jalataraGgANAM kalakaladhvani zRNvan, svazarIre jAyamAnaM tIvrakSudvedanAdhvaniM ca zRNvan / ___ yadA sa ghaTTa prAptastadA taraNanaukA tatraivA''sIt, tathA nAviko, yenaikadA taruNaH zramaNaH pAraM prApitaH, so'pi naukAyAmupaviSTa AsIt / siddhArthastaM pratyabhijJAtavAn / so'pi ca vayasko jAta AsIt / 'kiM bhavAn mAM nadIpAraM prAyayiSyati ?' siddhArthaH pRSTavAn / kaJcana viziSTavyaktitvazAlinaM janamekAkinaM pAdacAriNaM ca dRSTvA vismito nAvikastaM nAvi 84 For Personal & Private Use Only Page #94 -------------------------------------------------------------------------- ________________ upavezya prasthitaH / bhavatA zreSThaM jIvanaM citamasti khalu !' - siddhArtha uktavAn, 'nadyAH samIpe'vasthAnaM pratyahaM ca tasyAM naucAlanaM hyavazyaM zobhanaM pramodapradaM ca syAnnanu !' / mRdutayA nAvaM prerayan nAvika ISat smitavAn kathitavAMzca - 'bhavatkathanAnusArametattvavazyaM zobhanamasti mahodaya ! / kintu, sarvaM jIvanaM sarvamapi ca kAryaM zobhanameva nAsti khalu ?' / 'syAdeva bhoH !, parantu mama bhavato bhavadIyakAryasya ceA bhavati' / 'aho ! evaM vA / paraM sadya eveto bhavato ruciH kSINA bhaviSyati / yata etajjIvanaM kAryaM caitannAsti mahAghavastradhAriNAM janAnAM kRte' / siddhArtha uccairhasitavAn / 'prAgevA'dyA'haM vastrANyadhikRtya pramANito'smi tatazca sandehAspadaM jAto'smi / kiM bhavAn me vastrANi svIkariSyati ? yatastAnyadhunA matkRte klezasyaiva hetubhUtAni santi / yatazca mayA vaktavyameva bhavato, yannadIpAraprApakAya bhavate dAnArthaM matpArve na kiJcidapi dhanamasti' / 'Arya upahAsaM kurvannasti' iti vadan nAviko hasitavAn / _ 'mitra ! nA'hamupahasAmi / bhavAn hi pUrvamapyekadA mAmetasyA nadyAstIrAntaraM prApitavAn, niHzulkam / ataH kRpayA'dyA'pi tathaiva prApayatu, athavA tacchulkarUpeNa mama vastrANi gRhNAtu' / 'tataH kimAryo vastrairvinaiva prasthAnamanuvartayiSyate vA ?' - 'mama tato'pyane gantumicchaiva nA'sti / ahamicchAmi yad - bhavAn me kAnicana jIrNavastrANi dadyAd mAM cA'tra bhavataH sahAyakatvena ziSyatvena vA sthAtumanumanyeta, yato'haM naucAlanaM zikSitumicchAmi' / nAvika AgantukamenaM sUkSmatayA suciraM nirIkSitavAn / 'ahaM bhavantaM pratyabhijAnAmi' - ante so'kathayat / 'bhavAnekadA mama kuTIre zayitavAn khalu ! / kintu taddhi bahukAlapUrvameva ghaTitam / prAyo viMzativarSANi tato'pi vA'dhiko kAlo vyatItaH syAt tasya / ahaM bhavantaM nadyAstIrAntaraM prApitavAn, tatazcA''vAM suhRdau bhUtvA viyuktAvabhavatAm / kiM bhavAn kazcana zramaNastu nA''sIt khalu ? ahaM bhavadabhidhAnaM naiva smarAmi' / 'mama nAma siddhArtha ityasti / purA yadA bhavAn mAM dRSTavAn tadA'haM zramaNa Asam' / ___ 'bhavataH svAgatamasti siddhArtha ! / mamA'bhidhAnaM vAsudeva ityasti / adya bhavAn me'tithIbhUya matkuTIre nivatsyasi zayiSyate cetyAzAse'ham / bhavAn kuta Agato'sti kimarthaM ca mahAghavastrANAM nirviNNo'sti - iti bhavAn mAM kathayiSyatItyapyAzAse' / _etAvatA ca naurnadImadhyaM prAptA''sIt / idAnIM vAsudevo jalapravAhasya kSipratvAt naudaNDamapi vegena cAlayannAsIt / sa nAvaH paryantabhAgaM pazyan dRDhatayA'pyavyAkulatayA nAvaM cAlitavAn / 85 For Personal & Private Use Only Page #95 -------------------------------------------------------------------------- ________________ naukAyAmupaviSTaH siddhArthastaM nAvaM cAlayantaM vilokitavAn smRtavAMzca yat - kathaM sa ekadA, zrAmaNyasyA'ntimadineSu puruSamenaM prati pragADhamAkarSaNamanubhUtavAnAsIditi / sa vAsudevasyA''mantraNaM saharSa svIkRtavAn / yadA tau nadItaTaM prAptau tadA sa naukAM surakSitatayA sthApayituM vAsudevasya sAhAyyaM kRtavAn / tato vAsudevastaM svakuTIre'nayat, tasmai cA''hAraM jalaM cA'dAt / siddhArthastamAhAraM jalaM ca vAsudevapradattAmraphalena saha sasantoSamazitavAn / tataH, sUryAstamanavelAyAM tau dvAvapi nadItIrasthitasya vRkSaskandhasyopari niSaNNAvAstAM, tadA ca siddhArtho vAsudevAya mUlAdArabhya svajIvanasya sarvamapi vRttaM kathitavAn tathA'dyA'pi pravRttasya viSAdamayamuhUrtasyA'nantaraM sa kathaM taM prAptavAnityAdi sarvaM kathitavAn / nizIthaM yAvat tayorgoSThI prvRttaa| __ vAsudevo'pi ca sthiratayA sarvathaikAgratayA ca sarvamapi tatkathanaM zrutavAn / tasya janma zaizavamadhyayanaM sAdhanAM viSayasukhAnyapekSAzcA'dhikRtya sarvamapi tadvRttaM sa zrutavAn / vAsudevasyA'yaM zreSTho guNa AsId yo viralajaneSveva dRzyate - saH zrotuM jAnAti sma / ekamapi zabdamanuccArayannapi sa tathA zRNoti sma yathA kathayituH pratItirbhavati sma yat sa pratyeka zabdaM karNAbhyAM gRhItvA hRdaye dhArayannasti, zAntyA dhairyeNa zravaNotsukatayaikamapi ca zabdamajahad - iti / zravaNe sa sarvathA'dhRtiM tyajati sma, na kutrA'pi prazaMsAM nindAM vA karoti sma, kevalaM zRNoti smaiva / 'svajIvane svIyaprayatneSu svakIyaduHkheSu ca sahabhAgitAM vahannIdRzaH zrotA prApto mayA - ityetat kiyadadbhutaM saJjAta'miti siddhArthazcintitavAn / kathanAnte, yadA siddhArtho nadItaTasthitasya vRkSasya, sarvathA viSaNNasya svasya, pavitrasyauGkArasya, ca viSaye, tathA gADhanidrAnantaraM tenA'nubhUtasya nadI prati premNo viSaye kathitavAn tadA tu vAsudeva ito'pyadhikaM sAvadhAnIbhUya netre ca nimIlya pUrNatayaikAgro bhUtvA taM zrutavAn / siddhArthena svavRttakathane samarthite dIrghAntarAlaM maunena vyatIya vAsudevastamuktavAn - 'tathaiva jAtaM yathA mayA cintitam / nadI bhavatA saha saMvAdaM kRtavatI, sA bhavati sauhArdamapi prakaTitavatI, sA bhavatA saha bhASate / etacca sarvathA zobhanamasti / bhavAn mayA sahaiva vasatu, mitra ! / purA mamA'pi patnI AsId yA mayA sahaivA'tra kuTIre nivasati sma / kintu bahoH kAlAt pUrvameva sA mRtA / tatprabhRtyahamekala eva jIvAmi / idAnIM bhavAn yadAgatastacchubhameva / atra kuTIre bhavAn mayA sahaiva nivasatu / ubhayorapyAvayoH kRte'tra paryApta sthAnamannaM cA'sti' / __ 'bhRzamupakRto'smi' - siddhArtha uktavAn / 'upakRto'smyahaM bhavadAmantraNaM ca svIkaromi / tathA vAsudeva ! yad bhavatA sthairyeNaikAgrayeNa ca mama kathanaM zrutaM tadarthamapyupakRto'sti / atra jagati viralA eva janA zrotuM jAnanti / mayA cA'dyayAvadapi bhavAdRzaH zrotA na labdhaH / bhavataH sakAzAdahamapi zravaNakalAmenAM shikssissye'| vAsudevenoktam - 'avazyaM bhavAn zikSiSyate, paraM na matsakAzAt / nadyeSA mAM zikSitavatyasti zrotum / bhavAnapi tata eva zikSiSyate / nadI hi sarvamapi jAnAti, tathA yaH ko'pi tataH sarvamapi zikSituM For Personal & Private Use Only Page #96 -------------------------------------------------------------------------- ________________ zaknoti / bhavatA'pi tasyAH sakAzAt sayatnaM nimajjanamagAdhe cA'vagAhanaM zikSitameva khalu ! / tathA, dhanikaH pratiSThitazca siddhArtho naukAcAlako bhaviSyati, vidvAn brAhmaNaH siddhArtho nAviko bhaviSyati - ityetadapi bhavAn nadIsakAzAdeva zikSitavAn khalu ! / ito'pyadhikaM tato baDheva zikSiSyate bhavAn' / tato dIrghamaunAnantaraM siddhArthaH pRSTavAn - 'kiM tad vAsudeva ! ?' vAsudeva utthitaH / 'rAtrirbahu vyatItA'sti' - sa uktavAn / 'adhunA zayAvahe / yacca bhavAn pRcchati tasyottaraM dAtumahaM na zakto mitra ! / bhavAn yathAkAlaM tajjJAsyatyeva, athavA bhavAn tajjAnAtyeva / tathA'haM kila vidvajjano nA'smi, bhASituM vicArayituM vA ca naiva jAnAmi / ahaM kevalaM zrotuM bhagavanniratazca bhavituM jAnAmi / anyaddhi mayA kiJcidapi naiva zikSitamasti / yadyahaM bhASituM zikSayitumupadeSTuM vA'zakSyaMstadA'haM gururupadezako vA'bhaviSyam / kintu tathA nAsti, yato'haM kevalameko nAviko'smi, mama kAryaM tu janAnAM nadIpAraprApaNamasti / mayA hi sahasrazo janA nadIpAraM prApitAH santi, kintu teSAM sarveSAmapi janAnAM nadyeSA'ntarAyarUpaiva jAtA'sti, nA'nyat kiJcit / janA hi dhanArthaM vANijyArthaM vivAhAdyarthaM yAtrArthaM vA paryaTitAH, tadA ca nadyeSA teSAM madhyemAgaM samAgatA, nAvikazca tAnavarodhabhUtAmenAM tvarayA tArayituM vidyamAna AsIt / yadyapi sahasrazo janeSu kecana, paJca-SA janAstAdRzA apyAsan yeSAM kRte nadyeSA'varodharUpA nA''sIt / te etasyA dhvani zrutavantastaM prati ca sakarNA jAtAH / teSAM kRte caiSA nadI pavitrA'sti yathA matkRte / adhunA zayevahi siddhArtha !' / siddhArtho nAvikena sahaivoSitavAn, naucAlanaM nausambhAlanaM ca zikSitavAn / nausambandhini kArye cA'sati sa vAsudevena saha vrIhikSetre kAryaM karoti sma, kASThAni sagRhNAti sma, phalAvacayaM ca karoti sma / sa naukAdaNDAn nirmAtuM, nAvaM saMskArayituM, karaNDakAMzca racayituM zikSitavAn / yadyat sa kRtavAn zikSitavAMzca tatsarveNA'pi sa santuSTa AsIt / kAlazca tvaritaM vyatyeti sma / paraM sa vAsudevasakAzAd yacchikSitavAMstato'pyadhikaM nadyAH sakAzAcchikSitavAn, satataM ca zikSitavAn / sarvasmAdapyadhikaM tu sa tataH sakAzAt zrotuM, nizcalacittatayA zrotuM, jijJAsApUrNenodghATitena ca hRdayena, anAsaktatayA, nirIhatayA, aparIkSakatayA abhiprAyamuktatayA ca zrotuM zikSitavAn / . sa vAsudevena saha sukhena nivasati sma / tau dvAvapi ca kAdAcitkatayaiva sambhASete sma, tadapi cA'lpairdIrghAlocanapUrNaizcaiva zabdaiH / vAsudevo hi sarvathA mitabhASI AsIt, siddhArthazca viralatayaiva taM bhASayituM samartho bhavati sma / ekadA sa taM pRSTavAn - "kiM bhavatA'pi nadyAH sakAzAdrahasyametacchikSitaM yat - kAlanAmakaM kimapi vastu nAstyeveti khalu ?' zrutvaitad vAsudevasya mukhe projjvalaM smitaM vyAptam / tenoktam - 'evaM siddhArtha !, paraM manye'haM yad bhavataH kathanasyA'yameva bhAvArthaH syAt, yathA - nadI hiM samakAlameva sarvatra vartate - udgamasthAne, For Personal & Private Use Only Page #97 -------------------------------------------------------------------------- ________________ mukhe, prapAte, ghaTTe, pravAhe, samudre, parvate ceti sarveSvapi sthAneSu; tathA tasyAH kRte kevalaM vartamAnakAla eva vidyate, bhUtakAlasya bhaviSyatkAlasya ca chAyA'pi tasyAM naiva patatIti ?' _ 'evameva' - siddhArtho'bravIt, 'yadA cA'hametajjJAtavAn, mayA me jIvanamapi samIkSitaM, tadapi ca nadItulyamevA'vartata / bAlaH siddhArthaH, prauDhaH siddhArtho vRddhazca siddhArthaH kevalaM chAyAbhireva bhidyante na punastattvataH / atIte siddhArthasya pUrvajanmAnyapi nA''san bhaviSyati ca tasya maraNaM brahmaNi ca tannivartanamapi nA'sti / atItaM nAmA'nAgataM ca nAma na kimapi vidyate, pratyekaM vastu kevalaM vartamAnamevA'sti, vartamAna eva ca vAstaviko'sti' / ___ siddhArtho'tIva prasannatayA vadannAsIt / anayopalabdhyA sa bhRzaM pramudita AsIt / 'jIvanasya sarvamapi duHkhaM, bhayaM, santApazca kAle eva nihitA nA''san khalu ? jagataH sarvANyapi kaSTAni pApAni ca kAle jite eva, kAle niraste eva vA na jitAni khalu ?' - sa sotsAhaM vadannAsIt, kintu vAsudevaH kevalaM madhuraM smitvA svazirazcAlitavAMstadabhyupagamadarzanArthaM, svakArye ca pravRttaH / yadA ca prAvRSi nadyAM pUraM samAgataM taraGgamAlAkulA ca soccairjagarja tadA siddhArthaH punarapyakathayat - 'kiM naitat tathyaM mitra ! yannadyeSA bahUn dhvanIn dhArayati ? rAjJo, yodhasya, goH, pakSiNo, garbhavatyAH striyo, niHzvasato janasya sahasrazazcA'nye dhvanayo'syAM na santi khalu ?' ___'satyametad bhoH !', vAsudevaH zirazcAlanapUrvaM kathitavAn - 'nadyAmasyAM sarveSAmapi jIvAnAM dhvanayaH santye va' / 'tathA jAnAti bhavAn nanu, yad - yadAkadAcit kazcana tasyAH sahasrazo-dhvanIn samakAlameva zRNoti tadeyaM kimuccArayati ?' - siddhArtho'gre'pRcchat / vAsudeva uccairhasitavAn / tataH sa siddhArthaM prati kiJcidavanamya tasya karNe pavitramoGkAramuccAritavAn / etadeva ca tadAsId yat siddhArthenA'pi zrutam / gacchatA kAlena siddhArthamukhe vilasatsmitaM vAsudevasmitamanukartumArabdham / tadeva tejastadeva sukhaM, tA eva ca prakAzitA mukharekhAH, tadeva ca bAlasahajaM maugdhyaM, tadeva ca vRddhajanocitaM gAmbhIryam / bahavaH pravAsinastau dvAvapi nAviko saGgatau dRSTvA 'bhrAtarAvetA'viti nizcinvanti sma / bahudhA sAyAhne tau dvau samameva nadItaTe vRkSaskandhamavalambyopavizataH sma / tato niHzabdatayA dvAvapi nadIM zRNutaH sma / nadyeSA tayoH kRte na kevalaM jalamAsIdapi tu jIvanasyA''tmanaH zAzvatatattvasya ca dhvanirAsIt / bahuzazcaivamapi bhavati sma yannadIzravaNakAle dvayorapi cintanaM tulyameva bhavati sma, kadAcit pUrvatanadinasya saMvAdaviSayakaM, kadAcicca kaJcana pravAsinamadhikRtya vA - yasya sthityA niyatyA ca tayozcittamAkrAntaM syAt, kadAcinmaraNaviSayakaM, kadAcicca bAlyamAzritya / tathA yadA nadI tau samameva kiJcana zubhaM vadati sma tadA dvAvapi parasparaM pazyataH sma, tulyameva vicAraM kurvantau, tulyasyaiva praznasya ca tulyamevottaraM labdhvA pramuditau bhavataH sma / 88 For Personal & Private Use Only Page #98 -------------------------------------------------------------------------- ________________ bahubhiH pravAsibhiranubhUyate sma yannAvo nAvikAbhyAM ca kiJcanA'dbhutaM tattvaM niHsarati smeti / kadAcit tvevamapi bhavati sma yad dvayo vikayoranyatarasya mukhaM dRSTvA kazcana yAtrikaH svajIvanasya viSaye, vipadazcA'dhikRtya kathanamArabhate sma, svakRtAni pApAni nivedayati sma, AzvAsanArthamanuzAsanArthaM vA prArthayate sma / kadAcit punaH, kazcana nadyAH kathanaM zrotuM tayoH sAnnidhye rAtriyApanArthamapi cA'nujJAM gRhNAti sma / kadAcicca kecana kutUhalino - dvau prAjJau sAdhucaritau yoginau vA nadIghaTTe vasata - iti kutazcicchrutvA samAyAnti sma, tau ca bahUn praznAnapi pRcchanti sma, kintu na kiJcana pratyuttaraM labhante sma nA'pi ca prAjJau yoginau vA'pyupalabhante sma / kevalaM dvau sauhArdapUrNau vRddhajanau te pazyanti sma yau teSAM mUkAvatha ca vicitrau mUkhau ca pratibhAtaH sma / tatazcopahasantaste kathayanti sma yadIdRzAn nirarthakAn pravAdAn prasArayanto janAH nUnaM mUrkhA andhazraddhAlavazca santIti ! / / varSANi vyatItAni kintu dvayoranyataro'pi teSAM gaNanAM naiva kRtavAn / athA'nyadA gautamabuddhasya ziSyAH kecana bhikSavo nadItaTe samAgatA nadIpAraprApaNArthaM ca tayovijJaptaM taiH / naucAlanasamaye bhikSUNAM sakAzAt tAbhyAM jJAtaM yanmahAtmA buddho gabhIratayA rugNo'sti, acirAdeva ca caramaM maraNaM nAma nirvANaM prApya mokSaM prApsyatIti, ataste yathAzIghraM tatra svagurucaraNayorantimaM darzanamupadezaM ca prAptuM gacchantaH santIti / tatazcA'lpenaiva kAlena bahavaH zramaNagaNAstenaiva mArgeNa svaguroH pArzve gantuM samAgatAH / prAyazaH sarve'pi bhikSavo yAtriNazca kevalaM gautamabuddhasya viSaye tannirvANasya viSaya eva ca vadanta Asan / yuddhArthaM prayANasya samaye rAjyAbhiSekakAle vA yathA janA sarvadigbhyaH samAgacchanti, yathA vA madhukozaM prati madhumakSikANAM saGghAtAH samAgacchanti, tathaiva sahasrazo janAzcumbakIyamAkarSaNamanubhavanta iva mRtyuzayyAyAM zayitaM buddhaM vandituM, tannirvANotsave sammIlituM, yugoddhArakasya zAzvatatattvaprApteravasare ca sannihitA bhavituM samAgacchanti sma / nirvANonmukhasyA'sya maharSeviSaye siddhArthazcirAya cintitavAn, yasya vacanAni sahasrazo janAnAM jIvanAni parAvartitavanti, yasya ca vacAMsi sa svayamapyekadA zrutavAnAsIt, yasya ca pavitraM svarUpaM so'hobhAvena dRSTavAnAsIdekadA / sa tasya vAtsalyasya viSaye cintitavAn, tena prarUpitaM nirvANamArgopadezaM smRtavAn / tasya pratibhAtaM yat tadA tenoccAritAste zabdAH kilauddhatyapUrNA akAlapakvA iva cA''san / sa smRtavAn yad dIrghakAlaM yAvad gautamasya prabhAvAnmukto bhavitumapi sa nA'zakat / evaM satyapi sa tasyopadezAMstu naiva svIkRtavAn / naiva, vAstavikaH satyagaveSako hi kadA'pi kasyA'pyupadezaM naiva svIkuryAd, yadi sa yathArthatayA kiJcit prAptumicchukaH syAt / yena ca kintu kiJcit prAptamasti sa tu sarvAnapi mArgAn sarvANyapi ca dhyeyAni samanumodate, yataH sa jAnAtyeva yat zAzvatatattvaM ye prAptA ye ca pUrNAnandameva zvasanti te hi sarvathA'bhinnA eva / athaikadA, bahuSu janeSu nirvANonmukhasya buddhasya darzanArthaM gacchatsu, pUrvakAlasya gaNikAnAM zreSThA sundarI kamalA'pi tadarthaM nirgatA''sIt / bahoH kAlAt pUrvameva sA svasyAH pUrvatanajIvanAnnivRttA''sIt / 89 For Personal & Private Use Only Page #99 -------------------------------------------------------------------------- ________________ nijaM krIDodyAnaM sA bauddhabhikSUNAM vihArArthaM samarpitavatyAsIt, svayamapi ca buddhopadezAnAM zaraNaM gRhItavatyAsIt / samprati ca yAtriNAM sevAM kurvatInAM strINAM gaNe sammilitA''sIt / maraNazayyAsthitaM gautamaM jJAtvA sA'pi sAmAnyavastrANi paridhAya pAdacAreNaiva svaputreNa saha prasthitA / janaiH saha tau dvAvapi nadItaTaM yAvat prAptau / kintu sa bAlako'cirAdeva zrAnto'bhavat, sa gRhaM pratigantumaicchat, vizrAntimaicchat, khAdituM caicchat / sa vAraM vAraM ruSTo bhavati smA'zrUNi ca srAvayati sma / anekazaH kamalayA tena saha vizrAntavyaM bhavati sma / mAtuvirodhaM kartumasau cirAbhyasta AsIt / kamalayA vAraM vAraM sa bhojayitavya AsIt, AzvAsayitavya AsIt, kadAciccopAlabdhavyo'pyAsIt / kasyacit pavitrasyA'pyaparicitasya janasya kRte kasmiMzcidajJAte sthale gantuM khedAvahA kaSTapUrNA ca yAtrA kimarthaM vA kartavyeti so'vagantuM na pArayati sma / 'mriyatAM nAma saH / tena bAlakasya mama kim ?' iti tasya cintanamAsIt / ___ yadA yAtrikANAM gaNo vAsudevanaukAto'natidUre AsIt tadaiva laghusiddhArthaH svamAtaramavadad yat sa vizrAntumicchatIti / kamalA svayamapi zrAntA''sIt / ataH sa bAlakAya kadalIphalaM khAdituM dattvA svayaM caikasya vRkSasyA'dhastAnnetre nimIlya kiJcidiva shyitaa| kintu, sahasaiva tasyA mukhAccItkAro nirgataH / etacchrutvA cakito bAlo yAvanmAturmukhaM vilokitavAn tAvat tad bhayena vicchAyaM dRSTam / tAvatA ca tasyA vastrebhyaH kazcana laghuH kRSNasarpo nirgato yena kamalA daSTA''sIt / / ____ tato bhayabhItau tau dvAvapi tato dhAvitvA yAtrikagaNena sammilitau / yadA ca tau ghaTTa prAptau tadaiva kamalA'gre gantumazaktA satI tatraiva patitA / etena bhIto bAlako mAtaraM pariSvajya sahAyArthamuccairAraTitavAn / sA'pi coccai rudatI sahAyArthaM pUtkRtavatI / tayozcA''rAvA naukAsannasthitena vAsudevena zrutAH / sa jhaTiti tatrA''gatya kamalAM svIyahastAbhyAM vahan kuTIraM prati gataH / bAlako'pi tatpRSThata eva dhAvitaH, zIghraM ca te uTajaM prAptAH / indhanAni prajvAlayan siddhArthastatraivA''sIt / tena mukhamunnamya prathamaM tu bAlakavadanaM dRSTam / dRSTamAtre ca tasmin tanmanasi kiJcit smaraNamabhavat / tatazca sa vAsudevahastayoH sthitAM kamalAM dRSTavAn zIghrameva ca tAM niHsaJjAmapi pratyabhijJAtavAn / tatazca tena jJAtaM yat sa bAlastu svasyaivA'patyamAsIt yanmukhaM tasya kiJcit smAritavat / tasya hRdayaspandanAni vardhitAni / kamalAyA vraNaM jalena svacchIkRtyauSadhena