Krushna Gita

Author(s): Manoharkirtisagarsuri
Publisher: Buddhisagarsuri Jain Samadhi Mandir

Page 321

कलिकाले करालेऽपि, महावीरस्य भक्तितः । सर्वखण्डस्थिता जैना, यास्यन्ति स्वर्गसद्गतिम् ॥३१३ ॥ કલિકાલ સાચે જ ભયંકર છે.
કલિકાલ મધ્યાન્ને તપશે ત્યારે સત્ય અને નીતિ જોવા નહિ મળે. માનવીનાં મન ભ્રષ્ટ બની ગયા હશે. સત્ય શોધ્યું ય નહિ જડે. રાજા લૂંટારો બન્યો હશે ને કરબહુલતા વડે પ્રજાનું શોષણ કરનારો થયો હશે. રાજાનું રાજાપણું અધમતાનો સંદર્ભ આપશે.
કલિયુગનો એ પ્રભાવ છે. પ્રેમ જશે, સ્વાર્થ આવશે. સત્ય જશે, અસત્ય ફેલાશે. નીતિ જશે, અનીતિ પ્રધાનપણે હશે. રાજામાં રાજાપણું નહિ હોય. પ્રજાનું રક્ષણ કરવાને બદલે બક્ષણ કરશે, શોષણ કરશે. કર વધારશે. પ્રજાને ત્રાસ પોકારાવશે. મિત્ર મિત્ર નહિ રહે. મિત્રદ્રોહ સામાન્ય બની જશે. માયાનો અંધકાર સર્વત્ર પ્રસરશે. સ્ત્રીઓ અસલામતી અનુભવશે. ચારિત્ર્ય જોવા નહિ મળે. મોહનાં વાદળ સર્વત્ર પ્રસરાશે. સ્વાર્થ, અનીતિ, અપ્રામાણિકતા, દંભ અને અસત્ય. અસત્યભાષી માણસો એકમેકને છેતરશે. વિશ્વાસઘાત રિવાજ બની જશે. પડાવી લેવાની વૃત્તિ વ્યવહાર બની જશે. રાજા લાંચિયો બનશે. લાંચનું સામ્રાજ્ય ફેલાશે. પ્રજા નાદાર બનશે.
પણ આવા ઘોર અને ભયંકર કલિયુગમાં ભગવાન મહાવીરની ભક્તિ સૌને તારનારી બનશે.
એમની સર્ભક્તિ સદ્ગતિ પમાડનારી બની રહેશે. આ દેશમાં જ નહિ - સર્વ ખંડોમાં.
અને સર્વ દેશોમાં રહેલા જૈનો સ્વર્ગરૂપ સદ્ગતિને ભગવાન મહાવીરની સદ્ભક્તિ થકી પામશે, એ વાત નિઃશંક છે.
૩00