________________
અને જે દિશા હાથ લાગે તે તરફ આંખો બંધ કરીને ચાલવા લાગે
છે.
ભોગના ભોરીંગ ક્રૂત્કારો કરે છે.
પાપ રૂપાળું લાગે છે. પાપ રૂપાળા ચહેરાવાળું છે.
વળી તે મિષ્ટ ભાસે છે. તેથી સૌને ગમે છે.
કોઈ એના અસલ રૂપને ઓળખી શકતું નથી.
પાપ મીઠું લાગે છે. પાપ ગમે છે.
ને પાપ અનિષ્ટ ફળ પણ આપે છે. પાપ પતન કરાવે છે.
તો બચવું શી રીતે ? સાચી દિશા શી રીતે મળે ? સાચો પ્રકાશ ક્યાંથી મળે ?
એના માટે છે પ્રભુ મહાવીરનું નામ.
નામનું રટણ. નામનું ઉચ્ચારણ. નામનો જાપ.
જે જાપ કરે છે, તે તરે છે. તેવો જૈન સદ્ગતિ પામે છે.
પ્રભુના નામના જાપમાં પરાયણ એવો જૈન સ્વર્ગ સમાન સદ્ગતિને હાંસલ કરે છે.
कलिकालानुसारेण, वर्णावर्णव्यवस्थिताः ।
महावीरस्य जापेन, लोका यास्यन्ति सद्गतिम् ।। ३१५ ।। જૈનધર્મ જેવો ઉદાર કોઈ ધર્મ નથી.
એ વિશાળ છે, વિરાટ છે. પોતાનામાં સૌને સમાવે છે. જાતિ કે ધર્મ ગમે તે હોય –
ગરીબ હોય કે અમીર હોય - કાળો હોય કે શ્વેત હોય -
પણ જૈનધર્મ સૌને આવકારે છે. સૌને પોતાનાં બનાવે છે.
એમાં જાતિ ભેદને સ્થાન નથી.
વર્ણભેદને સ્થાન નથી. રંગભેદને સ્થાન નથી.
વર્ણ - અવર્ણ સ્થિત સર્વ જનો જૈનધર્મ રૂપી મહાસાગરમાં ભળી
શકે છે.
ન કોઈ ભેદ. ન કોઈ આંતરો.
૩૦૩