pUritam / kintu tat kRSNavarNaM jAtamAsIt, tasyAH zarIramapi ca zothamayaM saJjAtamAsIt / tasyA mukhe cetanapradamauSadhaM prakSiptaM, tena sA'lpavelAyAmeva sasaJjA jAtA / sA kuTIre siddhArthazayyAyAmeva zayitA''sIt, tathA siddhArtho, yasmin sA pUrNatayA'nuraktA''sIt, sa, tatpurata eva sthito dRSTastayA / ___'kimahaM svapnaM pazyAmi ve'ti cintayantI sA smayamAnA svadayitasya mukhaM vilokitavatI / zanaiH zanaistayA svaparisthitiravabuddhA, sarpadaMzo'pi smRtaH, tatazca vyAkulatayA sA svaputramAhUtavatI / 'cintAM mA kArSIH, so'traivA'sti' - siddhArtha uktavAn / tannayanayorantanirIkSitavatI sA viSamayazarIravattvAt kaSTenA'vadat - 'bhavAn vRddho jAto'sti 90 For Personal & Private Use Only Page #100 -------------------------------------------------------------------------- ________________ priya !, bhavataH kezA api palitAH saJjAtAH / evaM satyapi bhavAn tasya yuvazramaNasya sadRza evA'si ya ekadA vivastro rajoguNDitapAdazca mamodyAne samAyAtaH / kAmasvAminaM mAM ca vihAya yadA bhavAn gatavAMstato'pyadhunA bhavAnAdhikyena zramaNavat pratibhAti / bhavato netre tasya yuvazramaNasyevaiva staH siddhArtha ! / ahamapi vArdhakyagrastA saJjAtA'smi, kiM bhavAn mAM pratyabhijAnAti ?' siddhArthaH smitavAn kathitavAMzca - 'priye kamale ! ahaM tvAM zIghrameva pratyabhyajAnam' / tatastasyA netre viSaprabhAvAd ghUNite nimIlite ca / etad dRSTvA bAlako rodanamArabdhavAn / tadA siddhArthastamutsaGge zAyayitvA vilapantaM taM mastake lAlitavAn / atha ca, bAlasya tasya mukhaM dRSTvA, sa svIyazaizave'bhyastamekaM brAhmaNagAnaM smRtavAn / tato mandamandaM sa madhurasvareNa taM gAnaM gItavAn / gAnazabdA apyatItaM zaizavaM ca samullaGghaya samAgatA iva tanmukhAnniHsaranti sma / gAnaM zrAvaM zrAvaM sa bAla ISat krandanneva nidrAdhIno jAtaH / siddhArthastaM vAsudevazayyAyAM zAyitavAn / tatazcallayAmodanaM pacantaM vAsudevaM dRSTavAn / so'pi smitaM kRtavAn / 'eSA mriyamANA'sti' - siddhArtho mRdutayoktavAn / ___ vAsudevaH zirazcAlitavAn / culleragneH prakAzastasya mukhe pratibhAsamAna AsIt / yAtanayA tasyA vadanaM vivarNaM jAtamAsIt / siddhArtho duHkhaM saMvibhajanniva zAntyaikAgratayA dhairyeNa ca tasyAH pIDAyuktaM mukhaM nirIkSitavAn / vidagdhA kamalA dRSTipAtenaivaitadavagatavatI / tameva pazyantI sA'kathayat - 'mama pratibhAti yad bhavato nayane api parAvartite staH / te kiJcidiva viziSTe jAte staH / bhavAnito'pi siddhArtha evetyevaM bhavantaM kathaM pratyabhijAnIyAm ? yato bhavAn siddhArthaH sannapi nAsti tatsadRzaH !' / siddhArthaH kimapi novAca / kevalaM zAntabhAvena tasyA nayanayoreva vilokitavAn / 'kiM bhavatA svadhyeyamadhigatam ? kiM bhavatA'ntaH zAntiH prAptA vA ?' - sA pRSTavatI / siddhArthaH kevalaM smitavAn, svahastaM ca taddhastopari sthApitavAn / 'Am, mama dRzyate eva; ahamapi zAnti prApsyAmyeva' - sA sotsAhamuktavatI / 'bhavatyA prAptaiva sA kile'ti mRdusvareNa siddhArthaH kathitavAn / kamalA sthiratayA tameva dRSTavatI / gRhAnnirgamanakAle hi tasyA uddezastu gautamabuddhasya darzanArthaM gamanamAsIt, tatra ca gatvopazamalezasya prAptirAsIt; kintu tatsthAne sA kevalaM siddhArthameva prAptA / tacca zobhanamevA''sIt tasyAH kRte, tathA zobhanaM yathA sA mahAtmAnaM buddhaM dRSTvA'nvabhaviSyat ! etacca sA tasya kathayitumiSTavatI kintu tasyA jihvA tadicchAM naivA'nuvartitavatI / zAntabhAvena sA taM vilokitavatI, sa ca tasyA dRSTeH kramazaH kSIyamANaM jIvanaM nirIkSitavAn / yadA ca tasyA nayanato'ntimaH pIDAbinduniSkrAntaH, yadA ca tasyA zarIrAdantyaH kampo'tikrAntaH, siddhArthaH svIyAGgulIbhistannayanacchade pihitavAn / 91 For Personal & Private Use Only Page #101 -------------------------------------------------------------------------- ________________ tataH sa cirAya tasyA mRtaM vadanaM nirIkSamANastatraivopaviSTavAn / tasyA vRddhaM zrAntaM ca mukhaM, tasyAH AkuJcitAvadharau ca vilokya sa smRtavAn yadekadA, svajIvanasya vasantasamaye, kathaM tenemAvevA'dharau pratyagrAJjIrakhaNDena sahopamitAvAstAmiti / dIrghakAlaM yAvat sa tadIyaM gatazobhaM valIpUrNaM cA''nanaM nivirNitavAn, sahaiva sa svIyaM vadanamapi tAdRzameva vivarNaM mRtaprAyaM ca jAtamastItyanubhUtavAn, samakAlameva ca sa tasyAH svasya ca vadanaM tAruNyapUrNa raktAdharaM bhAsuranayanaM ca sAkSAtkRtavAn, tatazca vartamAnasya samakAlInAstitvasya cA'nubhUtyA''krAnto'bhavat / asmin kSaNe sa pratyekaM jIvasyA'vinAzitvaM pratyekaM kSaNasya ca zAzvatatvamatyantaM tIvratayA'nubhUtavAn / ____ yadA sa utthitastadA vAsudevena tasmai kiJcidodanAdikamazanArthaM dattaM kintu siddhArthastannaiva bhuktavAn / tato goSThe, yatrA'jA''sIt tatra, kiJcana palAlamAstIrya vAsudevaH zayitavAn, parantu siddhArthaH kuTIrAd bahirgatvA''rAtri nadImeva zRNvan, svajIvanasya ca sarvairapi kAlakhaNDairyugapadevA''krAnto vyAptazcA'tIte nyamajjat / athA'pi kAle kAle samutthAya sa kuTIradvAraM gatvA nirIkSitavAn yad bAlaH sa supto'sti na veti / pratyUSe, vAsudevo goSThAd bahirAgatya svamitrapArvaM gatavAn / 'bhavAn naiva zayitaH khalu !' - sa pRSTavAn / 'naiva vAsudeva !, ahamatraiva nadIM zRNvannupaviSTaH / sA mAM subahu kathitavatyasti / sA mama citte samAdhAyakAnekatvavicArAn pUritavatI' / 'bhavatA gADhavyathA'nubhUtA'sti siddhArtha !, evaMsatyapi ahaM pazyAmi yad viSAdo bhavaddhRdaye naiva praviSTaH' / "naiva, priyamitra !, kimarthaM mayA viSaNNena bhavitavyam ? yo'haM samRddhaH prasannazcA''saM so'hamadhunA'dhikaM samRddho'dhikaM ca prasanno jAto'smi / yato me putro mama samupalabdho'sti' / 'bhavataH putraM tvahamapyabhivAdayAmi / kintu siddhArtha ! adhunA kiJcit kAryaM kuryAva / bahu karaNIyaM vidyate / yasyAM zayyAyAM me patnI mRtA tatraiva kamalA'pi mRtA / ato yasmin sthAne mayaikadA matpatnyAzcitA viracitA''sIt tatraiva kamalAyAzcitAmapi viracayeva' / tato bAle zayAne eva tAbhyAM kamalArthamekA citA viracitA / 92 For Personal & Private Use Only Page #102 -------------------------------------------------------------------------- ________________ 6. putraH bhIto rudaMzca bAlakaH svamAturantimasaMskAramakarot / tataH siddhArthe taM putratayA''hvayati vAsudevakuTIre vasanArthaM cA''mantrayati sa vyAkulena viSaNNena ca manasA tamavalokitavAn / dinAni yAvat mlAnamukhaH sa svahRdayabhAvAn nirudhya, svIyabhAgyena saha kalahaM kurvan yudhyamAnazceva zUnyAvalokanaM kRtavAn / tasya manaHsthitiM vijAnan siddhArthastamekAkinaM vimuktavAn, yataH sa tasya zokaM samAdriyate sma / 'sa mAM naiva jAnAti, janakatvena ca mayi snehamapi naiva dhArayituM zaktaH' - iti siddhArtho jAnAti sma / kramazaH sa etadapi dRSTavAn anubhUtavAMzca yadekAdazavarSIyo'yaM bAlo mAturatilAlanAdUSito'sti dhanikajanocitarItibhizca saMvardhito'sti, tasya cottamAhArasya komalazayyAyAzcA'bhyAso'sti tathA jhaTityevA'tratye'paricite dAridyapUrNe ca parisare santoSeNa sthAtuM naiva zakta AsIt / ataH sa taM nA'nuzAsti sma nA'pi ca kutracidarthe nirbandhaM karoti sma / pratyuta tadarthamuttamamAhArajAtaM rakSati sma, tasya ca bahUni kAryANi svayameva kurute sma / sa cintayati sma yadahaM zanaiH zanaiH sauhArdapUrNavyavahAreNa cA'sya prema sampAdayiSye - iti / yadA bAlastatpArve samAgatastadA siddhArthaH svaM samRddhaM sukhinaM cA'manyata, kintu gacchatA kAlenA'pi, yadA bAlo'yaM sauhArdarahitaH pratIpazcaivA'vasthitaH, yadA sa auddhatyamavajJAM ca samAcaritavAn, kArye utsAha naiva darzitavAn, vRddhau prati vinayaM naiva dhAritavAn, vAsudevasya ca vRkSebhyaH phalAni corayitvA khAditavAMstadA siddhArthena spaSTamavabuddhaM yat putreNa saha sukha-zAntyoH sthAne kevalaM duHkhaM klezazcaiva prAptau / evaM satyapi kevalaM putrasnehAdeva sa putraM vinA prApyamANe sukha-zAntI parityajya putrasnehena prApyamANau duHkha-klezAveva sviikRtvaan| siddhArthaputra uTaje tiSThati smeti dvAvati vayasko kAryavibhAgaM kRtavantau / vAsudevo naukAsambandhinaM sarvaM kAryaM karoti sma, siddhArthazca svaputreNa saha sthitaH san kuTIre kSetre ca kAryaM karoti sma / bahUn mAsAn yAvat siddhArtho dhairyeNa pratIkSitavAn, AzaMsayA'nayA yat - kadAcittvayaM bAlo mamA'nukUlo bhaviSyati, mama snehaM svIkariSyati punazca me pratyarpayiSyati / etacca bahukAlaM yAvat vAsudevo nirIkSitavAMstUSNIbhUya / yadA caikasmin dine putraH svapitaraM kopenA'pamAnaM kRtvA duHkhitaM kRtavAn dve ca bhAjane bhaJjitavAMstadA vAsudevaH sAyAhne svamitramekato nItvA kathitavAn - 'kSamyatAM bhoH !, kintvahaM bhavate For Personal & Private Use Only Page #103 -------------------------------------------------------------------------- ________________ mitratvena kathayannasmi / ahaM pazyAmi yad bhavAn cintAkulo duHkhitazcA'sti / bhavataH putro bhavantaM mAM cA'pi khedayannasti / bAlaH pakSI hyayaM bhinnajIvanena bhinnanIDena cA'bhyasto'sti / bhavAniva so'tra vaibhavAnnagarAcca vairAgyeNa nirvedena vA naiva samAgato'sti, tenaitajjIvanaM balAjjIvitavyamApatitamasti / mayA nadyai apyetadarthaM pRSTamasti, bahuvAram / kintu sA mAmupahasitavatI bhavantaM cA'pi / sA''vayormUrkhatvaM dRSTvoccairhAsaM kRtavatI / bhoH ! jalaM jale eva gamiSyati, yauvanaM ca yauvane / bhavataH putro'tra kadA'pi sukhI naiva bhaviSyati / bhavAnapi nau pRcchatu zRNotu ca tatkathanam' / __ khinnaH siddhArthastasya karuNArdra mukhaM dRSTavAn, tatra ca prabhUtAH prazastA valaya Asan / sa mRdutayoktavAn - 'kathamahaM tasmAt pRthag bhaveyam ? ito'pi me samayaM dadAtu priyavayasya !, ahaM tadarthameva paristhityA yudhyamAno'smi, tasya hRdayasyA'ntaH praveSTuM prayatnaM kurvannasmi / ahaM taM premNA dhairyeNa ca jeSyAmi / nadyapyeSA tena sahaikadA saMvAdaM kariSyati yataH so'pi nadyaivA''hUto'sti / vAsudevasya smitamito'pi snigdhaM jAtam / 'Am, so'pi nadyA''hUto'sti, so'pi ca zAzvatajIvane samabhAgI vartate / kintu bhavAn jAnAti yat kimarthaM sa AhUto'sti ?, kena vA mArgeNa ?, kasmai vA kAryAya ?, kairvA duHkhaiH saha ? tasya duHkhAni svalpAni na bhaviSyanti / tasya hRdayaM hi darpayutaM kaThoraM cA'sti / sa prAyo bahu sahiSyate, bahUn doSAn samAcariSyati, babanyAyyaM seviSyate, bahUni ca pApAni kariSyati / kathayatu mAM mitra !, kiM bhavAn svaputraM samanuzAsayannasti ? kiM sa bhavadAjJAkArI vartate ? kiM bhavAMstaM tADayati daNDaM karoti vA ?' | 'naiva vAsudeva ! ahameteSAmekatamadapi naiva karomi' / 'Am, ahaM jAnAmi / bhavAn tena saha kaThoro na bhavati, taM naiva daNDayati nA'pi cA''jJApayati - yato bhavAn cintayati yanmRdutA hi kaThoratvataH prabalA, prema hi balAtkArAdapi balavat, jalaM hi pASANAt sabalamiti / zobhanamastyetat / ahaM prazaMsAmi bhavantam / kintu cintayatu bhavAn yat kaThoratvAnAcaraNaM daNDakAraNaM ca kiM bhavatpakSe doSo nAsti vA ? bhavataH prema tatkRte bandhanaM tu na bhavati khalu ? svasaujanyena dhairyeNa ca bhavAn taM lajjitaM kurvan pratyahaM tasya kRte jIvanamadhikaM duSkaraM tu naiva kurvannasti khalu ? kiM bhavAn enamuddhataM durlalitaM ca bAlakaM, dvAbhyAM vRddhAbhyAM kadalIkhAdakAbhyAM sahA'smin kuTIre, prasabhaM vasituM na niyojayannasti khalu, yayoH kRte odanamapi viziSTabhojanaM bhavati, yayovicArAstatsamA naiva bhavitumarhanti, yayorhadaye vRddhe zAnte tatazca bhinnatayA spandamAne staH ? kiM sa etAdRzenA''caraNenA'dhikaM niruddho daNDitazca na bhavet khalu ?' / vyagraH siddhArtho bhuvaM vilokayan mandasvareNa pRSTavAn - 'tarhi mayA kiM vA kartavyam ?' vAsudevenoktaM - 'taM nagare nItvA tanmAtRgRhaM prApayatu / tatra sevakAH syureva / tAnasya sevAyAM niyojayatu / yadi ca te na syustadA taM zAlAyAM pravezayata, na ca zikSaNArthaM kintu tatrA'nye bAlA bAlikAzca syuryaiH sahA'yaM samparkaM kuryAt svIyaM vizvaM ca paricinuyAt / kiM bhavatA'trA'rthe kadA'pi cintitaM vA?' 94 For Personal & Private Use Only Page #104 -------------------------------------------------------------------------- ________________ 'bhavAn me manogataM sarvamapi jAnAtyeva' siddhArthaH sakhedamuktavAn / 'ahaM bahuza etadarthe cintitavAn asmi / kintu, ya IdRzaH kaThinahRdayo'sti sa jagati kathaM vyavahariSyati ? kiM sa zreSThammanyo na bhaviSyati ? kiM sa bhautikasukhe samRddhAvaizvarye ca bhraSTo naSTazca na bhaviSyati ? kiM sa svapitRsamAcaritAn doSAn na punarAvartayiSyate ? evaM ca sa kiM saMsAre nimagno na bhaviSyati ?' 1 -- vAsudevaH punarapi smitavAn / sa mRdutayA siddhArthasya skandhe hastaM sthApayitvoktavAn - 'etat sarvaM nadyai pRcchatu mitra ! taduktaM zRNotu tatazca hasatu ! kiM satyameva bhavAn cintayati yad bhavatA samAcaritAn doSAn bhavatputro naiva samAcariSyati ? kiM tato bhavAMstaM saMsArAd rakSituM prabhaviSyati ? katham ? kimanuzAsanena ? prArthanAbhi: ? upadezairvA ? priyamitra ! bhavataivA'tra kadAcit me kathitAM brAhmaNaputrasya siddhArthasya bodhapradAM kathAM kiM bhavAn vismRtavAn kila ? zramaNamapi siddhArthaM saMsArAt pApAllobhAnmaurthyAcca ko vA rakSitavAn ? kiM tasya piturdharmaniSThA ? kiM tasya gurorupadezA: ? tasya svIyo bodha: ? kiM vA tasya satyAnveSaNaM taM samarakSat ? kaH pitA katamo vA gurustaM svacchandatayA jIvanaM jIvantaM jIvanaM doSairmalinIkurvantaM, svaM pApabhareNa pUrayantaM viSasya kaTu pAnaM pibantaM, prAnte ca svayameva svIyaM panthAnamanveSayantaM ca nyavArayat ? kiM bhavAMzcintayati yat kazcanaitasmAt kramAdrakSitaH syAt ? yadi paraM bhavato laghuputraH, yato bhavAMstaM duHkhebhyaH klezebhyo mohAcca rakSitumicchatItyata: ? naiva siddhArtha ! naiva, yadi bhavAn svaputrasya kRte dazavAramapi mRtvA janma dhArayiSyati tathA'pi tasya niyatimaNumAtramapi parAvartayituM naiva zakSyati !' / vAsudevo hyetAvanmAtraM na kadA'pyuktavAnAsIt / siddhArthastasyopakAraM matvA duHkhitahRdayena kuTIraM pravizat, kintu nidrAtuM zakto nA'bhavat / svayamacintitamajJAtaM ca na kimapi vAsudevena kathitamAsIt / kintu jJAnAdapi putraprema, putrAsaktiH, putraviyogabhayaM ca balavattaramAsIt / na hi kadAcit sa kasyacitkRte svahRdayamevaM hAritavAnAsIt, na hi kaJcanA'pi sa evaMrItyA'ndhIbhUya, duHkhIbhUya, hatAzIbhUyA'thA'pi ca sukhitammanyaH prItavAnAsIt / sa svamitrasyopadezaM svIkartuM naivA'zaknot, svaputraM ca parihartuM zakto naivA''sIt / sa svamAjJApayituM svaputramanvajJApayadiva, svaM pratyavinItaM ca bhavitumapyanvamanyateva / sa tUSNIMbhUya dhairyeNa pratIkSAmakarot pratyahaM ca maitryA dhairyasya ca mUkaM yuddhaM prArabhata / vAsudevo'pi maunatayA pratIkSAmakarot, sasnehaM sadbhAvena kSamAzIlatayA ca / dve api mitre dhairyasya tu svAminAvAstAm / ekadA, yadA bAlakasya mukhaM taM kamalAmasmArayat tadA, sahasaiva siddhArtho bahukAlapUrvaM kamalA taM yatkathitavatyAsIt tadasmarat / 'bhavAn na kasmizcidapi striyet kadA'pi' iti sA taM kathitavatI, so'pi ca tat svIkRtavAnA''sIt / sa svaM tArayA sahA'nyAMzca janAn vRkSAt patadbhiH parNaiH saha tulitavAn AsIt, / evaM satyapi sa tasyAH zabdeSu sthitamupAlambhamanubhUtavAnAsIt / etat tu satyamevA''sIt yat saH, svasyA'pi vismaraNaM yena bhavet tAdRzaM prema, kasyA'pi viSaye'nubhUtavAn nA''sIt / etat kartuM sa 95 For Personal & Private Use Only Page #105 -------------------------------------------------------------------------- ________________ sarvathA'samartha AsIt, tadaiva ca tasyaitat pratibhAtaM yat svasyA'nyeSAM ca sAmAnyajanAnAM madhye'yameva mahAn vizeSo'sti iti / kintu, idAnIM, yadArabhya tasya putra ihoSitavAn tadArabhya, so'pi duHkhaM snehaM cA'nubhavan sAmAnyajanAnAmevA'nyatamatvamabhajat / putrAsaktyA'ndhIbhUya sa mUrkhatvaM samAcarannAsIt / svajIvane aticireNA'pIdAnIM so'tyutkaTamapUrvaM ca manobhAvamanubhavannAsIt / yadyapyanena bhAvena so'tidAruNaM santApamanubhUtavAn tathA'pi sa idamapyanubhUtavAn yat tasya sattvamanena kiJcidivocchritaM, kiJcidiva navIbhUtaM samRddhataraM ca jAtamastIti / sa jAnAti smaiva yadidaM premaiSA cA'ndhA''saktiH svaputraviSayikI hi mUlatayA mAnavIya saMvedanamasti, etadeva ca saMsAro'sti khalu ! sarvathA saMkSubdhaM gabhIrajalasrotaH / parantu samakAlameva so'nubhUtavAn yadidaM sarvathA'sAraM tu nAstyeva, asyA'pyAvazyakatA tvastyeva, tathaitadapi nijaprakRterevodbhUtamasti / etat saMvedanaM, eSA pIDA, etAni mauNi cA'pi hyanubhavitavyAnyeva khalu ! / etAvatA ca, tasya putrastasya mUrkhatAH samalokayat, taM prayatamAnaM naiva nyavArayat, prakRtyaiva ca vinItaM taM naivA'gaNayat / pitari tAdRzaM na kiJcit tena dRSTaM yena sa AkRSTo bhavet yasmAd vA sa bhayamanubhavet / tasya pitaiSa ekaH sujanaH, ekaH sadayaH sajjanaH, eko dhArmiko manuSyaH, pavitrazca jana AsIt - kintu, ete guNAste nA''san ye taM bAlakaM samAkRSeyurjayeyurvA / eSa pitA taM yadIdRze zIrNe kuTIre'vAsayat tadapi tasmin nirvedamajanayat, tathA yat sa tasyA'vinayaM smitenodatarat, pratyekamapamAnaM saujanyena, pratyekaM durvRtti ca premNA pratyabhAvayat - tad hi tasmai bAlAya 'vRddhazRgAlasya gItamaM kapaTa' pratibhAti sma / yadi siddhArthastaM bAlakaM nirabhatsiSyatA'pIDayiSyacca tadA tat tasmai adhikamarociSyata / ante ca, taddinamapi samAgataM yadA siddhArthaputrastat kathitavAn yat sarvaM tanmAnase AsIt, idAnIM sa prakaTaM piturvirodhaM kRtavAn / taccaivaM jAtaM - pitrA sa AdiSTaH kASThakhaNDAnAnetum / kintu sa kuTIrAd bahirnaiva gatavAn / sa tatraiva sthitvoddhatatayA sakopaM ca bhUmiM pAdatalena prahRtavAn, muSTiM ca baddhvA dveSaM tiraskAraM ca pradarzitavAn / 'bhavAn svayameva kASThakhaNDAn Anayatu' - sa AvezenoktavAn / 'nA'haM bhavataH preSyo dAso vA / ahaM jAnAmi yad bhavAn mAM naiva tADayati, bhavataH sAhasameva nAsti tadartham !, evaM satyapi bhavAn satataM dayAlutayA mAM lAlayan mayi hInabhAvaM janayati / bhavAn hi mAmapi bhavAdRzaM kartumicchati - dharmaniSThaM, sajjanaM, dhIraM ca / kintu, kevalaM bhavantaM pIDayitumevA'haM kadAcit yadi paraM cauro ghAtako vA bhaviSyAmi na punarbhavAdRzaH / ahaM bhavantaM dhikkaromi / bhavAn nAsti me pitA yadyapi bhavAn zatazo mama mAtuH priyatamo'pi syAt !' / evaM ca duHkha-santApa-kopAkulaH sa krodhAvezapUrNAn zabdAn svapituH purata udgIrya bahiH kutracit palAyitaH, tatazca rAtrAveva punarAgacchat / For Personal & Private Use Only Page #106 -------------------------------------------------------------------------- ________________ dvitIyadine prabhAta eva so'dRzyo jAtaH / tena saha, yasmin dvivarNe karaNDake tau dvau nAviko bhATakatayA prAptaM dhanaM rakSataH sma, sa karaNDako'pi na dRzyate sma / bahirAgatya dRSTaM tAvannaurapi ghaTTe nA''sIt / siddhArthena samyaG nirIkSite