________________
भूमीए पाडिऊण तस्स उरत्थले चडिऊण घायं कत्तुं लग्गो । तया सो कंपमाणो हत्थे जुंजिऊणं 'हे दीणदयाल ! असरणो तव सरणमुवागओ, पुणो नेवं करिस्सं, मं मुंच मुंच त्ति जंपंतो थिओ' । लोगा वि बहुणो तत्थ मिलिआ, तेहिं बलाओ मुंचाविओ ।
मरणभयाओ विमुत्तस्स दुयं गच्छंतस्स तस्स मग्गे सो सेट्ठिवरो मिलिओ । 'भयदवंतं तं देक्खिऊण पुच्छेइ – 'भो ! किं अज्ज जायं?' । सो कहेइ – 'अज्ज मच्चुमुहाओ निग्गओ, जओ मए अज्ज तुम्हाणं मुंडिअसिरंसि टक्कोरे कए अहिगं दव्वं लद्धं । तओ मए जाणि धणज्जणे एसो सोहणुवाउ त्ति निण्णेइत्ता रायसुहडमत्थए मुंडिए समाणे टक्कोरे य दिण्णे, आसु रुट्ठो सो छुरि कड्डिऊण मं भूमीए पाडित्ता वच्छत्थले चडित्ता जाव पहरिउं लग्गो ताव जणेहिं तम्हा हं उम्मोइओ, तओ भयाओ थरथरंतो तुम्हाणं मिलिओ' । सेट्ठी वि कहेइ – 'वाणिअस्स उवहारो कया वि हियगरो न होज्जा, तस्स दाणम्मि वि भेओ भवे । पंचजणमज्झे पुच्छणिज्जो माणणीओ य अहं होमि, अण्णह तं तु निरत्थयं सिया । अओ हे पहाविअ ! वइसस्स दाणंमि वि रहस्सं होज्जा, जओ वणिओ कया वि निरत्थयं न देइ त्ति ॥ उवएसो -
वणिणो अत्थदाणेण, नाविअस्स हु दुद्दसं । नच्चा तव्ववहारंमि, सावहाणो सया भवे ॥४३॥
अवियारियकज्जम्मि पहाविअस्स कहा समत्ता ॥
- गुज्जरभासाकहाए
४. लोहोवरिं माहणस्स कहा नेव कुज्जा महालोह, पावस्स पियरो हि सो ।
दिटुंतो माहणो एत्थ, साणपुच्छस्स कड्डगो ॥१॥ एगो माहणो वाणारसीए नयरीए चउद्दसविज्जाओ पढिऊण गिहे समागओ । तस्स भज्जा रूववई सीलवई जिणधम्मवासिआ य अस्थि । दुवालसवरिसंते पइसमागमणेण तीए अईव आणंदो जाओ । तीए विआरियं – 'पंडिआ ववहारे सुन्ना वट्टेइरे त्ति पसिद्धी अत्थि, अओ मम भत्तुस्स सव्वविज्जापारगस्स वि ववहारे केरिसं नाणं विज्जइ?' इइ नाउं रत्तीए पुढे – 'हे पिअ ! पावस्स को पिआ ?' तेण बहुं चिंतिअं पि जया पच्चुत्तरं नाऽवगयं, तया तेण पुच्छिअं – 'हे पिए ! तुमं कहसु' । तीए वुत्तं – 'अहं
१. भयद्रुतम् ॥
१४०
Jain Education International
For Personal & Private Use Only
www.jainelibrary.org
