________________
पितामाताकलाचार्यः, सद्गुरुश्च सुभक्तितः । सेव्यः शक्त्यनुसारेण, भोजनादिप्रबन्धतः ।। २८६ ।। સેવા જૈનોનો મુખ્ય ગુણ છે. સર્વની સેવા તેઓ કરે છે.
આત્મભોગ આપે છે. ઘસાય છે ને શક્તિ પ્રમાણે સર્વની સેવા તે કરે છે અને તે ય ભક્તિપૂર્વક.
માતા અને પિતા. કલાચાર્ય અને સદ્ગુરુ. મનુષ્યને ઘડનારા- કેળવનારા- સંસ્કારના એ આ પાત્રો. તેમના અનંત ઉપકાર છે મનુષ્ય પર. જીવનને ઉજ્જવળ બનાવનાર તે છે. જીવનને ઘડનાર તે છે. સંસ્કારનાર તે છે. ગુણસંપન્ન કરનાર તે છે. તેમના અનંત ઉપકારો છે. ઉપકારોનો કોઈ પાર નથી.
મનુષ્ય તેમનો ઋણી છે, તેથી શક્તિ અનુસારે ભોજન વગેરેના પ્રબંધથી સુભક્તિપૂર્વક તેમની સેવા કરવી જોઈએ.
માતા-પિતાની સેવા કરો. તેમના ભોજન વગેરેનો પ્રબંધ કરો. તેમની ચિંતા હરો. તેમને આરામ આપો. આ જીવન એમને કારણે છે. કલાચાર્ય અને સદ્ગુરુ પણ એવા જ ઉપકારી છે. એમને લીધે જીવનનું ઘડતર થયું છે. સંસ્કાર ઘડતર થયું છે.
જીવન જે દિવ્ય અને ઉજ્જવળ બન્યું છે, ગુણ સંસ્કારોથી ભરપુર બન્યું છે, તેનું કારણ છે કલાચાર્ય તથા સદ્ગુરુ.
માટે તેમની સેવા કરવી જોઈએ. તેમના ભોજન વગેરેનો પ્રબંધ કરવો જોઈએ. એ મનુષ્યનું કર્તવ્ય છે. विश्वस्य सर्वधर्मा ये, जैनधर्मे प्रमान्ति ते । जैनधर्माङ्गभूताः स्युः, सर्वधर्मा अपेक्षया ॥ २८७ ॥ જૈનધર્મ એક શ્રેષ્ઠ ધર્મ છે. જગતનાં સર્વ ઉત્તમ તત્ત્વો જૈનધર્મમાં સમાવિષ્ટ થયેલા છે. માનવ માત્રને સુખ કરનારા તત્ત્વો જૈનધર્મમાં રહેલા છે. જગતને શાંતિ પ્રદાન કરનારા તત્ત્વો જૈનધર્મમાં છે જ. વિશ્વ વિશાળ છે!
૨૭૯