jJAtaM yannaustu parasmin taTe sthitA'stIti / arthAt sa bAlakaH palAyitaH / 'mayA tatpRSThato gantavya'miti pUrvadine bAlakasya kaTuzabdairbahuvyathitena siddhArthenoktam / 'sa bAlakaH ekala evA'raNyamadhye kathaM yAsyati ? tatra tasya kazcidapAyo'pi syAt khalu ! / ato vAsudeva ! AvAbhyAM tasya pRSThe gamanArthamavazyaM taraNDa eko nirmAtavya eva' / 'avazyaM nirmAtavyastaraNDaH' - vAsudeva uktavAn / 'paraM sa aparataTe sthitAM naukAmAnetuM nirmAtavyo na punarbAlakasya pRSThato gamanArtham / gacchatu nAma so'dhunA mitra !, na so'sti zizurito'pi, sa svayaM svaM sambhAlayituM suSTha jAnAtyeva / sa nagaraM prati gacchannasti, tacca samyagevA'sti / mA vismArSIdetad yad - bhavAn yatkaraNamupekSitavAn tadeva sa kurvannasti / sa svIyaM rakSaNaM kurvan nijamArge eva gacchannasti / kintu siddhArtha ! ahaM pazyAmi yad bhavAn khinno'sti / yAM pIDAM dRSTvA janena hasitavyaM tathA bhavAnapi svasmin hasiSyatyeva tayaiva pIDayA bhavAn khinno'sti nanu !' / siddhArthaH kimapyuttaraM na dattavAn / sa kuThAraM gRhItvA taraNDanirmANArthamapekSitaM kASThaM chettumArabdhastatazca vAsudevasAhAyyena tRNanirmitarajjvA vaMzakhaNDAn baddhvA taraNDaM nirmitavAn / tato dvAvapi UrdhvapravAhe mahatA parizrameNA'paraM tIraM prAptau / _ 'kimarthaM bhavAn kuThAramenamAnItavAn ?' - AzcaryeNa siddhArthaH pRSTavAn / vAsudevenoktaM - 'AvayornIkAyAzcAlanadaNDaH kadAcid vinaSTaH syAd, ataH' / siddhArtho jJAtavAn yad vAsudevazcintayannA''sIt kadAcit tena bAlakena naudaNDa AvAM pRSThato'nugantuM rodhanAya kutracit prakSipto bhaJjito vA syAditi / vastuto'pyevameva jAtam / naudaNDastu nA''sIdeva / vAsudevastaM naukAM darzayitvA smitavAn, yathA taM kathayatIva- 'kiM bhavataH putraH kathayitumicchatIti bhavAn na pazyati khalu ? AvAM taM nA'nugacchevetyapi tasyecchA'stItyapi bhavAn na pazyati kila?' / kintu sa zabdaistat naiva kathitavAn nUtanaM ca naukAdaNDaM nirmAtuM prArabdhavAn / tataH siddhArthaH putrAnveSaNAya gantuM tadanujJAM pRSTavAn / vAsudevo'pi taM naiva nyaSedhat / siddhArthazcirAya vane tamanviSTavAn / tatastena cintitaM yadidaM sarvathA nirarthakamasti / prAyaH sa nagarameva prAptavAn syAt, athavA, yadi sa vane syAt tathA'pi yatra kutrA'pi nilInaH syAt svAnugAmino mattaH svaM gopayitum' / punazca vimarza kurvatA tenopalabdhaM yat svaputraviSayikI cintA tu tasya sarvathA nA''sIt / tathA, vane tasya bAlakasya kA'pi hAniH kutazcid vA bhayaM vA'pi naiva jAtaM syAdityatrA''pi sa sapratyaya AsIt / evaM satyapi so'vizrAntaM nagaraM prati calitavAn, na kintu taM rakSitumapi tu daivAt sa punarapi pratyakSIbhaveditIcchayaiva kevalam / prAnte ca nagarasImAnaM prAptavAn / 97 For Personal & Private Use Only Page #107 -------------------------------------------------------------------------- ________________ yadA sa nagarasya rAjamArga prAptastadA tadupAnte sthitaM sundaraM krIDodyAnaM - yadekadA kamalAyAH AsId - dRSTvA tasya dvAryevA'tiSThat sthiratayA / atraiva sa aidamprAthamyena kamalAM zibikayA'trA''gacchantI dRSTavAn AsIt / sa samagro'pyatItastasya mAnasacakSuSoH purataH upasthitaH iva / punarapi sa svaM dIrghakUrcayutajIrNavastradhara-dhUlidhUsarita-taruNazramaNatvena pratyakSIkRtavAn / sa cirAya tatraivA'vasthAyodyAnaM nirIkSitavAn, tatra ca bahavo bauddhabhikSavastena sundarANAM vRkSANAmadhastAt saJcaranto dRSTAH / sa tatraiva tiSThan svIyamatItaM jIvanaM citrapaTeSu citritAM kathAmiva vilokitavAn / tatrodyAne sthitAn bhikSUn dRSTvA sa yuvAnaM siddhArthaM smRtavAn kamalayA sahitaM ca taM ramaNIyavRkSarAjImadhye paryaTantaM vilokitavAn / sa spaSTatayA svaM tatrodyAne kamalayA satkRtaM sarvaprathamatayA ca tasyAzcumbanaM svIkurvantaM dRSTavAn / sa tadapi smRtavAn yathA kathaM tena svIyAH purAtanAH zrAmaNyadinAH sadae~ sAvajJaM ca samIkSitA Asan, kathaM ca tena sagarvamutsukatayA ca sAMsArikaM jIvanaM prArabdhamAsIt / sa kAmasvAminaM, sevakAn, bhojanasamArambhAn, dyUtakrIDakAn, saGgItakArAMzca mAnase pratyakSIkRtavAn / kamalAyAH gAyakapakSiNaM paJjarasthitaM cA'pi sa vilokitavAn / evaM ca sarvamapi jIvanaM sa punarapi jIvitavAn, saMsAraM zvasitavAn, vArdhakyaM spRSTavAn, zrAnto jAtaH, nirvedamanubhUtavAn, maraNamabhilaSitavAMzca; tatazca punarapi pavitramoGkAraM zrutavAn / cirAyodyAnadvAra evA'vasthAnAnantaraM siddhArthaH lakSitavAn yad yo'bhilASastamihA''gantuM preritavAn sa sarvathA mauryapUrNa AsIt, nijaputraM sa kadA'pi bodhayituM samartho nA''sIt, nijajIvanapaddhatiM ca balAt tasminnAropayitumucitaM nA''sIt / sa palAyitaM bAlakaM prati vraNaM pratIva gADhaM premA'nubhUtavAn, samakAlameva cintitavAMzcA'pi yadayaM vraNo nedAnIM sapUyaH kartavyaH kintu tasya viropaNaM kartavyamAsIt / kintu tasmin samaye sa vraNo naiva virUDhaH, ataH sa duHkhitaH eva tatra sthitaH / yadarthaM svaputramanusRtya sa ihA''gata tatprApteH sthAne tena kevalaM zUnyatA prAptA''sIt / saduHkhaM sa tatraivopaviSTaH / svahadaye kiJcana mriyamANaM so'nubhUtavAn / sa tatredAnIM sukhaM svadhyeyapUrti vA naiva dRSTavAn / ataH sarvathA viSaNNaH sa pratIkSArataH upaviSTaH / nadyAH sakAzAt sa bahu zikSitavAnAsIt - pratIkSAM kartuM, dhairyaM dhat, zrotuM ca / sa tatra dhUlimayevama'ni niSNNaH zrotumArabdhaH / sa duHkhitayA mlAnatayA ca spandamAnaM svahRdayaM zrutavAn tataH prakaTantaM ca kaJcana dhvani zrotuM pratIkSitavAn / sa dIrghakAlaM yAvat pAdAvAkucya zravaNArthaM prayatitavAn kintu kimapi naivopalabdhavAn, tatazca kamapi mArgaM na dRSTvA'nte sa svaM zUnyatAyAM nimajjitavAn / yadA ca sa svIyaM vraNaM tIkSNatayA vyathayantamanubhUtavAn tadA sa 'om' - iti zabdaM japitavAn, svahRdayaM ca oGkAranAdena pUritavAn / udyAnasthA bhikSavastaM cirAt tathA niSaNNaM dRSTvA tanmastakaM ca dhUlyA'vaguNThitaM vilokya karuNArdrA jAtAH, teSAmekatamazca tannikaSA samAgatya dve kadalIphale tatpurato muktavAn / kintu vRddhajanaH sa te naiva lakSitavAn / etAvatA tasya skandhopari kasyacana hastasya sparzo'bhavat / etena sa jAgRto'bhavat / sa imaM mRdaM sacintaM ca sparzamabhijJAtavAn jhaTiti ca svastho'bhavat / tata utthAya sa vAsudevamabhivAditavAn yastasya 98 For Personal & Private Use Only Page #108 -------------------------------------------------------------------------- ________________ pRSThata Agata AsIt / yadA sa vAsudevasya prasannaM vadanaM, smitamayIM mukharekhAM, bhAsure ca locane dRSTavAMstadA so'pi smitaM kRtavAn / idAnIM sa svapurataH patite kadalIphale dRSTavAn / sa te gRhItvA tata ekaM vAsudevAya dattavAnaparaM ca svayaM khAditavAn / tataH sa maunameva vAsudevena saha vanaM gatavAn, tatazca nAvA nadI samuttIrya svIyaM kuTIraM prAptavAn / athA'pi dvayorekataro'pi pravRttasya viSaye na kimapyuktavAn, bAlakasya nAmA'pi naiva gRhItavAn, tasya gamanamadhikRtya na kiJciduditavAn, vraNaviSaye'pi ca noccaritavAn / siddhArtho nijAM zayyAM gatvA suptavAn, yadA ca vAsudevastasmai kiJcinnArikelajalaM dAtumantargatastadA tena dRSTaM yat siddhArtho gADhanidrAyAM zayito'stIti / For Personal & Private Use Only Page #109 -------------------------------------------------------------------------- ________________ 7. OM sA zalyavedanA cirAya siddhArthahadi paryaspandata / siddhArtho hi bahUn sApatyAn yAtrikAn nadIpAraM prApayat, kintu pratyekaM vAraM tasya teSAM yAtrikAnAmIW bhavati sma / sa cintayati sma yad - 'etAvanto janAH putrasukhena sukhitAH santi, kevalamahameva kimarthaM tatsukhAd rahito'smi ?. kiJca, durAtmAnazcaurAH luNTAkAzcA'pi santAnAni dhArayanti, premNA pAlayanti, teSAM snehamapi ca prApnuvanti, navaraM mayA vinA' / evaM cA'tyantaM bAlizatayA'tArkikatayA vitarkAn kurvan so'dhunA prAkRtajanavadAcarati sma / sa idAnIM janaiH sahA'nyayaiva vidhayA vyavaharati sma / nA'tyantaM cAturyeNa, nA'pi gaNa, parantu sarvathoSmapUrNena kutUhalapUrNena sahAnubhUtipUrNena ca vyavahAreNa vyavaharati sma / idAnIM, yadA sa sAmAnyAn vaNik-sainika-mahilAdIn yAtrikAn nadIpAraM nayati sma tadA te tasya pUrvavat pare aparicitA vA naiva bhAsante / yadyapi sa teSAM vicArAn abhiprAyAn vA naivA'vabudhyante sma tathA'pi taiH saha jIvanasyoddezAn manorathAMzcA'dhikRtya saMvAdaM karoti sma / yadyapi sa svAtmasaMyamasyoccAvasthAM samAsAditavAnAsIt svIyamantimaM vraNamapi ca sutarAM sahitvA pakvo jAta AsIt, tathA'pi sa idAnImetAn sAmAnyajanAnapi svajanatvenaiva pazyati sma / teSAM mithyAbhimAnastRSNAstucchatAdayazcedAnIM tasyA'saGgatA na pratibhAnti sma, pratyuta te janAstasya sadbhAvayogyAH premNa AdarasyA'zci pratibhAtAH / teSu janeSu kasyacana svApatyaM prati mohAndhyaM, kasyacit tu svasyaikamAnaM putramadhikRtya maurvyapUrNo garvaH, kasyAzcana ca yauvanoddhatAyA yuvatyA alaGkArAdyarthaM yuvajanAkarSaNArthaM ca kriyamANA autsukyapUrNAH prayatnA Asan / ete sarve'pi kSullakAH sAmAnyAH mUrkhatApUrNAzcA'pyatyantaM balavanta utkaTAH sacetanAzcA''vegA manorathAzcedAnIM siddhArthasya tucchatayA na pratibhAnti sma / eteSAmAvegAnAM manorathAnAM ca puraNArthaM janA jIvanti, atimahataH prayatnAna kurvanti, pravasanti, yudhyante, atimAtreNa sahante titikSante ceti nirIkSitavAn sa etadarthaM tAn prINAti sma, yataH sa teSAM manoratheSvAvazyakatAsu ca jIvanaM, caitanyamavinazvaraM ca brahma pazyati sma / so'cintayad yadete janA hi teSAmandhAnurAgavattvAd andhaparAkramAd AgrahavattvAccA'pi premapAtrANi prazaMsAspadAni ca santi / kasyacit tattvavidazcintakasya vA sakAze yat syAt tat sarvamapi kevalamekaM laghumapavAdaM vihAyaiteSAM pArve'pyAsIdeva / taccA''sIt sarveSAmapi jIvAnAmaikyabodhaH / kintu, bahuzaH siddhArtho'cintayad yat - 'kimetAdRzo bodho vicAro vA bahu mUlyamarhati khalu ? kimetaccintanaM cintakAnAM bAlizA''tmaprazaMsA nA''sIt khalu, ye kila kevalaM vicArayanto bAlakA eva santi ? sAmAnyA janA hi sarveSvapyanyeSu 100 For Personal & Private Use Only Page #110 -------------------------------------------------------------------------- ________________ viSayeSu eteSAM cintakAnAM tulyA evA''san, kadAciccaitebhyaH zreSThA api; yathA hi pazavaH kadAcit AvazyakatAyAM satyAM teSAM dRDhAsvavicalitAsu kriyAsu manuSyebhyo'pi zreSThAH dRzyante, tathA ! / siddhArthahRdaye - kA'sti vA zuddhA prajJA ? kimasti ca mama sudIrghAnveSaNasya dhyeyam ? - ityadhikRtya jJAnaM zanaiH zanaiH pravardhamAnaM kramazaH paripakvaM jAtam / tenA'nubhUtaM yadetaddhi kevalaM sarveSvapi jIveSu pratikSaNamAtmaupamyasyA'nubhavanaM zvasanaM sAkSAtkaraNaM tadarthaM ca svasya praguNIkaraNaM sAmarthyaprApaNaM cA'sti / etaccintanaM tasmin zanaiH zanaiH pariNataM jAtam / etasya ca pratibimbaM vRddhasya vAsudevasya bAlatulye vadane saMvAditArUpeNa, jagataH zAzvatatayA sampUrNatvarUpeNa aikyarUpeNa ca pratiphalitam / kintu, etAvatA'pi putragamanasya duHkhamito'pi manastudati sma / siddhArthaH svaputraviSaye snigdhatayA''tyantikatayA ca cintayati sma, tadarthaM svahRdaye premNo vAtsalyasya ca bhAvaM poSayati sma, tadgamanasya pIDayA vyathito bhavati sma, Asakta iva sarvAmapi mUrkhatAM samAcarati sma ca / evaM ca duHkhAgneAlAM nirvApayitumavakAzaM naiva kalpayati sma / ___ekadA, duHkhazalye'tyantaM vyathayati sati sa putramilanasyA''tyantikecchayA vyAptacittaH san 'nagaraM gatvA tadanveSaNaM karomyeve'ti vicintya nAvA nadI tIrNavAn / tato yAvad naukAto bahiH pAdaM sthApayati sma tAvat tasya dRSTirnadIpravAhe patitA / nadI mRdutayA mandamandaM pravahamAnA''sIt / grISmakAlasya sannihitatvAt yadyapi jalamanalpaM nA''sIt tathA'pi tasyAH kalakaladhvanistu spaSTatayA zrUyate sma / siddhArthasya pratibhAtaM yat sA'dya kiJcit vilakSaNaM bhASamANA'stIti / tenaikAgrIbhUya yAvannirIkSitaM tAvat, sA taM prati hasati, vyaktameva hasatIti lakSitam / vRddhanAvikaM dRSTvA sA parihAsaM kurvatyAsIt / etadabhilakSya siddhArthastatraiva sthirIbhUya spaSTatayA zravaNArthaM kiJcinnato jAtaH / evaMkaraNena ca tasya mukhaM zAntatayA pravahamAne jale pratibimbitam / tatra ca pratibimbe tAdRzaM kiJcidAsIt yat tasya vismRtaM kiJcid vastvasmArayat / yadA ca sa samyagAlocanaM kRtavAMstadA sa tat samyaktayA smRtavAn / tasya vadanaM kasyacanA'nyajanasya vadanamanuharati sma yaM sa ekadA samyag jJAtavAn, tadviSaye ca prema bhayaM cA'pyanubhUtavAnAsIt / sa jana AsIt tasya brAhmaNaH pitA / sa smRtavAn yat kathaM sa zrAmaNyagrahaNArthamanumati prAptuM taM balAtkAreNa preritavAnAsIt; haThAccA'nujJAM prApya kathaGkAraM sa tadgRhAnnirgata AsIt punazca naiva kadA'pi tatra pratinivRtta AsIt / kiM tasya pitA'pi tadeva duHkhaM nA'nubhUtavAn syAt yadidAnI sa svaputrasya kRte'nubhavannAsIt ? kiM tasya pitA bahoH kAlAt pUrvameva svaputramadRSTvaivaikAkitayA mRto nA''sIt khalu ? svapituriva kiM tasyA'pi eSaiva niyatirnA''sIt kila ? kimetat punarAvartanaM, niyatyA vartule ghaTamAna eSa ghaTanAkramaH kimekaM prahasanaM, vicitraM maurdhvapUrNaM ca kAryaM vA nA''sIt khalu ! / nadI hasantI AsIt / Am, etadeva tadAsIt / sarvamapi yad A'ntamasahitvaiva samApitaM syAt tadavazyaM punarAvartitaM bhavati sma, tatra ca samAnAni eva duHkhAni anubhavitavyAni bhavanti / pitRviSayakaM putraviSayakaM ca cintanaM kurvANaH, nadyopahasyamAnaH, svena sahaiva vipratipadyamAnaH, 101 For Personal & Private Use Only Page #111 -------------------------------------------------------------------------- ________________ nairAzyAsannaM vartamAnaH, evaMsatyapi ca nijaM prati jagataM prati coccairhasitumabhilaSan siddhArthaH punarapi nAvamArUDhaH, nadI tIrvA ca gRhaM pratyAgataH / tasya duHkhazalyamidAnImapi tudati sma, niyateH purato virodhaM kartumito'pi tasya manaH samujjRmbhate sma / idAnImapi tasya pIDAyA abhibhavo naiva jAtastatazca tasya citte prazAntirapi nA''sIt / evaMsthite'pi sa tadarthamAzAnvita evA''sIt / yadA sa kuTIraM prAptastadA tasya manasi vAsudevasyA'gre gatvA sarvamapyAtmanivedanaM kartumadamyo'bhilASo jAgRta AsIt / sa svamanasi sthitaM sarvamapi zravaNakalAnipuNAya vAsudevAya kathayitumutkaNThate sma / ___ vAsudevaH kuTIre upavizya vaMzakaNDolaM viracayannAsIt / so'dhunA naukAryaM na karoti sma, yatastasyA'kSiNI nistejaske jAyamAne AstAM, hastau pAdau ca durbale abhavatAM, kintvevaM satyapi tasya vadane saivA'parAvartitA samujjvalA ca prasannatA prazAntizca vilasamAnA''sIt / siddhArthastasya vRddhajanasya purata upaviSTaH zanaiH zanaizca kathayitumArabdhaH / sa tasya yat kadA'pi naiva nirdiSTavAnAsIt tat sarvaM kathitavAn, yathA - kathaM sa tadA nagaraM gatavAnAsIt, kathaM ca putraviyogazalyaM tanmanastudati sma, kathaM ca sa sukhino janakAn dRSTvA'sUyate sma, etAdRzAM ca bhAvAnAM mauryasya viSaye tasya bodhaH, tathA svAtmanA saha nairAzyapUrNaH saGgharSaH -- ityetat sarvamapyadhikRtya sa kathitavAn / sa tasya purato yat kimapi - sarvathA duHkhamayamapi viSayaM kathayituM saGkocaM naiva kRtavAn / sa svIyaM zalyaM tadane prakAzitavAn, tasmin dine nagaraM prati gamanArthaM kathaM sa kuTIrAnnirgatya nAvA nadI tIrNavAn, kathaM ca nadI taM prati parihasitavatI - ityetat sarvamapi tasyA'gre niveditavAMzca / ___ yathA yathA sa svakathanamanuvartitavAn yathA ca vAsudevaH prasannayA mudrayA tat zrutavAn, tathA tathA siddhArthenA'tyantaM sUkSmatayA sAvadhAnatayA ca vAsudevasya pUrNA'nanyavRttiranubhUtA / tasya sarvA api vyathAH cintA durAzAzca yathA vAsudevaM prati pravahitAH zucIbhUya punarapi ca taM prAptAH santIti so'nubhUtavAn / svIyazalyasya tadagre nivedanaM nAma sarvathAM zItalIbhavanaM yAvannadyAM snAnaM, prAnte ca nadyai kyameva ! yathA yathA sa kathitavAn AtmanivedanaM ca kRtavAMstathA tathA tenA'nubhUtaM yadayaM nAsti samprati vAsudevaH, nAsti cA'yamitaH paraM kazcana zravaNanirato manuSyaH, pratyuta so'nubhUtavAn yadeSa nizcalaH zrotA, tasyA''tmanivedanaM, vRkSo varSAjalamiva, pratilavaM nipibannasti, yadayaM niHspando janaH svayameva nadyasti nanu !, athavA'yaM svayameva devo'sti, zAzvatatattvaM vA'sti / yathA yathA ca siddhArthaH svaviSayakAt svIyazalyaviSayakAcca cintanAt nivRtto jAtastathA tathA vAsudevasya parivartanaviSayakeNa bodhena sa AkrAnto jAtaH / yathA yathA ca sa imAmanubhUtimAtmasAt kRtavAn tathA tathA tadviSayikI aparicitatA tasyA'lpatvaM prAptA, tathA so'nubhUtavAnapi yat sarvamapi svAbhAvikaM susthaM cA'stIti / tathA vAsudevo'pi cirAdeva, prAyaH sarvadA'pi etAdRza evA''sIt kathamapi bhinno nA''sIt / so'nubhUtavAn yad yathA janA devAn pUjayanti sma tathaiva so'pi vAsudevaM pUjayitumArabdha AsIt, etacca cirAya naiva sthAsyatIti ca, yato'bhyantare tu sa vAsudevAd viyoktumArabdha AsIt / etAvatA tasya kathanaM tvanuvartamAnamAsIt / yadA tasya kathanaM samAptaM vAsudevena svIyA kiJcid vikalA dRSTistasyopari nivezitA / sa kiJcidapi 102 For Personal & Private Use Only Page #112 -------------------------------------------------------------------------- ________________ naivA'bhASata, parantu tasya prazAntavadanAd vAtsalyasya prasannatAyAzca prabhA prasarati sma, sadbhAvasya prajJAyAzca chAyA vilasati sma / sa siddhArthahastaM svahastena gRhItvA taM nadItIre'nayat / tatastasya purata upavizya nadIM prati dRSTvA'smayat / snehenA'kathayacca - 'bhavatA nadyAH hAsa: zrutaH, kintu tato'pyadhikaM bahu zrotavyamasti / AvAM zRNuyAva tAvat' / sarvamapi zubhamazubhaM ca - eteSAM sarveSAmapi sammIlanaM nAmaiva jagadAsIdidaM khalu / eteSAM sarveSAmapi mIlanamevA''sId ghaTanApravAho nAma, jIvanasaGgItaM nAma ! I yadA siddhArtha aikAgryeNa nadIma zrauSIt, sahasrazaH zabdAnAM gAnamazrauSIt, yadA ca sa zokamayaM hAsyamayaM vA zabdaM naiva zrutavAn, yadA sa svaM kenacit vizeSeNa dhvaninA naivA'badhnAt, nA'pi ca taM dhvanimAtmasAt kRtavAn, kintu sarvAnapi zrutavAn, yadA ca sa sarvamapi sAmagryeNA'dvaitena ca zrutavAn, tadA sahasrazo dhvanInAM mahAgAnaM kevalamekazabdAtmakameva jAtam - om - pUrNatA iti / 'kiM bhavAn zrutavAn ?' punarapi vAsudevo dRSTikSepeNa pRSTavAn / tasya smitamujjvalamAsIt, yathA om - nadyAH sarveSvapi dhvaniSu sarvataH prasRtastathA tasya smitasya kAntirapi tasya mukhasya sarvAsvapi valiSu sarvataH prasRtA / yathA sa svamitramukhamavalokitavAMstathA tasya smitaM projjvalaM jAtam / tatazca siddhArthasya mukhe'pi tadeva smitaM prakaTitam / tasya vraNamupazAntaM jAyamAnamAsIt, tasya pIDA'pastriyamANA''sIt, tasyA''tmA caikye vilIyamAna AsIt / tataH kSaNAdeva siddhArtho niyatiM virudhya yuddhakaraNAt nivRtto jAtaH / tasya vadanopari; icchAnAM saGgharSAd yo nivRtto'sti, yo mukti prApto'sti, yo ghaTanApravAheNa saha jIvanapravAheNa ca saha saMvAditAM bhajati, yasya cittaM sahAnubhUtyA karuNayA ca pUrNamasti yaH pravAhe eva samarpito'sti sarveSAmapi caikyena saMsthito'sti, tasya vadane yA jJAnAnandasya prabhA vilaset sA, prabhA vilasamAnA''sIt / vAsudevo nadyAstaTAdutthitaH / yadA sa siddhArthasya netrayornirIkSitavAn tatra ca jJAnAnandaM prakAzamAnaM vilokitavAn, sa svIyena sahRdaya - saumyavyavahAreNa mRdutayA tasya bhujaM spRSTvA'kathayat - 'mitra ! asyaiva kSaNasya cirapratIkSA mayA kRtA''sIt, adhunA sa kSaNa upasthito'sti / idAnImahaM gamiSyAmi / ahaM vAsudevo nAMvikatayA cirAyA'bhavam / adhunaitat samAptaM jAtamasti / svasti kuTIrAya, svasti nadyai, svasti ca siddhArthAya / siddhArtho'pi gacchatastasyA'gre savinayaM prANamat kathitavAMzca mRdutayA bhavAn vanaM gacchati kila ?' 