________________
अनन्तज्ञानस्वरुपोऽस्ति, जैनआत्मैव नो वपुः । विजितं दुर्मनो येन स जिनो विश्वपावकः ॥ २०२ ॥
"
જૈન આત્માની વાત આમાં કરવામાં આવી છે. જૈન એટલે ? જીતે તે જૈન. મનને જીતે છે જૈન. મન ચંચળ છે. મન દુષ્ટ છે. મન મોહમાર્ગી છે. મનને જીતવાનું કામ સાચે જ ખૂબ અઘરું છે. મનને જીતે તે સાચો વિજેતા.
મનને જીતો.
મન તોફાની અશ્વ જેવું છે.
તેના અસવારને ક્યારે પાડી નાખે એ કહેવાય નહિ.
કાંટામાં ય ફેંકી દે. ખીણમાં પણ ફેંકી દે.
પતનની ખીણ ખૂબ ઊંડી હોય છે, ને તેમાં પડનારા મનને કારણે જ પડે છે.
મન ચાંચલ્ય દાખવે છે. નબળાઈ ભણી દોડે છે.
રાગના જંગલ ભણી દોડે છે. મોહના માર્ગ પર દોડે છે.
માયાની ગલીમાં દોડે છે.
ત્યાં દોડે છે, જ્યાં માનવીના પતન માટેનાં સર્વ સાધનો મોજુદ છે. જ્યાં માનવીને કલુષિત કરનારી કાળાશ મોજુદ છે.
તો પછી જીતો મનને. મન અશ્વને સંયમની લગામ પહેરાવો.
મનને જીતો. મનનો પરાભવ કરો.
મનના ગુલામ ન બનો. મનને ગુલામ
બનાવો.
દુષ્ટ, ચંચળ, મોહમાર્ગી અને આમ તેમ કુદકા લગાવતા મનને જે જીતે છે, તે જૈન.
જૈન વિજેતા છે.
વિશ્વને પાવન કરનાર જિન છે.
જૈન આત્મા જ અનન્તજ્ઞાન રૂપ છે, શરીર નહિ.
મનને જેણે જીત્યું છે, તે વિશ્વપાવક જિન છે. જૈન છે.
૨૧૦
