________________
जैनत्वं सर्वजीवेषु, जिनत्वं सत्तया तथा । जिन एव परब्रह्म, ज्ञात्वा जैनो न मुह्यते ॥ २०३ ॥ સર્વ જીવોમાં સત્તાથી જૈનત્વ અને જિનત્વ રહેલું છે. જૈન મનને જીતનાર છે. મન પર સંયમની લગામ ચઢાવનાર છે. આંધી તોફાન વચ્ચે પણ તે અડગ રહે છે. એનું સ્થર્ય કાયમ રહે છે. માયા નટી એના શૈર્યને ડગાવવા પ્રયત્ન કરે છે. મોહરાજા તેને વિચલિત કરવા મથે છે. પણ જૈન અડગ રહે છે. સર્વ જીવોમાં જૈનત્વ રહેલું છે. જિનત્વ રહેલું છે. જિન એટલે? જિન એટલે પરબ્રહ્મ. જિન એટલે વિજેતા. જૈન આ વાત જાણે છે, તેથી તે કદી મૂંઝાતો નથી. મોહ પામતો નથી.
જીવનમાં ગમે તેટલાં તોફાનો આવે કે ગમે તેવી અગ્નિ પરીક્ષા થાય- જૈન ક્યારેય પણ મૂંઝાશે નહિ.
મોહમાયા આદિ એને ભ્રમિત કરવા પ્રયત્ન કરે, તો પણ સાચો જૈન કદી પણ મોહ પામતો નથી.
अप्रमत्तो भवेज्जैनः, परार्थं कर्मकारकः । व्यक्तिकुर्वन् जिनेन्द्रत्वमाऽत्मनो जायते प्रभुः ॥२०४ ॥
પરને માટે કર્મ કરનારા જૈન અંગે શ્રી નેમિનાથ પ્રભુ પ્રતિબોધ કરે છે. તેઓનું આગમન દ્વારિકાપુરી ખાતે થયું છે. પ્રભુનું આગમન અહેતુક નથી. અપ્રયોજન નથી. સહેતુક છે.
દ્વારિકાપુરીના અધિપતિ શ્રી કૃષ્ણ વાસુદેવને પ્રતિબોધ પમાડવા માટે પ્રભુ પધાર્યા છે.
આત્મા વિષે, જેન વિષે, વર્ણ વિષે, જૈન સંઘ વિષે ને એમ વિવિધ બાબતો વિષે પ્રભુ પ્રતિબોધિત કરે છે. જ્ઞાનાન્વિત કરે છે.
તેઓ જૈનની વાત કરે છે. જૈનના અપ્રમત્તભાવની વાત કરે છે. જૈન પરને માટે કર્મ કરનારો છે.
૨૧૧