'Am ahaM vanaM gacchAmi, ahaM samagrasyA'pi vastujAtasyaikyaM prati gacchannasmi' - projjvalavadano vAsudevo'vadat / evaM ca sa gatavAn / siddhArthastaM gacchantaM samavalokitavAn, sa gacchantaM taM mahatA''nandena gauraveNa cA'valokitavAn / tasya prazAntAn pAdanyAsAn, dedIpyamAnaM vadanaM, prakAzamayaM ca sarvamapi vyaktitvaM so'valokayannatiSThat / O 103 For Personal & Private Use Only - 'mayA jJAtamAsIdetat, kiM Page #113 -------------------------------------------------------------------------- ________________ 8. govindaH ekadA govindaH, prasiddhayA gaNikayA kamalayA bauddhabhikSubhyo vihArArthaM samarpite krIDodyAne kaizcidanyairbhikSubhiH saha kaJcit kAlaM vizrAntyarthamuSitavAn / tatra ca sa vRddhanAvikaviSayikI vArtA zrutavAn, yaH kevalamekadivasIyapravAsAntare nadItaTe vasati sma, janeSu ca satpuruSatayA prathita AsIt / yadA govindastataH prasthitastadA sa nadIM gacchatA mArgeNaiva prasthitaH / yato yadyapi sa svIyaM samagraM jIvanaM bhikSusaGghasya niyamAnanusRtyaiva yApitavAn AsIt, svasya vayo niyamamaryAdAM vinItatvaM cA''zritya yuvabhikSUNAmAdarapAtramapyAsIt, tathA'pi tasya hRdayamito'pi cAJcalyaM bibharti sma, satyAnveSaNecchA cA'tRptA''sIt / nadIM prApya sa vRddhanAvikAya nadIpAraM prApayituM prArthayata / yadA tau nadIpAraM prApya naukAto'vatIrNau tadA sa vRddhaM taM kathitavAn - 'bhavAn sAdhUn yAtriNazca prati bhRzaM sadbhAvaM darzayati khalu ! bhavAn AsmAkInAn bahUn sAdhUn nadI tAritavAnasi / manye, ahamiva bhavAnapi sanmArgagaveSaka evA'sti kila?' siddhArthasya vRddhayonayanayoH smitajyotsnA dRzyate sma / so'vadat - 'kiM bhavAn svaM mArgagaveSakatvena gaNayati khalu ? mAnyo bhavAn, yo varSANi yAvad bhikSutvaM prapannaH so'pi evaM vadati khalu ?' govindenoktaM- 'yadyapyahaM vRddha eva, tathA'pi mayA'nveSaNaM naiva tyaktaM, kadA'pyahaM tannaiva tykssyaamypi| eSaiva mama niyatirasti / kintu manye yad bhavAn kiJcidupalabdhavAn asti iti / mitra ! kiM bhavAn tadviSaye kiJcid kathayati vA mAm ?' siddhArthanoktaM - 'bhavate mUlyavad bhavedityevaM kiM vA'haM vadAni ? kevalaM, bhavAn prAyaH satyAnveSaNArthaM bhRzaM prayatate, tatpariNAmatazca bhavAn tanna labdhuM zaktaH syAt - iti' / 'etat kathaM vA syAt ?' 'yadA kazcanA'nveSaNe rato bhavati tadA'nAyAsameva sa yadanveSaNe lagnastadeva sa pazyati tatazca so'nyat kiJcidapi prAptuM naiva zaknuyAt, kiJcidapyaGgIkartuM naiva siddho bhavet, yataH sa kevalaM tasmin viSaya 104 For Personal & Private Use Only Page #114 -------------------------------------------------------------------------- ________________ eva cintayan bhavati, sa dhyeyaniSTho bhavati, sa dhyeyenaivA''viSTo bhavati / anveSaNaM nAma - dhyeyasahitena bhavitavyaM, kintu prAptirnAma muktiH, sarvagrahaNazIlatA, dhyeyavihInatA vA / bhoH satpuruSa ! yadyapi bhavAn satyAnveSako'sti, svadhyeyArthaM nitarAM prayatnazIlo'pyasti, kintu tata eva bhavato dRSTeH samakSameva yAni vastUni santi tAnyapi bhavAn draSTuM na kSamaH / 'ahamito'pi bhavataH kathanasya bhAvArthaM naivA'vagacchAmi nanu ! kiM vA'bhipraiti bhavAn ?' - govindo'pRcchat / 'bho mAnya ! ekadA bhavAn, bahu varSebhyaH pUrvaM, nadyA asyAstaTe AgataH, janamekaM cA'tra zayAnaM dRSTavAn / bhavAn tadrakSaNArthaM tatsamIpa evopaviSTaH kintu tamabhijJAtuM naiva prabhurjAto bho govinda !' / Azcaryacakito mantramugdhazca jAtaH sa bhikSurnAvikaM nirIkSitavAn / 'bhavAn siddhArtho'sti khalu ?' - sa kAtaratayA pRSTavAn / 'ahaM bhavantamidAnImapi naiva pratyabhijJAtavAn / bhavataH punadarzanaM jAtamityato'tyantaM prasanno'smi bhoH ! siddhArtha ! atIva hRSTo'smi / bhavAn bahu parAvartanaM prApto'sti mitra ! kimidAnIM bhavAn nAvikaH saMvRtto'sti vA ?' siddhArthaH sasnehaM hasitavAn, 'Am ahaM naucAlako jAto'smi / bahubhirjanairbahuzaH parAvartanaM prAptavyaM bhavati, naikavidhAni ca vastrANi paridhAtavyAni bhavanti / ahamapi teSAmanyatama eva priyasakhe ! / bhavato'tra svAgatamasti govinda !, ahaM bhavantaM me kuTIre rAtriyApanArthamAmantrayAmi' / govindastasyAM rAtrau kuTIra eva nyuSitaH, vAsudevasya caiva zayyAyAM zayitavAn / sa bAlyakAlInAya svamiMtrAya bahUn praznAnapRcchat, siddhArthazca svajIvanaviSayakAn bahUnaMzAn tasyA'kathayat / prAtaryadA govindasya gamanakAlaH sannihitastadA kiJcit skhaladvAk san sa siddhArthamuktavAn - 'mitra ! mama gamanAt pUrvamahamito'pyekaM prazna praSTumicchAmi tAvat / bhavAn kaM siddhAntaM kAM vA zraddhAM kiM vA jJAnamavalambate yad bhavate samyag jIvitumucitaM ca kartuM sahAyaM karoti ?' siddhArthenoktaM - 'bhavAn jAnAtyeva mitra ! yat tAruNye'pi yadA''vAM zramaNIbhUya vane'vasatAM tadA'pi ahaM siddhAnteSu guruSu vA naiva zraddadhAmi sma, pratyuta tAn pRSThataH karomi sma / ahamidAnImapi tAdRzImeva vicAradhArAM dadhAmi, evaMsatyapi tataH kAlAdevA'dyayAvat me bahavo guravaH saJjAtAH / ekA sundararUpavatI gaNikA cirAya me gururAsIt, evaM kazcana dhaniko vaNik dyUtakrIDakazcA'pi me gurU abhavatam / ekasminnavasare tu paryaTanaM kurvANo mahAtmano buddhasya kazcana ziSyo'pi me guruH saJjAtaH / araNyamadhye gADhanidrAvazagasya mama rakSaNArthaM sa svIyAM yAtrAmapi ruddhavA matpAa upaviSTa AsIt / ahaM tatsakAzAdapi kiJcicchikSitavAn, etadarthaM cA'haM tasya kRtajJo'smi, bhRzaM kRtajJaH / evaM sthite'pi adhikaM jJAnaM tu mayA asyA nadyAH sakAzAt me pUrvagAminazca vAsudevasya sakAzAdeva prAptamasti / sa hi sarvathA sAmAnyo jana AsIt, vicArakastu nA''sIdeva, tathA'pi gautamabuddhavat sa jIvanasya sArabhUtaM tattvaM 105 For Personal & Private Use Only Page #115 -------------------------------------------------------------------------- ________________ jAnAti sma / vastutaH sa ekaH pavitro manuSya ekaH satpuruSa AsIt' / govinda uktavAn - 'siddhArtha ! manye yad bhavate adyA'pi vinodakaraNaM kiJcidiva rocate / ahaM bhavantaM zraddadhe, jAnAmi ca yad bhavatA kasyacanA'pi guroranusaraNaM naiva kRtam / kintu, etAvatA'pi bhavataH svayaMsiddhameva kiJcana jJAnaM, kecana siddhAntA vicArA vA na santi yatsAhAyyena bhavAn sukhena jIvati ? yadi bhavAnatra viSaye kaJcit kathayet tadA me mahAn santoSo bhavitA' / siddhArthaH kathitavAn - 'Am, mamA'pi kecana vicArAH kiJcicca jJAnamAsIdeva / kadAcicca muhUrtamAtraM dinArdhaM vA'haM jJAnaviSayikIM jAgRtiM vahAmi, yathA kazcana svacitte kadAcid jIvanaviSayikIM jAgRtiM dhArayati / tathA mamA'pi bahavo vicArA Asanneva kintu teSAM bhavadagre nirUpaNaM matkRte kaSTadaM syaat| athA'pyeko vicAro mAM sadA'pi AkRSati govinda !, yat - prajJAyA: saGkramaNaM sarvathA'zakyamasti / yadi kazcana prAjJo jano prajJAM kasmaicid vitarItuM prayatate tadA tadajJAnameva me pratibhAti' / 'kiM bhavAn parihAsaM karoti vA ?' 'naiva bhoH ! / mayA yadAviSkRtamasti tadeva bhavate kathayannasmi / jJAnaM hi parasmai dAtuM parasmin vA saGkramayituM zakyaM, na tu prajJA / kazcana tAM samAsAdayet, tayA sthiro bhavet, tAmupayujya ca camatkArAnapi kuryAt kintu tasyA vitaraNaM saGkramaNaM zikSaNaM vA kartuM tu sarvathA'zakyam / ahaM tAruNya evaitasminnarthe sAzaGka Asam / anenaiva ca kAraNenA'haM gurUNAM sAnnidhye sthiro naiva jAtaH / anyo'pyeko vicAro'sti govinda ! yaM bhavAn parihAsaM mUrkhatvaM vA manyeta / sa caivamasti - pratyekaM satyasya viparyayo'pi samAnatayaiva satyamevA'sti / udAharaNArthaM, yadi kiJcit satyamekapakSIyaM syAt tadaiva tat zabdairabhivyajyetA''vriyeta vA / pratyekaM vicArarUpaM zabdaizcA'bhivyajyamAnaM vastu ekadezIyaM satyamardhasatyam / tasmin sAkalyaM pUrNatvamaikyaM vA naivA'sti / yathA, yadA mahAtmA buddho jagadviSayakaM tathyamupadiSTavAMstadA tena tat saMsAro nirvANaM ceti dvidhA vibhaktavyamApatitaM; evaM satyaM bhrAntizca bandhanaM muktizca ityAdi / anyathA ca naitacchakyamasti / upadeSTRNAM kRte'nyA kA'pi paddhatireva nA'sti / evaM satyapi jagadidaM - asmadantaH asmatparitazca vartamAnaM hi na kadA'pyekadezIyamekAGgIyaM vA bhavati / kaJcanA'pi manuSyaH kiJcit kRtyaM vA'pi ca sarvathA saMsArarUpaM nirvANarUpaM ca vA naiva bhavati / ko'pi jana: sarvathA pApI sarvathA ca sajjano vA naiva bhavati / kintu asmAkaM yadevaM pratibhAti tatra "kAlaH sad dravyamastI' 'ti bhrama eva kAraNam / kAlastu sadddravyaM nAstyeva govinda ! | ahaM bahuza etadanubhUtavAnasmi / evaM ca yadi kAla eva sat nA'sti tadA jagata: zAzvatatattvasya ca madhye, duHkhasya Anandasya ca madhye, puNyasya pApasya ca madhye yA bhedarekhA dRzyate sA kevalaM bhrama evA'sti' / 1 'etat kathaM syAt ?' govindaH sasambhramaM pRSTavAn / 'pazyatu mitra ! ahaM pApI asmi bhavAn pApI asti / kintu kadAcit pApI brahmasvarUpo bhaviSyati, 1 106 - For Personal & Private Use Only Page #116 -------------------------------------------------------------------------- ________________ nirvANaM prApsyati, buddho bhaviSyatyeva / athA'tra yadidaM 'kadAcit' ityasti tad bhrama eva, taddhi kevalamupamAnamevA'sti / pApI hi buddhatvaprAptermArge naiva vartate, utkramaNArthaM ca naiva prayatate kadA'pi / kintu vayamanyarItyA cintayitumAlocayituM vA naiva prabhavAmaH / vastutaH sambhAvyatArUpo buddhaH pApinyapi vidyata eva / tasya bhaviSyat tatrA'styeva / zakyasvarUpo'yaM buddhaH suSupto buddhastvayi mayi tasmin sarvasmizcA'pi pratipattavya eva bhavati / govinda ! jagadidaM hi nA'styapUrNaM nA'pi ca dIrghapathena pUrNatvaM prati utkrAntimat / tat tu pratikSaNaM sarvathA pUrNamevA'sti / pratyekaM pApamantarnihitapuNyabIjameva bhavati, pratyekaM zizurvArdhakyasambhAvanAM svasmin dhArayatyeva, pratyekaM stanandhaye mRtyoH zakyatA nihitA'styeva, pratyekaM maraNAsanno svasmin zAzvatatattvaM dhArayatyeva / itaro jano mArge kiyaddUre vartate iti jJAtuM na kenA'pi zakyate / yataH, kasmiMzcilluNTAke dyUtakAre vA'pi buddho varteta, kasmiMzcicca brAhmaNe'pi luNTAko vidyetA'pi / gADhadhyAnavelAyAM samAdhau vaiva kAlAtikramaNaM zakyaM, yugapadeva bhUta-vartamAnAnAgataM ca draSTuM zakyaM; tatazca pratyekaM vastu pUrNameva, zubhameva, brahmaiva / ato mamedaM pratibhAti yad astitvayutaM pratyekaM vastu zubhamevA'sti - maraNaM jIvanaM cA'pi, pApaM ca puNyaM ca, vaiduSyaM ca mUrkhatvaM cA'pi / pratyekaM vastu yathAvasthitaM sundaramevA'sti, pratyekaM vastu mamA'numati mamA'bhyupagamaM caivA'pekSate, mama snehaM sadbhAvameva ca pratIkSate / yadyetat syAt tadA mama sarvatra-sarvadA ca zubhameva bhavati, na kiJcidapi ca mAmupadrotuM pIDayituM vA samarthaM bhavati / ahaM me zarIrAdAtmanazca sakAzAt baDheva zikSitavAn yathA - mayA pApaM kartavyamanivAryamAsIt, kAmAsaktimatkRte AvazyakyAsIt, dhana-vaibhavaprAptyarthaM mayA prayatanIyamAsIt; nirvedo nirAzAyAzca parisImA, tatpratIkArakaraNaM yayA rItyA vismareyaM, sarvasyA'pi jagataH prema kartuM zikSeyaM, kenacit kAlpanikatayA pUrNena jagatA tasya tolanaM ca na kuryAmahaM kintu tat yathAvat svIkuryAM, tasmin snihyeyaM, ahamapi ca tasyaivAM'zo'smi - ityetadarthaM pramudito bhaveyaM, tayA rItyA mayA'nubhavitavyaivA''sIt / govinda ! ete etAdRzAzcA'nye vicArA mama mastiSke santi' / tataH kiJcidAnamya siddhArthenaikaH pASANakhaNDo gRhIto govindasya ca darzayitvA kathitaM - 'pazyatu, ayamekaH pASANakhaNDo'sti, kiyaccitkAlAnantaraM hyeSa urvarAmRttikArUpeNa pariNato bhaviSyati tatazca vRkSarUpeNa pazurUpeNa manuSyarUpeNA'pi vA pariNatiM prApsyati kadAcit / pUrvaM tu mayA pASANakhaNDaM dRSTvA kadAcidevaM kathitaM syAt - eSa tu kevalaM kazcana prastarakhaNDaH, asya na kimapi mUlyaM mahattvaM vA, mAyAsvarUpasya jagato'za eSaH, kintu parAvartamAne jagati kadAcideSa manuSyatvaM brahmatvaM cA'pi prAptuM samarthaH, ata eva cA'sya mahattvamastIti / kintvadhunA'hamevaM cintayAmi yadeSa pASANakhaNDa: pASANastvastyeva, eSa pazurdevo buddhazcA'pyasti / ahaM tametadarthaM naiva pUjayAmi prINAmi vA yadeSa purA kazcanA''sIt bhaviSyati cA'nyavidhaH kazcana bhaviSyati, kintu sa pUrvameva sarvarUpo'styeva sarvakAlaM cA'pi sarvarUpo'sti / ahamenaM prINAmi yataH ayaM prastaro'sti, adyA'dhunA ca sa me prastarayA'dhyakSIbhavannasti / tasya pratyekaM rekhAH, sUkSmANyaGkanAni, laghUni chidrANi, pIta-dhUsarAdivarNAH, kAThinyaM, tadabhighAtazabdaH, tasya zuSkatvaM klinnatvaM 107 For Personal & Private Use Only Page #117 -------------------------------------------------------------------------- ________________ vA ceti sarvatra kiJcinmUlyavattA sArthakatA ca vidyata eva / tAdRzAH pASANakhaNDA bhavanti ye tailamayA iva phenakamiva vA bhAsante, athavA parNavat reNuvad vA'pi bhAsante, pratyekamete bhinna-bhinnAH, svakIyapaddhatyaiva ca oGkAramupAsate, pratyekamapi ca brahmaNa eva svarUpANi / kintu samakAlameva ete prastarasvarUpA api santyeva, bhavantu nAma tailamayA phenakasamA vA / etadeva mAM prINayati adbhutaM ca pratibhAti, upAsanArhaM ca bhAsate / kintvetadviSaye'hamadhikaM na kiJcid vakSye / yataH zabdaivicArANAmabhivyaktiH samyaG naiva jAyate / yadA vayaM vicArANAmabhivyaktiM kuryAma tadA sarvadA te kiJcidiva parAvartante, kiJcid vikRtA bhavanti svalpatayA mUrkhatvayutA api bhavanti / evaM satyapi, ekasya janasya yanmUlyavat prajJAparaM ca bhAsate tadevetarasyA'sambaddhamanarthakaM ca bhAsate - ityetadapi mAM prINayati samucitaM ca bhAsate' / govindaH zAntyA zRNvannAsIt / kiJcinmaunAnantaraM tena skhaladvAcA pRSTaM - 'kimarthaM bhavAn me pASANaviSayakaM kathanaM kathitavAn ?' 'aho ! tat tvahaM vinA kaJcanA''zayameva kathitavAn / kintu kadAcit tadevamapi jJApayati yanme - pASANo, nadI, sarvANi cA'nyAni vastUni yAni vayaM pazyAmaH yatazca vayaM kiJcit zikSAmahe - tat sarvamapi rocate / ahaM pASANamapi premaviSayaM kartuM zaknomi, vRkSaM valkalakhaNDaM vA'pi ca / etAni sarvANyapi vastUnyeva, tAni ca kazcana prINAtyeva / kintu zabdAnahaM naiva prINIyAm / tatazcopadezA matkRte na kiJcidupayoginaH, yatasteSu nAsti kAThinyaM, na mArdavaM, naiva varNAH, nA'pi koNAH, na hi gandhaH, na ca svAdaH / te hi anyat kiJcidapyabhUtvA kevalaM zabdA eva santi / ete zabdA eva bhavantaM zAntiprApaNe bAdhakAH syuH kadAcit / asmin jagati atyadhikAH zabdAH santi, mokSArthaM guNArthaM cA'pi bahuzo bahavaH zabdAH prayujyante, ato manye'haM yat saMsAro nirvANaM cetyAdayaH kevalaM zabdA eva govinda ! / nirvANaM nAma na kiJcit sat tattvaM, parantu kevalaM zabda eva' / govindenoktaM - 'bhoH ! nirvANaM na kevalaM zabdaH, tat tu vicAro'sti mitra !' / siddhArtho'nuvartitavAn - 'bhavatu sa vicAraH, kintu mayA svIkartavyamevaitad yanmama dRSTau vicArasya zabdasya ca madhye nA'sti bhUyAn bhedaH / spaSTaM vadAmi cet ahaM vicArAn mahattvayutAn naiva manye / udAharaNArthaM kathayAmi - atra nAvikarUpeNaiko manuSya AsId yo hi me pUrvagAmI guruzcA''sIt / sa ekaH pavitro mAnava AsIt yo varSANi yAvat kevalaM nadyAmeva vizvasitavAn nA'nyatra kutracit / nadyA dhvanistena saha bhASate iti sa lakSitavAn / sa tata eva zikSitavAn, dhvanizca tamadhyApitavAn pAThitavAMzca / nadI hi tasya kRte bhagavAnAsIt / bahUni varSANi yAvadetadapi naiva jJAtavAn sa yat pratyekaM vAyuH, pratyekaM meghaH, pratyekaM pakSI, pratyekaM bhramarazcA'pi samAnatayaiva divyA jJAnavanto nadIvacca bodhadAnAya samarthA eva / kintu yadA'yaM pavitro jano vanaM gatavAMstadA sa sarvamapi jJAtavAn, vinaiva guruM pustakAni ca sa bhavatto mattazcA'pyadhikatayA jJAtavAn, yataH sa nadyAM pUrNatayA vizvasiti sma' / govindena kathitaM - 'kintu bhavAn yaM padArthaM vasturUpeNa jAnAti sa kiM vAstavikastAttvikazca ? 108 For Personal & Private Use Only Page #118 -------------------------------------------------------------------------- ________________ kiM sa mAyAyA bhrAmakaM rUpaM nAsti kila? kevalaM pratibimbamAbhAso vA? bhavataH pASANo bhavato vRkSazca - kimetau vAstavikau vA ?' 