________________
કર્મ રાજા કોઈને છોડતો નથી. કર્મ રાજાની સત્તા સર્વ સ્થળે સર્વ સમયે ચાલે છે. કોઈ પ્રદેશ એની સત્તાના પ્રભાવ બહારનો નથી. કર્મ સત્તાને કારણે જીવાત્મા એણે કરેલાં કર્મનાં ફળ ભોગવે છે. કર્મનું પરિણામ ભોગવે છે.
કર્મના બંધનથી કદી કોઈ છટકી શકતું નથી. ગમે ત્યાં ભાગી જાવ, ગમે ત્યાં છુપાઈ જાવ- ચાહે સો કરો પણ કર્મ સત્તાની આજ્ઞા અનુસાર જે સ્થળે અને જે સમયે જે ફળ મળવાનું હોય તે મળે જ છે.
કર્મની અદાલતમાં જે ન્યાય તોળાય છે, તે તદન સાચો છે. ગુનેગાર જ દંડાય છે.
અહીં પૃથ્વી પરની કોર્ટોની જેમ નિર્દોષને કદી સજા કે દંડ થતો નથી અને એમ દોષિત જીવાત્મા કદી પણ છટકી શકતો નથી. તેણે કરેલા કર્મ અનુસાર ઉચિત સમયે ઉચિત માત્રામાં તેને સજા અથવા પુરસ્કાર મળે છે.
ન વકીલની જરૂર. ન દલીલની જરૂર.
ન સાક્ષીની જરૂર. ન પુરાવાની જરૂર. ઉપલી કોર્ટે તેને માટે અપીલ થઈ શકી નથી
ન તો રાષ્ટ્રની કોઈ સુપ્રીમ સત્તા ‘દયાની ભીખ’ આપી શકે છે. કર્મ રાજાનો ચુકાદો અફર અને અપરિવર્તનશીલ છે. એને કોઈ પડકારી શકતું નથી. કોઈ ખોટો સાબિત કરી શકતું નથી. પૂર્વે કરેલાં કર્મ પ્રમાણે જીવાત્મા યોગ્ય સમયે સુખ કે દુઃખ ભોગવે છે. પાપ કર્મથી દુઃખ મળે છે. પુણ્ય કર્મથી સુખ મળે છે.
શુભ કર્મો સુખનું કારણ બને છે. અશુભ કર્મો દુઃખનું કારણ બને
છે.
માટે શુભ કર્મ કરો. માટે પુણ્ય કર્મ કરો.
માટે પાપકર્મથી ડરો. માટે અશુભ કર્મથી અટકો. આ જગતમાં જે જે જીવાત્માઓ દુઃખ ભોગવી રહ્યા છે, તેઓ પૂર્વે કરેલાં પોતાનાં પાપ કર્મોનું ફળ ભોગવી રહ્યા છે તેમ માનવું.
જે જે જીવાત્માઓ આ જગતમાં સુખ ભોગવી રહ્યા છે, તેઓ પૂર્વે કરેલાં પોતાનાં પુણ્ય કર્મોનું ફળ ભોગવી રહ્યા છે એમ સમજવું. જેવી કરણી, તેવી ભરણી. જેવું કરશો, તેવું પામશો.
૫૬
