________________
નામનો મહાન છે મહિમા. જાપનો મોટો છે મહિમા. . ભગવાન મહાવીર ચરમ તીર્થકર છે. જગતના ઉદ્ધારક છે. વિશ્વના ઉપકારક છે. તારણહાર છે. વિશ્વમાં વ્યાપેલા મોહતમસને હણનારા છે. પુણ્યવંતુ છે પ્રભુનું નામ. અતિ પ્રભાવક છે વીરપ્રભુનું નામ.
તારનારું છે. પાર ઉતારનારું છે. ભવ પાર કરનારું છે. બંધન તોડનારું છે. મુક્તિ પમાડનારું છે.
જૈન એ નામનો મહિમા જાણે છે. અરે, સામાન્ય જૈનો પણ એ નામના પ્રભાવથી પરિચિત છે. જાદુ છે એ નામમાં. ચમત્કાર છે એ નામમાં. પારસમણિ સમાન છે એ નામ.
એના ઉચ્ચાર, એના સ્પર્શ, એમનું ધ્યાન જીવનને સુવર્ણની જેમ ચમકતું બનાવી દે છે.
સ્વર્ગ સમ સુખને એ પામે છે. એનો ઉદ્ધાર થાય છે. જીવન જંજાળ ટળે છે. મુક્તિનો માર્ગ મળે છે. પ્રભુ વીરનું નામ એટલે સ્વર્ગની ચાવી. આ ચાવી જેના પણ હાથમાં આવે, તેનો ઉદ્ધાર થયો જાણજો. જગત આખું વિષમતાના વિષથી ભરેલું છે. અહીં વેર છે. ઝેર છે. ઈર્ષા છે. પાડી દેવાના દાવપેચ છે. હિંસા છે. ખૂની ખેલ છે. ટાંટિયા ખેંચ છે. અનીતિનો પાર નથી. અસત્ય ચોમેર વ્યાપ્યું છે. અંધકાર સર્વત્ર પ્રસર્યો છે. માયા નટીના મહાપ્રભાવ ચોતરફ જોવા મળે છે. મોહનું અંધત્વ માનવીને ગુમરાહ બનાવે છે. આ છે કલિયુગનો પ્રભાવ. કલિયુગ કાળાં કર્મોથી ભરેલો છે.
ક્યાં જવું? શું કરવું? સદ્ગતિ શી રીતે મળે? ભવદુગ્ધા શી રીતે ટળે? સ્વર્ગ શી રીતે મળે? ઈચ્છાઓ શી રીતે ફળે? માણસ મૂંઝાય છે, અકળાય છે, દિશા ભ્રમિત બને છે -
૩૦૨