'etadapi nAstyeva matkRte'dhikaklezakaraM nanu / yadyete AbhAsarUpAH syustadA'hamapi tAdRgeva, tatazcaiteSAM mama ca svabhAvaH sadRza eva khalu ! etadeva tattvaM tAn premArhAn upAsyAMzca karoti / etadarthameva cA'haM tAn prINAmi / mamaikaH siddhAnto'sti yaM jJAtvA bhavAn hAsamapi kariSyati / govinda ! mamaivaM bhAti yadatra jagati premaiva sarvathotkRSTaH padArthaH / mahatAM cintakAnAM kRte tu jagataH parIkSaNaM, tavyAkhyAnaM tasya tiraskaraNaM ca mahattvayutaM pratibhAyAt kintu mama matena tu jagataH premakaraNameva mahattvayutaM na punastiraskaraNam / parasparamapyasmAkaM dveSakaraNaM naivocitaM kintu jagataH sveSAM, sarveSAmapi ca jIvAnAM premasnehAdaraiH svIkaraNArthamasmAkaM samarthIbhavanamevocitaM mahattvayutaM ca' / 'ahamavabudhye tat, kintu bhagavatA buddhanedameva bhramo mAyA vA kathitam / sa kAruNyaM dhairyaM kSamA sahAnubhUti - sarvamapyetadupadiSTavAn na kintu prema / so'smAkaM jAgatikapremabandhane patanAnniSedhitavAn / ' ___ madhurasmitaM kRtvA siddhArthenoktaM - 'govinda ! ahaM jAnAmyeva tat / tathA vayaM zabdAnAmarthAnAM ca visaMvAde kathaM pravRttAH smastadapyupalabhyate'tra / ahametat pratyAdeSTuM naivecchAmi yanme premaviSayakAH zabdA gautamasyopadezena saha spaSTatayA visaGgatAH santIti / kintvetatkAraNAdeva zabdeSu naivA'dhikaM vizvasimi, yato'haM jAnAmi yadeSA visaGgatihi kevalaM bhramarUpaivA'sti, ahaM ca gautamena saha sarvathaikyamanubhavAmi / yo jagato'sAratAM kSaNabhaGgaratAM ca samyaktayA'vabuddhavAn, athA'pi yaH sarveSu prANiSu snihyan tAnupadeSTumupakartuM ca svIyaM samagramapi jIvanaM vyayitavAn samarpitavAMzca sa kathamiva premapadArthaM naiva jAnIyAt na svIkuryAd vA ? asya mahAguroridameva kRtyaM tacchabdebhyo'pyadhikaM mahattvapUrNaM, tasya kAryANi jIvanaM ca tadabhiprAye'pyAdhikyena mahimAnvitAni / ahaM taM kevalaM zabdAnAM vicArANAM ca kRte mahAtmatayA naiva sammAnayAmi kintu tasya jIvanasyottamakAryajAtasya ca kRte' / tato dvAvapi vRddhajanau cirAya maunamevopaviSTau / tato govindena gantavyamAsIdataH sa uktavAn - 'siddhArtha ! bhavatA svavicArA yat prakAzitAstadarthaM nitarAM kRtajJo'smi / teSu kecana vicArAH kiJcidiva vilakSaNAH santi, ahaM zIghratayA tAnAkalayitumasamartho'smi / tathA'pi, bhavataH upakAraM manye, bhavato jIvanaM zAntimayaM bhavedityAzAse ca' / sa yadyapyevaM vadannAsIt tathA'pyantastale tu so'cintayad yat - siddhArtho hi vicitro jano, vicitrAMzca vicArAnabhivyanakti / tasya kalpanA bhrAntA iva lakSyante / mahAtmano buddhasya siddhAntAstu tataH kiyanto bhinnAH santi khalu ! te hi spaSTAH saralAH subodhAzca santi, teSu nAsti kiJcid vilakSaNamayuktikamupahAsayogyaM vA / evaM satyapi siddhArthasya hastau, pAdau, netre, dhruvau, zvasanaM, smitaM, praNatiH, gatizceti sarvamapi tasya vicArebhyo bhinnarUpeNa mAM prabhAvitaM karoti / bhagavato gautamabuddhasya nirvANAnantaraM 109 For Personal & Private Use Only Page #119 -------------------------------------------------------------------------- ________________ siddhArthena vinA nA'haM tAdRzamekamapi janaM na pratyakSIkRtavAn yaM dRSTvA 'ayaM sarvathA pavitro janaH' iti pratItiH syAt / bhavantu nAma tasya kalpanA vicitrAH, syurnAma ca tasya vacAMsi nirarthakAni, kintu tasya dRSTistasya ca hastaH, tasya tvak kezAzceti sarvamapi pavitratAM, zAnti, prasannatAM, saujanyaM, sAdhutAM caiva prasArayati; etacca mayA'smAkaM mahAguronirvANAnantaraM na kutracidapi jane dRSTamasti' / ___ evaM vicArayan govindaH saMzayitacittaH sanneva siddhArthaM praNatavAn, maunena zAntatayopaviSTaM siddhArtha sa bhAvapUrvakaM nataH / tatastenoktaM - 'siddhArtha ! AvAM vArdhakyagrastau jAtAvadhunA / itaH paraM jIvane AvAM na kadAcidapi parasparaM drakSyAvaH / mama priyamitra ! bhavatA zAntiH prAptA'stIti sAkSAt vilokayAmi, tathaivA'nubhavAmyapi yanmayA sA naiva prAptA'sti / samAdaraNIyamitra ! kRpayA me zabdamekaM vA kathayatu yamahaM samyagavaboddhaM zaknuyAm / siddhArtha ! tAdRzaM kiJcana me dadAtu yanmama pathyupayogi syAt, yato me panthA hi prAyaH kaThinastamasA''vRtazcA'sti' / niHzabdaH siddhArthastaM mRdunA prazAntena smitena saha vilokitavAn / govindaH sthiratayA tadvadanameva pazyannAsIt - sautsukyaM saspRhaM ca / duHkhasahanaM, nirantaraM satyAnveSaNasya zrAntinirantarA ca niSphalatA tasya dRSTau saMlakSyate sma / siddhArthastallakSitvA smayamAna eva tatkarNe'tyantaM mandatayarjutayA ca kathitavAn - 'ito'pi kiJcinnikaTamAyAtu, ito'pi nikaTam / idAnIM mama lalATe cumbanaM karotu' / ____etannizamya govindo yadyapi kiJcidvismito'bhavat tathA'pi kenacidakathyena saMvedanena premAdhikyena ca vazIbhUtaH sa tadAdezamanusRtya prahvIbhUtaH san samIpamAgataH svIyAdharadvayena ca tasya lalATaM saMspRSTavAn / saMspRSTamAtra eva tatra kiJcidadbhutaM saMvedanaM tenA'nubhUtam / ito'pi tanmAnase siddhArthasya vicitrAH zabdAH pratiphalanta Asana, ito'pi sa kAlasya kalpanAmapAstuM nirarthakatayA prayatamAna AsIt, saMsAranirvANayoraikyamavagantuM yatnaM kurvannAsIt, ito'pi ca tanmAnase mitrasya zabdAnadhikRtya prakaTito'nAdarastaM prati jAtena durnivArapremNA pUjyabhAvena ca saha vivadannAsIt tAvataivaitat saMvedanaM ghaTitam / tasyedAnIM svamitrasya siddhArthasya vadanaM naiva dRzyate sma, pratyutA'nyAnyeva vadanAni sa dRSTavAn, bahUni vadanAni, dI(kA''valireva vadanAnAM, nirantaro vadanapravAhaH - zatazaH sahasrazo vadanAni, yAni kSaNaM sthitvA'dRzyIbhavanti sma, tathA'pi ca tatraiva santIti pratibhAsamAnAni Asana, yAni ca pratikSaNaM svayameva parAvartamAnAni nAvInyaM ca prApyamANAni Asan, tathA'pi sarvANi siddhArthasatkAnyevA''san / sa kasyAzcit zapharyA'timahattarayA vyAdattaM mukhaM dRSTavAn, kasyacinmaraNonmukhasya niSprabhalocanasya mInasya mukhaM dRSTavAn / sa kasyacana navajAtasya zizo raktavarNaM valIpUrNaM rodanapravaNaM ca mukhaM vilokitavAn / manujazarIraM churikayA praharataH kasyacit hiMsakasya mukhaM sa dRSTavAn, samakAlameva ca sa taM hiMsakaM mastakamAnamya jAnvorupaviSTaM vadhakena ca cchidyamAnamastakaM dRSTavAn / sa kAmakeliratAnAM strI-puruSANAM zarIrANi - vividhamudrAsthitAni For Personal & Private Use Only Page #120 -------------------------------------------------------------------------- ________________ dRSTavAn / sa sthirANi zItalAni zUnyAni vistIrNAni ca zavAni dRSTavAn / sa pazUnAM, zUkarANAM, makarANAM, kariNAM, vRSabhANAM, pakSiNAM ca mastakAni dRSTavAn / sa kRSNamagni ca dRSTavAn / sa etAn AkArAn, vadanAni caitAni parasparaM sahasradhA sambaddhAni, anyonyaM sAhAyyakarANi, snihyamAnAni, dveSakarANi, vinAzakarANi ca dRSTavAn / pratyekametAni maraNazIlAni, utkaTAni pIDAkarANi ca kSaNabhaGgaratvodAharaNAni Asan / evaMsthite'pi teSAmanyatamadapi naivA'mriyatA'nazyata vA, kevalaM tAni parAvartitAni, punarjanma prAptAni, nirantaraM ca nUtanaM vadanaM dhArayanti Asan - kevalaM kAla eva nava-purANayorvadanayormadhye'tiSThata / ete sarve'pi AkArA vadanAni ca viramanti sma, pravahanti sma, punarjAyante sma, atItaM taranti sma, paraspareNa ca saMyujyante sma / tathaiteSAM sarveSAmapyupariSTAt sAtatyena kiJcit sUkSmamavAstavikamapyastitvamayaM, zlakSNakAcavad, himavat, pAradarzakacarmavat, kavacavat, jalAvaraNavat vA vistRtAkAraM daSTavAn, taccA''varaNamAsIt siddhArthasya vadanaM - smitapUrNaM vadanaM, yat svIyauSThAbhyAM govindastadA spRzannAsIt / govindena dRSTaM yadidamAvaraNatulyaM smitaM, pravahamAnAnAmAkArANAmaikyatulyaM smitaM, sahasrazo janma-maraNAnAM samakAlInatvarUpaM smitaM - siddhArthasya smitamidaM sampUrNatayA tathaiva mRdu, prazAntaM, gahanaM, prasannaM, sopahAsaM, dhIraM, sahasrapuTayutaM cA''sId yathA bhagavato gautamabuddhasyA''sIt, yacca sa sahasrazaH samAdareNa vilokitavAnAsIt / yathA sa pUrNatvaM prApto bhagavAn smayati sma tathaivedamapi siddhArthasya smitamAsIt / kAlo'sti na vetyataH paraM sarvathA'jAnAnaH, idamaparokSaM jJAnaM kSaNamAtrasthitikamuta varSazataM yAvat sthitamityapyanavagacchan, ayaM siddhArtho'sti kiM vA gautamo'stItyanavabudhyamAnaH, svamanyAMzca prati sarvathA'navadhAnaH, divyAnugrahazareNa gADhaM viddhastatazcA'varNanIyasukhamagnaH, gahanAnandamagna udAttabhAvazca govindaH siddhArthasya prazAntavadanasya purato bahukAlaM yAvat tathaivA'vanamya sthitavAn, yat sa idamidAnImeva cumbitavAnAsIt, yaccA'tItAnAgatAnAM sarveSAmapyAkArANAmekamAspadaM jAtamAsIt / yadA caite sahasrazaH AkArAstAn pratibimbayaMzcA'yaM sahasrapuTo darpaNo vilInA jAtAstadA'pi tasya mukhamudrA tu tathaiva vilasantI AsIt / sa prazAntaM, mRdu; sopahAsaM, sarvathA ca bhagavato buddhasya sadRzaM smitaM kurvannAsIt / govindastaM prati praNatiM kRtavAn / tasya vRddhe nayane mandamandamaniyantryANi azrUNi sravataH sma / sa divyapremAnubhUtyA vinayapUrNAdarabhAvena cA''krAnto'bhavat / sa bhUmau ziraH sthApayitvA sarvathA sthiratayopaviSTasya siddhArthasya purato vandanaM kRtavAn - yasya smitaM, tasya jIvane yatra kutrA'pi tena premAnubhUtiH kRtA''sIt, yatkimapi ca mUlyavat pavitraM cA''sIt, tat sarvamapi smAritavat / 111 For Personal & Private Use Only Page #121 -------------------------------------------------------------------------- ________________ anuvAdaH taraNopAyaH munidharmakIrtivijayaH manuSyeSu mUlata evottamatvamaMsti, sadguNAn prati niSThA'sti / tAsAM sadvRttInAM mUlopari samAjaracanA karaNIyA'sti / adyAvadhi mAnavamanaH tathaiva bhUtakAlasya bandhanena, grathilamasti / adyatanakAlasya mahatyAvazyakA'sti - mAnasikaparivartanam / samAjo mAnavatAniSTho bhavet - tathAvidhaM parivartanamupayogyasti | jIvanasya sakaleSvapi kSetreSu janazikSaNena janajAgaraNena ca zubhasaMskArasecanasyA''ndolanameva taraNopAyo'sti / na dhArmikavAdo na saMpradAyavAdo, na vaicArikavAdaH, nA''dhyAtmikavAdazca ityAdyanAgrahicittadhArakA mAnavIyatattvopAsakAzcA'tyupayoginaH santi sAmpratam / ye netRtvaM necchanti, api tu jIvanasAdhanAM lakSyIkRtya dezasya kRte jIvanaM samarpayeyuH tAdRzAnAM janAnAM samAjo racanIyo'sti / anekAn janAn pravacane gacchataH pazyAmyahaM, mandire masjide ca gacchataH pazyAmyahaM tadA me hRdi kampanaM jAgarti; AdhyAtmikapravacanaM kurvatAM janAnAM mahatsu sabhAsu satsaGgeSu zibireSu cA'neke janA gacchanti / yadi AdhyAtmikI jijJAsA'pi jagato lokAcAro ( Fashion) bhavet, asaMskAritA vyApArapravRttirUpA ca bhavet tarhi duHkhasyA'nta eva na syAt / mahApuruSANAM darzanaM, teSAM zubhavicArANAM zravaNaM ca karaNIyameva, kintu yadi tatraiva samAptirbhavet tarhi samAje navInatama dambhaH prasariSyati / 112 For Personal & Private Use Only le. vimalA ThAkara (adhyAtmanI agnizikhA) Page #122 -------------------------------------------------------------------------- ________________ granthasamIkSA 'saMskRtakavitAsRSTiH' __ (saMskRtakavitAsaMgrahaH) samIkSakaH DA. rUpanArAyaNapANDeyaH [racayitA tathA prakAzakaH DA. rAmakizoramizraH / AvAsaH - 295/14, paTTIrAmapuram, khekar3A - 250101, u.pra., dUrabhASAGgAH (0121) 2233527, pR.saM. 112, mUlyam 100/-] vividhavidyAsu vividhaviSayAn samAzritya surabhAratIsAhityasamRddhi saMvardhayanto vizvaviditAH kecanaiva vidvAMsaH kavayo lekhakAzca sAmprataM virAjante, teSu vArdhakye'pi saMskRtagranthAnAM praNayane prakAzane ca nirato'sti DA. rAmakizoramizramahAbhAgaH / tenaiva 2070tame vikramAbde saMskRtakavitAsRSTiH prAkAzyaM niitaa| ___ granthe'smin - zrIgaruDadhvajastotram, zrIvRSamadhvajastotram, zrIkiraNadhvajastotram, zrIzAradAstotram, mAtRbhUmiH, tRSNA, bhasmAsuracaritam, zanaizcaracaritam, vanadevA, azvamedhayajJaH, AnandamayajIvitam, tArakaM tIrtham, ambarISacaritam, tripiNDazrAddham, mRtyoH pazcAnna vairam, jagadguruH, zubhavicAravAn, prajApaterupadezaH, divyapuruSaprAptiH, caturmAsasamayaH, sAvitrIcaritam, aSTAvakracaritam, apAlAcaritam, yazodharAcaritam, bhAmatIcaritam, putramohaH, caitanyacaritam, bhAratarASTrapatayaH, IzvarakRpA, bhAratasya pradhAnamantriNaH, tulasIdAsacaritam, mRtyuH satyaH, satyavatIcaritam, bhAratasyoparASTrapatayaH, sAdhorupadezaH, sAvarakaracaritam, sukanyAcaritam, kacadevayAnIcaritam, zrIzazakadhvajastotram, zAkuntalazatakam, yayAtidevayAnIzarmiSThAzatakam, zukrAcAryazApaH, kapiladevopadezaH, AtmaniyantraNam, dhruvacaritaM ceti kavitAH zobhante / (padyasaMkhyA 867) yadyapi granthe'smin kAnicana zrIgaruDadhvajastotrAdikAni parihAya prAyazaH sakalA racanAH paurANikAni purAvRttAni samAzritya saralayA bhASayA nUtanayA ca vidhayA viracitA vilasanti, tathA'pi 'bhAratarASTrapatayaH', 'bhAratasya pradhAnamantriNaH', 'bhAratasyoparASTrapatayaH' cetyAdayaH kAzcana racanA AdhunikachAtrANAM kRte nitarAmupayoginyaH santi / te tAsAM paThanena saMsmaraNena vA bhAratasya rASTrapatyAdInAM nAmAni kAryAvadhi ca sugamatayA'vagantuM zaknuvanti / atra kAlanirdezaH sameSAM subodhAyA'Gkato'pi vihitaH / vakSyamANayoH padyayoH prathamarASTrapateH kAryakAlo draSTavyo'sti / 113 For Personal & Private Use Only Page #123 -------------------------------------------------------------------------- ________________ 'zrIrAjendraprasAdo'bhUd bhAratasya rASTrapatiH / SaDviMzatijanavarIvyomazaranidhIza 26-1-1950 taH // trayodazamayinetrarasagraheza 13-5-1992 hAyana - paryantaM bhArataratnaM sa mudA'karocchAsanam // ' (saMskRtakavitAsRSTiH 270-271) zrIzAradAstotre saMskRtabhASAyA gauravaM sasmaryate kavivaryeNa ramyatayA - 'vedAzca yatra likhitA RSibhiH prasiddhAH, granthAH kRtA iha mahAkavibhiH prabandhAH / nAnAvidhAzca racanA pradadAti yA hi, tAmatra saMskRtagirA satataM namAmi // " (saMskRtakavitAsRSTiH 20) bhAratIyasaMskRtermahanIyatattvAni (mAtRbhaktiH, tIrtham, ArtarakSA, tyAgaH, satItvam, samatA, rASTraprema) 'mAtRbhUmi', 'vanadevI', 'tArakaM tIrtham', 'ambarISacaritam', 'tripiNDazrAddham', 'sAvitrIcaritam', 'apAlAcaritam', 'yazodharAcaritam', 'bhAmatIcaritam', 'caitanyacaritam', 'satyavatIcaritam', 'tulasIdAsacaritam', 'sAvarakaracaritam', 'sukanyAcaritam' cetyAdikavitAsu varNitAni santi / tadyathA - 'kausalyA tvamasi bhUme ! devakI yazodApi ca / vyacaran tvayi yuddheSu zivAjI - pratApAdayaH // ' (saiva 24) 'satyastIrthaM kSamAtIrthaM tIrthamindriyanigrahaH / dayA tIrthaM damastIrthaM dAnaM ca tIrthaM kathyate // ' (saiva 91) / 'nirIhaduHkhirakSAyai saMgharSeNa duHkhaiH saha / yo vIragati prApnoti svarge sa hi sammAnyate // ' (saiva 104) 'vivAho me na bhogAya, jIved vidvatparamparA / sevA tasyA''vazyakatA yena sa racanAM likhet // ' (saiva 243) 'haridRSTau na ko'pyucco na nIco'tra ko'pyasti bhoH / Avayorasti bhedo na yathA'si tvaM tathA'smyaham // ' (saiva 268) 'teSAmeva kusumAnAM jIvanamasti sArthakam / yAni devacaraNeSu samarpyante hi sAdaram // ' (saiva 415) atra 'tulasIdAsacaritam' iti kavitAyAM kavivRSabhasya gosvAmitulasIdAsasya janmasthAnaM 'soroMzUkarakSetre' iti kathyate / paramparayA gorakSapurasthagItApresataH prakAziteSu zrIrAmacaritamAnasasya ca 1. 'satyam' iti pAThaH syAt / / 2. 'soroMzUkarakSetre'smin.... bhAryAhulasIjaTharAtsamutpanna ekaH zizuH // ' (saiva 314-315) 114 For Personal & Private Use Only Page #124 -------------------------------------------------------------------------- ________________ vividhasaMskaraNeSu tasya janma rAjapure'bhUt - iti nigadyate / ato go-tulasIdAsasya janmasthAnasandarbhe matabhedAt kasyA'pyekasyaiva nirdezo na yujyate / 'ayaM nijaH paro veti gaNanA laghucetasAm / udAracaritAnAntu vasudhaiva kuTumbakam / / (saiva 128) ... sarve bhavantu sukhinaH sarve santu nirAmayAH / (saiva 131) satyaM brUyAt priyaM brUyAnna brUyAt satyamapriyam / priyaM ca nA'nRtaM brUyAdeSa dharmaH sanAtanaH / / (saiva 148)' ityAdisUktAni granthe'smin sandarbhanirdezaM vinaiva saMgRhItAni / kasyA'pi samAdaraNIyasya kaveH kRtau svakIyaracanAtvena parakIyaracanAnAM samAvezaH kathamapi samIcInaM na vidyate / yadyapi kRtiriyaM prAyazaH mudraNa-truTirahitAsti tathA'pi kAnicana skhalitAni santi / (dra.pR. 48, 62 ityAdi) kRtiriyaM sarvathA sarvaiH, vizeSeNa kizoraiH, saMgrAhyA paThanIyA ca / jayati saMskRtaM saMskRtizca / -x 115 For Personal & Private Use Only Page #125 -------------------------------------------------------------------------- ________________ marma gabhIram munikalyANakIrtivijayaH (1) gAmbhIryam guroH ziSyeNaikenaikadA kazcana gabhIro'parAdhaH kRtaH / ato'nyaiH ziSyairanuyAyibhizca cintitaM yadadya gururenamavazyaM daNDayiSyati / kintu yadA mAse vyatIte'pi guruNA na kimapi kRtaM kathitaM vA tasya tadA kenacicchiSyeNa gurostat smArayateva kathitaM - 'yajjAtamasti tat sarvathaiva nA'rhatyupekSAm / kiM bahunA kathitena ? yato bhagavatA'smabhyaM sarvebhyo netre pradatte staH' / 'Am', iti sasmitaM pratyuttaraM dadatA guruNA kathitaM - 'tathA netracchade api !!' / (2) vivAdasya nivAraNaM nAma.... anyadA guruNoktaM yadete mAnasacikitsakA yadyapi keSAJcit praznAnAM vivAdAnAM vA samAdhAnArthamupakArakA eva tathA'pi teSAM mukhyaM kAryaM tu vivAdasyopazamanameva na tUnmUlanaM nivAraNaM vA / teSAM kRte samAdhAnaM nAma anyasmin sukhakare vivAde cittasyA'bhimukhIkaraNaM, yena pUrvatanAd vivAdAccittaM nivarteta / atra ca viSaye sa ekamudAharaNaM kathitavAn - ekasmin bas-yAne kazcana yAtrikaH svIye'Gke kiJcana mahAbhArayutaM vastu vRttapatrasaMveSTitaM dhArayannupaviSTa AsIt / 'etat kimasti bhoH ?' - yAnanirvAhakastaM pRSTavAn / 'aho ! etadastyaprasphuTitamagninagolakAstram / ahametadagnizamanakAryAlayaM prati nayannasmi' iti tenoktam / 'atIva bhayAnakamidamasti bhoH ! / bhavataitAdRzaM vastu svotsaGge naiva dhAraNIyaM kadA'pi / bhavata AsandasyA'dhastAt tat sthApayatu tAvat !!' (3) cakrakam eko bhUsvAmI guroH pArve AgataH / guruNA'pi tatkakSAmavagatya tena sahA'nyAnyaviSayaka: saMlApaH kRtaH / 116 For Personal & Private Use Only Page #126 -------------------------------------------------------------------------- ________________ sahasA sa saniHzvAsamavadat - 'yadi yama svAmye ito'pyadhikA bhUH syAt tadA varam !' / 'kimarthaM bhoH! ? etAvatA'pi bhavatsakAze paryAptA bhUrasti' - guruNA pRSTam / 'yadyadhikA bhUH syAt tadA'dhikA gA: pAlayeyam' iti tenoktam / 'tataH kiM syAt ?' 'gA vikrIya dhanamarjayeyam' / 'tena kiM syAt ?' 