________________
કર્મનો પ્રભાવ જૈન ધર્મમાં સવિશેષપણે સ્વીકારાયો છે. કર્મથી જ માણસ સુખ દુઃખને પ્રાપ્ત કરે છે, ઈસ હાથ દે. ઈસ હાથ લે.
જેવું કરશો, તેવું પામશો. જેવું વાવશો, તેવું લણશો. કર્મના ફળથી માણસ બચી શકતો નથી. કર્મના ફળથી માણસ છૂટી શકતો નથી, છટકી શકતો નથી. કર્મનો ક્ષય ન થાય, ત્યાં સુધી એનું ફળ માણસે ભોગવવું જ પડે છે.
સારા કર્મોનું સારૂં ફળ. ખરાબ કર્મોનું ખરાબ ફળ. માટે જ જગત્પ્રભુ અહીં પુણ્યકર્મની વાત કરે છે. પુણ્ય કર્મ કરશો તો ફળ પણ ઉત્તમ મળશે.
પુણ્ય જ માણસની સર્વત્ર રક્ષા કરે છે.
પુણ્ય રૂપી ઈશ્વર જ મનુષ્યને સુરક્ષા પ્રદાન કરે છે માટે પુણ્ય કરો! શુભ
કર્મ કરો ! સત્કર્મોનો સંચય કરો !
એ જ પાથેય છે ! એ જ મોંઘી મૂડી છે !
એ જ રક્ષણહાર છે જીવનનો !
પુણ્ય ઈશ્વર છે. તે રક્ષણ કરે છે.
પાપ યમ છે. પાપ દુઃખકર છે.
પાપ કર્મને કારણે તેનું ખરાબ ફળ માણસને પ્રાપ્ત થાય છે. દુઃખનું કારણ એણે કરેલ પાપ કર્મ છે.
પુણ્ય બચાવે છે. પાપ મારે છે.
પુણ્ય તારે છે. પાપ દુઃખમાં ડૂબાડે છે. કોઈપણ કર્મ કરતાં પહેલાં ખૂબ વિચાર કરો ઃ
જો તે પાપ કર્મ હોય તો એવું કર્મ ન કરશો. તે દુઃખનું કારણ બનશે. તે મારશે. તે હણશે. તે વેદના પહોંચાડશે. તે પીડા ઉત્પન્ન કરશે. માટે એનાથી બચો. માટે તેનાથી અળગા રહો. કરો તો પુણ્ય કરો. પુણ્ય જ ઈશ્વર છે.
તે બચાવશે. તારશે. રક્ષણ કરશે.
પાપથી સર્વ જીવોને સર્વકાળે સર્વત્ર દુઃખ જ પ્રાપ્ત થાય છે. પુણ્યથી જ જીવોનું રક્ષણ થાય છે. યોગક્ષેમ પુણ્યથી જ થાય છે.
૨૨