'adhikAM bhuvaM krItvA'dhikAdhikA gAH pAlayeyam !!' [trayamapyetat One Minute nonsense iti pustakAdhAreNa likhitam / ] (4) alpaH parizrama....... mullA-nasIruddIno yadyapi medhAvI sucaturazcA''sIt tathA'pi tadvyaktitvamAlasyena saMbhRtamAsIt / ata AdinaM kimapi kAryamakurvan sa khaTvAyAM zayAno bhavati sma vividhaM ca kalpanAjAlaM racayati sma / tatpatnyA gRhakAryANi tu kartavyAnyeva bhavanti sma, bahistAdapi tayaiva kAryArthaM dhAvitavyaM bhavati sma / ata ekadA kupitayA tayA sabhartsanaM sa uktaH - 'kimityAdinaM bhavAn zayitaH san divAsvapnAn pazyati ? ahaM tu kAryANi kurvatI satI bhRzaM zrAntA bhavAmi tathA'pi bhavAn na kimapi lakSayati ? adya bhavAn vipaNiM gatvA paJca kilomitAMstaNDulAn krItvA samAnayatu, anyathA'dya bhojanaM naiva pakSyate !' ___ 'bhojanaM vinA kathaM sthAtavya'miti cintayan nasIruddIno vimanasko'pi san syUtaM gRhItvA vipaNi prAptaH / tatra ca dhAnyavikreturApaNaM gatvA taNDulasya mUlyaM pRSTavAn / ApaNikenoktaM 'kilomitasya daza rUpyakANI'ti / anenoktaM - 'evaM, tarhi paJca kilomitAn dadAtu' / ApaNikena cintitaM - 'jano'yaM na kadA'pi krayaNArthamAgacchati / prAyazastatpatnyeva samAgacchati / mUrkhazcA'sau parilakSyate / ato yadyasmai nyUnaM tolayitvA dadyAM tadA'pi naiva jAnIyAt saH' / tatazca sa tasmai yathAkathamapi tolayitvA nyUnAn taNDulAn pradattavAn / nasIruddInena tallakSitvA''paNikAya kathitaM - 'bhoH ! kimiti nyUnAn taNDulAn dadAti ?' tadA nasIruddInasyA''lasyapriyatAM smRtvA tenoktaM - 'bhoH ! bhavatA'lpIyAn bhAra unnetavyaH syAdityataH !' tacchrutvA smayan nasIruddInaH syUtamutpATya taNDulamUlyaM cA''paNikAya pradAya prasthitaH / ApaNikena tatpradattaM dhanaM gaNayitvoccaiH kathitaM - 'bhoH ! bhavatA kimiti catvAriMzadeva rUpyakANi pradattAni ?' gacchataiva tenoktaM - 'bhavato gaNanaparizramo'lpa: syAdityataH !!' | 117 For Personal & Private Use Only Page #127 -------------------------------------------------------------------------- ________________ kathA bAlakasya dezabhaktiH muniratnakIrtivijayaH ay ! kutra gacchatha re? - vapramullaGghya bahirgantumutsukAn trayodazavarSadezIyAn paJcaSAMn DimbhAn mukhyadvAri sthitA rakSakA: kaThoraM pRSTavantaH / rakSakANAM kaThoraraveNa sambhrAntacittAste bAlakAstatraiva sthitAH / tatazca raghunAthanAmA sAhasiko bAla uktavAn - 'purataH sthita udyAne AmraphalAnyAnetuM gacchAmaH / ' 're calata, gRhaM nivartayata... ! akANDamevA''padamAmantrayiSyava / kiM na jAnItha yadAvazyakakAryamantareNa vaprAd bahirgamanaM niSiddham ?' - rakSaka uktavAn / 'kintu...' raghunAtho nivartanaM necchati sma / sahA''gatA DimbhAstu rakSakakRtabhartsanenaiva pratigantuM sajjA Asan / 'AstAM kintu parantu vA... ! yUyaM sta bAlAH / na vartamAnasaMyogasya gAmbhIryamabhijAnItha / pratipalamatra durge AGglAnAmAkramaNasya bhayaM pravartate / calata, zIghraM nivartayata' - rakSakaH samIpamAgatya hastasaMjJayA sUcitavAn / raghunAthaH kSaNaM vicArayan sthitaH / kathamapyAmraphalAnyadyA''svAdyAnyeveti tasya prabalecchA''sIt / kintu durgarakSakasya vacanasyollaGghanaM na hitAyeti zAntyA taM bodhayitukAmaH svaparicayaM dattavAn - 'ahaM durgapAlasya lakSmaNarAvasya putro raghunAtho'smi / asmAkaM bahirgamanaM yadyamasyata tarhi mahatI kRpA bhaviSyati / tvarayaiva vayamAmraphalAnyAnIya pratyAgamiSyAmaH' iti / paricayaM prApya rakSakaH kiJcicchithila iva jAtaH / sa uktavAn - 'vatsa ! lakSmaNarAvasya tvaM putro'sIti tavaikAkino gamanamanuminomi / kintvanyairbAlaistu nivartanIyameva' - iti / raghunAthastu mitrANi parityajya gantuM notsuka AsIdataH sAzaGkaH sa tatraiva sthitvA mitrANi prati dRSTiM kRtavAn / vayasyAstanmanogatamabhijJAya kathitavantaH - 'ragho ! tvamekAkyeva gatvA''mraphalAnyAnaya / vayaM hi nivartayAmaH / ' 118 For Personal & Private Use Only Page #128 -------------------------------------------------------------------------- ________________ 'bhavatu, yUyaM gRhaM gacchata / mAM ca pratipAlayata / sarveSAM kRte AmraphalAnyAnIyA''gacchAmi' - ityuktvA raghunAtha ekala eva vanaM pratyagacchat / grISmarturAsIt / sUryo'pyagnimeva varSayatIva / tAdRzAdasahyatApAd svarakSaNAya ziroveSTanaM sa samIpavartini nirjhare Ardra kRtvA zirasi ca paridhAyodyAnaM prati cacAla / katipayanimeSAnudyAne vRkSasyA'nveSaNaM kurvan sa AmraphalabhArairnamrIbhUtamAmravRkSamekaM dRSTavAn / raghunAthaH zIghrameva vRkSamadhirUDhavAn / AmraphalAni cinvan sanneva sa kiJcid dUraM pitaramAgacchantaM dRSTavAn / AnandaH samudbhUtastaccitte / utsAhitaH sa vRkSasthita eva pitaramAkArayitumudyukto jAtaH, kintu kiJcid dRSTvA tUSNImevA'bhavat / yattena dRSTaM tatra tasya vizvAsa eva na jAtaH / svapno'yamuta satyamiti vikalpastasya cetasi samudbhUtaH / akSiNI mardayitvA sa sAvadhAnatayA dRSTavAn yat satyameva tasya pitA kenacidAGgalAdhikAriNA sahA''gacchannAsIt / AGglAdhikAriNA sArddha svasya janakaM dRSTvA tasya cittaM bhrAntamiva jAtam / AGglAnAM cAturyeNa dhUrtatvena ca sa samyak paricita AsIt / prathamasya svAtantryasaGgrAmasya I.sa. 1857tamavarSasya te divasA Asan / samagre'pi vAtAvaraNe vyAkulatA uttejanA ca prasRte AstAm / janA api yatra tatra sammIlya svatantratAyai yudhyamAnAnAM sainikAnAM zauryaM krAntimeva ca carcayanti sma / AbAlavRddheSu janeSu svadezAbhimAnaM jAgRtamAsIt / raghunAthastu prAyaH trayodazavarSadezIya evA''sIt / kA nAma krAntirityapi sa samyag nA'vabudhyati sma / kintu, 'mAtRbhUmirasmAkamAGglazAsakAnAmadhInA vartate / tAM ca svatantrAM kartuM kArayituM vA janAH svAtantryAndolane bhAgaM nirvahanti' iti sa jAnAti sma / tasya pitA lakSmaNarAvo hi krAntikAriNAM senApateH 'tAtyATope'mahodayasya sainye nAyakapadArUDha AsIt / tAtyATopemahodaya AGglebhyaH gvAliyarasya durgaM gRhItavAnAsIt / tatra ca tasya pitaraM durgapAlatvena niyuktavAnAsIt / atastadgRhe'pi bahavaH krAntikAriNastatpitrA saha carcArthaM samAgacchanti sma / raghunAtho'pi teSAM vArtAlApaM sAvadhAnaM zRNoti sma, tena ca tasya cittamAnandamanubhavati sma / 'ahamapyetAdRzo dezabhakto bhaviSyAmI'ti manorathamapi sevate sma saH / gvAliyarasya durgasya hyatyantaM vyUhAtmakaM mahattvamAsIt / tatra prAptena parAjayenA''GglA atyantaM khinnAH kupitAzcA''san / durgaM ca punaH svasAtkartuM te bahuvAramAkramaNaM kRtavantaH kintu tadA tadA ghoraM parAjayameva te prAptavantaH / evaM vAraM vAraM jAyamAnena parAjayena te cintitA jAtAH "kimatra karaNIyam ? naitad balena grahItuM zakyamataH kapaTapUrNena cAturyeNaiva grAhyam" iti / 119 For Personal & Private Use Only Page #129 -------------------------------------------------------------------------- ________________ 'mama pitA AGglena saha ?' - vicAramAtreNa sa khinno jAtaH / gRhe krAntikAribhiH saha carcAkAle AGglAnAM nAmamAtreNaiva yasya mukhaM raktavarNaM jAyate, hastazca khaDgaM grahItumudyukto jAyate, samagrAyAmapyAGglajAtau tIvra tiraskAraM dadhAti... etAdRzo'pi mama pitA kenacidAGglena saha hasannevaM vArtAlApaM karoti ? hastatAladAnapUrvakaM cA'TTahAsamapi kurvate ??? - evaM vicArayan raghunAthaH svaM ghanAsu zAkhAsvantaritaM kRtavAn yena kasyA'pi dRggocaro na syAt / AGglAdhikAriNA saha saMlapan lakSmaNarAva tatraivA''gacchannasti yatrA''mravRkSe raghunAtha upaviSTa AsIt / tasyaiva ca vRkSasyA'dha AgatyobhAvapi tau sthitau / atha parasparaM jAyamAno vArtAlApaH spaSTatayA raghunAthasya karNagocarIbhavati sma / AGglAdhikArI kathayannAsIt - 'lakSmaNarAva ! eSa durgaH kathamapi hastagataH karaNIyo'smAbhiH / kintvasmAkaM sarvAnapyAkramaNAn tAtyATope viphalayati / tasya sainikaistu hAhAkAraH pravartitaH sarvanA'smAkaM madhye / sahasaivA''kramaNaM kRtvA tvaritameva tirobhavanti te / pariNAmato hAnistvasmAbhireva voDhavyA bhavati / ' 'mahodaya ! cintAkulo mA bhavatu / madarha kAryaM cet sUcayatu / idAnImahameva durgarakSako'smi / madadhInaH sainikAnAM dalo mamA''dezaM pAlayituM baddhapratijJo'sti / ' - yadyapi mandadhvaninA kathitavAnAsId lakSmaNarAva: kintu raghunAthena tatspaSTatayA zrutam / tasya netre visphArite jAte / "vAha ! evaM cet kAryamasmAkaM saralameva jAtam / bhavantaM pratyAbhArapradarzanaM tu na paryAptamasti !" - AGglAdhikArI sa lakSmaNarAvaM madhumadhurayA kapaTagirA prazaMsitavAn / anenaM tu lakSmaNarAvo'pi prasanno jAtaH / "lakSmaNarAva ! bhavati sahAyake sati na kamapyanyamapekSAmahe vayam / kathayatu kIdRzaM sAhAyyaM bhavAn kariSyati' - kiJcid vicAryA''GglAdhikArI kathitavAn / tacchrutvA lobhAviSTayA dRSTyA lakSmaNarAvastamadhikAriNaM prati dRSTavAn / sa cA'dhikArI tasyA''zayamavabuddhavAn - oha, jJAtaM bhavadapekSitam - ityuktavAMzcA'pi / svaprAvArakAt sa laghusyUtamekaM niSkAsitavAn / tena jAyamAnena nANakAnAM raNatkAreNa lakSmaNarAvasya netre dIpte jAte / tad grahItuM sa AkramaNamivaiva kRtavAn / kintu tenA'dhikAriNA syUtaM dUrIkRtam / kapaTahAsena coktavAn - "am...ham...prathamaM tAvat kathayatu yat kIdRzaM sAhAyyaM kartuM bhavAn zaknoti?" lakSmaNarAvasya mukhe kSobhaH prasRtaH / taM gopayitumiva sa hasannuktavAn - "homs mahAzaya ! mayi vizvasatu / gvAliyarasya durgo bhavadadhIna eva iti nizcita: !" atha so'dhikArI dhanasyUtaM lakSmaNarAvAyA'pitavAn / tadgatanANakAnAM bhAreNaiva tasya mukhe'dhama AnandaH prasRtaH / utsAhitaH sa kathitavAn - 120 For Personal & Private Use Only Page #130 -------------------------------------------------------------------------- ________________ "homsamahodaya ! atha bhavAn nizcinto bhavatu / adya hi bahavaH sainikA ito'STAdazakrozadUraM sthite tAtyATope-ityasya dakSiNazibire gatavantaH santi / idAnI durge'lpaGkhyAkA eva sainikA vidyante / tebhyo'pi bahUn sainikAnahaM matpakSIyAn kRtavAnasmi / adya rAtrau durgasya pUrvadvAryahaM niyukto'smi / madhyarAtrau durgasya laghuddhAramapAvRtyolmukaM prajvAlya saGketayiSyAmi / saGketena sahaiva bhavatA''kramaNaM kartavyam / durgazca svasAtkartavyaH - iti / "astu, astu, etAvadevA'pekSitamasmAkam / durge hastagate vayamapi rAjAno bhavAnapi rAjA !" - AGglAdhikArI prazaMsApuSpaiH svAgataM kRtavAn lakSmaNarAvasya / ___lakSmaNarAvo'tha savismayaM pRSTavAn - 'bhavantastu rAjAna eveti jJAtacaraM, kintu kathamahaM 'rAjA' ? - iti na jJAtam !' / 'are ! nA'sti kimapyasamaJjasamatra / bhavatA kriyamANaM sAhAyyamupalakSya kimapi pratikaraNIyamevA'smAbhiH khalu ! / na paryAptamadhunA pradattaM dhanam / durge'smadadhIne jAte bhavate'pi bhUsampadamupadIkariSyAmaH / tathA bhavAnapi rAjA bhaviSyati khalu !" / lakSmaNarAva etacchrutvA prasanno jAtaH / aTTahAsameva kRtavAn saH / kintvaTTahAsenA'nena vRkSasthitasya raghunAthasya hRdayaM vidIrNamiva jAtam / krodhena raktavarNaM jAtaM tasya mukham / svagatameva sa uktavAn - "mama pitA'yaM dezadrohI kim ?" dIrghakAlaM yAvat sa zAkhAmavalambya vicAramagnaH sthitaH / pituretacceSTitaM sa kathamapi svIkartuM na prabhavati sma / kintu sa pitaraM dRSTavAnAsIt / sAkSAcca zruto vArtAlApo'pi kathaM mithyA syAt ? kSaNaM tu kimatra karaNIyamityevaM nirNetuM na zaktavAn saH / kSaNaM tu sa upariSTAdevotplutya pitaraM galena pAzabaddhaM grahItuM sajjo jAtaH / kintvetad dussAhasameva jAyeta / mRtyustu na cintAviSayaH kintu gvAliyarasya durgasya rakSaNamatyAvazyakamiti sa dRDhaM vicAritavAn / tAvadeva piturdhvaniM zrutvA tasya vicArazRGkhalA khaNDitA jAtA - "mahodaya ! mAmatha gantumanujAnAtu / ahaM bhavatA sArddhamasmIti kenA'pi jJAtaM dRSTaM vA cet.... !" / lakSmaNarAvo gataH / gacchantaM taM punA rAtrivyUhaM smAritavAn so'dhikArI vacanabaddhaM ca kRtavAn / ubhayorvArtAlApena raghunAthasya mastiSkaM bhrAntamiva jAtam / sa vicAritavAn - "pituranena vizvAsaghAtena kimadyaiva rAtrau bhavyo'yaM durgaH zatrUNAmadhIno bhaviSyati ? naiva, naiva, etat kathamapi viphalayiSyAmyeva / " katipayAmraphalAni tasya hastAd bhUmau patitvA vinaSTAni / sa tu kimatra karaNIyamityeva vicAre magna AsIt / kSaNaM tu vicAraH sphUrto'pi - 'durgaM gatvA'nyebhyo rakSakebhyaH SaDyantramidaM jJApayitavyaM kim ?' - sa svameva praznaM kRtavAn / anantarakSaNa eva For Personal & Private Use Only Page #131 -------------------------------------------------------------------------- ________________ vivekaH samudbhUtaH - 'mama pitaiva yadIdRgrUpaM vizvAsaghAtaM kartuM zaknoti tarhi ko'nyo vizvAsArhaH syAt ?' iti / nirAzayA sa hastau bhUmAvAsphAlitavAn / ko mArgo'valambanIya iti jJAtuM na prabhavati sma saH / 'kimatha karaNIya'miti cintAturaH sa jAtaH / tAvat sahasaivA''GglAdhikAriNamuddizya kathitaM tasya piturvacanaM smRtipathamAyAtam - 'durgAdaSTAdazamIladUramaraNye tAtyATope-ityasya sainikAnAM zibiro'sti' iti| ____ 'kintu naitadantaraM laghu ! kiM tAvad dUraM gantuM zakyam ? tadapi ca sAyaGkAlAt pUrvam ? sandeza eSa kiM tatra prApayituM zakyaH ?' - kSaNaM tu azakyaprAyamAbhAt tasyaitatkAryam / idAnImevA'haM dhAveyaM cet ? - sa vicAritavAn / anantarakSaNa eva vRkSAt kUditavAn / paritaH kimapyalakSayitvA sa dhAvanamArabdhavAn / kintu katicidantaraM gatvaiva tasya pAdau sthagitau / pitaraM prati hRdi sthitasya mohasya zRGkhalayA tasya pAdau baddhAviva jAtau / sthita eva sa vicAritavAn - 'tAtyATope mahodayo yadaitat jJAsyati tadA piturbandhanamapi kuryAt, kadAcinmRtyudaNDamapi dadyAt' - etAdRzena vicAramAtreNaiva kalpanAmAtreNaiva vA sa svamAturvaidhavyaM tatazca duHkhitaM tasyA mano'pi kalpitavAn / hRdayaM santaptaM jAtaM, vizvAso'pi tasya vicalitaH, mano'pi zithilaM jAtam / gamanameva sthagitavAn / ___ "kintveSA hi svArthamUlikA vRttirmama / mamaikasyA mAtuH sukhAya kathaM mAtRbhUmyA sahA'nyAyaH kartuM zakyo mayA ? bhAratavarSasya svAtantryaM tvatyAvazyakamasti / asyAM pavitrAyAM bhUmau dezadrohiNAM vizvAsaghAtinAM ca nA'sti kimapi sthAnam / bhuvi bhArabhUtA ete janAH' - iti mohamUlakAn vicArAn sa svahRdayAd dUramapasAritavAn / mano dRDhaM kRtvA sarvAM zaktimupayujya sa zibiraM prati dhAvitumArabdhavAn / jyeSThamAsasyA'gni varSayatIva madhyAhnakAle raghunAtha uccAvacAyAM kaNTaka-karkarAkIrNAyAmaraNyapadavyAM dhAvannAsIt / samagramapi zarIraM svedaklinnamAsIt / zvAso'pi bhastre calannAsIt / akSNo rdAho'pyanubhUyate sma / kaNThazoSo'pyAsIt / dhAvanneva sa patito'pi bahuvAram / pAdau zrAntAvAstAm / tIkSNAnAM pASANakhaNDAnAmAghAtena tasya pAdAbhyAM raktamapi pravahitamAsIt / atizrAntaH sa AsIt / kintvastaM gacchantaM sUryaM dRSTvA sa dviguNena vegena dhAvati sma / bubhukSAM tRSaM parizramaM tApaM cetyAdikaM sarvamapi sa vismarati sma / zrAntimasahamAna eva sa kadAcit kSaNaM tiSThati sma, kintu samayo'lpa eveti smRtvA punardhAvanamArabhate sma / sUryo'pi zIghratayA pazcimAkAzaM prati gacchannAsIt / vegena calatA zvAsena tasya phuphphusAH phullitA jAtA Asan / ___ sUryo'staM gataH / andhakArazca zanaiH zanaiH prasRtaH / candro'pyuditaH / candrasya candrikAprakAzamavalambya dhAvan sa zibire prAptavAn / 122 For Personal & Private Use Only Page #132 -------------------------------------------------------------------------- ________________ "AGglA ..... vizvAsaghAtaH... durgaH... tAtyA...' - tasya mukhAdevaM truTitA zabdAH prakaTitA tadanantarameva sa mUcchito jAtaH / 'nirjane'smin vane kuta eSa bAla AgataH ?' ityAkArakamAzcaryaM prAptavAn jagatyA zibirapAlakAH sainikAH / dhAvanta iva te tatrA''gatAH / tasya sthitiM dRSTvA zibiraM nItavantastam ? tasya mUrchAmapAkartuM vibhinnAn prayatnAnapi kRtavantaste / katipayanimeSaiH sa zuddhi prAptavAn / kintu zrAnto bubhukSitastRSitazca sa utthAtumapi na prabhavati sma / mUrchAprApteH pUrvaM tenoktAnAM zabdAnAM gAmbhIryamavagatya taM tAtyATope-samakSaM nItavantaH sarve / tAtyATopemahodayaM namaskRtya zuSkasvareNa kaSTena sa uktavAn - 'senApatimahodaya ! adya madhyarAtrau AGglA vizvAsaghAtenA''kramya gvAliyaradurgaM svasAtkariSyanti / ' "kimetat pralayasi re ! ?" - tAtyAmahodayastasya kathanaM zrutvA cakita utthita eva / kSaNaM tu 'eSa unmattapralApa evA'sya' iti matavAn / kintu taM svasthaM dRSTvA punaH pRSTavAn - 'kiM kathayasi re?' 'are ! satyameva vadAmi / durgapAlo lakSmaNarAva AGglaiH saha sammIlito'sti / sameSAM vizvAsaM vihatyA'pi sa durgadvAramadya madhyarAtrAvudghATayiSyati / ' 'tvayA kathametajjJAtam ?' - avizvasta eva puna: pRSTavAn tAtyATopemahodayaH / punazca kaThorasvareNa pRSTavAn - 'kastvam ?' 'durgapAlasya lakSmaNarAvasyaiva putro'smyaham' - ityuktvA sa sarvaM savistaraM varNitavAn / kathanakAle tasya netrAbhyAmaviralAzrudhArA pravahantyAsIt / svapituretAdRzaM kukRtyaM parikalpya sa uccai ruditavAn / tasya kathanaM zrutvA tAtyATope diGmUDha eva jAtaH / dhAvanniva gatvA taM gADhamAliGgitavAn uktavAMzca - 'yasyAM mAtRbhUmau tvAdRzA dezabhaktAH putrA jAtAH sA na dIrghakAlaM paratantrA sthAsyati !' tatkAlaM ca tAtyAmahodayaH sainikAn sajjAn kRtavAn / madhyarAtripUrvameva durgasya paritaH sainyaM vyavasthApitavAn / tasyAM ca rAtrau vizvAsaghAtenA''kramaNaM kartumudhuktAnAmAGglAnAM svAgataM tu jAtameva kintu na dvArANyudghATyA'pi tu golakAstraiH / AkrAntumAgatebhya AGglebhyaH ko'pi nA'jIvat / lakSmaNarAvastasya ca vizvAsaghAtinaH sahAyakA nigRhItAH / trayodazavarSadezIyasya raghunAthasya ca nUtanadurgapAlatvena niyuktirjAtA / -X 123 For Personal & Private Use Only Page #133 -------------------------------------------------------------------------- ________________ kathA | kiM kRtaM tvayA ? munidharmakIrtivijayaH janA yebhyo roceran teSAM bandIkaraNena janebhyaH sakAzAdabhIpsitaM dhanaM grahItuM zakyamityuddezena 'misara'dezasya rAjJA 'hajarata imAno' nigRhItaH / eSA kathA sarvatra prasRtA / etacchrutvaiva sarve janAH zokAkulA jAtAH / deze ye ke'pi dhanikAH zreSThino'graNyazca janA Asan te sarve'pi svakIyaM sarvamapi dhanaM gRhItvA hajarataM mocayituM gatavantaH / kintu, hanta ! tat sarvamapi dhanaM rAjAnaM santuSTaM kartuM na saphalaM jAtam / eSo'pi vRttAnto rAjye sarvatra prasRtaH / sarve janAH stabdhA jAtAH / tatra kasyacid grAmasyA'dhobhAge vaDhekA vasati sma / sA''dinaM prabhunAmasmaraNaM sUtracakra (Spinning Wheel)vyApAreNa jIvananirvahaNaM ceti dve eva kArye karoti sma / tayaiSA vArtA zrutA / sA cintitavatI - tatrA'hamapi gaccheyam - iti / vRddhAyAH samIpe nIvidhanaM tu nA'nyat kimapyAsIt, kintu kevalaM tantugucchaH AsIt / taM tantugucchaM 124 For Personal & Private Use Only Page #134 -------------------------------------------------------------------------- ________________ gRhItvA sA vRddhA rAjJaH samIpaM gantumutthitA / yaSTisAhAyyena zanaiH zanaiH sA gacchantyAsIt / rAjamArgato gacchantIM tAM dRSTvA yuvAnaH sopahAsamavocan - vRddhe ! etAvatyA zIghragatyA kutra gacchantyasi ? vRddhovAca - rAjJaH prAsAdaM prati gacchAmi / kimupahAraM dAtuM gacchasi? naiva, naiva, nirdhanA'haM kimupahAraM yaccheyam ? eko yuvA'vocat - eSA tu rAjJaH sakAzAd hajarataM mocayituM gacchati / anyo yuvovAca - eSA vRddhA saralA dRzyate, kintu tasyAH kakSe ratnabhRtaH syUto'sti / . tatprabhAveNedAnImeva hajarataM mocayiSyati / putra ! satyaM, satyam / mayA tvadhunaiva zrutaM, tataH satvaraM mocayituM gacchAmi / yuvA''ha - mitrANi ! yuSmAbhiH zrutaM kila ? eSA vRddhA'dhunaiva hajarataM mocayiSyati / re vRddhe ! yadyanekeSAM dhanikAnAM dhanaM hajarataM mocayituM nyUnaM jAtaM tarhi tava samIpe kIdRzAni ratnAni syuH ? mitrANi ! mama samIpe tu kiM syuH ? vRddhe ! tathA'pi syUte yadasti tad darzaya kila / yuvabhiratIvA''grahaH kRtaH / tato vRddhayA sa syUta udghATitaH / syUtAt tantuguccho nirgataH / re vRddhe ! hanta ! etena ki hajarataM mocayiSyasi bhavatI ? pratinivartasva / vRddhovAca - mitrANi ! hajarato mukto bhaviSyati na vA, sA cintA na mayA kRtA / kintu Izvarasya sabhAyAM "yadA hajarato bandIkRta AsIttadA taM mocayituM tvayA kiM kRtam ?" iti yadi prakSyate tadA'dhomukhIbhUyA'haM na sthAsyAmi kila ! 125 For Personal & Private Use Only Page #135 -------------------------------------------------------------------------- ________________ kathA tyAga: kRto mayA munidharmakIrtivijayaH mahAtmA gAndhiH kimapi likhitavAn AsIt / tasya samIpe AsIno(kAkA kAlelakaraH)'ham / 'umara khayyAme'tyanena likhitasya 'rUbAyata'syA''GglAnuvAdaM paThannAsam / 'phisirAlDe'na kRtasyA'nuvAdasya bahvI prazaMsA zrutA mayA kintvadyAvadhi na tat pustakaM kathamapi prAptaM mayA / adya tat pustakaM prAptavAnaham / tata idAnImeva tad gRhItvA paThitumArabdhavAn / mahAtmanA gAndhinA'haM dRSTaH / sa pRSTavAn - kiM paThati bhavAn ? mayA tat pustakaM darzitam / Avayordvayormadhye vizeSaH paricayo nA''sIt / ato gAndhimahodayaH satvaraM me upadezaM dAtuM necchet / tato dIrgha niHzvasya gAndhiravocat - "ahamapi AGglakAvyapaThanasya rasika Asam / tathA'pi mayA cintitaM - ko'dhikAro me AGglakAvyapaThanasya ? yadi mama samIpe samayo'vaziSTaH syAttarhi kathaM gUrjarakAvyalekhanasyA'bhyAsaM na kuryAm ? yadyahaM rASTrasya sevAM kartumiccheyaM tarhi nikhilamapi samayaM sevAzaktiM varddhitumeva prayateya / kSaNaM sthitvA punaruktavAn - rASTrasevArthaM yadyahaM tyAgaM kartumiccheyaM tadA''GglasAhityasya rucestyAga eva zreyaskaraH, dhanasya vyavasAyasya ca tyAgastu na tyAga eveti manye'ham / dhanaM prati ca na kadA'pi ahamAkRSTo'bhavam / kevalamAGglasAhityasya vizeSatayA''saktirAsIt, kintu mayA manasi nirNItaM - "sA''saktirmayA tyAjyaiva" iti / ahaM tasyA''zayamavagatavAn / tatkSaNaM tat pustakaM mayA tyaktam / gUrjaralekhakaH - kAkA kAlelakaraH ('vAcanayAtrAno prasAda'pustakataH) -x126 For Personal & Private Use Only Page #136 -------------------------------------------------------------------------- ________________ kathA viralAni saMskAramUlyAni muni: *akSayaratnavijayaH ___ AtmaprabodhikA dRSTiH kazcit saMzodhako vividhAni grAma-nagarANi paryaTati sma / aitihAsikasthalAni pazyannanyadA sa kaJcid grAmamAgataH / bahiAmaM tena sthale sthale pASANamUrtayaH prasthApitA dRSTAH / tataH sa saMzodhakaH sAzcaryo jAtaH / yugapad baDhyo mUrttaya Asan / sarvAzca mUrtayo grAmyANAM vibhinnajanAnAmAsan / kiJca pratyekasyA'dhaH tattajjanasya saMkSiptaH paricayo'pi AsIt / sa paricaya eva mahad vismayapadam / kasyAzcinmUrteradhaH paricayaH pradatta AsIt 'sva. zrIramaNalAlavaryaH - AyuH sArdhaM varSadvayam' iti / kasyAzcidadho jJApitamAsIt 'sva. zrIhimmatalAlavaryaH - AyuH trINi varSANi' iti / kasyAzcidadhaH 'sapAdaM varSa'miti likhitamAsIt / baDhyo mUrttaya Asan / sarvatra caitAdRzI paristhitirAsIt / kAsAJcidadhaH 'ekaM varSam' 'sArddhaM varSam' 'pAdonatrayaM varSam' iti jIvitakAlo darzita Asan / sarvAdhikaM vayaH sArddhatrayaM varSaM dRzyate sma / tadadhikaM vayaH kasyacidapi na dRzyate sma / saMzodhakasya vismayo vRddhi gatavAn / sa cintitavAn 'tricaturvarSavayodharAstu bAlA eva bhavitumarhanti / mUrttayastu mahatAM syurna tu bAlAnAm / ato'tra visaMvAdo jJAyate / yato yo mahAn bhavet sa bAlo na bhavet, yazca bAlo bhavet sa mahAnna bhave'diti / [*pU.A.zrIdharmasUrIzvarasamudAyavartI] 127 For Personal & Private Use Only Page #137 -------------------------------------------------------------------------- ________________ tasya cintanaM yathArhamAsIt / kintu, samAdhAnaM nA''sIt / atrAntare kazcid grAmyo yuvA tatrA''gataH / saMzodhakena sa pRSTaH - "mitra ! yuSmadIye grAme ke'pi mahAnto janA naiva prajAtAH santi kim ?" grAmINayuvakena sasmitaM pratyuktam - "om, asmAkaM grAme sarve'pi bAlA eva prajAtAH santi / " saMzodhakaH sAzcaryo'vadat - "kiM vadasi ? sarve'pi bAlA eva prajAtavantaH ?" yuvakena punaH sasmitamuktam - "are ! mahAnubhAva ! asmAkameva nahi, jagataH pratyekaM grAmeSu nagareSu ca bAlA eva jAyante / " ___ atha saMzodhakena yUno bhramo jJAtaH / tena spaSTatayA kathitaM - "bhrAtaH ! bhrAnti kathaM karoSi ? ahaM pRcchAmi 'atra yA imA mUrtayaH santi / tAsAmadhaH 'ekaM varSaM - dve varSe - trINi varSANi' iti vayo likhitamasti / tataH kim, ete sarve bAlAvasthAyAmeva mRtyuM prAptavanta Asan ?" iti / idaM zrutvA yuvaka ekaM suvicAraM pradarzitavAn - "mahAnubhAva ! evaM nA'sti / ime sarve tu vRddhAvasthAyAmeva mRtyu prAptA Asan / tathA'pi sUkSmadRSTyA'smAbhirevaM likhitamasti / mUrtisthajanAnAM jIvitakAlaH kiyAnapi bhavet, so'tra na gaNyate / kintu, tajjIvane paropakAra-prabhubhakti-gurubhakti-atithibhaktipramukhasatkAryeSu yAvAn samayo vyatItaH, sa evA'tra gaNyate likhyate ca / trivarSaM vayo nAma tajjIvanasya tAvAn samayaH sAmAjika-dhArmikakAryArthaM vyatIta iti / yato manujAnAM tadeva kAryaM pAralaukikaM bhavati / " asau saMzodhakastu grAmyajanAnAmAtmaprabodhikAM dRSTiM jJAtvA natazIrSa eva babhUva / adyAvadhi yAvat saMzodhanaM kRtaM tadadya saphalamabhavadityanubhavavAnapi jAtaH / (6) AdarzadampatI AsId dakSiNabhAratastha eka RSitulyo mahA~stattvacintako gRhasthaH / sa prabhobhaktaH prAmANikatAyAH sevakazcA''sIt / yuvAvasthAyAM tasya pariNayo jAtaH / pariNayasya prathamaM dinam / sa nUtanadharmacAriNIM sUcitavAn - "yadA'haM bhoktumupavizAmi tadA kASThapaTTasyopari ekA sUcI sthApanIyA, ekasmizca laghupiThare svacchaM jalamapi rakSaNIyamiti / " dharmapatnyA sUcanamaGgIkRtam / tasyA manasi praznastu jAtaH - 'bhojanasamaye sUcyAH kA''vazyakatA?' iti, kintu sA praznamantarevopazAntaM cakAra / yataH patiryadA kAryaM darzayettadA tadaGgIkaraNamevA''ryanArIlakSaNam / 128 For Personal & Private Use Only Page #138 -------------------------------------------------------------------------- ________________ tayA manasi cintitaM - 'praznenA'lam / bhojanasamaye tatprayojanaM sAkSAd drakSyAmI'ti / bhojanasamayo jAtaH / gRhasthaH patirbhojanArthamupaviSTaH / patnyA sUcIlaghupiThare sthApite / bhakSyaM ca pAtre sthApitam / dakSiNabhAratIyajanA bhojane pradhAnataH sUpamodanaM ca bhakSayanti / atrA'pi evamevA''sIt / sa gRhasthaH sUpodanayorbhojanamakarot / sthAlaM ca prakSAlya papau / AryA patnI patyuH sarvAM ceSTAM sAvadhAnaM niraikSata / kintu tatra sUcIlaghupiTharayoH prayojanaM na jJAtam / ataH prazno'nuttara evA'vasthitaH / AryapatnyA cintitam - 'na ko'pi bAdhaH / bhojanaM tu pratyahaM bhaviSyati / sUcIlaghupiThara api pratyahaM sthApayiSyete / kvacittUttaraM prApsyate / paraM, praznastu praSTavya eva na / mama svAmI mahA~stattvacintako'sti / tadIyA kA'pi ceSTA vRthA na bhavet / ' 'uttaramadya prApsyati, zvo vA prApsyati' iti pratIkSAyAM varSANi vyatItAni / sUcIlaghupiThare pratyahaM rakSyete / tayoH kimapi prayojanaM na jJAyate / AryA patnI pRcchatyapi na, patizca jJApayatyapi na / RSitulyo gRhastho'pi cetasi cintayati - 'mama patnI strISu ananyA'sti / niSprayojane'pi kArye sA tatparA'sti / praznamapi na karoti / kiJca, kadAcidapi tayA kalaho'pi na kRtaH / kaNThikAzATikAdIni vastUnyapi tayA kadA'pi na yAcitAni / mama sUcanamapyavirodhamaGgIkurute / sA nUnaM dhanyA / etAdRzIM ca dharmacAriNIM prApyA'hamapi dhanyo'smI'ti / evaM paJcAzad varSANi yAvat samayo vyatItaH / patnyA antakAlaH samIpamAgataH / cintakena patyA patnI pRSTA - "tava kA'pi antimecchA'sti kila?" palyA kathitam - "asti / " "jJApaya" patiH kathitavAn / atha patnyA namrasvareNa kathitam - "adya yAvanmayA sUcyA laghupiTharasya ca prayojanaM na jJAtam / yadi bAdho na bhavettarhi tatprayojanaM jJApayatu / " patiruktavAn - "zRNu, odano'smadbhojanam / bhojanavelAyAmodanasya kaNo yadi bhUmau patettarhi sa patitakaNo'pi nirarthako na bhavet, pipIlikA nA''gaccheyuH, jIvahiMsA na bhavet, ucchiSTena ca hastena kaNasya grahaNena hastabhUmI dUSite mA bhUtAmityAzayAt sUcIpiTharayoH prayojanam / sUcyA tatkaNaM gRhItvA laghupiTharasya jale kSAlayitvA bhUmirajaHkaNAdvimucya taM bhakSayeyamiti tatprayojanam / paraM, paJcAzati varSeSu kadA'pi tava hastena bhakSyasya pAtre sthApyamAne kaNo na patitaH / mayA'pi bhakSaNe na patitaH / tava mama cA'pramAdena sUcIlaghupiTharayo rahasyaM nA'bhidyata / " patyuragAdhaM tattvajJAnaM zrutvA patnI santoSeNa mRtyu prAptavatI / cintakasya kIdRzamuttamaM cintanam ? 129 For Personal & Private Use Only Page #139 -------------------------------------------------------------------------- ________________ patnyA vinayo'pi kIdRzo'nanyaH ? sa RSisadRzasya tattvacintakagRhasthasya nAmA''sIt 'tiruvalluvaraH' iti / tasyAzcA'darzarUpAyA gRhiNyA nAmA''sIt 'vAsukI' iti / (7) ananyA maitrI iyamapi dakSiNabhAratIyA kathA / adhyayanaM yadA kAnaneSu vidyAzrameSu gurukuleSu gurunizrAyAM ca bhavati sma, tAyugIneyaM vArtA / tatratye kasmiMzcid vidyApIThe tejasvitArakAviva dvau vidyArthinAvadhIyAte sma / tayo ma krameNa 'nimAyaH' 'raghuH' (-raghunAthaH) cetyAsIt / dvayormadhya ananyA maitrI pravartamAnA''sIt / vidyAbhyAse varSANi vyatItAni / atrA'ntare kAyau dvau hRdayamekamiti dvayomaitrI sudRDhA jAtA / dvau sahacarau tarkazAstre nadISNau saJjAtau / ekadA rAtrisamaye dvau suhRdau taTinyAM paribhramaNArthaM gantukAmau nadyAH pratIraM gatau / naukA copavizya naukAvihAraM kartuM lagnau / paurNamAsyAH kalAdharaH kamanIyAM cAndrIM vitanoti sma / atrA'ntare nimAyaH svena sahA''nItamekamabhirAmaM granthaM raghoH kare pradAya prAha - "ragho ! ekavarSIyeNa kaThoraparizrameNA'yaM TIkAgrantho mayA viracitaH / adya yAvanmayA kasyacidapi naiva darzitaH / tvaM mama priyamitram / atastava prathamaM darzayAmi / granthaM paTha, pazcAcca tavA'bhiprAyaM kathaya' iti / raghuH saharSaM granthaM gRhItavAn / paThanaM cA''rabdhavAn / granthamAhAtmyaM raghuhRdayaM pasparza / paraM kiM jAtam ? granthaM paThatastasya mukhAravindamamlAsIt / mitrAnanasyedaM parivartanaM nimAyena jJAtam / sa raghorhastAt sahasA granthamAkRSTavAn pRSTavAMzca - "mitra ! kiM kAraNamasti ? tava mukhakamalaM kathamamlAsIt / tava vadanajyotiH kathaM viluptam ? tava klezaM mahyaM jJApaya / yato'haM tava kaSTaM nivArayituM zaknomi'' iti / antarbhAvaM chAdayan raghuH kathitavAn - "na, na mitra ! kimapi kAraNaM nAsti / atha taM granthaM me dehi / idAnIM tu tasyottarArdhasya paThanamavaziSTamasti / " "mitra ! asmatsakhyamAbAlyAdasti / ahaM sarvAtmanA tvAM jAnAmi / kAraNaM kathaM chAdayasi ? granthaH pazcAt prApsyate / prathamaM tava klezaM kathaya / ahaM tvaduHkhamapAkartumicchAmi / " raghuH punaruktavAn - "nimAya ! AtmIyamitra ! adya bhrAnti kathaM karoSi ? ahaM duHkhI nA'smi / pratyuta tava granthasya vAcanena nitarAM harSito'smi / atha granthamAnaya mitra !" "ragho ! prathamaM tava duHkhaM mahyaM jJApaya, pazcAdeva granthaM dAsyAmi / mukhaM hRdayasya darpaNaH kathyate / 130 For Personal & Private Use Only Page #140 -------------------------------------------------------------------------- ________________ tava duHkhaM tava mukhAdAvirbhavati / ato mithyA mA vAdIH / satyaM kathaya / AvayoH sakhyaM ghanamasti cet kathane kaH saGkocaH ?" antato mitrasyA'tyantAgrahavazAt salajjo raghuravadat - "nimAya ! mayA'pi asminneva viSaye saMskRtagrantho viracito'sti / hya eva tallekhanaM samAptam / paraM...paraM..." "paraM kim ? niHsaGkocaM vada / " nimAyo dhairyaM dattavAn / "paraM, matkRtistvatkRtito'tIva nimnatarA'sti / ato manasISat khedo jAtaH 'mama prayAso vRthA bhaviSyatI'ti / ahaM jAnAmi 'mama khedaH sarvathA'nucitaH' iti / IdRzaM cintanaM mayA na kartavyam / tata evedAnIM yAvadidaM mayA tubhyaM na jJApitam / kintu, idAnIM kiJcidapi duHkhaM na vidyate / tvaM manAgapi anyathA na cintaya / AvAmabhinnahRdayau svaH / atastava grantho'pi mamaiva granthaH / adhunA tvaM madIyAM cintAM tyaja, granthaM cA''naya / " kintu.. raghu zrutvA nimAyena tu kiJcidakalpitameva kRtam / acireNa tamananukRti (pratyantararahitaM) granthaM nimAyaH sarite samarpitavAn / prazasyataraM granthaM jalasamAdhi gRhNantaM dRSTvA raghuH savegamarodIt / rudanneva so'vadat - "nimAya ! tvayA kiM kRtamidam ? tava bahUnAM divasAnAM mAsAnAM ca prayAso nirarthakaH saJjAtaH / maduHkhaM tu kevalaM kSaNikamAsIt / " tadAnIM vizvasyA'nanyAyA maitryA udAharaNaM darzayanniva nimAyaH sasmitamAha - "mitra ! idAnIM duHkhasya kiM kAraNam ? maccetasi tava maitrI granthAdadhikA'sti / kiJca, adhunaiva tvamapi uktavAn 'AvAmabhinnahRdayau' iti / atastava grantho'pi mamaiva granthaH / tato mama grantho'dhunA'pi vidyate / rodanaM mA kuru mitra !" nimAyo vadati sma, raghU roditi sma / jyotsnAmayI sA rAtriravismaraNIyA saJjAtA / kIdRzI sAdhuvAdAr2yA maitrI ? anena prasaGgena jagataikamanukaraNIyamudAharaNaM prAptam / 131 For Personal & Private Use Only Page #141 -------------------------------------------------------------------------- ________________ kathA nilobhitA sA. zrIdhRtiyazAzrIH ___ekadA deze duSkAlo jAtaH / kSudhA maraNAvasara AgataH / tadA eka udAraH zreSThI udghoSitavAn, "ahaM nityaM bAlakebhyo roTikA dAsyAmi" / etAdRzyudghoSaNAM zrutvA dvitIyadine sahasraM bAlakAstasya gRhAd bahiH samAgacchan / te sarve'pi bAlA roTikA netuM kolAhalaM kurvanto dhAvantazca roTikAnAmapi khaNDAn cakruH / roTikAssUkSmasthUlAH sarvaprakArA saJjAtAH / pratyekaM bAlassthUlaroTikAM prAptum aicchat / . ebhyo bAlakebhyo dUramekA dhIrA bAlA maunena sthitA / yadA sarvaiH bAlakai roTikA gRhItA tadA sA'gre AgatavatI / sarveSu bAlakeSu roTikAM prAptavatsu tasyAM sthAlyAmekaiva roTikA''sIt / sA hRSTvA tAM roTikAmagrahIt gRhaM ca prati calitA / ____ anenaiva krameNa pratyekaM dine roTikAdAnaM pravRttam / adya dine'pi hya iva gharSaNaM kolAhalazca abhUt / kintu adyA'pi sA tenaiva prakAreNa sthitA / sarve bAlA gharSaNaM kRtvA zobhanA roTikA nItvA gatAH, prAnte ca yA laghuroTikA ziSTA tAM gRhItvA sA gRhaM prati prasthitA gRhaM gatvA yadA tayA roTikAyAH khaNDaH kRtastadA tasyA madhyAt suvarNamudrA niragacchat / bAlAyA mAtA bAlAyai tAM mudrAM zreSThine pratidAtuM kathitavatI / bAlA yadA mudrAM gRhItvA zreSThino gRhaM samAgamat tadA zreSThI uktavAn - "ahaM mudrAmAbhogenaiva sakalaroTikAbhyo laghuroTikAyAM sthApitavAn, ahaM dhIrabAlakAya puraskAraM dAtumaiSam / atastAM tvameva dhAraya' / tadA mugdhA bAlA avocat - "mama dhairyasyA'yaM puraskAra AsIt yanmama kenA'pi saha gharSaNaM na jAtam / paramimAM gRhItvA'haM lobhinIbhaviSyAmi, sarvadA ca sakalaroTikAbhyo laghuroTikAM prAptuM prytissye| ato bhavAn imAM pratigRhNAtu' / evaM zrutvA zreSThI bAlayA prabhAvito jAtaH / tayA ca saha nijaputrIvat vyavahAraM kRtavAn / upadezaH - kadA'pi lobho na kartavyaH / 132 For Personal & Private Use Only Page #142 -------------------------------------------------------------------------- ________________ marma narma kIrtitrayI bhavAn kimarthaM visphoTakanirmANodyoge kAryaM karoti ? aho ! ahaM dhUmapAnaM tyaktumicchAmi, ityataH !! - kiM bhavatyAH patirazvadhAvanaspardhAviSaye kiJcijjAnAti vA ? - prArambhAdantaM yAvajjAnAti saH / spardhAyAH pUrvaM katamo'zvo jeSyatIti sa sahetu-kAraNaM jAnAti, spardhAnantaraM ca so'zvaH kimarthaM nA'jayadityapi spaSTatayA jAnAti !! / prAyaH pratyekaM janasya dvau pAzvauM bhavataH / ekaH saH, yaM tasya patnI jAnAti; aparaH saH, yaM tasya patnI naiva jAnAti - iti sa cintayati !! 133 For Personal & Private Use Only Page #143 -------------------------------------------------------------------------- ________________ ramaNI saMzodhakAH kathayanti yat zikSikAH patnItvena zreSThA bhavanti - iti / kimarthaM tathA syAt ? ramaNaH yataH, praznaH kathaM praSTavya iti tAbhiH zikSitaM bhavati, tathA praznasyottaraM zrotuM kiyacciraM tUSNIM sthAtavyamityapi !! vidagdhaH aho ! bhavAn videzAdadhunaiva pratinivRtto vA ? kiM tatratyayA bhASayA bhavataH kAcid bAdhA jAtA vA ? durvidagdhaH na, mama tu na kAcid bAdhA jAtA, kintu tatratyajanAnAM tu bhRzaM jAtA !! ekasmin kAryakrame sudIrgha pravacanaM dattvA gRhaM samAgataH kazcana vidvAn svapatnI pRSTavAn - 'kathamAsIdadyatanIyaM me nirvahaNam ?' patnyA kathitam - atyuttamam ! navaraM bhavAn pravacanAd viramaNasya kAMzcana zreSThAnavasarAn viphalIkRtavAn !! patiH asmAkamadhikArI duSTo'sti, kintu tat zobhanamasti / / patnI kathaM tat ? patiH sa sarveSAmapi karmakarANAM kRte duSTo'sti !! 134 For Personal & Private Use Only Page #144 -------------------------------------------------------------------------- ________________ prAkRtavibhAgaH kathA pAiyavinnANakahA A. vijayakastUrasUriH 1. nANagabbhamaMtissa kahA devvajaNNA vivattIo, buddhimaMtA jaNA duyaM / dhuvaM taraMti jatteNa, nANagabbhuvva dhIsaho // 1 // sirimuNisuvvayatitthayarathUbhAlaMkiyAe vesAlIe jiyasattunAmo nivo Asi / tassa raNNo sAmAinIibhAyaNaM sayalanivarajjakajjasajjayaro NANagabbho nAma maMtI ahesi / annayA sahAniviTTho rAyA dovArieNa paNamiUNa evaM vinatto - 'sAmi ! ego nemittio katto vi Agao dAraMmi Thio samANo pahupAyadaMsaNaM mahei / laddhANunneNa teNa nivasahAe pavesio / sakougeNa nariMdeNa taNNANajANaNakae vihiuciyapaDivattI so joisio puTTho - 'thovadiNamajhe kassa apuvvaM suhaM duhaM vA hohI ?' / aTuMganimittasatthaviuseNa teNa bhaNiyaM - 'he sAmia ! tubbhehiM pucchio saMto satthabhaNiyamatthaM kahito dosaM na jAmi' tti kahiUNa vaei - 'jo eso nANagabbho mahAmaMtI maMtipaMtINaM siromaNittaNaM patto, tassa sakulassa mArI aighorA uvaTThiyA atthi / sA mArI no varisAo, na mAsAo, kiMtu eyAo pakkhAo AreNa hohii' / __tao sA sahA savvA vajjahayavva khaNA sAbAhA tuNhikkA saMjAyA / tao maMtI dhIramANaso tAo sahAo viNiggao saMto keNai alakkhio niyagihe taM nemittiyaM ANavei / kayagaruyagoravvo vattha-puppha-varabhoyaNAidANeNa saMpannasaMtoso eso egaMte paripuTTho - 'katto esA mArI bhavissai, 'tti / so nemittio kahei - 'tava jeTTaputtAo' / maMtI pucchei - "niyamA esA hossai, ettha ko paccao?' / nemittio kahei - 'amugadivasammi tumhaM asuMdaro sumiNo hohii' / evaM so maMtI kajjassa uvaladdhasAro 135 For Personal & Private Use Only Page #145 -------------------------------------------------------------------------- ________________ devaNNuM pUia paramAyareNa vArei - 'savvahA imaM no payAsiyavvaM' / tao uvagao so niyapaesaM / aha'nnayA rattIe maMtiNA sumiNo diTTho - 'jaha mama maMdiraM aibahalatimiraniuraMbasAmalAhiM dhUmajAlAhiM samaMtao ThaiaM' / tao maMtiNA sapaccayaM niyajiTThaputto utto - 'he putta ! joisaviUhiM tava jammakAliehiM suTTha paNNatto'haM, iNhi puNa tumahiMto kulassa palao hu~to dIsai / tao egaM pakkhaM tAva suvisuddhabuddhipuvvaM vaTTijjau, jeNa uvaTThiaM eaM vasaNaM kahaM pi vaMcemo / jai assa vasaNassa khalaNaM na karemi, tayA me sayalajaNapasiddhAe imAe maIe ko guNo hojjA ?' / aicittaM gahacariyaM, sumiNo sauNAiyaM nimittaM ca / devovajAiyAI, phalaMti jai kassai kayAi // 2 // 'tao dhIrimaM vahaMtehiM buddhidhaNehiM No tasiyavvaM, kiM tu uciovAyaparehiM niccaM pi hoyavvaM / parighaDiyaniuNanIINaM dUrao mukkakupahagamaNANaM kayAI divvAo kajjAraMbho vihaDio vi hu na dosAya / tao he putta ! maMjUsAe pavisa, pakkhassa bhoyaNajalANi eyANi tujjha taNuTTiIe sAhaNAI mukkAI' / tao niyakularakkhaNatthaM putteNa vi tahA vihie, nariMdassa pAse uvAgamma maMtiNA niveiaM - 'he rAya ! rAyakulasevAo purisaparaMparapattaM eyaM davvaM niyAyattaM atthi' / raNNA bhaNiyaM - 'mA bIhasu' tti / maMtiNA 'ko jANai, kiM bhavissai' evaM vottUNa aNicchaMto vi rAyA eyaM maMjUsaM paDicchAvio / sA maMjUsA rAiNo bhaMDAragihami nIyA / bhaNiyaM ca - 'he deva ! iha majjha savvasAraM saMciTThai, pakkhaM jAva majjhovarohAo ceva savvAyareNa saMrakkhijjau' / tao raNNA tIse maMjUsAe niviDAiM tAlagAiM diNNAiM, savvao sIsagamuddAo vi diNNAo / paipaharaM ca tIse rakkhaNatthaM doNNi doNNi pAhariA vi ThaviA / evaM kayasuvihANo saivo vimhaeNaM 'kiM eso majjha paogo vihaDejjA, aciMtacariyaM divvaM, kiM ca na hojjA' ? evaM khaNeNa visAeNa chuppaMto jAva ciTThai tAva terasammi vAsare pabhAyasamae kaNNaMteurammi naravaissa kannAe veNIccheo jAo, keNa kao ii nimittacitAe, jeTTeNa maMtisueNa kao'tti pavAo saMjAo-jaha 'kila niyamaMdirasejjAparisaMThiaM eaM rAyakaNNaM samAgamma jiTTho maMtisuo viNNavitthA 'ummIliyakamalavayaNe ! he suMdari ! mae samaM ramasu', bahuM pi bhaNiA jAvesA necchai, tAva rosavaseNa churiAhattheNa aNeNa tIse veNI chinna' tti / tao sA kamalamuhI aMsupuNNanayaNA vissaraM ruyamANA piuNo pAsammi gayA / savvavuttaMto niveio / kovAnalAruNiadeho rAyA purArakkhagalogaM erisaM bhaNai - 'jaha sa maMtisuo sUlArovaNapamuhadukkhamAreNa mArio hoi tahA lahuM ciya karei, ahavA sacivAhamassa gehaM taNehiM chagaNehiM dAruyabharehi savvatto veDhiUNa, jalaMjalaNaM ca kAUNa savve dahaha, jao majjha paraM pasAyaM lahittANaM ummattA jAyA, kahamannahA imerisaM AyaraNaM eesiM hojjA' / ____ tao nagararakkhagalogA karAlacchA jamabhaDasamA takkhaNaM cia amaccagehe pattA / maMtiNo kuTuMba jA hatthaggAhaM gihiuM ADhattA, tAva maMtiNo vi bhaDA samuTThiA / uDuMDabhaMDaNapare te daTTaNa thiramaNeNa 136 For Personal & Private Use Only Page #146 -------------------------------------------------------------------------- ________________ maMtiNA viNivAria rAyanarA puTThA 'kiM kAraNaM jeNa eyArisaM asamaMjasaM uvaTThiyaM ?' | 'tuha putteNa rAyakannagAe veNIcheo ajja kao' / taM suNiUNa maMtI ciMtei - 'acitaM kammaM, jaM tArise cojjaheummi paDiyAre vihie vi eyArisaM dAruNaM vasaNaM samAvaDiaM'ti / 'jai vi erisamavarAhaM sevaMtANaM eyAriso ciya daMDo hojjA, taha vi nariMdaM pecchAmi'tti teNa niyapurisA bhaNiA / -- tao so nariMdasahAe gaMtUNa kuddhaM naraNAhaM paNamia bhaNai - 'jahA deva! maMjUsAe majjhe diTThammi, tattammi viyArie tao majjha mahaMto daMDo jujjai, jeNa suviyAriyakArittaNaM hojjA' / evaM hou tti bhaNie jAva jaMti maMjUsApAsammi, tIe muddAo tahacciya tAlagAI ca pecchaMti / purapariyaNapaccakkhaM tAlugghADaNe kae, nibhAlaMti churiyAveNIhatthaM supasannamuhaM sacivaputtaM / tao savve vi accherajuaM sajjhasaM parivahaMtA annonnamuhanivesiadiTTiNo parijaMpiuM laggA ' he amacca ! kimeyaM accherayaM dIsai ?' / sa paDibhaNai - 'devo ccia paramatthaM ettha viyANai, na uNa anno, jassa gihe maMjUsA pAhariyA ya, jassa dattamuddAo, jassa tAlagAI diNNAiM tattha ko anno viyANago hou' / mUDhattaNaM patto rAyA vi bhaNei - 'ayaM tujjha NANavisao' / tao rannA alaMkArehiM sakkArio maMtI bhaNei - 'he deva ! ettiyametaM mae vinnAyaM, jaha mama suyAo savvaviNAso hohii, Na uNo veNiccheyAutti, tao maMjUsAe saMgutto patto tuhaM samuvaNIo, je tuha paccae jaNie avarAhaThANaM ahaM na homi / ao Najjai puvvabhavaMtaraverI ko vi NUNaM suro hojjA, jeNa majjha vasaNakae eyAgAradhareNa teNa sureNa eyaM savvaM aNuTThiaM ti saMbhAvijjai' / - tao saMjAyapaccaehiM savvehiM 'evameyaM' ti bhaNiyaM 'kahamannahA eso tujjha puto surakkhio iNaM kajjaM kuNejjA' ! he deva ! acitaM kammaM kayapaDikAraM pi jaM evaM phalai, buddhimaMtANaM cariyaM pi kammassa pasaraM jaM harai / ao laddhAvasaraM katthai baliyaM kammaM, taha ya purisayAro vi katthai balio hoi / evaM pariNayamaiANaM jArisaM cariyaM, tArisaM cia cariaM kammapurisagArANa NeyaM / hutaM katthai jIvo balio, katthai kammAI hoMti baliyAI / katthai dhaNio balavaM, dharaNao katthaI balavaM // 3 // 1. dhAraNaka: adhamarNaH // - evaM soccA raNNA bahupUio so NANagabbho maMtI niyanAma samANaceTThio houM siriM taha jasaM ca loe patto // uvaeso nANagabbhassa maMtissa, devvadivAraNaM / soccA bhe cariyaM 'hoha, maIe kajjasAhagA' // 4 // phaladANasamutthia- asuhakammanivAraNe NANagabbhamaMtis kahA samattA // - 137 For Personal & Private Use Only - uvasapAo Page #147 -------------------------------------------------------------------------- ________________ 2. puNNa-vikkamapahAve puNNasAra-vikkamasArANaM kahA puNNodaeNa sokkhaM vA, kAsai vikkameNa vA / puNNa-vikkamasArANaM, iha rammamudAhiyaM // 1 // Asi khiipaiTThiyanAmaM nayaraM, tattha puNNajaso nAma nariMdo ahesi, tassa ya piyA suhagaMgI atthi / aha tattha purammi dhaNaDDasuo punasAro nAma, bIo vikkamavaNiNo suo vikkamasAro nAma Asi / te do vi ahigayakalAkalAvA tAruNNaM samaNupattA / egayA te viyAriti - 'tAruNNe patte vi jai lacchIe ajjaNaM na hojjA, tayA aNajjacariyassa tassa ko purisagAro? / jAva jassa lacchI dANAikiriyAsu vuccheyaM na ei, tAva tassa jaso, jaNasohaggaM ca / tatto paNayajaNavaMchiyatthakaraNao kayacamakkArA jaha sirI samugghaDai, taha jatto kAyavvo / teNa aNusarimo desaMtaraM, Arohemo parakkamagirimmi, to amhANaM jaNavallahA lacchI dullahA no bhavissai' / tao kayapatthANA jA satthasannivesaM gayA, tAva paDhamassa puNNasArassa vihivasao tattha khaNaNeNa mahaMto nihI samuvaTThio, taM giNhiUNa gehaM samAgao, taduciesu kajjesu laggo / bIo vikkamasAro puNo jalahipAragamaNeNa laddhadhaNo tulAe jIvaM AroviUNa niyagehaM patto / so vi ya sadhaNociyakiriyAsu taM siriM vilasiuM parilaggo / nayarammi tANaM pavAo saMjAo - jaha 'eso puNNasAro poDhapunnapabbhAro saMpattasayalavaMchiyalacchIvicchaDDo suhio, bIo ya puNo vikkamasAro dAruNajalahitaraNasaMjAyagaruadhaNariddhI baMdhuvaggasahio bhoge bhuMjai / tA eesi majjhe paDhamo aIva puNNabalio daiveNa saMjuo atthi, bIo vi akhaliyapasaro vavasAyaparo purisakAreNa jutto atthi' / rannA eso pavAo nisuo, aikougAo sahAe te saddAviA, puTThA ya - "kiM eso pavAo sacco, aNNahA va ?'tti / tehiM bhaNiyaM - 'jaNappavAo vitaho na hojjA jao pAyaM aipacchannaM pi kayaM kajjaM logo sajjo viyANeI' / evaM soccA rannA tesiM parikkhA AraddhA / paDhamo puNNasAro egAgI cia bhoyaNassa kae nimaMtio / mahANasanarA vi bhaNiyA - 'ajja tumhehiM rasavaI na kAyavvA, jao eyassa puNNavaseNa pattaM amhehiM bhottavvaM' / aha patte bhoyaNasamae mahAdevIe saMpesio mahallo aMteurarakkhago vinnavei - 'ajja devIgihammi tumhehiM bhottavvaM, jao ajja jAmAuo niyanayarAo kiM pi payoyaNatthaM samAgao atthi / tassa nimittaM sUodaNAibheyaM sAubhoyaNaM pasAhiyaM / tA deva ! tumae saddhiM bhuMjato so sohAgaM lahejjA' / to te savve vIsatthA taM bhoyaNaM bhuMjIa / annadivahe bIo vikkamasAro bhoyaNatthaM nimaMtio / savve vi rasavaIe pasAhagA bhaNiyA - 'lahuM ceva bhoyaNaM kuNeha' / tehiM savvAyareNa bhoyaNaM uvaTThiyaM kayaM, bhoyaNAvasare AsaNesuM dinesuM, uvaTThie bhatte samANe, tayA rAyasuyAe aTThArasasarasamanio AmalagathUlamuttAhalubbhaDo hAro ninnimittaM pi tuDio, dINANaNA ya sayaMtI rAyasuA piussa pAsammi samAgamma bhAsai - 'me hAro ihi poijjau, na'nnahA bhoyaNaM kAhaM' / ia jaMpie to naravaI jAva vikkamasAramuhaM paloyai, tAva ujjiyabhoyaNakajjeNa teNa so 138 For Personal & Private Use Only Page #148 -------------------------------------------------------------------------- ________________ hAro navasuttataMtusajjo khaNeNa paguNo kao / pacchA dovi taM bhoyaNaM suhaM bhuttA / nivaiNA paribhAviaM'sacco jaNappavAu' tti / evaM puNNasAro puNNudaeNa vavasAyaM viNA suhaM patto, vikkamasAro a tArisapuNNaM viNA vavasAeNa sokkhaM pAvIa // uvaeso - puNNavikkamasaMjuttaM, seTThiputtANa nAyagaM / suNittA tANa pattIe, ujjameha tahA sayA // 2 // puNNa-vikkamapahAve puNNasAra-vikkamasArANaM kahA samattA // - uvaesapayAo 3. aviyAriyakajjammi pahAviassa kahA vANiassa sahAvo jaM, kiM pi dei saheuaM / hAviassa jahA hotthA, 'TakkorattaM ghaNaM duhaM // 1 // katthai nayare ego sirimaMto seTThI Asi / teNa vANijjakalAe bahuM dhaNamajjiyaM / buddhipahAveNa savvakajjesu paurajaNehiM pucchaNijjo hotthA / so vuDDattaNe puttesuM haTTa-gharAibhAraM AroviUNa nivutto sNjaao| ___ tassa seTThissa ego grahAvio pio asthi / diNaMtareNa so tassa pAsaMmi kesakammaM karAvei / mAse saddhamAse ya savvao samaMtAo matthayaM muMDAvei / egayA seTThI tassa purao muMDAvaNatthaM samuvaviTTho samANo kahei - 'ajja savvaM matthayaM muMDehi' / so vi divAkittI hatthalahuttaNeNa sohaNayaraM mauyayaraM muMDaNaM kAhI / karaphAsaNeNa siraM phAsiUNa bhaNei - 'suMdarayamaM muMDaNakammaM mae kayaM' / tao pariNAmaM aviyArittA hariseNa seTThiNo muMDiasiraMsi TakkoraM dei / aMto rUsio vi seTThI paccuppaNNamaI ki pi ciMtiUNa duNNi rUvagAiM appei / puvvaM tu paimuMDaNaM tassa duvAlasa ANagAiM diteNa teNa vi ahuNA dIhadaMsittaNeNa ahiyaM dinnnnN| . __NhAvieNa ciMtiyaM - "muMDiasiraMmi TakkoradANeNa ahiyaM dhaNaM labbhai / aho ! TakkoradANassa aNuvamo pahAvo / eso cciya dhaNuvajjaNassa uvAo samma' / evaM viyAraMtaM kesakammatthaM nayarammi bhamaMtaM taM divAkittiM ego rAyasuhaDo muMDaNatthaM bollAvei / so tassa muMDaNakammaM suTThatteNa kuNei / kae samANe ahigalAhatthaM muMDiamatthae TakkoraM dei / Asu rUsio so kaDipaTTAo churiyaM nikkAsiUNa taM NhAviaM 1. TakkorAptaM Takkoralabdham // 139 For Personal & Private Use Only Page #149 -------------------------------------------------------------------------- ________________ bhUmIe pADiUNa tassa uratthale caDiUNa ghAyaM kattuM laggo / tayA so kaMpamANo hatthe juMjiUNaM 'he dINadayAla ! asaraNo tava saraNamuvAgao, puNo nevaM karissaM, maM muMca muMca tti jaMpaMto thio' / logA vi bahuNo tattha miliA, tehiM balAo muMcAvio / maraNabhayAo vimuttassa duyaM gacchaMtassa tassa magge so seTThivaro milio / 'bhayadavaMtaM taM dekkhiUNa pucchei - 'bho ! kiM ajja jAyaM?' / so kahei - 'ajja maccumuhAo niggao, jao mae ajja tumhANaM muMDiasiraMsi Takkore kae ahigaM davvaM laddhaM / tao mae jANi dhaNajjaNe eso sohaNuvAu tti niNNeittA rAyasuhaDamatthae muMDie samANe Takkore ya diNNe, Asu ruTTho so churi kaDDiUNa maM bhUmIe pADittA vacchatthale caDittA jAva pahariuM laggo tAva jaNehiM tamhA haM ummoio, tao bhayAo tharatharaMto tumhANaM milio' / seTThI vi kahei - 'vANiassa uvahAro kayA vi hiyagaro na hojjA, tassa dANammi vi bheo bhave / paMcajaNamajjhe pucchaNijjo mANaNIo ya ahaM homi, aNNaha taM tu niratthayaM siyA / ao he pahAvia ! vaisassa dANaMmi vi rahassaM hojjA, jao vaNio kayA vi niratthayaM na dei tti // uvaeso - vaNiNo atthadANeNa, nAviassa hu duddasaM / naccA tavvavahAraMmi, sAvahANo sayA bhave // 43 // aviyAriyakajjammi pahAviassa kahA samattA // - gujjarabhAsAkahAe 4. lohovariM mAhaNassa kahA neva kujjA mahAloha, pAvassa piyaro hi so / diTuMto mAhaNo ettha, sANapucchassa kaDDago // 1 // ego mAhaNo vANArasIe nayarIe cauddasavijjAo paDhiUNa gihe samAgao / tassa bhajjA rUvavaI sIlavaI jiNadhammavAsiA ya asthi / duvAlasavarisaMte paisamAgamaNeNa tIe aIva ANaMdo jAo / tIe viAriyaM - 'paMDiA vavahAre sunnA vaTTeire tti pasiddhI atthi, ao mama bhattussa savvavijjApAragassa vi vavahAre kerisaM nANaM vijjai?' ii nAuM rattIe puDhe - 'he pia ! pAvassa ko piA ?' teNa bahuM ciMtiaM pi jayA paccuttaraM nA'vagayaM, tayA teNa pucchiaM - 'he pie ! tumaM kahasu' / tIe vuttaM - 'ahaM 1. bhayadrutam // 140 For Personal & Private Use Only Page #150 -------------------------------------------------------------------------- ________________ na jANAmi, kiMtu sAhUNaM vasahIe gaMtUNa AyariyaM eyaM pucchiUNa atthaM jANesu' / tao bIyadiNaMsi AyariyapAyamUle gaccA pucchai - 'bhayavaM ! pAvassa ko piA?' | kajjaparamaTuM nAUNa AirieNa vuttaM - 'kalle paccUsakAle bhANUdayAo puvvaM samAgaMtavvaM' / evaM soccA so baMbhaNo 'kimuttaraM eso dAhI ?' iha ciMtamANo gihe gao / AyariyavarieNa kiM pi kahiUNa gIyaTThasamaNovAsageNa uvassayassa nigUDhaThANaMmi rUvago Thavio / annaM ca vasahisamIve egasuNagasavaThavaNatthaM sUiaM ti teNa gIyaTThasamaNovAsageNa 'taha'tti kahittA taheva annutttthiaN| avaravAsare teNa mAhaNeNa rattIe carame jAme samAgaMtUNa taheva AyariyapuMgavo pucchio| AyarieNa vajjariaM - 'mama egaM kajjaM kuNasu, pacchA tumha paNhottaraM dAhimi' / teNuttaM - 'kiM taM ?' / muNivaiNA sAhiyaM - 'vasahisamIve suNagakaDevaraM vijjai, teNa amha asajjhAo vaTTai, tao eNaM kaDDiUNa dUraM vimuMcAhi' tti / mAhaNo kahei - 'pavitto mAhaNo hoUNa erisaM niMdaNijjaM apavittaM kajjaM kahaM kuNemi? kayA vi ahaM na karissAmi' / muNIsareNa vuttaM - 'muhA ahaM na kAravemi, kiMtu tumaM jai eyaM kajjaM kAhisi, tayA tumhaM egaM rUvagaM dAvissAmi'tti / so rUvagalAhaM soccA lohaMdho jAo, ciMtei tti ya 'rattIe maM ko jANihii ?', tao niyaM mAhaNattaNaM vIsariUNaM savvAiM vatthAI caiUNa liMgapaDadhArago jaao| tayaNaMtaraM teNa vasahIe bAhiraThiassa sANasavassa laMgUlaM kaDDittA dUMraM so sANo avasArio / puNo vi teNa samIvathiasarojaleNa NhAiUNa vatthAiM ca parihia muNivaipAse samAgaMtUNa uttaM - 'tumhANaM kajjaM mae kayaM tao rUvagaM dAvesu' / AyarieNa kahiyaM - 'amugaMmi guttaThANe rUvago atthi, taM giNhAhi' / tayA teNa tao ThANAo rUvago ghiio| puNo vi so paNho pucchio / AyarieNa kahiyaM - 'atthao tumha paNhuttaraM diNNaM, tumae kiM 'nA'higayaM ?' / teNuttaM - 'sammaM na jANAmi' / tayA muNivaiNA kajjaparamaTTho kahio - 'jaM tumaM sauyavao mAhaNo hoUNa rUvagaloheNa eyArisaM akajjaM kAsI, teNa tava paccuttaraM pi samAgayaM - 'jao savvapAvANaM kArago lohu tti tava bohaNaTuM mae eArisI juttI kayA' / tao so mAhaNo avagayaparamaTTho cittacamakkio muNivaraM paNamiUNaM gharaMmi gao / uttaM ca piyAe 'savvapAvANaM kArago loho asthi / teNa pAvassa piA loho Neo' // uvaeso - akiccakAragaM lohaM, savvANaTThassa mUlagaM / nANAiguNahaMtAraM, savvayA parivajjae // 2 // lohovariM mAhaNassa kahA samattA // - sUrIsaramuhAo 141 For Personal & Private Use Only Page #151 -------------------------------------------------------------------------- ________________ 5. suhAsisAi uvari seTThiNo kahA aNuggahIyalogassa, phalaMtIha suhAsisA / aputtassa jahA putto, havitthA seTThiNo tahA // 1 // egaMmi nayare sirimaMto dANasIlo ko vi seTThivaro Asi, tassa bhajjA lacchi vva jahatthanAmA lacchImaI nAma / duNhaM pi parupparaM nehavaMtANaM suheNa kAlo gacchai / savvao suhiyANaM pi tANaM egaM ciya duhaM atthi, jaM puttassa abhAvo / poDhavayapattANaM pi putto na siyA / jassa gharaMgaNaMmi dhUlidhUsariaMgo aMgao na kIlei, tassa pattAe vicchiNNAe lacchIe kiM ? egayA bhajjAe gurumuhAo suaM - "vittassa sArayA dANe, bhogA dANeNa hoire' - ii soccA gihe AgaMtUNa niyabhattuNo dINa-duhiya-aNAhAINaM dANaTuM kahiyaM / tayA so seTThI paccUsAo Arabbha majjhaNhakAlaM jAva niyamaMdirassa hiTThammi haTTaM kAUNaM kiMkarassa hattheNa dANaM niraMtaraM dAvei / annaM ca taMmi nayaraMmi ego vaNiyaputto bhajjAputtajugalasahio vasai / duTThadaivveNa parAhUo so niddhaNo accaMtaduhio saMjAo / chuhAduhapIliANaM tesiM mahAkaTeNa kAlo gacchai / parasamIve dhaNadhannAimaggaNatthaM bhajjAe perio vi so lajjAparavaseNa kayA vi ya ayAiyattaNeNaM na paraM patthei / egayA bhajjA khuhAbAhiyANaM vAraM vAraM bhoyaNaM maggamANANaM puttANaM dukkhaM pAsiuM asamatthA niyappiyaM kahei - 'he piya ! puttANaM dukkhaM kiM na pAsasi?, buhukkhiyA jai marissaMti tayA jIvavahapAvagaM te lagissai / ao tuM puttesuM karuNaM kiccA kaM pi dhaNaDDheM patthesu, ahavA laM dANasIlaseTThivaraM gacchAhi, jo dayAlU sai majjhaNhaM jAva savvesi niraggalaM dANaM dei'tti / tayA so bhajjApariNoio gharAo nigaMtUNa seTThissa gehaM pai calio / UsAhassa virahAo maMda maMdaM calaMto vilaMbeNa tattha gao, tayA seTThissa kiMkaramahattamo haTTaM pihei / so mauNeNa tattha Thio, kiM pi na maggei / haTTAo nissaraMto so taM pAsiUNa pucchei - "kiM AgamaNapaoyaNaM' ? puvvaM tu so amaggaNasahAveNa lajjaNasIleNa ya na bollei, na ya patthei / jayA duccaM puTuM, tayA kahei - 'khuhiyakuDuMbaTuM dhaNNAimaggaNAya Agao mhi / teNuttaM kalaMmi AgaMtavvaM, ahuNA samao na, ii kahittA so niggao / so vaNiaputto ajja kuTuMbassa nivvAho kahaM hojja tti ciMtamANo dukkhabharabhAreNa nettAhito aMsUNi muMcaMto tattha ccia thio / etthaMtare sA seTThissa bhajjA niyamaMdiravAyAyaNe uvaviThThA Asi / tIe so ruyaMto diTTho / aNukaMpAe so niyasamIve AhUo, royaNakAraNaM ca puDhe / puNo puNo pucchAe so niyaduhiyAvatthAsarUvaM kahei / sA tassa bhajjA-puttajugalassa eyArisiM avatthaM suNiUNa uvagayakaruNA taM uddhariuM niNNayaM kAhI / puvvaM tu tIe taM kiMkaramahattamaM bollAviUNa uvAlaMbhaM dAUNa bahudhaNadhaNNAiyaM tassa dAviyaM, annaM ca bhajjA-puttajugalajogguvagaraNAI diNNAiM / puNo vi kahiyaM - 'mama gehaM pi appaNo samANaM gaNittA viNA saMkoeNa icchiyavatthugahaNatthaM avassaM AgamaNIaM' / so vaNiaputto sakkhaM 142 For Personal & Private Use Only Page #152 -------------------------------------------------------------------------- ________________ lacchIva lacchIseTThiNIe pAe paNamia savvavatthUI ca ghettUNa gihaM gao / paikkhamANA tassa bhajjA savvagihovakkharasaMjuyaM AgacchaMtaM piyaM daTThaNaM sANaMdA jAyA / 'kahaM kattha vA erisaM laddhaM ?' / so savvavuttaMtaM khei| taM soccA sA bollei - 'tIe seTThiNIe kallANaM suhaparaMparA vaMchiyasiddhI ya atthu, jIe sappiya-puttANamamhANamuddhAro kao' / evaM suhabhAvaNAe suhAsisaM dei, evaM ca sai patthei / eIe suhAsisAciMtaNAo tIe lacchIseTThiNIe nIrAsAe vi navamAsapaDipuNNe surUvo kulAhAro putto sNjaao| evaM suhAsivvAyAo kiM kiM na hojjA ? / uvaeso - logANukaMpaNA loe, jAyae icchiaM phalaM / jahAsattiM payaTTejjA, tao tammi jaNA sayA // 2 // suhAsisAe uvari seTThiNo kahA samattA // - gujjarabhAsAkahAe 143 For Personal & Private Use Only Page #153 -------------------------------------------------------------------------- ________________ For Personal & Private Use Only Page #154 -------------------------------------------------------------------------- ________________ ..... tarhi likhatu !! - kiM bhavAn kSaNasya nayanayoH kajjalamaJjituM jAnAti? ... tarhi likhatu!! marupradezasya viSAdaM marIcikAjalena mArjayituM zaknoti? .... tarhi likhatu !! - janamadhye'pi ekAkI sthAtuM jAnAti? ... tarhi likhatu!! svasmAdapi vicchinno bhavituM zaknoti? ... tarhi likhatu !! "na kimapi jAnAmyaha''miti svIkRtya sthirIbhavituM jAnAti? ... tarhi likhatu!! (gUrjaramUlaM - sureza dalAla) For Personal & Private Use Only ,